亞泰廚房 (Closed)

來九龍城吃泰國菜成為了例行公事變化萬千的香料總叫人念念不忘餐廳每天都有一元菜式優惠是日星期四就有泰式酸辣鳳爪先來冬陰功湯暖暖胃湯頭辛辣度比較溫和可能是為了適應香港人的脾胃老闆強力推薦他們的肉類串燒順他意思就點了泰式燒牛肉果然牛肉味濃郁肉質非常軟嫩不沾醬汁食用也吃得津津有味麵包咖哩軟殼蟹是全晚焦點黃咖哩混合了雞蛋質感濃稠是白飯的超級殺手泰式脆肉炒芥蘭是經典之選蒜香味濃炒得香口最後來一杯的菠蘿冰香甜冰凍一解內心的五味雜陳

在雲雲泰菜中，我撰上了亞泰廚房。因為他們的門面整潔！我帶住個BB，第一要乾淨，第二寬堂！兩這他們都做到。我便試吓這間泰菜！我最愛的炸豬手！必吃之選！同其他泰國餐館不同，不是好咸！我好奇問下他們點做，他們說是自家秘製再炸（出面是現成咸手炸）！面鬆脆可口，內裏肉嫩多汁！新口味的大頭蝦吃法，好香甜！適合我愛吃甜的人！加青檸香茅烏頭沙律！好得的新泰菜！價錢不貴！吃完再想吃！真心得！原來他佬品是一個後生仔！ok有禮貌。不說以為他是侍應！食材是他家族供應！唔怪得咁新鮮啦！

假日先去完西貢食泰菜，仲將啲相廣發朋友圈，點知屋企人睇左啲相又話想食泰菜!老人家傳統想法，食泰菜要去九龍城先正宗(乜唔係泰國先正宗咩)。 朋友介紹呢間泰菜館，因為佢喺度野生捕獲過「發哥」。加上呢度樓高兩層，唔駛等位! 樓上好多枱，仲有一間VIP房，有大圓枱，可以容納十幾人。老人家唔願行樓梯，堅持要坐樓下，下層全層滿座好不好!?咁啱有人走，有張大卡位枱。坐位好寛敞，其實坐六個人都綽綽有餘。店員走嚟介紹菜式，有啲新菜式只有相，但冇標價錢，睇啱可以問一問價錢。套餐幾抵食︰店員溫馨提示每日都有一款$1菜式，消費滿$200就可以叫，今日係燒豬頸肉。如果唔食$1菜式，讚好面書就有九折。我地決定散叫，仲讚好面書攞左九折優惠。【206 泰式柚子沙律$68】呢個係我必食推介! 柚子肉大塊，夠甜又多汁，加左好多調味料同材料，有三隻大蝦。乾蔥、腰果、時蘿，仲有一條條乾炒椰子絲，味道豐富。【110 燒牛肉 $88】店員話係安格斯牛肉，嚟到都幾大份，牛味燒得幾香，但唔知點解只係微暖，令到個味道大減，失望。肉質燒成六七成熟，見到裏面肉色粉嫩。相比其他泰式燒牛肉，呢個面頭加左檸檬葉，多一份清新香味。【419 鹽燒烏

九龍城出名泰國餐廳多,訛稱 泰國華僑的我,經常去九龍城食泰國菜, 捐窿捐la~搵到呢間新開既, 而且見佢裝修幾靚.食泰國野 必嗌冬陰功,  呢個冬陰功有著好濃既椰奶香味, 酸辣醒胃得黎, 再有一陣奶香, 覺得好易入口, 而且材料都好足. 香料比較多, 一d 都冇少, 而且d 蝦都好生鮮. （生鮮既蝦都系冬陰功的精髓）之後再黎一個拼盤, 有我最愛的蝦餅 魚餅 春卷, 仲有一個用蕉葉包住既雞肉.   蝦餅大大粒 好抵食, 又好味.  另外那個用葉包住既雞粒都好好味, 雖然我唔知道叫咩名, 不過肉唔會好乾, 岩岩好. 壓續出場就係那個麵包咖喱軟殼蟹. 中意泰式咖喱, 相對於 印度咖喱 又不會太濃, 而又惹味過日本咖喱.  齋睇個色已經好吸引, 一上台就見一大個包, 裡面裝滿咖喱同軟殼蟹. 香味濃郁. 而且咖喱出jor 同蟹一齊食外, 仲可以點麵包食.  送飯一流. 因為我地兩條友, 食埋個麵包都覺得壓力大！！PS 推薦個麵包咖喱 2-4個人食, 因為分量真係唔細. 因為咖喱油膩, 食幾下就好快飽！而且老闆好好禮貌, 準備食完時候, 都會問食客覺得如何. 覺得佢好有誠意！ 

沙嗲串燒叫咗牛豬串燒，冇任何雪藏味。串燒最重要就係個醬，沙嗲醬夠濃又唔辣，好惹味。泰式燒豬頸肉表面經過香煎，肉質有口感，但豬味有D重，要靠泰式辣醬balance.香茅雞翼餐廳做緊promotion,只需一蚊就可以食到。雖然平，但味道一D都唔差。雞翼醃得好入味，冇雪藏味同腥味。香茅滲哂落雞翼到，蔗渣價錢，燒鵝脾味道。菠蘿海鮮炒飯好大份量，用料唔馬虎。炒飯每粒米都係金黃均一，而且平均有味，唔似其他一部分咸，一部分冇味。芒果沙冰採用新鮮羅宋芒即場製造，味道鮮甜。沙冰幼細，容易吸啜。店員唔係本地人，但睇得出佢哋好有heart同有禮貌，招待客人都好快手，低讚。

同朋友去九龍城諗住食泰國菜 本身諗住去城南道搵野食 行行下見到依間亞泰廚房 比佢依個牌吸引左消費滿 $200 就可以有每日一蚊優惠 跟住就諗都無諗就入左去依間泰國野諗住試下入到去發現呢間餐廳其實有好多唔同嘅食物同一般泰國餐廳有啲分別 呢間餐廳都好多選擇 而且又唔多人唔洗等位 位置唔逼之餘仲坐得好舒服我哋兩個男仔食飯梗係要啤啤佢 叫咗依隻啤酒試下 老闆好有禮貌咁介紹依隻係冠軍啤酒黎 淺色 d 既果支係白花香啤 飲落真係幾好飲好易入口 而且有花香好好飲！ 有d 似 1664 既啤酒 深色嗰支 係焦糖味黑啤 諗落都有少少焦糖味黑啤味都幾重 我就比較鍾意飲白花香味啦！叫野食先！我地叫左 泰式酸辣鳳爪沙律 泰式炒通菜 燒牛肉 麵包咖喱軟殼蟹 依四道菜首先係呢個泰式鳳爪沙律用呢個來做第一道菜酸酸地辣辣地好開胃! 之後就到呢個泰式炒通菜 就正正常常無太大特別 之後就到呢個麵包咖喱軟殼蟹 上菜果時估唔到原來個麵包係咁大個 ！ 勁吸晴 而且個軟殼蟹都好大隻 個咖喱汁仲加左啲蛋白落去成個配搭感覺好好 一路食軟殼蟹一路用啲麵包點個咖哩汁 依道菜超級讚👍🏻驚喜通常都係一浪接一浪 食泰國嘢燒牛肉通常比我個感覺

去九龍城真係離唔開泰菜，係獅子石道見到banner有間新開的，又去食下先。仲做緊$1 promotion，個心已經飛左入去。入面都幾寬敞，D枱唔會好迫。香茅焗大虎蝦($198)大虎蝦真係好大隻，用上香料醃燒，係幾香，不過，燒得有D乾。麵包咖哩軟殼蟹($168)唔想食蟹拆殼就要揀軟殼蟹，炸得好脆，不過鹹左D。咖哩放係麵包入面超熱，配料有洋蔥、青椒、甜椒，都好足料，加左蛋，質地好滑，除左點麵包食，仲可以當湯飲。份量都幾大份，多D人share食會好D。消費滿$200，可以$1優惠價食泰式香茅雞翼，冇呃人，唔係1人1隻就了事，有成6隻咁多，冇將貨就價，抵讚！雞翼炸得幾好味，肉質嫩滑，點泰式醬更惹味。泰式炒金邊粉($88)，金邊粉用蛋皮包住，很有美感。金邊粉炒得很入味，夠乾身，唔會太濕，甜酸度適中，有蝦子、魚片、芽菜一齊炒，加上花生碎和爽口芽菜，令層次更豐富。9pm後入座仲有85折。

今日同媽媽去開九龍城廣場買野💰行到攰我就提議不如係度食埋晚餐 話哂九龍城係泰國菜臥虎藏龍之地 我地無話特別食邊間 咁就隨意搵一間餐廳試下😛亞泰廚房店舖小小但提供既菜式飲品一一俱備🍴有燒牛肉🐮燒原隻魷魚筒 沙嗲串燒 炸春卷燒頸肉等泰式小食 當然唔少得有泰式生蝦同木瓜沙律 菠蘿炒飯🍚同椰漿海鮮飯都係店主推介既 除左泰式特飲外仲有黎自歐洲既手工啤酒🍺真係岩哂放工黎chill一chill既上班族🌜媽媽就叫左杯珍多冰 椰香味十足 甜度適中 加埋有好多Q彈既綠色啫喱條條 令到成杯珍多冰更有咬口😃而我就叫左杯芒果沙冰 沙冰好大杯 就滿瀉既感覺 飲落唔係糖水溝出黎既死甜 而係用新鮮芒果打成冰 夠哂冰凍🌞 邊飲邊食泰國菜真係好夾好岩feel🌴到泰國餐廳必叫既一定係泰式炒金邊粉😈依間餐廳既做法好特別 炒完金邊粉後會弄多層蛋網 除左可以令賣相更美觀吸引外 最大既作用係可以利用蛋網保存金邊粉既熱力 食落仲係熱辣辣 金邊粉炒得很有鑊氣 但略嫌過油 材料很豐富 味道酸酸甜甜 加入伴碟既花生碎同青檸汁 咁就夠哂正宗泰式風味喇🌇🍴不得不提就係佢既每日1⃣元優惠 只要食滿200蚊可以就以1蚊既價錢去叫個日既小食 每日既優

大滿足既一餐朋友最近成功轉新工,約左放工去九龍城食泰國菜慶祝下,所以就去左呢間朋友食完推介既亞泰廚房。九龍城泰菜真係勁多選擇,要平有平,要貴亦有貴既,而食物質素自然同價錢成正比,不過朋友推介話呢間泰菜餐廳性價比高,價錢中等,但用既食材相當好,所以就決定試一試。我同朋友放工已經好肚餓,所以都叫左幾多野食,有柚子大蝦沙律,燒牛肉,咖喱軟殼蟹包,炒金邊粉同泰式炸春卷。首先，黎左泰式柚子沙律（$68）先，平時食泰菜都好鐘意試呢個沙律，不過真係50/50搏下好唔好食，好多時都會好酸同好辣，但呢到個柚子沙律真係無得輸，用既柚子唔會酸，甜甜地，最重要係個汁好岩香港人口味，唔會太辣之餘亦用左好多泰式香料！好開胃！之後到燒牛肉($88)，呢個燒牛肉超有驚喜同超滿足，平時燒牛肉似食串燒咁，燒到比較乾身，但呢到因為用CAB安格斯牛肉，所以唔會燒到乾哂身，呢份牛肉外脆內軟，大約6成熟，有牛肉味仲唔少份量！一定要試😋食完燒牛肉到面包咖哩軟殼蟹($168),又係超驚喜,好好味!成個咖哩包最正係個汁,個質感好似食緊啖啖蟹糕咁,除左好香蟹糕味之外,仲加左蛋白煮,好有質感,一d都唔稀,仲有啖啖配菜香料,加埋炸軟殼蟹,p

來到九龍城ㄧ定食泰國菜!完本想到龍崗道或城南道找好野吃!但因時間尚早,便去到九龍城廣場走走看看!但比我發ㄧ間別樹一閣新泰菜館(亞泰廚房)!比他的新款泰菜吸引入去幫襯! 但因為人朋友多八九個朋友!便問下有冇位!看似坐滿!他們說有位在樓上!我便擔心 樓底矮 !但發現是好ok裝修優雅! 他食物整潔(老闆之説每天下午去買海鮮)! 服務友善!真心好味!老闆説位置不是一線,所以要落力的招呼及ㄧ元ㄧ菜來吸引多D人試下!這裡不像吃開的泰菜熱鬧( 擠迫背對背)!不用排長龍!必定再來幫襯!

有一段時間沒有吃泰國菜了，在fb上見到最近朋友紛紛到泰國旅遊，忽然想吃泰國美食，一解口慾。九龍城有不同種類的泰國菜館提供選擇，聽說獅子石道剛開了間新泰國菜館，於是決定來一試。門口玻璃窗張貼不同的餐廳推介食譜，圖文並茂，介紹了各式推介和新出菜式，好讓人對餐廳的食品有初步的了解。餐廳的裝潢具備泰式風格，牆上的泰式掛畫更加加強的泰風味。餐廳的侍應、收錢等上上下下員工都是泰藉美女，令人仿佛穿越時空到了泰國一樣，若果步入門口的時候可以來一句「沙嘩D卡」這種泰文，相信更令人感動。牛肉不算韌但亦不失牛肉應有的嚼勁，與蔬菜、青瓜、蕃茄仔調配，再混和酸辣調味後，味道變得特別合配，爽中帶甜，酸中帶辣，層次豐富，味道鮮明，這是一道非常開胃的前菜，可以即時有效地開啟了味蕾。對於第一道菜式，我們都甚覺滿意。件件均勻的雞件整齊擺好，金黃的雞皮看上去油油的，配上雞肉吃起來卻沒有特別油的感覺，雞肉很是鮮嫩，肉質很滑，實在沒有過老的感覺，能夠做到不油不老又嫩滑的口感，已經算不錯了。份量方面，細是半只雞(＄118），大是一只雞（大：＄198），如果二個人吃，建議細份就足夠了。這個菜式最特別之處是肉碎比豆類多，本來在菜單時

6 月27號晚上，二人到九龍城想找食晚餐的餐廳，駕駛車開到獅子石道，剛好有咪錶位在「亞泰廚房」「Chef Thai 」門口。店舖外貌好新式，店舖不大，裝修環境乾淨優雅，我們只抱着試試的心態進去的！服務員非常殷勤、客氣和有禮貌，非常有耐性介紹菜式！我們最後點了冬陰公湯、柚子蝦沙律、青咖喱雞、馬拉盞芥蘭。柚子蝦沙律超好味（不辣）、冬陰公湯底好材料好（只點了小辣），青咖喱雞有好香椰汁味配搭茄子幾好味，馬拉盞炒芥蘭非常香但菜炒老些。十分滿意一定會再試！

開心放閃 同爸爸媽咪去食新派泰國菜! *泰式鳳爪 老豆勁喜歡!*燒羊架, 再配 焦糖味手工黑啤(藍罐) Svyturys Baltijos 飲 成件事無得輸!*咖哩軟殼蟹麵包, 巧巧味! 個汁勁香滑, 配麵包食! 無得頂!! 為食既我, 又點會停口!!*泰式金邊粉 - 味道岩岩好, 炒得好乾身, 正!* 啤梨味 及 士多啤梨味 蘋果酒 好香果味! 一定要試! * 白花香啤配海鮮一流, 焦糖味黑啤配燒羊架好夾!

前幾日在獅子石道發現一間裝潢較新的泰國菜館，看過門口餐牌後便決定入內一試。一行四人點了五道菜：泰式炒通菜、生菜包（選了豬肉）、炒金邊粉、春卷和柚子沙律。通菜味道不錯，但偏辣，不嗜辣的朋友可能要點小辣。生菜包我們選了豬肉，豬肉碎有很重的香花草味道，很香口，但因太肚餓忘了影相春卷一客有六條，而且非常大條，餡料亦足，美味又抵食金邊粉外有一層薄蛋包，花生配料亦足。柚子沙律是最後一道上的菜，其外觀已令人垂涎三尺，每一口更是充滿濃濃的椰香，而且啖啖都是柚子肉，相信這解釋了為何這道菜製作需時，因為要摵很多柚子肉。😂😂另外，我亦點了一杯菠蘿沙冰，味道很清新。整體而言，菜式味道很地道，價錢相宜，值得再幫襯，下次要試埋冬蔭功！

服務很窩心1. 耐心等我哋落單2. 會用唔同角度幫我哋影相3. 侍應收工會同我哋講拜拜4. 間嘢收11點，但我哋傾到11:30都冇叫我哋走5. 最後走嘅侍應，見我哋企喺餐廳門口，就走出餐廳門口，教我哋點搭車