廚匯濃湯雞

Open Now

Now Closed

寒冷嘅冬天，行過見到，價錢合理，每個鍋一上台，都會點火滾下滾下，就入去試下。小菜叫左香芹墨魚餅 ，絕對係必試之選。外層炸到好脆，咬落去聽到「咔嚓」聲，而內裡嘅墨魚餅充滿咬口，再加上香芹嘅清香，簡直完美。主菜叫左濃湯魚三寶鍋配飯。呢個湯底真係濃郁到不得了，魚三寶其中嘅魚蛋有彈性，食落去充滿魚香，配上飯一起食，簡直係一個字“正”。另一個唔可以唔提嘅就係胡椒豬肚雞鍋配薯粉。呢個鍋嘅胡椒味好香濃，豬肚煮得好入味又嫩滑，雞肉都一樣咁嫩滑，最正係薯粉吸晒啲湯汁，入口勁有嚼勁，食到停唔到口。呢度啲食物不僅分量十足，仲俾你暖晒個胃，呢個價錢真心抵食。喺咁凍嘅日子裡，來呢度飲熱辣辣濃雞湯，絕對係一個好選擇！

最近天氣又開始凍，收工經過旺角發現間一鍋鍋嘅米線舖，一於入去食下。小食叫左個腐皮炸蝦滑。蝦滑外層包裹住香脆嘅腐皮，炸得金黃酥脆，咬落去即刻感受到蝦肉的鮮甜。內裡蝦滑滑溜，口感非常豐富，配上特製醬汁，味道更上一層樓，實在係一個完美嘅開胃小食。叫左個胡椒豬肚雞米線，湯底清甜又帶有濃郁的胡椒香氣，令人一飲而盡。豬肚煮得好入味，軟嫩而有嚼勁，而雞肉則鮮嫩多汁，絕對係一個滋味嘅組合。米線滑爽，吸收咗湯汁，食起來非常過癮。這碗米線不單止飽肚，仲能暖心，特別適合寒冷的天氣。再叫左個魚三寶紅薯粉。三寶包括魚腐，魚丸同魚片頭，每一樣都非常新鮮，魚味濃厚，特別係魚丸，口感Q彈，令人回味無窮。紅薯粉滑爽有嚼勁，與魚三寶的鮮味相得益彰，湯底清淡，讓人感受到食材的原汁原味。

天氣開始轉涼，又係時候同朋友食返啲暖笠笠嘅嘢保暖，同朋友就今日去咗旺角呢邊行街，見到呢一間餐廳嘅評價都幾高就決定去食，餐廳位置都好方便，喺朗豪坊行過去都好快，食完仲方便可以繼續去附近shopping！午市嘅時候都好多人，好彩我哋都有位！😇呢碗花膠濃湯雞米線真係好正！一開碗就聞到陣陣香氣，湯底奶白色，睇落就知熬得好耐，味道濃郁得嚟又唔油膩。每一口湯都充滿咗花膠嘅鮮味，飲落去暖心又滋補，真係好適合冬天食。而且餐廳嘅雞湯絕對冇加任何味精或者防腐劑，所以質素真係非常高，冇諗過呢一個價錢喺旺角都可以飲到咁高質嘅雞湯！😇雞肉用嘅係新鮮走地雞，肉質滑嫩，每一口都咬得出肉汁，搭配上花膠，口感更加豐富。米線煮得剛剛好，唔會過軟，吸收咗湯底嘅味道，每一條都彈牙。仲有啲香菜同蔥花點綴，令整碗米線更加有層次。佢嘅配料非常多，本身好鍾意食腐皮，佢嘅腐皮給入晒雞湯嘅精華，真係非常好味！而且亦都有好多唔同嘅配菜，例如芽菜，都非常爽口！份量方面都好足，可以滿足一個大胃王！而且價錢合理，性價比高。總括來講，呢碗花膠濃湯雞米線真係值得推介，同區嚟講我覺得佢嘅性價比真係唔錯，而且店員亦都非常客氣，覺得鍾意食雞湯嘅朋友真係唔

今個星期天氣又開始凍返，係時候又想食返暖笠笠野食❤️濃湯雞鍋性價比高，一人一個鍋，多款湯底選擇，個人推薦必試花膠濃湯鍋！🍲花膠濃雞湯鍋 $73每日湯底熬製達 5個鐘 ，呈現自然既奶白色, 冇添加味精，絕對係健康之選。花膠滑順，大大舊花膠，湯底香濃，麵底仲可以自選米線/白飯/薯粉/米粉，味道層次豐富，大滿足。🍲胡椒豬手粒鍋 $58濃郁胡椒湯底，豬手肉質軟嫩，仲要豬手份量多同大大粒👏味道口感正，配料有大大份蘿白，口感一流。如果你鍾意胡椒湯係必須一試，飲完啖湯成個人暖哂❤️🍤椒鹽墨魚咀 $32椒鹽墨魚咀外脆內嫩，鹹香味十足，椒鹽香氣提升了墨魚的鮮味。每一口都有豐富口感，價錢又抵食。🥙泡椒雞腳 $36泡椒雞腳味道鮮辣，泡椒的酸香令雞腳更添風味，肉質軟嫩，口感Q彈。鍾意食辣既朋友，必點必點❤️

😎胡椒豬三鮮鍋，朋友就叫咗佢最出名嗰個招牌雞，我本身都非常鍾意食豬什，所以就決定試吓佢呢一個！餐廳採用新鮮嘅豬什,所以都係信心嘅保證，呢一個套餐就包括仲有豬潤豬心豬腸，本身都非常鍾意食腸，所以對佢嘅要求都非常嚴格，餐廳做得其實都幾好，絕對冇任何異味，都非常乾淨，而且好入味，口感上亦都唔錯！厚切，所以咬落去嘅時候都非常好食！豬心嘅口感都非常彈牙，香港，所有餐廳好少有呢一種餐廳有呢一啲豬什，味道上嘅都做得唔錯！豬潤亦都唔錯，火候控制方便得幾好，因為如果豬潤有太熟嘅情況就會好硬，做得啱啱好，所以好食！而且份量都幾多，起碼數咗有五六件，呢個性價比都幾高！再加埋餐廳本身嘅高湯，整體配搭上我都覺得唔錯！亦都有其他唔同嘅配料包括有白蘿蔔，吸收咗本身雞湯嘅精華，簡直就係正！！呢個天氣飲完暖笠笠好舒服，正！😎椒鹽墨魚咀，另外就叫咗個小食，同朋友一齊分享，份量來講，真係非常多，冇諗過小食都咁大碟，所以整體都覺得好抵食！每粒非常爽口彈牙，加埋椒鹽嘅味道，成個小食非常有鑊氣！辣辣地，再加埋蒜蓉嘅味道，我都覺得非常好食！而且唔會好油，做得唔錯！😎鹹檸七，好耐都冇任何飲呢個懷舊飲品，鹹檸檬嘅味道非常甘香，再加埋七

#MC帶你去旺角.最近天氣涼涼地，勁想食暖笠笠嘅鍋物！➖✨ 廚匯濃湯雞.餐廳主打濃郁雞湯一人鍋物，純天然奶白色雞湯底每日新鮮熬製5小時以上，不添加淡奶及化學元素；店內裝潢以約素色為主，簡潔不花巧，用餐環境寬敞乾淨。➖🥢 胡椒豬肚雞鍋｜$58 ✨人氣之選✨.湯底充滿濃郁胡椒香，微微辛辣感；加上紅棗，可以暖胃禦寒！雞件有5至6件，肉質嫩滑；豬肚份量足料，而且爽口唔韌，超好味！仲有鮮甜無渣蘿蔔，足料、性價比不錯！而且主食米線係分開另上，超貼心。➖🥢 濃湯魚三寶鍋｜$58.全部鍋物都有小火爐烘住！有齊魚腐、魚片頭、潮州白魚蛋，好足料！潮州魚蛋爽口彈牙，金黃色澤嘅魚腐及魚片鮮味十足！湯底呈奶白色，雞湯鮮甜帶少少雞油香，加上唐芹、木耳、娃娃菜及海鮮菇等，配料豐富又養生滋補！➖🥢 陳醋雲耳仔｜$28 ✨推介✨.雲耳堆砌成小山丘，非常豐富！口感薄身爽脆，味道酸酸辣辣，勁開胃！➖🥢 泡椒雞腳｜$36.大大隻雞腳有成8至9隻，份量十足！雞腳清脆爽口，泡椒辣味好入味。➖🥢 支裝豆漿｜$18（跟餐加配$12）.➖➖➖➖➖➖➖➖➖➖➖➖➖➖

冬日里，一锅热腾腾的濃湯，不仅能温暖身心，更是滋补养生的好选择，今天就同家人到旺角的廚匯濃湯雞吃鍋物！花膠濃湯雞鍋独特的天然奶白汤底完全是由多隻全雞熬製5小时以上而成，沒有加任何淡奶及化學元素。有花膠，紅棗，雞肉等滋補食材，雞肉好滑嫩，好似可以一口滑入肚中。還有周菇，木耳和娃娃菜好清甜爽口，連湯底喝起来都格外鲜美好喝，营养丰富！🐟濃湯魚三寶鍋选用新鲜食材制作，包括鱼片、鱼蛋、鱼腐，每一款都是那么爽口彈牙，充滿海鮮的鮮甜。再搭配香芹，木耳和娃娃菜真是鮮美！一直用火燒住鍋，再配上一大碗米線或者薯粉，吃起來好飽而且全身都暖暖的！腐皮釀蝦滑腐皮炸的尤其香脆薄脆，而裡面的蝦滑雪白滑順彈牙，加點甜辣醬非常美味！

旺角算係港式米線雲集嘅地方，無論係藥膳米線、雞湯米線定係雲南米線等等都有好多選擇，今次就嚟到快富街嘅呢間專食濃湯雞嘅餐廳🍴✨腐皮釀蝦滑 $32推薦！蝦滑好滑，腐皮炸得好香脆之餘唔會太油👍🏻🤩推薦大家試吓！✨胡椒豬肚雞鍋 $58跟飯、米線或者薯粉😋份量比想像中多！仲會有個鍋keep住加熱，熱辣辣入口更加正🤙🏻豬肚同埋雞都好足料，另外仲有清甜嘅白蘿蔔墊底，細食啲嘅人可能唔食麵底都夠飽😹黑椒味香但唔算太重，唔太食得辣嘅人都應該冇問題🤙🏻✨花膠濃湯雞鍋 $73配薯粉，雞湯味好香，湯底唔算好澀，偏薄身清香，花膠份量都好足👀配埋大量雞件同埋紅棗仲有娃娃菜做底，真係好滿足😌另外餐廳都幾多人食，亦都有唔少街坊幫襯，性價比真心高

話說近期凍咗（好似話聽日急降🥶)，都會想飲啖湯、食吓啲暖胃嘅嘢。咁啱喺旺角見到一間新開嘅雞湯麵店 @thick.soup ，就試吓佢。據店員講佢哋嘅湯底每日熬製成5個鐘，無添加味精。招牌係花膠雞湯鍋，會呈現天然嘅奶白色。不過任性嘅小編，都係叫自己鍾意嘅叫黃酒雞湯鍋。😂😂🤣黃酒雞湯鍋 $58佢所有嘅湯鍋都會跟一個爐同固體酒精熱住，以免天氣太凍，令到個湯凍咗，可以保持一定溫度。黃酒雞湯嘅雞味唔會好浮誇地濃厚，飲得出有一股天然煲出嚟嘅雞味，另外店家都落咗唔少嘅紅棗杞子同薑，所以飲落去薑嘅味道都幾突出，更加暖胃，幾啱女士/寒底人飲。🥣至於黃酒味亦唔係好重，飲落去係舒服順喉嘅。🍺佢哋嘅雞件所選嘅位置肉地都唔少，肉質唔會乾柴，而且都算軟腍。🐣🍗另外每個湯鍋亦都會再跟一兜嘅湯麵，湯麵嘅湯底就同湯鍋一樣。麵底亦可以揀薯粉、米線等等，小編就揀咗薯粉，食落都幾煙靭。碗麵都會有一啲腐皮、芽菜作為配料。味道：8/10另外小編發現都幾多人會叫嘅：魚三寶湯鍋 $58呢個嘅湯底就呈奶白色，入口帶清香嘅魚味，唔會腥。 🐟🐟而所謂嘅魚三寶係魚腐、白魚蛋同魚片頭。小編特別推介佢哋嘅白魚蛋，非常彈牙，魚香突出。☝🏻另外小編

夜晚嚟到旺角呢度食濃湯米線，咁凍梗係要食返碗熱辣辣嘅米線😂我哋嗌咗一個胡椒豬肚雞湯米線🐥個湯飲落去好濃郁，但係唔會有口渴嘅感覺，入面嘅豬肚都幾多！一定要讚焗雞好滑，而且好有雞味🐤🐤個米線份量好多男仔食就冇問題女仔一定食唔晒🙈🙈另外一陣嗌咗魚三寶😍個魚蛋好彈牙🥰魚腐同炸魚蛋都好重魚味！入面仲有好多蔬菜添，呢個跟薯粉，薯粉係曲曲地嗰隻，食得特別煙靭，而且好吸湯㗎 ！仲嗌咗個炸墨魚餅，唔會好油，夠脆呀！點返辣椒醬或者本身嗰個酸甜醬都幾夾❤️❤️

路過旺角快富街見到一間開咗冇幾耐個餐廳，高朋滿座，叫左陳醋雲耳、泡椒雞腳、濃湯魚三寶鍋、配薯粉☺️☺️🤤🤤好抵食，加加埋埋都係$114陳醋雲耳和泡椒雞腳 $28+$28雲耳一上枱，成碟好飽滿，又健康又好食，對我呢啲追求健康嘅人士嚟講，雲耳又夠爽口，又夠醋味，酸酸辣辣，好啱我口味😋😋如果唔夠辣，仲可以加佢哋店入邊自家製嘅生辣椒溝蒜蓉，清爽得來夠蒜香，又夠辣味，可以提升食物嘅味道正呀😎😎雞腳，肉質爽，份量都好多我一個人食，真係好飽差啲想打包返屋企做第二餐，真係好抵食，但最後好好食，所以都係食😆😆😆濃湯魚三寶鍋，就係以下呢張相，有齊晒魚蛋魚片魚腐，仲有菇同埋娃娃菜，仲有芹菜添，提升咗成鍋嘅香味，清淡得來又好食，配埋個薯粉，真係捧住個肚🤣🤣🤣☺️☺️☺️我覺得間餐廳好抵食，下次我都會再返嚟試佢其他🤤🤤🤤

天氣開始凍，見到新開左呢間，見到佢地既濃湯雞鍋係一人鍋，一個人去嘆都無問題，睇餐牌見價錢都幾抵食.睇返原來佢地每日既湯底熬製達 5小時，先用蒸爐將數公斤重既雞隻蒸足3小時去獲取原汁原味的精華，然後將雞煎香，再將雞汁同精華一同熬製成自然的奶白色，過程不會混合或添加任何化學元素，可以放心食用.我地既晚餐就當然一人一個濃湯雞鍋，店員會俾埋個爐keep住熱個鍋，唔怕凍哂! 我地仲叫埋小食.🍲招牌花膠濃湯雞鍋足足有3-4片大花膠，幾爽口! 雞肉嫩滑，湯汁濃郁，裡面仲有紅棗同木耳，本身可以揀配飯/米線/麵/薯粉等，我就揀左配薯粉，估唔到薯粉勁大碗!! 將薯粉擺入鍋度煮又得，將湯倒落碗薯粉又得! 薯粉吸收哂湯汁好入味! 另外仲可以加配唔同既配料，我就加左潮州魚蛋同魚片頭! 潮州魚蛋好爽，而魚片頭好有彈性，充滿魚香.🍲胡椒豬肚雞鍋呢個加左胡椒勁香! 而且好開胃!! 飲啖湯即刻暖哂，$58咋，好足料，有好多豬肚同雞肉，一樣有紅棗同木耳，都係揀左配薯粉! 今次就另外加配左豬潤!! 豬潤俾得多，而且放係胡椒豬肚雞度好夾，又滋補又補血.🫔腐皮釀蝦滑呢個係招牌小食，賣相唔錯，裡面釀左滿滿的蝦滑，口感豐富! 點埋

【旺角•廚匯濃湯雞】@ππππππππππππππππππππππππππππππ人氣特色雞湯米線腐皮釀蝦滑花膠濃湯雞鍋米線胡椒豬肚雞鍋薯粉腐皮釀蝦滑這道菜以新鮮的蝦仁為主角，外裹香脆的腐皮，口感層次分明。蝦滑的鮮甜與腐皮的香脆形成了完美的對比，每一口都讓人回味無窮。花膠濃湯雞鍋米線雞鍋的湯底濃郁，花膠的加入讓湯頭更加醇厚，充滿了海味和雞肉的香氣。米線在湯中吸收了豐富的味道，滑順的口感令人滿意。胡椒豬肚雞鍋薯粉胡椒香氣濃烈，豬肚和雞肉的搭配讓湯底更加豐富。薯粉吸收了湯汁的精華，帶來了特別的口感。豬肚的嚼勁與雞肉的嫩滑相得益彰餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 168✨✨✨✨✨✨✨✨✨✨✨✨✨#旺角美食 #廚匯濃湯雞 #web3旺角廚匯濃湯雞 (旺角)旺角快富街33號地舖

今日收工約咗爸爸食飯，喺旺角見到呢間新開嘅一人一鍋，想暖吓身就入咗去試，兩個人叫咗兩個鍋兩款小菜，食到好飽☺️☺️☺️份量好多，價錢好抵食🤣🤣👍🏻🌟泡椒雞腳 $28👍🏻👍🏻👍🏻👍🏻👍🏻👍🏻雞腳份量都多，有成五六隻，好驚喜，呢個價錢冇諗過有咁多隻，上枱賣相都唔錯🤣🤣🤣 食落啲雞腳都好有咬口，好多肉，味道好好👍🏻濃淡適中，唔會話好重味精，感覺都幾健康補充骨膠原一流🤣🤣🤣🤤🤤🤤👍🏻🌟陳醋雲耳 $28👍🏻👍🏻👍🏻👍🏻👍🏻嘩😳一上枱，雲耳嘅份量又係好多，成碗滿晒，雲耳好爽口，醃得好入味，酸酸辣辣，好開胃❤️❤️❤️味道上都唔會好重味精，都係健康之選👍🏻🤤🌟濃湯魚三寶鍋 $58 👍🏻👍🏻👍🏻👍🏻👍🏻一上到枱，侍應即刻點火喺個爐度再放上呢個足料嘅鍋物，入邊有魚腐、魚蛋、魚片，份量都係好多，魚蛋好爽口，魚片都係好爽口，魚腐大大嚿🤤🤤個湯頭都幾重雞味，感覺好滋潤好滋補，冬天食成個人真係暖笠笠🥰🥰🥰再配埋薯粉，真係好大份好飽，好抵食呀，呢個份量☺️☺️👍🏻👍🏻佢個鍋底仲有好多娃娃菜周菇朔晒啲湯，感覺好健康個菜又好好味😆😆🌟胡椒豬肚雞鍋 $ 58 👍🏻👍🏻👍🏻👍🏻👍🏻👍🏻呢個胡椒豬肚湯真係好好飲呀，我覺得冬天飲真係一流，成

今日同老公去旺角睇錶，然後發現錶舖附近，新開咗間嘢係食雞鍋煲。天氣凍凍地，食佢就啱晒。餐廳裝修簡潔，好乾淨。我哋叫左兩個小食同雞鍋。雞鍋可配白飯，另外如配米粉、米線同薯粉，裡面有芽菜、腐皮同韭菜等配菜。香辣蓮藕：用左芫茜同辣椒等調味，好有四川風味。蓮藕非常爽口，辣度十足，幾好。蜜糖芥末炸雞件：剛炸起，熱辣辣。雞肉入口軟熟，多肉汁，除咗芥末醬，另外仲有泰式甜酸醬，無論點邊個醬都好好食。客家黃酒雞鍋 (配薯粉)：有雲耳、菜同杞子等配料，菜份量多。雞鍋酒味極濃，薑味重，連雞都入晒味。黃酒夠補身，食完暖笠笠，滋補之選。花膠濃湯雞鍋 (配米線)：有雲耳、菜同菇等配料，花膠大塊有口感，湯底足料，鮮雞味好濃，雞肉滑，真係原汁原味。