亞泰廚房 (Closed)

九龍城實在太多太多泰菜餐館。。就算有多久歷史的，或有多間分店的也不及“亞泰廚房”。。。這裡的煮法非常正宗，尤其是碗冬陰公湯，堅好味 。牛仔骨和炒河粉也是很好吃，真材實料 🖒再者，份量也很足。在這個年頭，很多店已經只會張貨就價，叫極都唔夠飽 😣 相反這餐廳就不會有此現象，所以很喜歡再幫襯，坐位又闊，泰泰姐姐又好好禮貌🖒

2017年2月14日晚上 7點, 跟男朋友吃晚飯過情人節. 本來人男友提議食韓式BBQ放題.  不過, 我想吃新派泰國餐. 選擇了亞泰廚房. 位置都算易搵, 在公和堂旁. 我們選擇了卡位. 他們有好大平幕電視,  環境好舒適.  黑色玻璃餐檯好靚, 神秘感及浪漫.   全場食品有85折優惠, 好抵!男友叫左椰青, 好香甜! 他不停地刮椰肉食!正 第一道菜, 泰式生菜包 因我唔係好食得太辣, 叫左小辣. 生菜好脆, 肉粒炒得好爽口.第二道菜, 沙律,  必定要試. 柚子夠凍, 有脆果仁, 好香口. .第二道菜, 燒牛仔骨, 燒得好好味, 超好味!!.第四道菜 , 泰式燒大蝦, 蝦身肉好爽. 好香口蝦膏. 好好好味, 一定要試. .第五道菜泰式炒金邊粉 用煎蛋包住飯, 巧靚. 一定要試! 好味! .我們食得好開心..  謝謝!!

今天到這間阿泰廚房試一試，附近d 街坊話一定要食咖哩蟹，佢地話這間餐廳老闆本身有賣蟹的，所以海鮮一定新鮮，一去到門口仲有個牌做梗平日特價，心諗以為有得食啦，誰不知一問之下咖哩蟹要用另外一種蟹，已經售光，來到已經接近9點幾，佢建議我試吓軟殼蟹，之後我點了，食落之後都很不錯，烏頭都很出色很新鮮，下次我會6點令，7點早點來食一次咖哩蟹。

今日約左客在九龍城見面食晚飯傾野，見到呢度唔似一般泰國菜館坐得咁迫，反而有好多卡位，裝修好靚，坐得舒服，位與位之間有足夠距離方便俾我見客傾野，大讚😊👍 估唔到除左坐得舒服之外，d野都幾好食，尤其是生菜包、咖哩蟹&芒果糯米飯！👍👍👍 「生菜包」：d豬肉好有口感又唔「鞋」、辣度又啱啱好、生菜新鮮索索聲😁 ；「咖哩蟹」d蟹肉超新鮮好味😋😋（好多泰國菜館d蟹都唔係咁新鮮，呢間野d蟹就好新鮮😃）；「芒果糯米飯」：喺依家10月尾d都依然仲可以用上超甜既芒果，令好鍾意食芒果糯米飯的我表示十分欣賞呢間餐廳既誠意！😋👍👍最後埋單原來依家新開張仲有85折，d食材咁靚又坐得舒服仲有折，勁抵食🤑之後會再幫襯！😊👍

海南雞飯，好香，好味。餐廳環境也整潔，新裝裝修不錯，也沒有嗅味，嘈音不多，舒適。午餐50蚊樓下有埋野飲，而家真係唔多地方有。服務態度良好，一叫即到，快靚正。可以再黎食多次。

今日中午我們去咗九龍城獅子石道嘅「阿泰廚房」食中午飯！我們叫咗泰國人海南鷄飯嘅鷄肉唔係好嫩滑，肉質比較實同「嚡」，油飯嘅味道都幾芳香！青咖哩鷄湯米線嘅青咖哩味道好濃郁，湯汁極之稠身，而且越食越稠，米線嘅麵質亦比較粗「嚡」！泰式豬脾飯嘅豬脾肉質相當鬆散，豬皮極之腍身，完全無咗煙韌彈牙嘅感覺，不過醬汁嘅味道都幾香濃惹味！豉油皇豬肉乾炒河粉炒得都幾乾身，豬肉嘅肉質好韌同好「嚡」，河粉比平日食開嘅較粗身同大塊，質感都幾滑身！

午餐時間來到，立即有位~叫左冬陰公豬頸肉河粉有好濃烈嘅酸味同埋香茅味～整體都幾唔錯，但係湯底唔夠熱～呢點令到碗分扣左好多分！ 河粉有點太過厚身， 整體來講就不過不失啦Rating:6.5/10

完成澳門遊記後，也是時間補記香港的食記。還記得長週末首天，我們一家就到訪久違了的九龍城，帶小兄妹到九龍城廣場「至激海洋世界」玩樂；出發前先在這裡吃個泰式午餐。帶著兩兄妹，想重溫樂園的西多或品嚐風味地道的泰菜不太適合了，這裡至少地方算企理新淨，坐得也OK。點了兩份午餐，各包餐湯及飲品；其中湯是清熱的冬瓜湯，免費來講可以接受。老公點了 泰式海南雞飯 ($48)，雞肉質素正常，油飯十分香口，囝囝十分喜歡吃；我就要了香茅豬扒湯河 ($42)，湯河份量很足，其中豬扒夠厚身又有濃濃香茅味，兩兄妹都一起吃了不少。味道很精彩說不上，但以此價位來講，兩份餐點都交足功課了。餐飲兩口子都升級特飲 (+$8)，老公是椰汁三色冰，冰粒較多我沒試；我點了龍眼紅棗水，味道清甜滋潤，飲下去很舒服。這裡應該不用加一，埋單$106，令我想起元朗樓下一帶的小茄子。始終是舊區的食肆最親民！

近來總因事務會出巡九龍城,每次都會揀選泰館、無它貪該區早根與泰藉聚腳理應吃出鄉土味,今次覓食中眼見新店子、務必試試。。。簡單午餐,當然亦會送一個簡單例湯簡單的冬瓜湯,來得簡簡單單、繼續簡單,飲品供應只有汽水及冰檸檬茶另泰式飲品另加錢,由$8.及$15.不等簡單得無法再簡單,簡單味道簡單感覺。。。黃咖喱炒雞絲貴刁(原價$46.)上枱賣相幾好,放入口中只是沒有了义燒、火煺及青椒絲靈魂完完全全感受上港式茶記之風, 再者鑊氣可謂消失得無影無形泰式情懷可算不知所踪 所謂知己彼,百戰百勝、置身於泰式為首九龍城內,習武少多二両也很容易比下去。