雞味濃

Open Now

Now Closed

“蒜香蔥爆霸皇雞套餐(配菜飯)”($53)其實本人真係好鍾意食雞🤣所以都會搵啲企理啲嘅港式燒臘舖去食吓😆今次就去咗呢間喺油麻地嘅雞味濃聽到舖頭名都知專門食雞啦🐔舖頭最出名嘅係呢款蒜香蔥爆霸皇雞雞飯套餐包咗油菜🥬老火湯同飯/麵我就加咗$3要咗菜飯☺️雞肉份量都幾多🤤食落都算滑,冇雪味配上炸蒜,蔥同辣椒粒🌶帶有少少香辣味咁幾惹味☺️墊底嘅芽菜吸哂醬汁同雞味好正🤣配埋嘅油菜同菜飯份量都好夠多以呢個價嚟講都幾抵食😛

叉雞飯，有菜，有例湯，仲叫左罐可樂。雞味濃，雞係有雞味，就算雞胸肉都唔會乾硬。叉燒唔係肥叉，唔係乾，但肉硬身，吞果下有啲卡住喉嚨。佢餐牌除左燒味，仲有蒸魚，蒸肉餅，唔算單一。以價錢黎講，係親民價。仲要有菜，都叫飲食均衡。環境就非常逼，好多附近既街坊會落去食飯，應該係街坊食堂。對環境有要求既未必鍾意。

終於開放番晚市堂食喇 唔駛再食外賣今次黎試下呢間雞味濃😋✨蒜香蔥爆霸香雞套餐 $48雞肉好滑 有成四分一隻雞蔥蒜好香 不過啲蔥有啲辣 墊底芽菜索晒啲汁 超正🤤✨原味頭抽豉油雞套餐 $45啲雞都好入味 食到豉油既甜味唔會好鹹 肉質都好滑配蔥油食又另一滋味😋所以套餐都跟老火湯 油菜 同米飯老火湯飲得出冇味精 食完唔會口海 好鮮甜👍🏻加$2可以配菜飯 啲菜仲好爽甜個飯唔會好油 份量岩岩好係旺角呢個價錢食到呢個質素 店面細細 見到勁多人嗌外賣 呢間性價比真係好高 值得推介👍🏻

呢日放工出去旺角買水喉頭配件🚶🏾‍♂️行左好耐都搵唔到 天黑舖頭都陸續閂門😩唯有下次再搵 肚又餓喎🥺行過俾「雞味濃」大大隻字吸引左💋H先生實在太鐘意食雞 就算kfc都食到lam lam脷架👅.舖頭細細間但不乏食客✌🏻未到7點已經坐滿人 仲要有外賣客🤣顧名思義係主打係食雞既 有幾種唔同款式😊霸王雞 豉油雞 沙薑雞等等😬仲有其他非雞類住家餸選擇🤗H先生就食左霸王雞套餐💫裡面有雞 例湯 油菜 & 飯💁🏻‍♂️價錢都只係$48 轉菜飯額外加多2蚊😆真係超抵👍🏻重點係味道絕對高質💪🏻雞肉肉質又滑又嫩 味道都幾甜 濃雞味🐥薑 蔥 炸蒜份量夠 襯落個雞度食仲惹味😗下面仲有芽菜索左啲汁 勁香口😍菜飯多菜 啲飯有味去撈過 停唔到口🤤不過略嫌啲飯腍左啲🤔個湯比較淡味 稀左啲 但50蚊真係平到無嘢好講😂

食完一定吾飽睇中左哩間差不多2個月都未來，終於今日可以試下。就系以前得如酒樓旁邊，細細間得4張半枱，12點去到大概坐了一半。餐牌好簡單，就系雞同蒸魚，可能街坊生意，好多都叫蒸魚，但我地第一次來，都系叫雞啦。但我地兩個人食完吾到兩個鐘就肚餓，份量太少啦。蒜香蔥爆霸王雞套餐加菜飯（$50）-睇落幾大碟，賣相都幾好，有10塊雞，雞皮薄而吾肥，但肉不算滑，（3分）-例湯系木瓜湯，幾濃，吾錯（4分）-菜飯同大家樂比較，無菜香味,又細碗（2分）-套餐跟生菜，瑤柱火腿沙姜雞套餐（$45）-哩只雞比較厚肉同雞味，亦比較滑（4分）

近日到訪位於油麻地上海街嘅雞味濃，鬧市小店環境雖然稱唔上舒適，甚至有啲逐狹，但出品有質素。主打三款雞：霸皇雞、豉油雞、沙薑雞，套餐定價$43/48，性價比實在高，唔怪得有咁多街坊外賣、軟料加餸。我地食完一次，都覺得有下次鋪面唔算寬敞，座位數量唔多，枱櫈密麻，加上門口常開，冷氣有點不足；不過由於在座都係食快餐，唔會逗留太長時間，可以接受。同一般燒味店一樣，一隻隻雞已經掛於窗前，落單後即斬。餐牌主打三款雞：蒜香蔥爆霸皇雞、原味頭抽豉油雞、瑤柱火腿沙薑雞，套餐定價$43/48，附老火湯、油菜、白飯/粉，可以加錢改為菜飯或出前一丁。即使唔食雞，都有其他選擇，難怪係好多人嘅飯堂。例如蒸鮮魚、肉餅、蟲草花蒸雞，定價$42/50。外賣價格更實惠，雞、飯、湯套餐只需$30/35。蒜香蔥爆霸皇雞 $48/例牌 +$2轉菜飯原味頭抽豉油雞 $43/例牌+$2轉菜飯賣相唔錯，木盤整齊放上雞、菜飯、老火湯、油菜，一小碟一小碟，一啲都唔馬虎。南瓜蘿蔔豬骨湯熱辣辣，清甜無味精感。油菜份量得體。至於主角，霸皇雞同豉油雞都交足功課，豉油雞嫩滑，而且入味。霸皇雞以芽菜墊底，爆香嘅蒜粒、蔥絲鋪面，比豉油雞來得惹味之餘，唔

正常而言隔咗咁耐我係唔會寫食評，不過實在太有印象，所以都係要寫一些。首先係個選址，雖然官方地址係喺上海街，但係佢好近砵蘭街，加埋個個鋪頭名，實在係一絕。成件事睇到老闆無論係選址，改名定係製作食物方便都一定好有心機。成間鋪頭嘅食物種類唔算好多，最主要都係食雞，亦都有啲係食蒸魚飯嘅。但係雞嘅種類有唔少。今次我食嘅係蒜香蔥爆霸王雞。佢仲有另外幾款嘅好似都係豉油雞定係白切雞嗰啲。叫咗隻雞之後，唔知加幾十蚊就會有飯菜同湯其實都幾OK。講返隻雞先，隻雞啲皮好薄，好香，仲好滑。我諗唔止男人，連女人都好喜歡叫呢隻雞。要彈嘅其實真係冇乜，只係鋪頭細咗少少。呢個只可以寄望老闆讚多啲錢之後玩間大啲嘅鋪。係咁多，多謝。

吃悶了西日韓餐，今晚心思思想食中菜，去到油麻地，經過這間不顯眼的餐廳，但比它的店名吸引，雞味濃，所以就試試它的雞！店舖不算大，但也坐滿了食客，餐牌上面的招牌雞有三款，霸王雞，豉油雞及沙薑雞。三款雞都非常吸引，舉棋不定，最後叫了蒜香蔥爆霸王雞套餐（$48），配無味精老火湯，新鮮油菜及白飯。可惜菜飯已經賣完了，否則會試一試。下單不久之後，店員便端上木托盤，擺設得不錯，霸王雞上鋪滿了香蔥辣椒，淋上豉油，十分惹味。雞肉嫩滑，送飯一流。性價比高！下次會再來試試其他雞飯！

一向對雞都有啲要求，係香港食雞好多時候都食到雪雞，有雪味或者肉質無口感等等，要食好雞價錢都唔平，油麻地雞味濃雞店，賞試打破地心吸力，街坊價錢做專賣雞、雞飯既店裝潢都幾有味道，雞的賣相亦不錯叫個外賣，兩款雞各半隻試一試先黎蒜香葱爆霸王雞，一打開蒜香撲鼻非常多葱，以白切雞加上特製醬油、炸蒜及薑蔥辣椒組成，薑蔥炸蒜跟雞肉一起放入口有著特別口感，相當好味雞肉嫩滑滋味，比想像中更正味道覺得唔夠既(我覺得超夠)，仲可以加葱油一齊食，葱油都好正但加埋就真係太咸喇另外半隻係原味頭抽豉油雞，色澤非常靚好吸引打開蓋又係好香頭抽同雞味，到底佢係點做到雞肉同之前講既一樣嫩滑有口感，豉油雞本身味道已不錯，仲細心咁附上醬汁，點一點再食，依個豉油雞又香又好味亦有葱油俾你，唔夠味可加，個人建議一個食法，就係將豉油醬汁撈埋葱油，超正驚太咸就要加飯咯係街坊小店食到依個味道，雖然街坊生意，都係雞款中加小小自己的心思，實在超乎意料價錢都好平，性格比高到#8、9點好多時已經無得買半隻雞#本身主題想叫油麻地雞味濃但字眼敏感#最平雞飯30蚊

今次係第二次經過呢間小店，咁啱未食晚飯有d餓，瞄到餐牌既配搭覺得幾吸引，望埋個價錢我就反而有d怕，個餐45蚊會唔會係伏⋯不過呢個晚市時間要去其他地方要等要排隊，不如就試一試啦⋯個餐來左之後，飲左啖湯，係老火湯啵，湯入面仲有1隻雞腳同雞翼⋯我➕2蚊order左個菜飯，健康d，同埋d菜有dd鹹味易入口得多～碟雞係無加錢既情況下，我竟然得到雞比位，好感度即刻up up⋯隨餐仲有醃醬菜，好細一碟，不過好好味夠爽脆，送飯食剛剛好！同埋一碟耗油生菜～灼個生菜有落d油，上檯一陣都係保持閃亮同翠綠～（早兩日食車仔麵，order左個$13蚊耗油菜心，上台果刻d菜心一副有氣無力既感覺，中間仲夾雜住幾條米線同河粉⋯😑😑）食完呢餐覺得香港地仲有呢d便靚正套餐，真係賣少見少，有質素既小店係需要支持，同埋感恩！

誰說切雞飯不能美美的，經常看到日式便當一格格好靚咁，其實切雞飯都可以靚，一系列唔同樣式嘅碟同碗，加個木托盤，價錢平，仲要好食。雞件口感偏實在，肉質嫩滑唔會肥。雖然係叫砂礓雞，附上砂礓汁但係另外仲附蔥油。加兩蚊就可以轉菜飯，淡淡菜香又更健康，仲有碟小菜甫送飯食。每個飯都跟一碟油菜。湯同上次一樣都係淡味啲。蒸魚餐50幾蚊成條魚，仲要有幾款魚可以俾你揀，實在係非常之抵。豉汁蒸倉魚，豉汁香，微辣，魚肉滑。

突然想吃雞，搜尋了一下發現了這間專賣3款皇牌雞的小店雞味濃，分別是蒜香葱爆霸王雞、瑤柱火腿沙薑雞和原味頭抽豉油雞。午市套餐跟老火湯、油菜、前茶和飯，非常抵吃。三款雞看上去都非常不錯，令我心大心細，不過驟眼看最多人點的是霸王雞於是我也點了一份。霸王雞其實是白切雞配上蔥蓉辣椒等配料和豉油等醬汁，非常香辣惹味。雞肉嫩滑而且有雞味，果真是雞味濃。用來墊底的芽菜吸收了醬汁而且非常爽脆，十分好吃。老火湯沒有味精，卻仍是非常清甜，十分足料。總括而言是一間吃雞不錯的小店，改日要再來試一試豉油雞。

Knowing from the restaurant’s name, which means strong chicken flavor in Chinese, 雞味濃 specializes in making chicken. There are only three types of chicken served - garlic, soy sauce, and sand ginger powder. Visiting at 5pm allowed me to enjoy the afternoon tea set discount.The portion is standard afternoon tea size portion, which might not be enough for an early dinner. I might opt for normal set next time, which is only HKD$48 per set with soup and veggies on top of the chicken and rice.I chose

蒜香蔥爆霸皇雞($45+2)餐廳環境不算很寬敞 位置大概只有20幾個 餐廳主打三款雞 包括蒜香蔥爆霸皇雞、原味頭抽豉油雞、瑤柱火腿沙姜雞 套餐有雞、老火湯、菜、飯 雞肉嫩滑 而且啖啖肉 除左菜飯 更可選配瀨粉、白飯、米粉、米線 或加錢轉出前一丁ʕ •ᴥ•ʔ

麻甩系列之中式雞定食✨ 雖然店名叫雞味濃但其實又唔係真係好濃，不過冇雪味已經好好，標準住家飯感覺，霸王雞滑過豉油雞，但豉油雞陣玫瑰露味又香少少，但但霸王雞個汁同蔥絲又惹味少少😛.土魷蒸肉餅就唔會話好實果種，夾得起然後入口後感覺有點鬆散咁，至於個湯雖然唔算好老火，但冇味精感覺幾潤幾舒服😌.點菜攻略，除非你好細食，唔係一定要叫餐，問佢個雞可唔可以單叫唔跟餐，但原來價錢好似係一樣，早知照要飯同湯同菜啦😂