辣辣屋

Open Now

Now Closed

門面非常吸引，睇到餐牌都幾多唔同類型嘅嘢食，所以就喺政府禁堂食之前嘅一晚光顧一下😌凍檸檬泰薑蜜$34～薑味非常重，冬天飲啱晒，絕對可以驅寒！份量非常大，兩個人分享都飲唔晒😅勁蒜焗娃娃菜$38～娃娃菜非常清甜，加上焗過嘅蒜蓉，突顯出蒜香，非常惹味蒜燒茄子$38～呢個係推薦菜式！必點item！燒茄子外脆內軟滑，完全冇乾爭爭嘅感覺，反而茄子肉非常糯軟多汁。串燒拼盤big$168~坊間一般串燒嘅肉量應該係呢度嘅三份一，真係估唔到咁大串，而且每種肉類都可以保留住獨有嘅肉汁，配上花生味香濃醬汁，簡直完美！豬頸肉非常薄切，變相接觸醬汁嘅範圍非常多，微酸嘅醬汁，非常開胃解膩。軟殼蟹涼拌茄子$78～軟殼蟹非常酥脆，另外，茄子絕對可以令我顛覆「涼拌」嘅思想！用上非常惹味嘅醬汁！而茄子非常入味！胡麻醬雞絲伴麵$48～雞絲用量非常多，麵底係幼身而彈牙既類型，兩者配合非常合拍！

🐽泰式冬蔭功烤魚 $298呢度既魚係用嫩滑少骨既江團魚，冇腥味，冬蔭功湯好夠味，酸酸辣辣，愈食愈開胃，仲會有啲菇、蕃茄仔係下面，好好食😋另外仲加左鴨血同薯粉，鴨血新鮮，薯粉都好煙韌🙈🐽流口水臭豆腐 $48竟然有得食臭豆腐，佢唔會好臭😂豆腐上面有啲鹹蛋黃碎，多左啲鹹香味，仲有埋辣醬同甜醬可以點，港式得黎又帶啲新意🤗🐽口水雞 $48份量都唔少，啖啖肉，個口水雞汁好頂癮，辣度好正🤤下面仲墊左啲青瓜🐽蒜燒茄子 $38係重口味人士之選呀，超多蒜係上面，好香，茄子肉都好淋🤩🐽估唔到好味青瓜梳打 $38飲品超大杯，有成1300ml，夠哂兩個人飲，青瓜梳打飲落好清新，裏面仲有啲青瓜粒，感覺好得意🤣

一入到舖頭，就聞到好大浸烤魚味，正。店員話佢另外有出到雞煲，不過我哋今日嘅目的係食烤魚，所以就冇叫到，如果有其他人試過可以同我哋講聲🙈🙈1.江團魚麻辣味（8/10）🐟🐟魚嘅份量好足，兩個人食先啱啱好，另外麻辣味好正，唔太辣之餘又食到麻香，另外有少少嘅配菜，2. 水牛城雞翼 （7/10）呢度嘅水牛城雞翼都幾辣，同埋雞翼都好大隻，炸得幾香脆🤤🤤3.青瓜梳打（8/10）呢度飲品名全部都好得意，呢杯青瓜梳打叫“估唔到咁好飲嘅青瓜梳打”，我反而估唔到成咁大杯，本來諗住會唔會唔夠飲所以諗住叫兩杯，好彩問一問店員，跟住一上就知道一定夠飲。4.配料 （金菇，粗薯粉）（7/10）金菇味道正常，薯粉就好得意，佢係比較索汁嘅薯粉，所以食就覺得好重味，另外口感都q彈q彈。

今日放假，同老友粉嶺一日遊！由朝早就吃喝玩樂，最回味都係辣辣屋嘅晚餐！平時一般會選擇食酸菜烤魚或麻辣居多，首先多謝店員介紹食泰式冬陰公江團魚，真的無介紹錯！上菜時已經聞到好香冬陰公味道，湯底滾起舀起一碗飯下先，微微辣，又多配料，正！第一次食江團魚，魚肉好滑，啖啖肉，又不多細骨，對我老友怕食多骨魚來說，絕對係佢杯茶！我哋選擇配B，有5款配菜，包括午餐肉，鴨血，雲耳，貢菜，是日靚菜（當日是皇帝菜）！鴨血不會一夾就散，雲耳大大塊，兩款索咗湯底食，好正！好耐冇食過貢菜，好爽！皇帝菜又新鮮！個配菜組合配搭一流！蒜燒茄子，好惹味，不太油！燒廣島蠔（兩隻），朋友選擇要蒜蓉燒，隻蠔都幾大隻，最重要夠新鮮！一流！飲品叫咗杯叫做估唔到好味青瓜梳打！味道真係估唔到咁好味，好清，好飲過青檸梳打！好解渴！一杯夠二人份量，值得一再回味！除咗食物質素好味之外！服務員態度都值得一讚，她們好主動介紹食物種類，亦會詢問客人口味如何，再介紹給我們，好貼心！另外，一有客人離開，他們就好快速地清潔枱面！雖然粉嶺對我來說有點遠，但下次想再食烤魚就一定會選擇辣辣屋為首選！

最凍天氣比較凍，想搵下附近有咩好野食，然後我揀左屋企附近呢間辣辣屋。同呀媽兩個人食，可能因為時間尚早既關係，一開始店內既顧客唔多，但隨住時間既推移，食到一半既時侯，幾乎滿坐，可見呢間餐廳幾受歡迎。店內環境唔錯，有D韓國燒烤店既感覺，尤其係油筒式座椅，同牆身既塗鴉，有D似去左梨泰院。因為呀媽唔食辣既關係，點左個蒜味既烤魚同一D小食。首先上既係涼伴茄子，份量比想像中大份，茄子食落去微辣，淋得黎唔會鞋，個人覺得真係幾好食。跟住到既係串燒拼盤，除左豬頸肉外，各有1串豬肉、牛肉同雞肉。豬頸肉油香都幾勁，配埋個酸酸甜甜既醬，係真係好有驚喜，係值得一試。食完串燒，主角終於出場。侍應捧住個盤埋黎既時侯，有少少驚訝既感覺，個烤魚真係好大份。比起以前係大陸食既探魚，大概大1.5倍到，有D擔心會食唔晒，不過美食當前，唔理咁多啦。個烤魚岩岩放上爐，要煮一陣。當D湯開始滾既時侯，我已經忍唔住起筷夾左一大塊魚肉。食落去果然係一流，魚皮烤得好香，而D 肉係一梳梳既，嫩嫩地滑滑地咁，完全唔會"鞋"，加上蒜既香味，真係會食到停唔到口。最後上埋額外點既配菜，不過呢個時侯，條魚只係食左一半，已經開始覺得飽到食唔落，有D後悔

今日試下聯和墟呢間叫辣辣屋嘅餐廳，前身係海星餐廳。呢度最出名嘅係咖啡，當然試下咖啡啦，咖啡味道甘醇，都唔錯。早餐點咗個 - 進擊巨人巨大黑蒜丁麵，巨大意思其實都係餸比較多，比較豐富，有雞翼、雞扒、腸仔、厚切午餐肉、煎蛋，，黑蒜丁麵份量就正常，但湯就比較淡，唔係點食到黑蒜味，我自己煮會好食啲😂😂

近呢一兩年多左好多賣酸菜魚嘅餐廳。都好耐冇食過，去左一間位於粉嶺叫辣辣屋嘅餐廳試下。因為同朋友都唔太食得辣，所以叫左老壇酸菜魚，加配烤魚輔菜盛盒A，包括土豆，蓮藕，腐皮結，海帶，金菇。老壇酸菜魚酸菜份量超足，個底有d芽菜，白菜，酸豆角等得，芽菜白菜滾起已經索哂湯汁，好夠味。肉質好滑，本身魚唔多細骨，所以食起上黎都方便，唔太擔心會咬到好多骨。另外配左嘅土豆熟左粉粉地，腐皮結，海帶，金菇吸左湯汁好夠味，好香，蓮藕就好爽口。小食叫左流口水臭豆腐，蒜燒茄子，蒜蓉燒日本廣島蠔。小食方面，流口水臭豆腐細細粒，啱啱好一啖一件，鋪左鹹蛋黃碎，味道唔算好濃，加左鹹蛋黃碎好有鹹香味，豆腐裏面鬆軟。好推薦蒜燒茄子，茄子肉多，一疏疏連蒜蓉食，熱辣辣，軟綿綿。蒜蓉燒日本廣島蠔都幾大隻，蠔唔腥，好肥美，可以一試。飲品叫左’估唔到好味青瓜梳打’。之前都有飲過青瓜梳打，真係好清新。仲講到咁好味，一於試下，有別於之前飲過嘅，多左一樣野，就係有切碎嘅青瓜粒，飲落多左咬口，每淡都有青瓜粒，$38 1300ml都幾抵飲，特別又清新

今餐晚飯去左附近食過幾次嘅辣辣屋。餐廳都幾多位置，有卡位，位置之間有距離亦加高左間板。去到大約五點幾，坐低先知原來晚市5點半後先開始落單，見到仲有茶餐，仲幾抵就又試下。叫左個爆芝肉醬意粉，有埋熱飲叫左熱檸茶，先$28~份量比一般tea感覺多d，肉醬芝士落勁多，食落係正常肉醬意粉味，仲有d生菜擺面，性價比好高。到左晚市時間就要左老壇酸菜魚，用嘅係江團魚，配左烤魚輔菜盛盒A，土豆，蓮藕，腐皮結，海帶，金菇。酸菜一開始試左少少，夠酸，少少偏鹹，滾起散左落d湯到，之後食落爽口，好開胃。魚肉份量兩三個人都夠食，成條上，比起拆定魚肉一件件，都係一條上食得滋味。烤魚輔菜盛盒A份量都多，如果單點覺得土豆，蓮藕同海帶都必叫。土豆連湯軟熟吸左湯嘅精華同香味，蓮藕相對冇咁吸湯汁但特別爽口，而海帶吸到d湯而且滑口，個人都幾鐘意呢種口感。除左酸菜魚，仲叫左幾款小食。燒豬頸肉沙律，豬頸肉份量超多，有差唔多十幾片，沙律菜新鮮，用胡蔴醬，食落清新膩解。泰北黑毛豬串，豬肉有咬口，燒到外脆內軟，有肉汁，唔點醬都夠哂味。泰北牛肉串，牛肉幾香，食落唔韌，燒得夠火喉，亦唔會太乾。油膩野梗係要配d清新嘅飲品！有青瓜粒嘅青瓜梳打，

山長水遠去咗粉嶺搵朋友仔，當然要問地膽王有咩餐廳好介紹啦，佢介紹我食「辣辣屋」，竟然介紹一個食唔到辣嘢嘅朋友去食辣野，原來「辣辣屋」唔係淨係食辣嘢，都有好多唔同選擇。原來雞煲同烤魚要5:30後先有得食，唯有食住下午茶先啦，下次有機會嚟粉嶺一定要試🤣我叫左一個西冷牛扒，有烚蛋沙律、炒野菌、茄汁豆和奶油豬 $52，真係好抵食😋塊牛扒勁大塊，而且烚蛋沙律係用他他醬整，奶油豬很香脆。朋友叫了一份煎雞扒，有沙律、薯條和西多士 $40。茄汁和糖醬是另上。雞扒不會煎得很乾，醃得很入味，薯條更炸得剛剛好。臭豆腐 $48，份量很多，醬汁有甜醬和辣醬。吃了一口令我想起台灣的臭豆腐。蒜香黃金皮蛋 $42，好特別，第一次食皮蛋入面有流心既效果😋口水雞 $48 ，帶有少少辣，雞件不會太過肥膩。最後叫了兩杯凍飲，分別係香濃咖啡和奶茶。

好耐無食過正宗烤魚，今日突登走入粉嶺呢間烤魚！我同朋友兩個人叫左一條老壇酸菜魚，事關我同朋友都眼闊肚窄，一定要叫多啲配菜先滿足🙈店員都有提醒我哋係原條上，怕我哋兩個人食唔晒🤣🤣另外加配菜每份加$20，食烤魚點少得薯粉啊，緊係要叫番份薯粉～因為太多野想食，所以我地叫左個輔菜盛盒B，入面有鴨血、午餐肉、雲耳、貢菜同時令菜，岩哂啲選擇困難症嘅朋友🤣見佢地既燒烤咁吸引，我地又忍唔住叫左個細既串燒拼盤，有哂雞、豬、牛仲有豬頸肉🤭串燒燒得好惹味，份量岩岩好，如果食太多就怕油嚕！我地仲叫左老壇酸菜味既烤魚，條魚已經大大份，連啲配菜都大大份！烤魚上面有滿滿既酸菜，魚肉嫩滑、入味，不過食既時候要小心啊，始終食成條魚一定有骨！酸菜魚令人開胃，而且魚肉烤耐左亦唔會「變鞋」，加埋配菜一齊食真係別有一番風味！

要係粉嶺搵一間多元化嘅餐廳，都咪話唔難😂但終於都比我搵到一間😎😎位於聯和墟嘅辣辣屋～雞煲 $268/隻雞惹味、開胃、份量足（唔單單係雞好多，洋蔥都好多，最愛洋蔥🧅🤤🤤），雞肉質鮮嫩，好多肉，而洋蔥都好甜好脆，配埋雞煲醬，件件雞都索哂味，係凍嘅天氣下食，真係一流👍🏻韓式炸魷魚🦑 $58好好食，食落去唔會好粉，脆卜卜，好快食哂😂😂忌廉芝士雞翼 $28芝味無窮，熱辣辣，正👍🏻臭豆腐 $48滿滿嘅臭豆腐粒配上泰式蒜，再點埋泰式辣醬，啲層次出哂黎🤤🤤一口一口，食左好幾粒，必試👍🏻👍🏻

先講串燒！有原隻魷魚筒大大隻，好煙銀燒得啱啱好熟～再加埋啲醬汁好惹味！燒牛舌一條都有三舊，大家唔使爭～好好咬！爽脆有味🤣泰式燒豬頸肉份量都幾多有成碗。豬頸肉切成薄片，撒上芝麻同泰式醬汁底下有芝麻醬生菜～Fresh又香口！燒韮菜成日都覺得呢樣係串燒嘅必備！爽口得來又可以食鋪滿香料嘅蔬菜～有種錯覺健康咗🤣🤣燒茄子都好吸引！原條上 ～口感軟林林咁，又充滿香料！燒蠔大大隻～上面嘅蒜蓉同芝士都好足料大大壺水果茶～酸甜並重！仲有好多實在嘅生果！

聯和墟有很多食肆同埋特色的小店，見到辣辣屋個名好特別，自己唔係食得好辣，都去睇吓有咩食，原來都可以揀唔辣嘅！到店內，店內不是很傳統的川式裝潢，有一些加入了韓式的元素，有一些油桶型的椅子，有一些大的鐵網隔間，綜合了韓式和川式的風格，非常特別！看到餐單，有很多烤魚可以選擇，有一款比較特別，火爆香辣，吃辣的人一定很喜愛，辣椒份量比其他口味多很多，但是我們最後點了老壇酸菜烤魚。我哋都好鍾意食酸菜魚，以往在其他地方吃過，都好想試一下呢到既味道！一上菜，我已經聞到酸菜的味道，令人已經急不及待想試，酸菜醃味適中，不會過份鹹，酸味令人很醒胃，加上有蒜，非常香濃！烤魚是選用江團魚，沒有什麼骨，可以一口口肉這樣食，炸烤久了還是很嫩滑，配料也十分多，很掛湯，非常不錯！另外值得嗌嘅係水果茶，超級大杯，好爽快，兩個飲一杯都好夠！我哋都叫咗兩款小食，一串牛舌同埋芝士雞翼。

住粉嶺嘅朋友介紹聯和墟呢間烤魚店，就趁週末過來試試。 聯和墟一向多特色小店，但北區始終唔係傳統蒲點，餐廳要做得出名更加要有實力。呢間餐廳裝潢幾新式，墻上係以各種壁畫佈置，卡位好多，中間仲有d用油桶做嘅座位，可以坐多d人又方便擺野。我地6點就到，到7點左右差不多滿座，所以建議預先訂位。呢度Signature係烤魚，有6種唔同口味。店裡面用嘅係江團魚，係一種非常適合做烤魚嘅淡水魚，魚刺唔多，除左脊柱同魚鮨外就冇其他骨了，可以大口食。烤魚以外仲有好多串燒、泰式同港式食物選擇。第一次黎，梗係試佢嘅招牌菜啦。泰式冬陰功烤魚 （$298）非常之大盤，條魚應該超過1斤半，店員將成盤放上電爐加熱就食得。冬陰功湯底好足料，有大量檸檬葉、香茅同蒜，另外仲有紅洋蔥、娃娃菜、秀珍菇同車厘茄等配料。食魚之前可以先飲冬陰功湯，屬於小辣，酸酸地真係好香好醒胃。魚肉質地嫩滑，由於冇咩刺，可以大塊大塊咁夾黎食，好爽。魚皮係烤過所以仲係脆脆地。萵筍（$20）、皇帝菜（$20）食烤魚可以另加配菜，每樣20蚊，餐廳建議最多加5樣，就唔會影響魚鍋本身嘅味道。呢兩樣都係吸味配菜，索曬冬陰功嘅味道，好正。凍檸檬百香果（$38）、S

生日飯約咗朋友食烤魚！本身超期待，點知嗰日我哋太夜去到冇晒烤魚😭最終就食咗酸菜底嘅大雜燴不過都十分之滿足！酸菜湯底本身已經相當濃厚，上面加嘅配菜譬如係海帶芽菜絲豬紅等等就超級索味！！唔滿足嘅我哋當然叫埋啲串燒同埋小食來過足口癮啦！口水汁手撕雞上面有少少雲耳絲～酸酸甜甜相當開胃，雞肉滑嫩燒牛舌呢個真係必叫！佢係薄脆版牛舌，口感係外脆內煙銀～少少孜然粉已經好惹味！原隻燒筒魷魚咁睇應該都見到隻魷魚幾大隻！又香又吸引！香口唔過熟～泰式鳳爪～又係酸甜開胃菜！魷魚唔夠喉仲叫多個魷魚鬚腳🤣呢種就燒得脆口啲！叫咗蒜蓉燒蠔同芝士燒蠔～一睇就知大大隻而且好多香料～濃味之選！仲有麻辣，朋友話都幾好食！懶健康咁要埋韭菜同茄子☺️☺️過足串燒癮！最想講嘅就係佢個水果茶！原本我哋四個人唔知道一樽咁大咋，仲叫咗四杯🤣🤣一杯真係有成個人頭咁大杯。好清楚見到入面有蘋果橙薄荷葉等等相當足料