潮窩 (Closed)

好友帶我食好東西，去左紅磡美食街食私房火鍋🍲環境幾靚，分成一格格咁，坐得闊落舒適。員工服務好好，幾滿意！佢有好多湯底都好吸引咁，最後揀左招牌湯底:卜卜蜆鍋。呢個湯底真係好正，佢好足料，有好多隻蜆，唔會話好細隻，食落仲好新鮮無沙。而且佢落重左好多既蒜落去，夠哂濃味，唔洗再沾豉油都夠哂好味😋😋推薦！食哂啲蜆之後，就開始加湯打邊爐喇🥰打邊爐唔少得既肥牛🐂色澤花紋夠哂靚既雪花肥牛，質素唔錯。食落好重牛味嫩肉。手打四寶丸手打丸夠哂彈牙鮮味，又幾味喎！每款都有兩粒，最鐘意食蝦丸，夠哂足料。手工韭菜餃🥟又唔錯喎，皮夠薄，好多既韭菜釀入，食落爽脆惹味！平時食得多響鈴都有啲厭，今次叫左紫菜響鈴試下先。都幾夾，紫菜同響鈴都夠脆，放落呢個湯浸一浸，夠晒味道呀！仲叫左份油麥菜同大大個椰青解一解油膩。打邊爐飲椰青真係好正，好清甜，佢連啲椰子肉都好易刮出黎食，好嫩滑。正😋😋

呢排天氣凍左好多，最岩就係打邊爐暖身。今日收工就約左好朋友一邊烚下烚下，當聚舊。呢間潮窩係紅磡站附近，位置好方便，之前返工經過都留意到呢間新開既餐廳，想試好耐。佢既環境好闊落，坐得幾舒服。我地兩個坐係卡位。最後我地決定食卜卜蜆窩，見到價錢都幾平，一窩都唔洗200蚊。佢既蜆肉都好新鮮，大大粒，而且有香濃既蒜香味，一開殼就食得，唔洗加醬汁都已經夠曬味，值得一讚。當然，剩係食蜆一定唔夠飽，之後我地都叫左唔少配料打邊爐。呢個安格斯牛仔粒，真係好好味，值得一讚，入口有牛脂香但唔會太油膩。另外，我地仲叫左雲吞併魚皮餃，加半份墨魚丸。雲吞大大粒好足料，而墨丸都出色夠曬彈牙。而蔬菜籃都算抵食，有娃娃菜、金菇、粟米同麥菜。最後，我地飲埋天地一號蘋果醋，可以消濟，埋單每人300蚊，價錢都合理，配呢個環境，可以再試。

近排間唔中都有飯局俾大家歡聚一下，不過最啱我口味就一定係佢會越食越暖嘅火鍋啦，都冇來呢頭一排開過飯唔知有冇好嘢食，今次同朋去咗呢間火鍋店慢慢品嚐一番原來除咗有火鍋食之餘，仲有其他特色精美小食提供一舉兩得，當然先楝咗心水火鍋湯底有多款口味提供，又想食之前飲番碗湯暖一暖胃，最後點了呢款鹹菜胡椒豬肚雞鍋，叫埋其他火鍋配料就食得，火鍋湯底用料十足趁熱食件香嫩雞肉，再飲啖鮮甜湯水滋潤一下，又微微帶點胡椒香辣份外入味，仲有爽滑彈口豬肚同鹹菜夠晒原汁原味食完一輪美味鍋底接住開始食下其他火鍋配料，先有紫菜響鈴入口卜卜脆吸埋湯汁食更可口一餐火鍋又點會少咗手打丸同肉呢D主打美食，我地都點左碟牛同爽脆豬面青，講味道就梗係牛肉出色肉嫩多汁味濃厚不過豬面青肉質又鬼咁爽滑香甜口感十足，至於手打墨魚丸同蝦丸真材實料，食落彈牙又多汁一邊食住一邊飲番個冰凍泰國鮮椰青咁最，又繼續品嚐一餐美味火鍋。

週末回娘家吃飯，天氣咁凍唔好要媽媽煮飯啊！一於落街嘆火鍋，爸爸提議屋企附近 潮窩私房菜，佢話老闆人很好，店員服務也很周到，最緊要就係佢食過話食材非常新鮮，如果連我爸都說好的，我就一定要試下喔！潮窩 店內裝修充滿私隱度，卡位闊落，適合三五知己暢飲，或者一大班朋友可以有VIP房聚首一堂。《椒鹽九肚魚》$78這裏是私房菜嘛！火鍋之前先吃小菜作為序幕，老闆說這道菜很受歡迎的，果然有水準，九肚魚表皮炸得可口酥脆，魚肉入口嫩滑無骨， 惹味得很呢！《鹹菜胡椒豬肚雞鍋》$168天氣凍冰冰冷得我們騰騰震，先來一個暖胃的鹹菜胡椒豬肚雞鍋，半份已經有半隻雞的份量，每人先喝一碗靚湯，鮮味之餘仲有點胡椒香味。鹹菜有點酸甜味道更加開胃，豬肚正合我爸的心意，入口肥美柔軟。雞件肉質嫩滑多汁，吃罷就可以加湯打邊爐了。這裏又要讚美一下老闆，節奏控制得很好。《手切安格斯牛小排》$338我們當中有兩個牛魔王，所以又怎能夠少了靚牛的一份兒呢！這裏的手切安格斯牛小排肉質紋理十分細緻，脂肪油花如大理石紋般均勻分布，鮮嫩多汁，入口即融。靚樓果然真係有樣睇的，肉質細緻之餘還有啖啖肉香，是我打邊爐的必然之選。《松茸帶子餃》真的要推介一下

喺黃埔附近做完嘢諗緊食乜嘅時候行行吓突然見到呢間火鍋店門面幾靚 裝修望落去都好新 應該係新餐廳好彩時間尚早 未到晚飯時間所以walk in都有位座位舒適 四人枱我們都唔會覺得迫湯底方面我哋選擇左鹹菜胡椒豬肚雞鍋半隻($168)開頭胡椒味唔係好濃 湯底比較清淡之後過左一陣啲香味開始慢慢出嚟雞件滑身 個雞湯可以飲完再打邊爐日本黑毛豬梅頭肉片($98)餐廳將佢切到好大塊但係薄身放落去個湯度幾秒已經食得 肉味濃郁 肥瘦均勻 食落去都好有口感👍🏻🥰🥰黑松露牛丸半份($48)牛丸係好爽好彈牙 再配有黑松露調味提升咗整個味道韭菜餃拼雲吞($68)油麥菜($32)泰國椰青($38)唔係所有火鍋店都有椰青見到有即刻點打邊爐有椰青飲實在是一件很幸福的事情😙😙😙😙😙

提議用google gap 直接打個地址，會比較準確，店鋪的位置是在海濱南岸/半島豪庭對面。椒鹽九肚魚 $78未上湯底前，先來吃小吃，九肚魚炸得外脆內軟，表皮有點胡椒辣，不油膩，就算有張隔油紙在底，也看不到有油。湯底濃湯花膠雞煲翅(半份)$268+重慶麻辣窩(小辣)$118先來喝一口花膠湯，湯底好濃厚、無味精，飲後立即lim口，再來吃花膠，花膠厚身，而且煲得很林，感覺自己骨膠原補充不少，雞有半隻，雞肉很嫩滑，就算是湯料，我們也把它吃光光，翅的份量也頗多，我自己都吃了一大梳，翅爽得黎亦將湯汁掛上。麻辣窩不算辣，但麻味很重，滿足了兩個極端。紫菜響鈴 $58於麻辣窩碌2秒，索哂麻辣味!!響鈴皮薄、紫菜煙韌，入口刺激。手打墨魚丸$48手打蝦丸 $58朋友相當欣賞兩款手打丸，因為不論是墨丸還是蝦丸，入面都有大大粒墨魚肉或蝦肉，而丸的質感是爽彈新鮮。手工芝士牛肉餃+ 手工松茸帶子餃 $88皮薄涵多，芝士牛肉好食，半溶芝士狀態包住牛肉，既juicy又有質感，松茸帶子餃則較為清淡，可能放在麻辣湯內的關係，松茸帶子被麻辣搶味了，建議松茸帶子餃放於較清淡的湯底。油麥菜$32 + 萵筍$48想不到蔬菜的賣相

最近工作很忙，很少有機會出紅磡吃飯。這一次約了一位護士朋友M去吃火鍋。店內環境無論是燈光，或是風格都是帶時尚感，而且令人感到舒適，很適合三五之己圍爐聚首一堂。菜牌上有很多湯底選擇，但天氣寒冷的關係，就自然地揀選了胡椒豬肚雞湯底，用來暖一暖胃。在等待湯底到來前，店員遞上了一盤醬料給我們調配。湯底終於到了，用料十分豐富，雞肉豬肚份量十足之餘，每一啖湯都有濃濃的胡椒味。這碟安格斯牛到了，很漂亮的雪花，油脂分佈很分明，又有花的擺設做裝飾，很吸睛。另一碟就是韮菜餃，很大粒，餡料包得十分紮實而且足料，吃起來陣陣韮菜香味，真是令人回味呢。丸類食品在打邊爐自然是不能缺少的角色，這個四寶丸也是不得了，十分彈牙，很新鮮。烏冬配這個湯來吃也是不錯的選擇，暖胃之餘，也能為這餐作一個結尾。這間餐廳枱與枱之間都有間隔，好像包廂一樣，令到客人會有自己的空間似的，談天說地起來都不怕給旁邊聽到。這間有下次的指數有四分(五分為最高)。

潮窩私房火鍋🍲位於理工大學學生宿舍對面本應生意好好的 但現在回不去了沒有學生的身影 只有數枱上班一族其實質素真的很不錯 用料新鮮.招牌卜卜蜆鍋🐚好大一盆 即刻嗅到強烈的蒜香味卜卜蜆真係好快熟 幾分鐘就開哂嚕記得要將火關小一點 保持蜆肉嫩滑鮮甜.涼拌胡麻鮮淮山🥗這款前菜比較少見 於是就貪得意叫左好欣賞除了芝麻醬外還加了柚子/檸檬？酸酸甜甜好開胃 清新同時減輕麻醬的油膩鮮淮山夠爽口 誠意推介這款前菜 好吃.日本黑毛豬梅頭肉片🥩好好味啊👍🏻超級滑又重黑毛豬的香每塊都略帶微微脂肪 煮幾秒就完全熟透.手工松茸帶子餃🥟十級推介這個 好吃程度係每枱都有叫首先松茸+帶子組合好創新 效果都好好每顆餃子都有一大塊帶子！好滑好鮮甜啊加上松茸粒的香和滑🙈真係成個餃子都好滑.另外再叫了以下的食物手打墨魚丸🦑新鮮蔬菜藍🥬椰青水🥥蘋果醋🍎

第一次係香港食卜卜蜆. 呢到價錢應該唔算好平,但海鮮同火鍋既味道都好正,感覺係紅磡 又搵到好餐廳啦!呢張相應該係未開哂既時候影,睇落唔係好多蜆 但其實一路食都仲有,蜆係大大粒個種(當然都有大有細既).今晚呢個火鍋就咁岩有一隻蜆有沙><其餘食落都好乾淨,算係咁啦!火鍋超重蒜味,其實都略為咸,加左清湯打邊爐 就岩岩好喇之後加左個海鮮併盤打邊爐,原來又有蜆,不過講下其他海鮮啦.海蝦彈牙,鮑魚 亦都好爽口,係個蚌煮耐左少少><不過都係鮮味既!竹蓆茅根係自己煲既!係自己煲既!入面真係有竹蓆馬啼架..好Fresh不過偏甜另外椰青都係好清甜, 好建議大家叫!

卜卜蜆hot pot•先吃卜卜蜆，鮮甜，無沙，再用個卜卜蜆來打邊爐，手切肥牛半肥瘦，有牛味，其他火鍋配料都唔差，配料新鮮，手打丸同雲吞都好美味，環境舒適，有驚喜！

星期六去細妹屋企玩完，佢地介紹樓下一間打邊爐，話有卜卜蜆食喎！佢地話多人，不過我地六點去食唔驚！入到去竟然已經有幾枱坐係度，好早喎大家！坐底等佢兩個發板，叫左一個卜卜蜆，牛肉，雜菜藍，帶子丸，好似牛肉餃？一榨竹蔗。落單後，比左一盤醬料我地加落自己位，呢個要加錢嘅，加完成盤會收走。呢度價錢偏高，食得出材料靚，是一分錢 一分貨，因為料靚，其實冇需醬料已經好味，下次唔加慳番d錢食多碟仲好！個鍋蜆湯底係蒜味，好有趣啊！我第一次食蒜味做湯底，香得黎唔覺得寡或者怪，同蜆都夾！至於蜆肉，又唔係話特別大隻，大隻d啦，比平時食嘅豐滿！蒜味湯幾好飲架！牛肉好靚好好食！帶子丸唔建議叫，冇咩帶子味，而且冇口感，不推介！同埋野飲收得太貴啦，我覺得呢榨甜左少少，飲完唔解渴，仲要四個人每人倒得一杯，好貴！如果我賺多d錢我會再想黎食！服務果度扣少少分，唔係年嘅問題，而係電壓唔夠成日熄左火，好煩！

好耐已經無打過食評，不過最近去左一間係黃埔新開既火鍋站，覺得好食之餘店主重俾足心機去做，所以都想寫下食評其實一大班人去用餐，除左食物質素外，餐廳環境都非常重要，今次餐廳食物質素固然係高，然而用餐環境都十分舒適，岀街火鍋我最怕就係用餐之後個身有「火鍋味」，但是今次用餐既餐廳不單單是坐得舒適，用完餐後更唔會有一股「火鍋味」係身上，除此之外，餐廳侍應的態度都非常有善，並且為我們所點選的火鍋配料提供合適既意見。食物方面，其實毎一款火鍋配料及餸菜都可以見到店主極用心為客人揀選食材，因為簡單到一碟響鈴都食得岀佢既質素比平時食到既更高層次，如果要我揀邊樣最好食，我就覺得炸蠔係最值得推薦，因為今次既炸蠔本身啲蠔夠晒肥美，而且無話食落太多粉既感覺，做到外層鬆化，內層鮮嫩多汁今次用餐非常難忘，小弟誠意推介大家去試一試👍🏻

就算大熱天時都要打邊爐係香港人指定動作😂朋友推介一間新火鍋店所以同屋企人去試一試👨‍👨‍👧‍👧環境舒服🏮乾淨整齊而且座位寬闊☝🏼環境氣氛都好好新店新裝修🥢員工服務態度好換碟速度快👐🏽生蠔發出陣陣海水味每隻都肥嘟嘟😝未食單憑賣相已經知道好味道，新鮮鮮紅色手切牛肉🐂超級正雪花佈滿得均勻牛味非常濃郁湯底先甜無比超級夠味，必定要試紫菜響鈴！食材一流新鮮、俾得出呢個價錢🤑絕對俾到你應有質素😍絕對真材實料👍🏽⋯⋯真心推介有誠意的火鍋店🍽絕對一定再來幫襯！

剛剛裝修重開火鍋店, 除咗座位更加舒適， 裝修後更設有房間及幾張大圓枱， 雖然店鋪雖小但五臟俱全， 特別適合三五知己因為細枱全部都是卡位， 方便一路打邊爐一路傾計， 真係比裝修前更勝一籌房間能坐12人，最底消費都只是3000，非常合理4人卡位寬敞方便放很多食物半份胡椒豬肚雞非常足料，豬肚湯很入味，推介又平有好味湯底因為得兩人火鍋，所以 只係揀咗最平嘅牛, hkd88,但 出乎意料之外牛很有牛味， 質地軟淋，並且很新鮮服務人員很親切很有禮貌，會再食呀！

第一次在open rice 寫食評，因試到一間極有誠意出品食物的店鋪，真係要推介一下。真難得找到一間環境雅緻的火鍋店，吃得舒服兼開心。一定要推介店內的湯底，卜卜蜆和冬陰公湯底，真的好好味，尤其是個冬陰公湯底，未下火煱料時都差不多給喝完，比任何一間泰國店的冬陰公都有過之而無不及⋯⋯象拔蚌刺身真係無得輸刺身後的佐酒小食很特別，又多款，最適合一大班朋友chit chat 下，店內有房供12 人用，可嘗試book, 但唔知有無min charge我最喜歡D特色丸：黑松露手打牛丸、潮州手打魚蛋（超彈牙）...... D特式餃真係好好味：松茸帶子餃（不能不試）打邊爐一定唔少得牛肉，叫了本地牛+牛魔王，兩樣都好好食蔬菜類：窩荀和芋頭非常出色最特別係個廚很會做四川菜，我們除了點了火鍋食材外，有叫口水雞、麻辣炒飯⋯⋯下次可試下重慶雞煲，諗下都流哂口水唯一不太好是啤酒唔係好夠凍