亞泰廚房 (Closed)

知道九龍城有好多泰國餐館，但係呢間比較特別，間舖嘅裝修比較新穎，座位好闊落， 三個人已經可以坐到張好闊嘅卡位，擺埋袋都一啲都唔迫，食物選擇嘅種類唔算多亦唔算少，三個人叫咗一個咖哩軟殼蟹麵包盅，一份炒椰菜苗，一份串燒，一份網燒牛扒 ，仲有一份細嘅冬陰功湯，冬陰功湯唔算好辣，因為本身我係唔食得辣嘅人，我飲咗半碗都覺得可以接受，軟殼蟹麵包中超級有驚喜，一個超級大嘅圓形法包 ，入面就係咖哩汁同軟殼蟹，啲麵包索咗啲咖哩汁好好味，咖哩亦都好香，所以特登加咗個蒜蓉包同薄餅用嚟點咖哩汁食，蒜蓉包熱熱地好軟熟好好食，但係要數最好食嘅我覺得喺個網燒牛扒，其實大家心裏有數出嚟呢啲餐廳幾十蚊份既牛扒一定唔會用新鮮牛扒，但係佢哋煮到出嚟係外面熟，入面仲有肉汁，佢已經幫我哋切開咗，我哋望到全部肉都啱啱好七成熟超好食，所有嘢食嘅價錢比起九龍城好多細細間自家做嘅鋪頭仔的確係貴少少 ，但係佢哋畀嘅服務招呼同環境，絕對比嗰啲小舖舒服好多，所以個人覺得呢間餐廳畀我以往喺九龍城接觸嘅泰國小餐館環境真係舒服好多，如果下次再想食泰國菜應該都會再揀呢間

蜜桃小丸子係九龍城試過唔少食肆後，今日終於要寫重頭戲，就係九龍城嘅泰國菜喇！九龍城素有香港小曼谷之稱，泰國食肆開到成行成市，真係總有一間係你附近，今次就試位於獅子石道嘅亞泰廚房。舖頭空間感十足，兩個人可以坐四人枱，見到佢有啲大啲嘅梳化位，相信如果叫多啲朋友一齊食都會坐得舒服。第一道菜係泰式炒通菜。以前係屋企炒通菜，唔知係咪唔夠鑊氣，梗係炒得唔爽脆。呢道菜就炒得好，有紅辣椒、豆豉同蒜頭，食落口有好香嘅蒜味，微辣，咸度適中，仲要熱辣辣出緊煙，一食就知係廚房岩岩炒出嚟，好爽好脆，好食！第二道菜係招牌麪包咖喱軟殼蟹。啲麪包好脆，軟殼蟹好足料，唔會係瘦到食唔到肉嘅，質量甚高，咖哩內有紅椒同青椒、洋蔥同好多嘅蔥，份量十足，將啲咖哩同麪包撈埋一齊食，腦海裏浮現出一句說話，就係「辛苦賺錢就是為了食好野！」第三道菜叫了泰式炸蝦餅，啲蝦肉好新鮮好彈牙，炸得剛剛好金黃色的，隔離有啲蕃茄同青瓜伴菜，就算食咗熱氣野都感覺無咁上火。總括嚟講，食物質素高，價錢公道，坐得舒服，相信會再嚟試！

今晚我同屋企人來到九龍城食泰國菜，這間亞泰廚房在九龍城好出名，他有兩層樓上樓下座位都很舒適闊落其實泰國菜每一間菜館食的東西都差不多，最主要是他的質素同味道這個泰式明爐烏頭，他選用的是元朗養殖的烏頭來做的，有別於出邊的鋪頭，這些烏頭肉質細嫩，魚肉甘香，加上他秘製的醬料一齊食，酸酸地很好味十分醒胃而這個豬頸肉真是不得了，來到一定要叫，你看他的肉紋細緻，切開了還有肉汁，眼見已經很想食，當一口咬落去爽口嘅感覺和嫩滑嘅肉質真是好吃，還有他的醬料酸酸辣辣有很多香草食唔停口， 而這個燒羊架也是即叫即燒的，等了大約20分鐘左右就到，熱辣辣的，我一口咬落去羊肉細緻，加上他的羊脂一齊食，喜歡食羊嘅朋友不要錯過這個燒魷魚也不錯，一口食落去魷魚爽口彈牙，加了他的醬汁一齊食很美味這個芋頭炒飯材料很豐富，表面是放滿了海鮮有大蝦，魷魚，青口，魚柳，飯底是加了芋頭炒，飯底炒得很香口這個牛肉炒河，牛肉軟諗，河粉吸收了牛肉和豉油汁食落很好味這個冬陰公湯落很足料，大頭蝦過其他配料酸酸甜甜有辣，十分醒胃這個是真是一絕，剛剛燒好肉味濃郁，肉質細嫩燒的時間拿捏得很好，牛肉一齊放入口滿口牛香，一定要試食得太多燒烤酸辣野，最後叫了一

相信大家都知道九龍城是最多泰國菜，去到九龍城真係唔知道入邊間好，行左幾條街見到有一間放咗個推廣牌出嚟寫住like咗Facebook就有九折，見到咁抵，我就同幾個朋友入去試吓😁一入到去原來是有兩層的，樓下嗰層已經全院滿座，所以職員帶我們到上一層，上到上層環境非常清靜，只有我們一枱客人蒜蓉炒芥蘭，沒有什麼特別，普通😬一班人來食飯，當然要叫啤酒，啤一啤明爐烏頭$88 ，非常之抵食，魚又新鮮，又大條，魚上面有些芫茜，䓤花，蒜蓉和辣椒，而魚的底部就有椰菜！另外有一碗湯， 供給客人自己補充👍🏻湯入邊有些肉碎，味道酸酸的😁碳燒豬頸肉是我最喜歡的一道菜，完全不油膩，而且肉質爽口，另外配一一個醬汁，酸酸辣辣的😋正牛肉抄河👍🏻有幾條芥蘭伴碟，河粉內有大量的蛋絲和蒜蓉碎，份量多燒牛肉🤪牛肉和脂肪遍布平均，完全不難咬👍🏻肉質林身魷魚本身味道不錯，配合醬汁味道效果大大不同，更加好味，魷魚爽口, 易咀嚼😄燒羊扒，用了大量黑椒, 肉質好林，但酥味太重😢海鮮芋頭飯，從圖中已經明顯見到有大量海鮮有青口魷魚明顯見到有大量海鮮有青口，魷魚，蝦☺️飯入面有一些芋頭粒，飯是炒底的👍🏻 非常惹味

成日黎九龍城食黎食去都係果幾間，今次想試下新野，點知就中哂伏🤮🤮🤮我真係唔知5x個good comment 從何而來？！尋日食完真係嬲到今日即刻要係度打comment🤬🤬🤬，我絕對不是惡意評論，我係親身慘痛經歷！其實我明白香港既泰菜有部分為左迎合香港人口味已經甜多過辣，但係呢間一d都唔辣都算，完全係不知所謂，仲要開係九龍城？！是日我地叫左炸蝦餅，豬頸肉沙律，無骨鳳爪沙律，青咖哩，蒜蓉包，馬拉盞炒通菜，菠蘿炒飯，炒蜆，炒金邊粉，海南雞2個沙律叫正常味道但係一d，係一d都唔辣，份量極少！大量洋蔥炸蝦餅全晚最正常，但係冇桂花蜜極度令人失望🤦🏻‍♀️🤦🏻‍♀️🤦🏻‍♀️-菠蘿炒飯食完先知未計加一$118，份量極少，炒飯無味加一埋急凍海鮮😓😓😓-馬拉盞炒通菜，好咸，again一d辣味都冇以下食物已經食到好嬲所以冇影相😑😑😑-青咖哩豬(肉片):我第一之見人係用打邊爐一大塊既豬肉片去整😓😓😓咩料？青咖哩已經係最難唔好食既野，一d都唔辣得咸同椰汁味，仲衰過我自己搵醬料包整-蒜蓉包：勁咸！用黎點咖哩既包整咁咸做乜野？-炒金邊粉：好後悔冇影相，我第一次見唔係橙色既金邊粉😨😨😨事實與餐牌照片極度不符，c cup

去九龍城食晚飯多數會選擇食泰國菜，今次和家人選擇呢間亞泰廚房, 這晚是星期日， 沒有訂枱之下侍應安排我們8人座位 ，走進店鋪地方唔算太寬闊， 但有兩層，地方環境尚算整潔， 我們十分肚餓， 四個大人兩個小孩點了九個餸。

今日一家人去九龍城行下街見到呢間食泰國菜嘅餐廳就想試吓一家人一齊食咗麵包咖喱軟殼蟹蒜蓉包蝦餅豬頸肉菠蘿炒飯同埋炒金邊粉份量啱啱好 佢杯珍多冰都好好味叫左咁多野埋單都係470蚊左右好抵！

相約友人在九龍城吃晚餐，求其揀間泰國菜館就坐低。點了泰式生蝦、冬蔭功（特別講明要加辣）、燒豬手、馬拉盞炒芥蘭。生蝦和炒芥蘭正常。冬蔭功唔辣，好似蕃茄湯咁，入面既蝦肉係霉既。至於燒豬手，個豬皮硬到用刀「篤」都「篤」唔穿，費盡九牛二虎之力才將豬手起肉。配豬手的醬汁味道很怪。正常的泰式生蝦要求加辣但最後仍是不辣的冬蔭功，配霉蝦正常炒芥蘭皮硬如鐵的豬手，伴碟的西蘭花匆匆用水烚過一下就算，還是硬的....去番街口任何一間都好過今晚呢餐。如果開飯網會舉辦最差九龍城泰國菜館選舉的話，記得話我知，我一定去投票。

番星期六的好處就係可以跟同事車去九龍城食好西。咁多泰菜之中，揀咗一間最近停車位嘅餐廳，見到午餐都係40幾蚊，所以就入咗去試下冬蔭功豬扒湯河！湯底係幾好，夠酸夠辣好惹味，搞到食食吓都唔知唔覺飲咗大半碗。豬扒嘅份量都幾多，不過就煎得有啲乾身，影響左質感。你一點到真係扣左唔少分。而同事就叫咗泰式燒雞飯，配上一個酸酸甜甜嘅醬汁，加上燒得好邪惡嘅雞皮，簡直送飯一流。整體來講鋪頭都坐得好舒服，都唔似同區其他泰國嘅鋪頭咁迫。冷氣都好夠，怕熱的朋友可以考慮吓。

好耐無黎九龍城, 仲係咁多泰國餐廳, 是但搵間食午餐.呢間午市套餐有河粉或金邊粉, 飯類就有海南雞飯, 咖哩飯之類, 選擇都多, 而且套餐可配特飲.要個冬蔭功雞翼河粉, 份量不算少, 有3隻雞翼, 雞翼外表炸過, 個皮就算浸過湯, 仍然帶少少脆, 內里肉質軟滑.冬蔭功湯頭唔算太辣, 少少酸, 唔油膩, 好易入口, 好開胃. 而且里面仲有好多菇, 蕃茄仔, 香茅等配菜, 更加好味.至於個河粉好滑溜, 好爽口, 唔會太重麵粉味, 唔易浸淋.跟餐要左龍眼冰, 好多粒龍冰, 食落好清甜, 而飲品亦好濃香龍眼味.一路食都幾多人, 除左本地人, 仲見外國人同日本人黎幫趁.

黎九龍城好難唔食泰國菜既加上各位朋友都偏愛泰國菜，想食多d唔同餐廳既泰國菜生蝦刺身泰式蝦刺身，蝦十分鮮甜彈牙，再配合開口的醬汁👍🏼👍🏼👍🏼👍🏼一個字，正丫！而且價錢合理扺食，至醒推介！冬蔭公冬蔭公湯，味道濃郁，酸味十足，不太辣，是一道十分開胃的頭盤。當中有鮮蝦，保留蝦的鮮味，不錯！不論男女老幼都岩晒呀！！泰式蝦炒金邊粉金邊粉好正！首先造型就已經比較賞心悅目，食落去果陣又包住啲蛋味，又唔會太濃蛋味，夾返埋入面啲粉，真係啱啱好。上來果陣溫度適中，食落口唔會太凍又唔會太熱，再次表示真係啱啱好。麵包咖哩軟殼蟹見到其他客人都有點到，蟹處理得好好，唔會太上火，食落去明顯有蟹味，下面係黃咖喱。我地食唔曬打包咗，第二日都仲係好好食呀！泰式生菜包牛肉香辣惹味，較適合鐘意食辣偏重口味既朋友。好多香料，而且份量亦足。配埋爽口生菜，中和返辣味。泰式香葉辣椒炒肉碎雞絲雞肉炒得香口，夾埋豆角，非常惹味。一樣香料十足，份量十足，四人行大家都食到好多。我自問唔係好食得辣但又心思思想挑戰，呢個辣味就恰到好處，而豆角係炒得偏冧果種，入哂味。

近排同朋友去完泰國，非常掛住泰國菜，九龍城係最出名泰國菜嘅地方，咁就過嚟碰下運氣，睇下有冇邊啲好食嘅泰國菜啦 ，咁唔係好熟路就自然就上嚟openrice，睇下邊間餐廳好食 。亞泰廚房大件又好似又幾抵食咁樣，咁就一於入嚟試下。泰式脆炸豬 唔好睇佢外表黑黑實實，豬手表皮炸得十分香脆， 但香脆得黎唔會有油膩感，炸得十分乾爽。最犀利係豬手肉質依然可以保持得十分嫩滑，皮脆肉嫩十分驚喜，加上bbq醬更加惹味。生蝦刺身其實我好怕係餐廳食生蝦，好怕會好腥唔新鮮， 又或者食落去一pat pat咁樣。 呢間餐廳好正嘅生蝦刺身令我好放心， 蝦身肉質十分爽口彈牙，而且感覺上咬落去都鮮味十足。 面頭鋪滿了蒜頭同辣椒，令生蝦更加多左種泰式風味。冬陰功朋友好鍾意食辣 見天口有啲凍，所以佢就叫個冬陰公嚟暖暖胃。 呢度嘅冬陰功酸辣度適中，食落呢種辣度會覺得過癮，唔會辣到出汗果種，完全好適合冬天飲，好暖胃好正。麵包咖哩軟殼蟹呢個係我最欣賞嘅菜式，配搭好新穎。農夫包再加埋軟殼蟹，唔辣既咖哩， 配搭十分特別。農夫包包皮焗得十分煙韌得黎又挺身，但入面既白麵包依然保持一定嘅軟度，製作應該都花左唔少技巧。軟殼蟹炸得香脆而無油溢味，

年初四~是日到了平日很少來的九龍城區搵食在openrice找到了這間泰國菜,難得初四又有開門營業,門口有位姐姐熱情招呼,便決定進去一試!還沒點菜,便給我們每人一碗西洋菜蘿蔔湯,清甜可口,味精不重我叫了set lunch中的海南雞飯,男友叫了泰式香茅豬扒飯,各$48,包一杯熱飲,幾抵海南雞飯黃油飯大大的一碗,飯粒偏乾身,雞的份量不算多,沒去骨,但以性價比來衡量已屬不錯!而且醬汁很好吃,我們叫店員多給一碟醬他們也很樂意~泰式香茅豬扒飯反而略顯遜色,豬扒份量偏少,不算惹味,白飯也只是一般的白飯服務而言這間餐廳的服務員相當搞笑,竟答不出set lunch不用加錢的飲品有哪些,還有就是我們準備付款時,我們還未遞上鈔票,她便給我們$50的找續,要跟她表明我們還未付款,她才如夢初醒. 但除此之外,服務還算良好的~而且有梳化位亦算坐得舒服,整體而言仍是不錯的午餐之選

在九龍城廣場閒逛後想找間餐廳吃晚飯，難得位處九龍城當然不能錯過泰國菜，誰不知步出廣場不久就看到這間燈火通明的泰國菜館，正合心意！時間尚早，可以即時入座，不用捱餓。餐廳原來有兩層，大部分都是卡位，又有電視，環境舒適。服務也好好，店員親切又殷勤。餐牌上的選擇非常多，有些更是一般泰國餐廳少有的菜式，頗創新，價錢亦算親民。泰式小食拼盤有春卷、蝦餅、魚餅、雞，味道不錯，好香口又夠熱。汁燒原隻魷魚筒好有水準，份量多，肉質非常爽口彈牙，嚼頭十足，充滿鮮味，醬汁也功不可沒，十分惹味。泰式生菜包，牛肉碎味道濃厚，辣味驚人有層次，以大大塊新鮮爽脆的生菜包著肉碎吃，口感豐富又多汁。原個椰青海鮮焗飯香氣撲鼻，椰香味十足，椰汁完全滲透整個飯，味道清香，有不少海鮮，更有大量椰青肉，質感滑溜。蒜蓉包好香脆，充滿蒜蓉味，十分香口。如果沾咖喱汁吃應該更美味。椰汁西米糕香滑清甜，不會太甜，不嗜甜的人都適合吃。

新春將至，又到屋企要準備過年物品嘅時候，但又怕擠迫，所以就揀咗去九龍城，有大型百貨公司，又多食肆。一出嚟就行咗去獅子石道，見到有間泰國菜館就入咗去。餐牌頭版見到炸烏頭沙律生菜包，😍梗係要試試啦。原來係將烏頭起肉切粒油泡， 淋上泰式酸甜醬。然後用生菜包住嚟食；肉質炸得剛剛好， 醬汁帶甜，調味得非常恰當。用生菜包住嚟食，絕配，必食之選。😋生蝦刺身，賣相美觀，但原來d配料唔係裝飾，要連同配菜一齊食。因為呢隻生蝦本身都係靠個辣醬調味， 蒜片同苦瓜令蝦味突出。而辣椒既微辣可以令味道加強，非常清新可口，令你喜出望外。😋😋炸蠔餅，第一口咬落去，覺得口感唔夠脆，本來冇乜好感。但再食多口，發覺原來因為佢嘅用嘅應該係蛋漿唔係粉漿，所以脆度差少少。蛋香味十足，再用菜粒代替蔥粒，適合 大眾人士，而蠔肉鮮嫩彈牙，係另一必食之選。👍👍