Video
Telephone
21231328
Introduction
It aims at serving authentic traditional Teochew cuisine, such as poached crab served cold and marinated goose are also provided. The elegant Chinese interior design is comfortable, which is a nice place for gathering, as well as serving business customers.
continue reading
Above information is for reference only. Please check details with the restaurant.
About Reward Scheme
假期留港，老媽子想出去食飯，呢間酒樓佢常去飲茶，就試試他的晚市。周日客人不多，一行四人七點到達，順利入座。點了兩餸一湯，海鮮孖寶，整體質素非常不俗，個西洋菜湯豬肺湯飲完唔記得影相，都好足料。潮式香煎蠔餅蛋香十足的蠔餅，熱辣辣脆卜卜，加埋個魚露，正！香酥芋蓉鴨呢個最好食！經典潮洲手工菜，層蜂巢鬆脆，芋泥軟滑，加埋炸珍珠葉，一碟八件，令人欲罷不能，即時清碟清蒸沙巴仔新鮮，火喉蒸得啱啱好果皮南非鮑魚鮑魚唔算好大隻，入口彈牙，個陳皮幾香，加埋啲蔥絲，好味😋最後送咗個蕃薯糖水，大滿足😌
continue reading
總結: 酒樓只為自己工作，漠視客人需要，包括生理上嘅餓，心理上嘅道歉。工作上欠缺系統，截咗單先嚟問齊唔齊，然後唔齊就話無得追，無得加。呢間酒樓都幫襯咗好多次，勝在有鐘意飲嘅人蔘烏龍。初頭見到經理有教員工認真擺位，好似好認真，覺得幾好，不錯。然後就嚟啦，我1508落單，叫咗四樣嘢，啲嘢嚟得唔算快，一碟碟咁上，嚟咗兩碟就停咗。我去餐廳就好少會追單，等到1535，一位侍應嚟問：嚟齊未？幫手埋單。我話：未齊，爭兩樣。轉個頭，畀張單我侍應：話落咗兩樣，無其他。我：我落咗四樣喎，比返我落單張餐紙我睇下侍應竟然話:無喎，過咗落單時間，無啦，唔好意思。我……（心諗：食咗兩樣點心，完全唔飽喎，落漏單，唔幫我追不特止，話無？咁就直接搵白衫經理，點知一樣無禮貌！我：經理，可唔可以比張落單紙我睇，我落咗四樣嘢，嚟得兩樣。經理去check單，入翻單，咁我返去坐低啦。經理轉頭話，得翻粥，雞紮無啦，ok我心諗。。。吓就咁講句ok？一句唔好意思都無？同埋起碼應該問我要唔要轉其他點心？我哋兩個人食得三樣嘢。。。最後，經理仲想嚟吹埋單，特登走過嚟問啲嘢齊未。。。。未截單前唔問，到截哂單，追完單，先嚟問？齊唔齊您唔知㗎咩？為咗追埋單，問嘅問題都唔合邏輯，為問而問，反而仲激嬲嗰客。最後我話:唔齊都無得食啦
continue reading
早市超值孖寶 $36可以揀兩款點心-天天煲靚粥 煲得好綿滑，入面啲料都幾多，所以我哋後尾再叫多個。-避風塘蘿蔔糕有炸蒜令蘿蔔糕昇華咗，煎得啱啱好，最緊要係一啲都唔漿口。-酸甜梅子豬手幾爽口，細細舊易入口。-香茜牛肉腸腸粉好滑，芫茜味唔算好出，唔會蓋左牛肉味。-蜜汁叉燒包包唔乾身，啲叉燒量都足夠，唔會得啲醬。-鮮竹牛肉球夠彈牙！-潮州粉果好大粒，皮好煙韌，入面有花生，韭菜等餡料。-紫水晶蝦餃（2隻）$13皮好薄，一啲負擔都冇，可以食好多粒。-蟹籽燒賣皇（2隻）$13爽口彈牙！-豉汁蒸鳳爪$21唔會蒸得太腍，仲有爽嘅口感。茶位$13/位
continue reading
在openrice 訂檯，說有優惠會送燒賣，現場卻說星期日無得送，但openrice 卻顯示已出席並已兌優惠。沒有就是沒有，𣎴要誤導。訂檯後預早10分鐘到，要即場再等叫號，多等約10多分鐘，人多可接受。有檯後要在檯旁等員工執檯，可接受，但拎新餐具上來就是一份份杯疊碗疊碟的放在檯上，再加10幾對筷子一堆擺在檯，將大排檔模式完美融入。檯面有暖茶用的酒精爐，但無人來點火。歡迎手機點餐，但沒有給我們QR code。送點心的姐姐服務態度倒值讚賞，主動問要唔要醬料。食物是𣎴錯的。滷水豆腐很滑，蠔餅很香脆。在香港，服務𣎴能有期望就對，這裡至少食物合格，服務嘛，又𣎴能說是差，就是樣樣都爭啲啲。
continue reading
端午節的家庭聚餐，由奶奶提議，估唔到性價比都幾高，叫咗個4餸1湯套餐$398加埋1鹹菜、1啤酒、1白飯同茶位連加一係$600左右，滷水雙拼，鹹肉豆腐，枝竹斑腩煲，金銀蛋莧菜加個西洋菜豬肺湯。呢4個餸質素堅唔差，暫時係天水圍幾間茶樓中算係最啱口味！用OpenRice訂位仲有一個小菜送，食完全部嘢仲有蕃薯雪耳糖水，糖水好重薑味，意料之外全部都好啱口味，性價比也相對較高，服務都唔錯，決定以後家庭聚餐就會去呢度啦，最緊要所有餸係有味但唔鹹，值得推薦！
continue reading