雞味濃

Open Now

Now Closed

有誠意的小小餐廳👍有不同的家常菜套餐：有蒸魚、蒸肉餅和不同煮法鮮雞套餐。來到當然要試試他們的招牌菜式- 薑蔥蒜霸王雞餐😋有雞、有油菜、菜甫、湯、同菜飯，完全足夠一餐的所需。值得一讚是個湯🥣一飲就知唔係普通味精湯，仲要好夠熱👍👍十分有誠意😊雞好新鮮，肉質都尚算嫩滑。如果雞皮可以薄一點就更好

《家常菜外賣皇》上次經過見到，終於試試依間～餐廳座位不多，但不停有人買外賣～生意不錯，於是叫左皇牌豉油雞同蒸雞餐～先講豉油雞，雞係凍❄️既～凍唔係暖～所以真係好難講到好食😓⋯⋯⋯而蒸雞，都唔係話好熱，暖暖地咁～重點係，好鹹😨，要狂送飯先掂～其他菜飯，湯呀，配菜呀都好okay~價錢上係好抵食既，但我諗我再番試都係叫外賣～—————————————————————-🐔雞味濃 (油麻地)油麻地上海街378A號得如樓大厦地舖

非常可以。50元有湯有飯有菜有魚/雞。加２元變菜飯, 加３元變米粉。食完無口喝。餐具別緻。－個人食飯的好地方。叫的是鯇魚，入口嫩滑。份量足，一個男士也應該飽肚。地鐵站口，方便。

因我住係附近，呢個雞味濃係我成日買外賣嘅地方。、$30起，已經有雞，飯（仲有少少菜埔，好有心思），老火湯。雞嘅份量仲要唔少，雞肉又夠滑，味道當然好，真係做到平！靚！正！

細時大事大節先有雞食，香港經歷過禽流感，食活雞已變成係非常之奢侈嘅事，難得有鋪頭打正旗號，做雞煮雞。廣東做雞白切沙薑，做法好似簡單但最能帶出雞嘅鮮味。本以為碟頭雞飯，卻有熱騰騰中式例湯，滋養解渴，絕對係廣東菜嘅特色，帶種家裏嘅感覺。單是賣相都已經好吸引，計件配上得多香蔥，黃油在一塊塊雞件度滲出嚟，果然雞味濃。翠綠生菜配上大大碗白飯。做雞的確相當出色，雞味特濃，係咪活雞都唔重要。

沙今次黎到呢間小店，第一眼就比佢咁直接嘅名吸引住﹗見佢內籠可以話真係比較窄同細，最多坐到4個人，2個人都可能要搭枱，黎呢到睇黎都係專心「食雞」。就相對有咁啱傾計同坐得耐既朋友仔。不過就有唔少睇落係街坊已經食得津津有味，相信街坊都食，就唔會難食﹗由於我地去到已經9點鍾，雞飯同魚飯幾乎賣晒得番霸王雞同沙薑雞飯，又真係幾搶手喎﹗好喇咁入正題講下食物先，1.雞件份量好足，45一個餐仲包埋住家湯水冋菜，就真係幾抵食﹗唔會話好肥唔會好實，肉質啱啱好﹗而且沙薑醬汁都好好味﹗點一點送飯一流。2.霸王雞好多蔥﹗個汁幾特別，而且好開胃﹗個人推介想慳錢又想食得清，少D芡少D味精，又食得飽，就會係一個非常好的選擇﹗值得一提既，係外賣會都係35，淢左10蚊，不過好似冇菜同湯，都係超值之選＿

今日男朋友話想食雞，我心諗：平時食唔夠燒味飯咩...但聽人講油麻地附近有間專賣霸皇雞既好正🤔咁就一於去試下啦。男朋友話要叫就叫佢個招牌霸皇雞，咁為左唔同佢一樣，我就試左個豉油雞。覺得幾平呀，40蚊左右有雞、一碗白飯，仲送埋湯飲，一個女仔一定食唔曬。先講霸皇雞，佢雞質地好滑，有雞味，配合埋蔥香就真係岩曬。一啖蔥油雞一啖白飯，岩岩佢就送完一碗飯。但我就覺得我叫戈個豉油雞普通左少少，偏咸，又或者係我唔夠重口味啦😂不過幾抵食，總既黎講都推薦。

天氣轉涼，想飲碗熱湯本來想去食龍蝦湯飯，見到條龍即刻卻步經過見到呢間主打食雞飯，舖仔細細啱啱有人走所以有位，就入去試下見menu主打雞，仲有魚同肉餅餐是日精選係黃花魚就叫咗一個覇皇雞套餐，一個是日精選魚套餐套餐送到估唔到舖仔細細，用嘅餐具襯曬一set有種日式便當嘅感覺賣相討好有一細碟菜甫做前菜，又有油菜米粉份量十足覇皇雞食落雞味尚可係配上d葱一齊食非常香口，又唔會太咸份量都多另外黃花魚set一條魚咁上，用豉汁蒸，魚肉好滑有種家嘅味道食到尾再飲埋碗無味精老火湯正！完全係屋企嘅感覺呢個價錢，呢個質素非常之值！食完完全冇口渴嘅感覺如果一個人想家嘅味道，黎呢度啱曬唔只d食物，連店裡嘅氛圍都係

某日係facebook見人介紹有間專食雞既餐廳，見價錢唔貴感覺幾住家，所以去試下。le度既套餐大概都係40幾蚊，主要係食雞，有沙薑雞，霸皇雞同鼓油雞。亦都有蒸肉餅同蒸魚選擇。雞既套餐會有主菜，油菜，湯，白飯重有一小碟菜甫。講返主角先，我地叫左霸皇雞同豉油雞(唔記得影相🙈)，味道不錯但有d偏喊。但我地兩人埋單另加汔水，有雞有菜有湯有飯都唔洗$100，le個價錢黎講算係唔錯。唯一就係鋪頭較細，坐得迫d。

今日食咗霸王雞同埋豉油雞，豉油雞最好味，幾滑幾有雞味，蒸魚飯就一般，條魚好細，味道亦都一般，吾推介，另外地方環境比較狹窄，而且好熱，食嘢比較辛苦，服務人員態度一般

在外邊看到這間雞味濃，就想起之前在元朗吃過的那一間《過橋麵檔》，一碟雞，一點菜以及一碗飯。這間雞味濃，位於油麻地地鐵站🚇附近，根據本人試過之後，感覺味道與元朗那間差不多🤷🏿‍♂️，因此大家如果想試過橋麵檔的話，其實毋需要專程由港島/九龍去元朗吃它。進來之後看一看餐牌，發覺還有蒸肉餅飯，又或是蒸𩶘魚、倉魚，但是我看看雞的那張餐牌，有豉雞、霸王雞或是沙薑雞，還是點了那個蔥油霸王雞。門面小小，而且內裏座位也不多，只有三張四人座位，以及一張二人座，再加埋面對廚房的一個單人座位，即是同一時間只可供應15名食客內進，還要是比較擠迫。之前一直再有人排隊，這天，竟然繞了一個圈之後，回到這兒發現沒有人，於是便第一次內進，發現四人座以及二人座都有空位，因此坐在二人座藍冰叔叔對面。辣菜譜挺濃郁，就好像平日去吃大家食麵條，它會給你那一碟辣菜譜一樣，好像用來拌麵條會比較適合，撈飯食好像太辣了。生菜亦都有蠔油，後來就發現蠔油其實可以免卻，因為蔥油霸王雞本身都比較鹹。有人點了細飯，但是其實這兒的米飯本身也不算太多，因此不叫小飯份量也剛剛好的。蔥油霸王雞，放下的時候已經甚具霸氣，因為雞上面有很多荵，其實這些荵絲，亦都充

看過一位識飲識食，鮑魚當廚餘的友人介紹過這間「雞味濃」，說這兒的「頭抽豉油雞」水準不俗之後，引得人心癢癢的，便找了一晚，與太太兩人一起前往幫襯。店舖小小的，主打三款雞----「蒜香蔥爆霸皇雞」、「瑤柱火腿沙薑雞」和「原味頭抽豉油雞」，另外，還有一些住家蒸餸套餐，好像「金牌蟲草花蒸雞」、各款蒸魚與蒸肉餅等。 這兒的「原味頭抽豉油雞套餐」（$42），價錢相宜，除了有芽菜墊底的頭抽豉油雞外，還有辣菜甫、油菜、無味精老火湯和白飯一大碗，端的十分抵食。我吃的雖然主要是雞胸部分，也不覺其嚡，而且豉油味道恰可，夠味道而不會過鹹，份量也足夠。不過那說是沒下味精的老火湯，可能鹽下得太多，味道就鹹了一點。 才四十多塊錢，有肉、有菜、有湯、有飯，有菜甫，而且主角的豉油雞還要水準不俗，友人的介紹還真不錯呢！

八月下旬，連日下雨不斷。再不能再叫外賣，出門食個午飯，黎到呢個近來不少好評既小店。店是小，廿個位都冇，亦背貼背。食個快lunch沒多大問題。流量快，人手充。坐低已經準備好幫你落ORDER。第一次黎梗係試下當打既皇牌套餐。沙薑雞頭抽雞都試下。師傅手起刀落，應該五分鐘唔夠五分鐘，四份餐已備好食得。雞肉唔少亦平均，每碟背胸脾都有。唔洗怕冇肉得骨。對於唔鐘意加薑蓉同點沙薑醬既我，豉油雞更對口味，一於黎多半隻。睇相都對版，脾肉當然好食，胸亦嫩滑唔會鞋。你可能會味咁雞味濃唔濃？呢個價錢你唔會咁天真有新鮮走地雞過你食呀嗎。冇雪味有啲雞肉味，呢個價，冇得輸！

裝修新淨企理光猛，坐位寬闊度剛好唔會太迫，店舖都算乾淨舒適。餐廳嘅套餐有$42到$48，無加一，有主菜有飯有菜有湯，仲有碟小菜莆，又底又飽又好食，茶餐廳都做唔到呢個價，最主要係做唔到呢個質素。除咗有雞之外仲有蒸魚蒸肉餅等家常小菜， 第一次嚟我就揀咗蒜香薑蔥霸王雞。一盤過上枱，簡潔而好看。習慣性地先喝了一口湯，黃瓜蘿蔔煲豬骨，冇味精但味道實淡。吃一口飯，粒粒分明有米香。咬一口雞， 雞皮非常爽滑，肉質嫩滑，但雞味濃不濃就見仁見智。霸王醬汁帶微微辣，鮮甜淡口的醬油配雞很好吃。喜歡店家用芽菜墊底，吸光醬汁，伴雞或伴飯也不錯。計件本身味道已足夠，但若然真的需要在家鹹，就可試試店家的蔥油，不過這蔥油對我來說就真的非常鹹了。另外鹹鹹的菜莆送飯也一流。

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！雞味濃只係開業短短兩個月，但各食家對其好評不絕，小店標榜【百年傳承，古法祕方，真正雞之專家】，今日就同女友本住潮聖同支持小店嘅心態來品嚐一下！雞味濃位於太子站A1出口，走路兩分鐘就到，加上大大個招牌，方便易找！門外有外賣餐牌，我同女友笑言，如果住附近的話一定會晚晚落黎幫襯，價錢非常親民，分分鐘平過自己煮，慳水慳力！店面唔大，一半廚房，一半餐桌，可以容納15位人客左右，空間唔算鬆動。餐廳有兩條line，一係食雞，一係食家常蒸餸，套餐最平$42，最貴都不過係$48，已經有埋老火湯、油菜同飯，飲品亦可另加，係鬧市黎講真係好抵食！正當我同女友苦惱緊食邊款雞之際，突然諗到可以外賣多一份俾老媽子做宵夜，咁就可以試哂霸王、沙薑同豉油雞！女友點嘅霸王雞套餐，先講老火湯，