廚十三老壇酸菜魚 (譽發廣場) (Closed)

〰️老壇酸菜魚 大份 $450加配：午餐肉 $32金針菇 $28寛粉 $28藕片 $28有小份、大份同土豪份簡～🐟都算滑，無腥味無魚骨花椒都用左好多類，夠哂刺激🥰湯底好香酸菜嘅味道🥰愈食愈開胃～（用嚟撈飯一流🤣）又酸又辣又麻！簡直多重享受🤣🤣〰️麻辣牛𦟌 $88牛𦟌都唔錯，好入味，夠哂麻辣！〰️紅糖冰粉 $28冰粉略厭太甜〰〰️️📍 廚十三老壇酸菜魚 (譽發廣場) (油麻地)油麻地彌敦道560號譽發廣場2樓

之前常到上海工作，多左機會出去食嘢，麻辣火鍋外，我都好鍾意食酸菜魚今天一行四人，點左份酸菜魚，加左蓮藕，午餐肉，寬粉另外點左個炸排骨條份量好足，酸菜好開胃會令你不停咁夾黎食，魚更是讚，嫩滑👍🏻👍🏻👍🏻樣樣都咪到大家爭住食個排骨條炸得火喉剛剛好，又係令人食唔停口🤤🤤🤤

上網睇圖見到“廚十三”賣相同大陸既“太二”酸菜魚都有d似，我同朋友又鍾意試川菜，所以即刻book嚟試下。其實都算有啲中伏。。。試咗2至3人份量加咗萵筍同薯粉（要加錢）上左菜，勁大盤，都驚食唔哂但啲魚竟然多細骨，而且明明叫中辣但都唔覺得有辣味，食到中段已經覺得好口乾，兩個人都飲咗幾支啤酒先解到渴。而且侍應由頭到尾都是愛理不理的，唔會再有下次

5月26日下午3：45分。夏日炎炎，試一試微辣酸菜魚。餐廳內只有2檯，有位肥胖女性服務員，指定位置後，我挑選了另一位置因為在右前後也沒有人，感覺好一些。她立刻大聲說所有位置也有很多人。之後便拂袖而去。所有食物的味道便因此降定了。

交通方便，地點寬敞，有卡位雅座。。份量充足，價錢偏貴一點點。以前食過一次，感覺小食味道普通，可以只吃魚。但魚的味道與口感與十二味比較的話，本人偏愛十二味。結論:可以以一試。

午市套餐得酸菜魚餐，套餐沒有選擇，另外有小會，價錢可以的，單人套餐88，雙人168，包飲品，有折優惠。本人選了單人酸菜魚米線餐，如果跟飯的話，酸菜魚內會有粉絲。整體食物及環境可以，味道及品質都ok，繁忙午市都無咩人，坐得頗為舒適，但最敗筆之處是職員服務態度頑差（可能是個別職員問題）。

好耐冇食過酸菜魚啦😭😭 咁啱今日約咗兩個好姊妹一齊出嚟食嘢 而大家都咁鍾意食辣嘅時候就決定食呢間 廚十三老壇酸菜魚🐟 夜晚六點幾上到去嘅時候冇咩人 店舖好大枱與枱都有足夠嘅空間 店員好好安排咗我坐喺靠窗最入嗰張枱👍🏻 咁我哋三個人就叫咗🐟老壇酸菜魚 大份 $450 配菜係自己揀嘅你可以加幾多樣都得 我哋就加咗4個配菜： 土豆片$28 寬粉$28 藕片$28 青筍片$28 米飯$18涼菜： 泡椒鳳爪$58 先講涼菜～ 其實有好多款都好想食 但係太多驚食唔晒🥺 就叫住一樣最想食嘅先啦～～ 正常鳳爪但佢做得好入味 同埋佢有切開一半 食嘅時候就冇咁論盡啦👍🏻 邊食邊等個酸菜魚 係不錯嘅開胃菜😌 到主角終於出場啦🤩 淨係個大碗已經好震撼喇！ 影完相就正式開始食啦🤭 因為我哋三個都好鍾意食辣 落單嘅時候就問店員可唔可以加辣 佢就叫我哋試中辣🌶🌶 我哋一試個湯就覺得個味道係好既 但我哋下次會想叫大辣哈哈🙈 🐟魚肉全部都好滑又冇骨 份量都好多 酸菜加埋一齊真係好好食😋 配菜都好足料樣樣嘢都有好多 一啖米飯一啖湯真係好滿足☺️整體來講呢間都係一間不錯嘅酸菜魚😌

平時食開langham既川莊見呢間咁多分店 貪新鮮過黎試 中哂伏試左個2-3人份量 加左午餐肉同金菇 薯粉我覺得係basic 但呢度要加錢先有一開頭個勢好勁 個盤勁大碟但d魚片鬼咁薄 又多細骨 （川莊幾乎係冇骨）個酸菜食果陣覺得ok但返到屋企好口乾 marketing話老闆揾左十三樣香料泡製個湯我相信所謂既香料其實係我認知中既味精食完之後 我個腦既疑問係 點解佢重開到咁多分店D人食完唔會覺得口乾既咩？我好疑惑呀呢間野嚴重打擊我試新野既意向

帶母親大人去食酸菜魚，一早預約咗，但原來間舖頭係無留座，臨時搬檯，深知不妙。想落單，啲職員好似時運高睇唔到，過咗十分鐘，終於有個正常人睇到嚟幫我哋落單。到上菜嗰陣，因為我哋叫兩盤酸菜魚，其中一盤係加寬粉，於是我問店經理（聽到職員叫佢大家姐）邊盤有寬粉，佢黑住面話寬粉另上，就急急腳咁放低盤無寬粉的酸菜魚。過咗一分鐘，另一盤酸菜魚內有寬粉，😥又話另上，明明就放係盤酸菜魚度。結果要麻煩顧客自行調轉盤酸菜魚，真係幾重㗎。呢個大家姐服務態度真係😂趕客。盤酸菜魚係有魚骨，係呢間分店要小心食。米線就建議有牙力嘅或者想訓練咀嚼能力嘅顧客點選，我就麻麻地啲硬而無味嘅米線。以後都唔會幫襯呢間分店，就算有額外75折優惠都食到一肚氣。

其實已經唔係第一次嚟呢一間餐廳食酸菜魚，之前都有食過，覺得好好食，夠酸夠辣，所以再encore, 之前都係兩個人食，食比較細分嘅酸菜魚。但今次約埋三個朋友一齊去，豪啲叫咗佢一個土豪份嘅酸菜魚，估唔到咁正，好足料，啲魚勁多勁滑，我以為佢最多咪俾多幾舊魚加兩個魚頭，點知魚既份量真係多好多，仲要三個魚頭，果然係土豪份，食極都仲有！我推介一定要加寬粉、午餐肉同金菇；另外如果鍾意食皮蛋一定要食佢個小食，老虎椒鬆花蛋。

未有疫情嗰陣，間唔中都會去深圳消費下，一年多冇去，令我最懷念嘅，就係酸菜魚嘅味道。前兩晚食飯，就同好友們，一齊懷緬下。餐廳喺油麻地地鐵站附近，唔使講咁多，嚟到就梗係叫呢度嘅招牌菜酸菜魚啦，我們四個人，揀咗個土豪份量（$580），另外唔少得就梗係加寬粉同午餐肉啦。上枱嗰陣，超級震撼，從來未有見過咁大隻碟！當然，酸菜魚嘅份量亦都非常之多，相信入面最少都用咗三條魚。味道方面，絕對有驚喜，魚肉非常之滑，味道比起內地食嗰陣更加吸引同難忘。如果大家之前未食過，非常建議大家一定要加寬粉，因為個湯汁連埋寬粉一齊食，十分之夾！嘢飲方面，都有唔少選擇，但我哋幾個都不約而同揀咗加多寶嚟飲，大家都認為咁嘅配搭係最夾！最後埋單，每人都唔使$200 ，非常抵食，下次一定會再嚟

上次食完荔枝角店非常ok.今次酸菜魚引又起，去左油麻地店食 lunch.Lunch 雙人套餐原來好抵食，份量足，包飲品。兩個人剛好。魚肉依然嫩滑，湯好味，酸度剛好不焯喉，芽菜酸菜藕片加米線底。唯獨是大辣都不夠辣，不知是此店師傅比較手輕或是下錯單，哈！ 上次LCK 店小辣都有d辣, 我平時三哥中辣。但酸菜魚湯底確是無得輸！另外叫左兩個小食。正經的雞被撕，雖然有乾辣，但屬微辣，雞入:。麻辣牛腱，比較辣，有麻香，牛腱夠淋。呢個都好食，但比較下，我更愛上次食既夫妻肺片！呢度環境都好好！兩邊大玻璃，日光充足，不催客走，可以慢慢歎，like 呀。埋單先知有 75折！感覺超P

禁左晚市食一排，呢排終於可以出去食返野。約左好耐無見的朋友去左油麻地的廚十三老壇酸菜魚聚一聚，餐廳座位寬敞，坐得幾舒服。土豪份酸菜魚 - 由於有兩位男士在場，我地叫左個土豪份酸菜魚。一上菜我地嚇有我地一跳，碟酸菜魚有成個面盆咁大，份量好驚人。 酸菜魚無骨，肉質好嫩滑，啖啖肉。配料有金菇、粉絲、蓮藕等，湯底有花椒、辣椒乾同泡椒提味，酸辣開胃，正呀。刀拍前男友 - 清甜爽脆，夠入味。不開心的黑木耳 – 黑木耳酸辣爽口，好開胃。紅糖冰粉 - 食酸菜魚食熱辣辣，所以叫左個吃紅糖冰粉黎解辣，冰粉晶瑩剔透，配上紅糖，冰涼香甜，消暑解渴。

今晚約了朋友去旺角，朋友想吃酸菜魚，突然想起了這裡！一啲都唔難搵對正大街！餐廳佔用了全層，座位闊落，有梳化位置或靠窗旁邊，今晚都差不多滿座！這裡最推介就係招牌嘅老壇酸菜魚，份量由小份至土豪選擇，兩三個人小份就應該足夠食，當然可以加上配菜，我就一定係最愛午餐肉啦，另外加多個煙韌彈牙嘅寬粉！這裡除了個酸菜魚出色外，其他的小食一樣十分美味，酥炸無面男，入口香脆夠晒酥香，加埋個辛辣粉，夠晒刺激美味！而個冷吃豆乾都十分美味！豆乾吸收了鹵水汁，一個剛炸熱嘅無面男配埋個凍食嘅豆乾，口感就係雙重刺激！主角老壇酸菜魚大大碗上枱，內裡已放滿了夠味道嘅不同配料，彈牙魚片，酸味濃郁彈牙嘅酸菜片，爽牙蓮藕片，當然還有加了致愛嘅午餐肉，飲啖湯再加塊魚片，個陣酸辣味道直撲向鼻！而個寬粉雖浸在湯中，但一啲不用擔心會浸淋，相反入口彈牙煙韌之餘，還十分入味！吸收了湯中嘅精華！食到尾聲當然加埋個紅糖冰粉解一下今晚在口中嘅酸辣感覺，入口冰涼香滑，又係一個完美配搭！

酸菜魚，而家好興，每間都有唔同風味，今次就試下呢間，朋友話正宗d，入到去已經好大陣酸菜魚味👍🏻👍🏻👍🏻menu比較簡單，因為主要係食酸菜魚，所以我地都只係叫左酸菜魚，仲叫左一d餐前小食黎開下胃先😃😃😄叫左個皮蛋同豆干，皮蛋好滑，好香蒜汁尖椒味，所有配料連同皮蛋一同擺入口，層次感好好👍🏻👍🏻至於豆干，我個人覺得偏硬身左小小，但朋友話呢個口感佢ok🤣所以好睇個人，但味道都唔差，好喇，主角要出黎喇，就係酸菜魚喇，我地叫左小份，因為我地得2人，但其實都食唔晒😨因我入面除左魚肉好多好大舊之外，配料都好多，有萵荀，雲耳，酸菜勁多，豆腐，小量芽菜，味道真係做得好好，好正宗👍🏻👍🏻👍🏻有下次啦，不過比較多人要等位🥲