亞泰廚房 (Closed)

來到九龍城，小不免都是吃泰國菜，這次到來的一間是在九龍城廣場附近的泰國菜館。來到東南亞菜式餐廳，當然要點一杯芒果沙冰才滿足！綿綿的芒果沙冰以鮮芒打成，才能有這種綿滑感，味道上更是香甜。整個充滿著呂宋香芒的甜味，而不是常見的水仙芒。泰式豬頸肉亦是我喜歡的泰式菜之一，香脆惹味的口感和它的風味醬，都是這道菜式的關鍵，泰式豬頸肉的油份不算多，入口不會有太大的油膩感，肉質實在，還特配有店家的特色醬汁，風味獨到。酸酸辣辣的泰式炒金邊粉，正正就是那種醒胃的泰式味道。金邊粉帶有微微的闊度，咬下口更有口感。金邊粉的面上用蛋醬制成的網，相當精緻，同時配有和炸蒜，令整個味覺上更多層次也更香口惹味。蔬菜是每餐的中心，我還特別的喜歡帶有東南亞風味的馬拉盞炒通菜，因其色香味俱全。這份炒通菜的馬拉盞香味不算濃郁，對愛重口味的我來說有點意猶未盡，可以請店但還是有香味和爽脆口感搭夠。反而這個特制泰式咖哩以甜味作重點，我愛的咖哩口味則是它獨特的濃香，而這個特制泰式咖哩雖依舊充滿了咖哩香，可能是因為椰汁過重使它充滿了甜味，香香甜甜的味道亦是不錯，看大家愛那款口味可能是沒太多米飯下肚的關係，沒多大的飽肚感，所以最後再點了一個

呢排鍾意食泰國嘢，有見及此，A先生就帶我嚟到九龍城搵食啦周圍行吓，師奶仔嘅我見到有折就雙眼發光哈哈因為已經差唔多九點 系出邊睇一下有咩食 就決定呢間啦餐牌嘢食種類都係嗰啲泰國嘢，咖喱啊海鮮啊豬頸肉通菜菠蘿炒飯呢啲就唔少得，價錢亦都相對便宜😻影咗其中幾張俾大家參考下講下我哋叫咗啲咩食先~地道泰式生菜包$78 A先生話今日好想食 我就第一次試 有豬牛雞揀 我哋就揀咗豬 小辣 份量幾多 香濃惹味 配埋生菜 口感更加豐富泰式炒金邊粉$88 推介⭐️出面嘅蛋網煎得啱啱好 ，好金黃，廚師用咗唔同嘅調味料，有甜有酸仲有少少辣，但match得好好！唔會太乾身，熱辣辣，芽菜好爽口，A先生都大讚係正宗金邊粉因為我唔係好食得辣嘅人 姐姐就介紹咗我食黃咖哩$68 果然唔辣 但依然有嗰種香都係有豬牛雞揀，我哋揀咗雞，裏面仲有薯仔同洋蔥，雞肉係比較實既果種，口感依然滑嫩叫得咖哩又點可以浪費左佢D汁，薄餅烤得啱啱好，外脆內軟，有啲牛油香，就係咁食已經好吸引，配埋咖喱汁，好快就清晒泰式炒通菜$68 爽口，炒得幾香，份量都多不過就有少少油膩椰青$45 大大個，清甜，仲有好多個果肉添青檸沙冰$34酸酸甜甜，開胃之選另外值

朋友知道我喜歡食泰國菜， 所以揀咗間泰國餐廳同我食飯， 約咗我去九龍城「亞泰廚房」食泰菜。 嚟到食泰國嘢， 叫番個酸酸甜甜辣辣嘅《柚子沙律$68》先，份量都唔少， 有多隻爽甜大蝦， 加上新鮮柚子， 柚子又唔太酸。這道沙律，最特出就係個沙津汁， 酸酸甜甜而帶點小辣， 亦用咗好多泰式香料， 再加上花生、椰絲等材料。 口感豐富， 開胃之首！之後又到點主菜嘅時候： 1）泰式金邊粉2）麵包咖哩軟殼蟹3）燒豬頸肉《泰式金邊粉 $88》這道菜外表吸引， 師傅用蛋做成蛋網包住金邊粉， 不但外表美觀， 而且可以保持金邊粉嘅熱力， 真係兩全其美呀。金邊粉是否炒得好食就取決於味道， 鑊氣同材料。 師傅用了正宗嘅金邊粉， 加上雞蛋、大蝦、豆芽菜等食材料， 並加上各色嘅調味料如魚露、辣椒和青檸汁等等。味道相當豐富， 有甜、酸和辣， 各種比列都拿捏得很好， 而且廚師炒得鑊氣十足， 炒得乾身之如，食落仲熟辣辣， 太美味了。 《燒豬頸肉 $68》客人食滿$200，就可以加$1叫一碟《燒豬頸肉》，真係好平， 原價$68 以$1 換購。 十分抵食， 份量都唔少㗎， 味道又唔錯。 豬頸肉燒得好香好脆， 加上美味醬汁， 酸酸

九龍城既泰國餐廳多不勝數，例如黃珍珍，小曼谷，泰皇閣等等都較為出名。今晚同同事放工就揀左一間泰國餐廳「亞泰廚房」餐廳都唔算細，有唔少卡位，牆邊都放左同佛有關既圖而門口既玻璃窗都貼左啲雜誌介紹，亦都有啲餐廳推介我地share左一杯椰汁冰（$28）飲落好香椰汁味黎得泰國餐廳一定唔少得試下餐廳既冬蔭公湯（$88 細）我地雖然揀左細碗，但都可以一人兩碗冬蔭公湯料好足，鮮蝦都大大隻，好入味，啲菇都爽口入味，香料都好夠，個湯有蝦味又有香料香味，飲落酸酸辣辣，好惹味生蝦刺身（$88）賣相好精緻，蝦好新鮮，而蝦既中間有辣椒同蒜頭，仲有苦瓜伴碟，但我個人就不太好，我就咁夾蝦點左個香草汁，汁提升左蝦既鮮味食泰國又點少得泰式炒金邊粉（$88）賣相精美，一層層蛋絲，好似一個網織咁金邊粉條條分明，有札肉，有芽菜，有蝦有蛋絲，加左小小青檸汁，再撈埋啲花生碎一齊食，味道香口，金邊粉同蝦爽口沙嗲串燒（豬牛各兩串）（$88）豬同牛都幾有咬口，都燒得幾香，點埋知泰式辣汁，更加好食今晚最令我回味無窮既係「椰汁九層糕」（$48）好煙un好有椰汁香味而且仲係熱辣辣，好好味黎亞泰廚房一定要叫呢個啦食到咁上下，去左個廁所，發現有樓

前晚同朋友黎九龍城覓食，林林種種既食店，吾知點揀好，不過比呢家既優惠吸引住，惠顧＄２００可以以＄１換購美食，每日不同。麵包咖哩軟殼蟹$168，老闆話系呢到既招牌菜，好多人都點黎食。估吾甘大份，２個人食完全食吾哂。麵包比較硬身，要浸滿咖哩汁先好食，咖哩香濃椰子汁；軟殼蟹香脆可口。泰式金邊粉$88，雞蛋製成網形，帶冬陰公味，炒到好乾身，加上青檸汁，相當開胃。其他不太特別就不多介紹。

同朋友係九龍城廣場行完街，見獅子石道有一間食泰國野，我哋決定試下呢間先。先嚟一個冬蔭公湯～賣相一流，濃郁的香料及海鮮味道撲鼻。有幾隻大大的蝦、草菇、香茅、蕃茄仔，飲落去鮮味十足，味道啱啱好，飲完一碗又一碗。又嚟一碟小食拼盆～有魚餅、蝦餅、春卷，魚餅特別出色、彈牙、多胡椒、多香料，味道不大鹹，用來送啤酒，一流加上另一碟～串燒雙拼(牛、雞)，牛同雞軟硬適中，陣陣香料，沙嗲汁味道唔錯，恰配串燒，令人唾言卻滴真是令人食得開開心心的一餐。

回想過去我讀中學的年代，每逢中午放午餐時，一定會食盅頭飯，價錢仲很平宜，味道好好味。但係現在九龍城已變化了很多，開了商場，同埋很多食肆，尤其是泰國舖頭也不少。行行下見獅子石道也有一間泰國舖就坐低了。餐牌上有一特色美食，炸烏頭沙律菜包，烏頭起了肉，切成粒粒，又將粒粒炸了，加上大量香料，花生，檸檬，味道甜甜酸酸，令人胃口大增。加上一罐士多啤梨蘋果酒，味道充滿一陣陣士多啤梨撲鼻，飲後使喉嚨清清新新。再上一碟椰汁千層糕，一層一層，煙煙韌韌，味道不太甜，剛好！呢餐真使我食得大滿足了！

今日心思思想食泰國菜，就拉埋朋友去9龍城食喇，未試過呢間，食其他都食到悶悶地，見裝修幾靚，就一於試下呢間啦。首先，蠔仔煎蛋，份量好多，蠔仔好新鮮，蠔同雞蛋既比例岩岩好，加左大量既蔥同芽菜，又唔會炒得太鹹，推介！泰式小食拼盤，四個人食，叫個細既就已經岩岩好，大既可能食唔哂，包括有蝦餅，香茅餅，春卷，都炸得好香脆，又唔會太油。泰國串燒有雞、牛、豬，不過不失，唔會燒到好硬，點埋沙嗲醬一齊食幾好食！咖哩軟殻蟹面包鍾意食軟殼蟹嘅朋友就一定要試試！個包外層焗得好脆，內層鬆軟，食法係將bread點咖哩汁一齊食，咖喱偏甜，適合唔食得辣嘅朋友。咖喱汁裏面仲有雞蛋、青椒同埋洋蔥，食落口感好豐富同特別！菠蘿海鮮炒飯當然要叫番個菠蘿炒飯，海鮮同埋肉鬆份量都好多，加埋菠羅粒，食落甜甜酸酸，好開胃！海鮮種類多，又夠新鮮，抵食。成個菠蘿咁上，好有feel，加分！整體上都算唔錯，野食價錢好合理，一啲都唔貴，質素ok，店員服務態度好好，環境舒服，下次都會再同朋友黎食！

九龍城係我學生時代經常去嘅地方，因為我嗰陣百足咁多爪，參加好多聯校活動，經常要嚟呢區啲學校開會交流，識咗好多好朋友，所以對呢區都有啲感情。上星期嚟咗九龍城食西餐，見到呢區自從機場搬離後，少咗人嚟，加上秋意漸濃，當時竟然有啲緬懷過去嘅感覺。今個星期再嚟逛逛，食吓泰國菜。之前喺九龍城都食過幾間泰國餐廳，為咗多啲食客，都會盡量利用空間，擺到幾多枱就擺幾多，環境擠迫。今次見到呢間，門口望入去，好似幾四正寬敞，應該坐得舒服，就決定揀呢間。入面睇果然座位舒適，而且仲有兩層，樓上有間獨立房，入面亦有電視，如果一大班親朋好友嚟就啱晒，可以自成一角。泰式柚子沙律$68 - 啱啱坐底先叫個沙律熱吓身，個沙律疊到好高，份量都幾多吓。鮮蝦大大隻又爽彈，入面就有相當多嘅柚子肉，再加腰果，炸椰絲等配料，口感味道都各有不同。柚子肉酸酸甜甜夠晒開胃，做頭盤就啱晒。鮮蝦大大隻，同柚子肉一齊食，又爽又甜。汁燒原隻魷魚筒$88 - 一上枱都不禁「嘩」左一聲，魷魚相當大隻，燒魷魚會流失好多水分，而家燒完出嚟都咁大隻，可想而知未燒之前隻魷魚係幾咁巨型。魷魚燒到好香，啲汁令到魷魚香甜惹味，魷魚本身亦相當彈牙。想試吓另一種口味就可

黎到九龍城當然要食泰國菜！呢間餐廳推動既優惠吸引到我地入去，（有好多唔同既優惠架）只需惠顧滿＄２００就可以以＄１換購美食，每天不同，非常划算。今日星期２可以用＄１換購原價＄５８既炸春卷，份量合理一客有六條，餡料足，香脆可口，點埋醬汁更加惹味！餐牌麵包咖喱軟殼蟹，特大香軟鬆脆的麵包盛滿特製咖哩醬汁，軟殼蟹炸到脆卜卜，油份唔重而咖哩辣味唔太重，偏向香同甜既味多，食落似係用黃咖哩、椰汁同埋雞蛋去煮，令到質感更順滑，更濃稠。除左味道吸引外，賣相更吸引。實在太大份，多Ｄ人Share會更好。泰式燒牛肉，牛肉燒成六七成熟，裡面肉色粉嫩，肉質軟嫩，吾韌之餘又有咬口，牛肉味濃郁，鮮味juicy。泰式炒金邊粉，用冬蔭公調味既蛋汁製作成蛋網，賣相特別，製作有心思。金邊粉加入蝦仁、紅蝦乾、豆芽、豆腐干，炒得很入味，不乾不濕，甜酸度適中，可按喜好加上花生碎或青檸汁，增加口感同清新感。天氣甘熱緊系要叫返杯透心涼既沙冰，一杯椰子（仲有果肉係入面添）、一杯芒果，用新鮮既水果打成，沙冰幼細滑溜，味道濃郁，甜味剛好，原汁原味。食泰國菜必叫串燒，有牛豬雞三款，火候時間都掌握得好，肉質吾會燒到太乾身，仍保留住肉汁。配搭沙嗲醬

上星期與好友們相約下班後外出飯聚經某位朋介紹來到九龍城既亞泰廚房職員們服務態度不錯，耐心解答我地問題食泰國野，係我地既心目中首選冬陰公湯食落味道有點酸酸甜甜的，非常開胃合適不能食辣的朋友去嘗試然後點了我的最愛既蒜蓉包，香脆，很香蒜蓉的味道將佢沾上冬陰公和之後點的咖喱蟹既醬聽或看上去好似會好奇怪，但亦都不錯再叫咗個馬拉盞炒通菜，菜口感很爽口，而調味比外面既較為淡些小鐘意重口味既我食落之後卻很喜歡，香得黎又唔會太濃之後叫咗個鳳爪沙律，又係一味酸酸既味道非常開胃，食唔停，涼食才是上道最後，咖喱炒蟹，醬比較'結'身亦比較像不辣的黃咖哩，但味道非常香蟹既肉身也很嫩滑

去九龍城食野，梗係食泰國菜啦，見到呢間個名咁特別即管入去試吓。泰國菜必點的泰式拼盤，有魚餅，春卷，荷葉包雞，墨魚餅，一上枱大大碟，又熱辣辣，捉到四人份量。春卷很脆口，墨魚餅就最好味，外層炸至金黃色，吃入口亦很彈牙，點埋泰式甜酸醬真係冇得頂。我最愛吃的燒豬頸肉，外層燒至碳啡色，點埋豬頸肉醬，酸酸辣辣，又香口，冇得頂。咖喱軟殼蟹包，上碟的時候會附帶有把刀，首先我會在中間切開個包，跟住啲咖喱汁就會湧出來，搣一片麵包再點下啲咖哩，吃入口有濃郁的椰汁味，麵包本身已焗過的，所以口感脆香，兩者走埋一齊真係很夾，軟殼蟹炸至金黃色，外脆內軟，很鮮味，好食。

有一段時間沒去過九龍城，這天難得出去，當然少不了來一餐泰國菜，途經見到這間亞泰廚房好像頗吸引。再見到餐廳宣傳，Like & share Facebook 或 follow Instagram 有晚市九折優惠，便決定入去試試。我們到達時時間尚早，餐廳才剛開門接晚市，未算太多人。這裡桌子不多，桌子之間的空間很足夠，環境舒適。生蝦刺身 $88只有7隻，但每隻也很大隻，入口尚算新鮮無腥味且不霉，口感紮實中帶點點黏口。泰式小食拼盤(細) $98内有炸蝦餅、炸魚餅、春卷二開四，及香葉包雞兩件。炸蝦餅外面香脆內裡紮實彈牙，調味鹹淡剛好；炸魚餅口感有彈身得來較蝦餅軟稔，香料味很重，略嫌鹹了少許；春卷的皮脆卜卜，內裡有粉絲、蘿蔔絲等，入口帶點咖喱香，味道不錯；香葉包雞香料味反而沒有很重，雞肉不會太乾且口感嫩滑，鹹淡亦恰到好處。馬拉盞炒通菜 $68通菜鮮嫩翠綠，入口爽脆，有馬拉盞的香，但味道不會太濃太鹹。泰式炒金邊粉 $88蛋皮很香，煎得薄身但完全不覺得乾。金邊粉乾濕的程度控制的剛好，蝦仁的肉質紮實爽彈，金邊粉的口感有彈性，而每條金邊粉的味道平均，不會太鹹太酸，微微的酸甜很開胃。而原來除了大蝦，金邊粉內還

香港人嘅口味特別有要求，我對泰式都係咁話，呢間泰式餐廳喺九龍城廣場正門對面條街，啱晒香港人嘅口味原個椰青焗咖喱海鮮，淨係個賣相都好吸引，兩隻肥大嘅青口插喺椰青上面，裏面仲有唔同嘅海鮮，D咖喱汁唔會辣，好有椰香甜鮮味，用嚟做薄餅配汁送就一流地道菜式生菜包，主要係用豬肉碎，再加埋好多唔同嘅配料，食落有D酸酸辣辣，加埋啲生菜包住食，特別清新同開胃今次同朋友來呢間食飯，我同朋友都大贊，下個月有朋友生日，都約實在你呢間食過

好內都無黎九龍城食泰國野，一向九龍城呢區比人感覺比較正宗，好味的，今日我地膽粗粗黎左呢間亞泰廚房，見佢面門似新開的，仲貼左一d上雜誌的照片，甘更系試下啦。叫左佢招牌燒雞，佢分開左兩碟上，皮燒得好鬆脆，加左泰國香料香矛，所以上台己經好香，咬落不太油，咸度適中，雞肉唔太嘞，內裡有肉汁。椰汁西米糕去泰國鋪食甜品頭號選擇果然無叫錯，好香椰汁味，椰汁位置軟屬，西米馬蹄露配合剛好，不太甜，食落重椰香，咬清爽，食多幾位都可以