張公子

Open Now

Now Closed

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯去到觀塘一間中菜酒樓食飯，諗起都有一段時間冇食過中菜，環境都幾熱鬧，地點都幾方便近中海日升嗰個位置！張公子叉燒張公子招牌菜之一選取黑毛豬肥美部份，肥肉同埋瘦肉均勻蜜汁甜而不膩，肉質鬆軟，外層微微燒焦對佢哋嘅叉燒印象深刻張公子牛肋骨另一道張公子招牌菜之一，份量十足，適合一大班人一齊食，上面有蔥同蒜做調味，肉質非常軟腍，調味亦都出色秋霧鹵醉蝦新菜式之一，嚟到真係好想打咗卡先菜式可以選擇五隻或者八隻分別唔同價錢覺得酒味比較突出，亦都帶有鮮味鮮腐竹蕃茄菜苗另外一度比較清新酸酸甜甜嘅清菜好味又健康啊張公子 (觀塘)觀塘駿業街58號3樓

🍴中國茗茶（每位）@$18.0🍴金網香芸鮮蝦巻（四件） $48個屁用咗網民嚟包住食落去比較有口感，香脆得來又唔油膩，蝦肉彈牙都唔錯！🍴帶子芋蓉盒（三件） $48帶子嫩滑，芋泥都好香濃，好鍾意佢個皮係網民食落去輕盈又有口感！🍴豉椒魚腩煎米粉 $118米粉相對就普通少少，不過就唔油膩，魚腩就正正常常！🍴蟹子蒸燒賣（四件）$52燒賣都大粒蛋呀，食到蝦肉爽口，豬肉嘅調味都啱啱好！🍴香煎芋絲糕（三件）$45食落去香脆，表面嗰層皮有少少煙靭糯米嘅感覺，入邊嘅芋泥都好滑！🍴豔影蝦球（六件）$168炸得香脆，一啲都唔油膩，蝦肉彈牙，芒果汁酸酸甜甜，非常開胃啊！推薦指數: 8/10整體嚟講食物都幾高質，不過價錢相對嚟講就貴少少，但係都有返咁上下質素，都坐得舒服，如果兩點後嘅話就會有下午茶五折優惠更加抵食！

👦🏻👧🏻難得放假就嚟到呢間bookmark咗好耐嘅中菜館，餐廳環境雅致舒適，空間感大，而且仲有包廂添，好適合同家人同事聚餐～呢度最出名係「張公子叉燒 」，用咗黑毛豬燒烤製成，食落真係好有驚喜阿！🦐秋霧鹵醉蝦 $168上枱時噴出煙霧嘅效果，令人有種視覺嘅享受～ 用咗大頭蝦做醉蝦，蝦頭好多橙色膏，入口甘香鮮甜！蝦肉爽口彈牙配上花雕味嘅醉汁，配搭滿分～🐷張公子叉燒 $258店員會用小火爐為叉燒保暖，咁我哋慢慢食都唔使驚變凍🥰！每件叉燒都係厚切，而且肥瘦適中好有口感，加上外層燒到微微超香同甜而不膩嘅醬汁，真係好好食阿！🐮生啫安格斯牛柳粒 $248安格斯牛柳粒份量多，肉味濃郁。加入咗淮山一齊炒，淮山入口爽口，而且吸收晒牛肉嘅香味！🥬鮮腐竹蕃茄浸菜苗 $138菜苗鮮嫩翠綠，浸落酸甜嘅鮮蕃茄入面，吸收晒蕃茄嘅甜味，唔鐘意食菜嘅👧🏻都食咗好多😆！中國茗茶 $18/位📍 張公子 (觀塘)觀塘駿業街58號3樓

諗住同屋企人飲茶，不過佢對食物質素都有一定要求！咁岩見到觀塘有間張公子，見佢環境幾骨子、點心都幾有特色咁！最後決定同佢去呢間，食完佢都幾滿意。一入到去，餐廳既裝修都幾精緻，同埋feel到張公子係行比較high-end既路線！佢點心會即整，而周邊既客人都好斯文環境唔會話好嘈🥰茶壺都好精緻，特登有個蠟燭點住興住啲熱茶😂張公子叉燒腸粉:腸粉薄身滑嫩，咬落去滿滿嘅叉燒😍好香嘅蜜汁，食落去有肥有瘦👍金網香芒鮮蝦卷: 一咬就好香脆既金網皮😍入面嘅蝦肉好爽彈，再夾埋香甜嘅芒果，成件事好fresh! 冇咁油膩！佢另外仲有個芒果汁俾我哋點👍蠔皇叉燒飽:個包咬落去好鬆軟，入面一包滿咗叉燒😍蠔汁令到個包好惹味蟹子蒸燒賣:燒賣入面個蝦好鮮香，食落嫩彈飽滿，上面再加埋蟹籽，令到佢好有口感今次食完佢啲點心覺得幾有驚喜，有興趣下次食佢晚市既小菜先😍

在open rice見這間店好多好評所以來試下，地點也算方便，樓下又有停車場，不過停車位不太多，在張公子食飯有停車場優惠。食物方面整體都不錯。但又不至於好有驚喜那種，叉燒是店裡招牌，但沒有相象中那麼好，賣相不錯的，但食落有筋，相比大圍某間米芝蓮中菜館的叉燒，個人比較喜歡大圍那店的叉燒，而且價錢還比這間便宜。另外，火焰松露文昌雞，份量不多，味道可以。小食八味豆腐唔錯，外脆內軟滑。日式海鮮炒飯及酸菜魚味道也不錯。至於環境也算乾淨。

放工相約知己食晚飯，這次來到位於觀塘的「張公子」，餐廳環境雅致、高貴，富有中國風特色，燈光明亮，地方闊落，坐位舒適，是和家人朋友飯聚的好地方。😋是日選擇：1️⃣艷影蝦球🍽外表金黃，脆炸外皮，內裡是鮮嫩彈牙的蝦肉，配上酸甜醬汁，非常開胃。2️⃣鮮腐竹番茄浸菜苗🍽嫩綠的菜苗，鮮腐竹吸收了番茄的湯汁，令腐竹及番茄更鮮美。3️⃣火焰松露野菌文昌雞🍽濃郁的松露味道，文昌雞的鮮嫩，野菌的香氣，風味獨特。4️⃣秋葵芥末炒帶子🍽厚身、鮮甜的帶子，秋葵的嫩滑，及芥末的辛辣，配合在一起，帶來了豐富的味道。

今日想喺觀塘搵間酒樓同屋企人飲茶，試咗一間叫「張公子」嘅中菜餐廳。酒樓裝修雅致，燈光光猛，座位寬敞，坐得幾舒服，而且每一台嘅茶壺都有蠟燭座喺下面為熱茶保溫。我哋嗌咗張公子炒米粉、張公子招牌腸、金網香芒鮮蝦卷、蟹籽蒸燒賣同馬蹄爆豬牛乳布甸。張公子炒米粉一上枱已經聞到蝦醬嘅鹹香味，炒米粉嘅配菜有芽菜、滑蛋、蝦米同豬肉碎 ，食落好香口，而且份量頗大；張公子招牌腸嘅內餡有馬蹄、冬菇、西芹同紅蘿蔔粒，一口咬落去非常爽口，腸粉皮晶瑩剔透又夠薄身，入面包住酥脆嘅炸粉同餡料，口感非常豐富；金網香芒鮮蝦卷嘅外層酥脆，內層嘅蝦滑彈牙，芒果肉微熱而且好甜，配埋特製嘅芒果莎莎醬，幾有新意；蟹籽蒸燒賣亦都非常高質，每一嚿燒賣都好足料，而且口感彈牙；馬蹄爆珠牛乳布甸亦都好特別，布甸好重牛奶味，口感嫩滑細膩，而馬蹄爆珠平時好少見，有別於其他普通嘅爆珠，呢一隻爆珠入面有馬蹄粒，咬爆咗之後仲會有種爽口嘅口感，幾推介大家帶屋企人嚟試呢一間幾精緻嘅酒樓飲茶。📍觀塘駿業街58號3樓位置就腳：🍊🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊

今次同朋友仔趁假日嚟觀塘嘆個茶🫖估唔到搵到呢間幾高質嘅茶樓😋環境雅致 有多張大圓枱 適合家庭親友聚餐好彩我地得2個人 上到去唔洗等位😎空間又大又寬闊 唔會同隔離枱逼埋一齊而且落單後差唔多10分鐘已經上齊👍🏻茗茶🫖 $18/位我地嗌咗鐵觀音 幾夠茶香另外仲有個熱爐座住壺熱水 保持溫度😏金網香芒鮮蝦卷🦐 $48呢個好好食 比起一般就咁蝦春卷多咗層金網點埋個黃色醬 甜甜地又幾夾喎😉金黃酥香 外皮唔燶非常脆卜卜入面好夠餡料 啖啖都食到蝦肉💕💕張公子招牌腸🦐 $50腸粉皮幾夠滑 包裹著網狀脆脆😱口感有啲似炸兩腸 不過更酥脆內餡係素春卷 有菇粒+西芹粒+馬蹄粒+紅蘿蔔粒等甜豉油另外附上 客人自由添加👍🏻張公子炒米粉 $128呢碟炒米粉幾夠份量 2-3人分享都得有雞蛋+芽菜+肉碎+蝦乾等材料比較乾身 調味剛剛好唔會太鹹中午時段叫嚟食幾飽足😉帶子菜苗餃🥟 $50餃皮略為少少厚 帶點韌度帶子好大粒 鮮甜又嫩滑爽口內餡都好豐富 有鮮蝦+清爽菜苗混合埋一齊帶來滿滿鮮美滋味👍🏻番芒玉露🥭 $38/碗咁爽可以嘆下菜就食碗糖水作為結尾個名幾得意 其實就係芒果楊枝甘露芒果果肉切成小塊 仲有淡淡奶香味道鮮甜濃郁 口感

我哋兩個人梗係叫一個套餐啦，佢嘅套餐係超級好食，好推薦大家去試吓！首先俾兩份四扣碗前菜，當中包括陳醋水晶肴肉，張公子叉燒，珊瑚黃瓜同深山小雲耳。我想講佢嘅叉燒超級好食，好Juicy，完全唔柴。就算你唔食前菜都要叫一份叉燒嚟試吓。食完前菜梗係飲返先，今日嘅湯係淮山勝瓜筍殼魚球湯，淮山煮到好軟腍入口即化，而魚湯清甜好飲。之後我哋就食咗一個艶影蝦球，外層好似油炸鬼咁，入裏係好多嘅蝦超級足料！喺主菜方面啫啫海參雞煲同米皇淮山浸菜苗都好好味，雞煲入面嘅海參好軟腍，菜苗好清甜，配搭嘅淮山都好軟！仲要唔夠食嘅話仲會有一碟蟹子蟹肉炒絲苗，真係好飽足！

觀塘適合家庭親友聚餐中餐廳今日去觀塘捐血，捐血前順道與媽媽在附近飲茶。中餐廳環境雅致，予人舒服的感覺。餐廳有許多大圓桌，見不少都是熟客或長輩光顧，適合家庭親友聚餐。整體而言，點心有特色，食材用料較佳，味道不錯，可帶同長輩過來飲茶。張公子招牌腸滑滑的腸粉皮包裹著網狀脆脆，口感過癮，有點像炸兩腸，不過比炸兩腸更酥脆；而裏面則是素春卷，有菇粒、豆、西芹粒、馬蹄粒及紅蘿蔔粒等。豉油另上，可以因應自己的口味，自行添加。鮑粒啤梨鹹水角🍐鹹水角以啤梨造型示人，賣相吸引，鹹水角皮稍厚有咬口，裏面是滿滿的鮑粒和冬菇粒百花釀魚肚魚肚非常厚身，口感彈牙；蝦膠釀在魚肚面，口感爽彈；調味略重口帶子菜苗餃🥟餃皮薄帶少少韌度，帶子大粒，嫩滑爽口，餃內有鮮蝦作餡張公子觀塘駿業街58號3樓

平時出街真係比較少食粵菜，朋友介紹話呢間餐廳環境好，食物中上。值得嘗新。🐟酸菜桂花魚片不得不推薦呢個酸菜魚，魚肉大塊鮮甜，湯底夠酸夠辣，靈魂酸菜係偏甜好正，出面食的酸菜係偏酸的，酸菜魚控會好鍾意呢個菜。🐖張公子叉燒不得不承認爲何可以成爲黃牌，呢舊叉燒肥瘦適中，咬落去軟糯，有入口即溶的效果，而叉燒醬甜度剛好，真係必叫菜式。🐂安格斯牛柳粒分量不少，味道正常，如果無甘咸會更好。🥣湯羊肚菌竹笙花膠湯(例)推薦呢個湯，好鮮甜好足料，有一大舊花膠同羊肚菌，係有誠意之作。🥭楊枝甘露+芋頭西米芒果同柚子真係好夾，不敗之作。芋頭西米係煲到好淋，熱辣辣食無敵。

觀塘精選中菜館《張公子》大門口好適合打卡，餐廳舒服間隔， 配搭灰白色石造嘅counter位更顯格調。前菜：四扣碗-陳醋水晶肴肉+張公子叉燒+珊瑚黃瓜+深山小雲耳另類前菜款式，顯得特別，有甜酸既前菜，個人推介將公子叉燒，內味鮮甜，吸精之餘，味道非常易入口。湯：淮山勝瓜筍殼魚球湯魚味鮮甜，非常新鮮😊，配料十足，平時唔食勝瓜既我，都覺得勝瓜特別脆同埋甜。海鮮：艷影蝦球外脆內軟，蝦球啖啖肉，配上鮮甜芒果汁同沙律醬，推介之一。肉類：啫啫海參雞煲以海參為配料既雞煲，有淡淡海鮮味，唔會蓋過咗本身應該以雞肉為主味道。蔬菜：米黃淮山浸菜苗淮山爽口，菜苗份量十足，我同朋友一個食准山，一個食菜苗，夾粉ko咗呢個菜🤣，呢個係健康之選。飯類：蟹子蟹肉炒絲苗(炒飯底)聽名可能以為呢個唔係一個飯類，但的確係一個炒飯😂，蟹子蟹肉、飯份量十足之餘，飯粒做到一粒粒，香噴噴有鑊氣💪🏻。甜品：香芒玉露芒果味十足，以往中菜館或酒樓甜品都係紅豆沙或綠豆沙，呢個香芒玉露畀到人不一樣嘅感覺😊。總結： 平日去，人數唔算好多，可以靜靜地同朋友食住飯傾計。另外值得一提係茶壺方面，酒樓會畀一個有蠟燭火可以去慶熱住，所以係唔會發生茶凍問題，相

爸爸生日 一家人黎到觀塘張公子食飯之前都有食過同集團既銅鑼灣張公館 覺得食飯服務都好好估唔到今次竟然有不愉快經歷一坐底未齊人 我就預先oder晒啲菜式吩咐先出前菜脆皮豆腐 其他就等人齊先再叫起 點知唔洗五分鐘 就上左個蕃茄菜苗我同經理講未人齊 佢仲話無辦法 廚房煮好左最後由於我堅持 佢先肯收返再起好啦 到人齊叫起送 啲侍應又唔記得起菜 要等左45分鐘先有野食食物普通正常水準 每枱必叫厚切叉燒唔覺得出色 調味仲頗咸片皮鴨兩食 二食揀左豆腐白菜鴨殼湯 隨湯配上既豆腐食落已經變壞變酸同經理反映 竟然一句 哦 豆腐酸左呀 就算 完全無任何解決方案總結食物未見突出 可能我又唔係啲咩大客呢個價錢同服務 食物質素 不成正比 為免受氣 一定無下次

平日下午嚟呢度飲茶，覺得環境幾好，食物都唔錯。呢度有好多唔可以錯過嘅選擇😉首先秋霧鹵醉蝦（五隻）$128。蝦夠新鮮爽口帶少少酒香，咬落去嘅時候，肉質鮮嫩多汁。然後張公子叉燒$258。佢個叉燒肉色紅亮，質地好軟滑，經過特別嘅燒烤工藝，帶出嚟好豐富嘅口感同美味。鐘意食蝦餃嘅話，可以試下生拆蝦餃皇（四件）$60。佢哋用新鮮嘅蝦肉為主，皮薄餡多😍再嚟係帶子芋蓉盒（三件）$48。佢哋用帶子同芋蓉做成，炸到外酥內軟，滿滿芋蓉餡。金網香芒鮮蝦卷（四件）$48。佢哋以鮮蝦同香芒為主，炸到外酥內嫩，好滋味😋百花釀魚肚$50。有蝦肉及豬皮，蝦肉大大嚿夠彈牙。茗茶每位$18。

想假期同亞媽飲茶，又唔想去商場等位。今日搵到觀塘商廈中嘅綠洲，餐廳環境雅致，光線充足，窗邊面對綠草如茵嘅公園，而且座位舒適，適合家人朋友歡聚。🦐生拆蝦餃皇（四件） $60 ～皮薄餡多，應該一隻餃入面有三隻蝦，食落啖啖肉。🍐鮑粒啤梨咸水角（三件） $48 ～🌟 打卡之選，啤梨造型嘅咸水角，有別於一般咸水角餡料，內餡是鮑魚粒。🥟帶子菜苗餃（三件） $50 ～ 大大粒帶子面頭，內餡豐富，包咗蝦、菜，好彈牙爽口。🥚流心奶皇包（三件） $40🐖張公子叉燒腸粉 $55🫖 中國茗茶@$18～茶壺下放有熱爐，一直加熱著熱水，份外貼心。🚘🚘 酒樓消費，仲可以免費泊兩小時👍🏻👍🏻