財記辣蟹私房菜

Open Now

Now Closed

今晚同朋友一齊食中菜，找到這間。朋友話佢常常經過，但無食過🤭因為用餐時間較早，剛才下有幾台客，到後來基本上都full。一坐低佢先上一碟花生👍🏻🌟沙薑走地雞半隻（$148）一上菜就已經聞到沙薑味👍🏻隻雞幾乎浸喺沙薑汁之中，肉嫩味濃，正😋🌟西蘭花炒蝦球（$178）西蘭花翠綠，蝦球橙白，賣相清新👍🏻西蘭花爽脆，蝦球新鮮彈牙又幾大隻，唔點醬都覺得夠味😋🌟鹹蛋黃焗鮮魷（$128）少見有咁嘅煮法，好香鹹蛋黃，咁樣整嘅鮮魷好香口😋🌟粟米海皇羹例牌（$118）份量都幾多，裝到6碗左右，食到蝦肉和帶子肉👍🏻上菜都幾快，餐廳內可以望到街景，亦冇限時，坐得算幾舒服。

係銅鑼灣做完FACIAL，約左朋友係附近食晚飯，佢推介呢間財記辣蟹私房菜，大讚中菜出色之餘店員又有禮貌～一於試試先！餐牌有超多選擇，圖文並茂，清晰易明～特別一讚侍應親切有禮，又會熱情推介菜式，要讚！！🔹鹹蛋蒸肉餅肉餅又香又滑溜，一啲都唔嚡口，加入鹹蛋增添鹹香鮮味，香口又惹味！🔹南乳粗齋煲砂鍋煲上可以保持熱度，入口熱辣辣，南乳味道濃郁帶點鹹香，配以多款時菜，燜煮得相當入味！🔹栗米海皇羹大量帶子增添咬口，爽滑又彈牙，粒粒栗米夠哂香甜，暖胃一流。🔹肉絲炒麵將麵條炸脆至兩面黃，食落硬脆有咬口，面頭再淋上軟嫩肉絲等配料，絕佳組合～財記辣蟹私房菜✨📍銅鑼灣駱克道447-449號中威商業大廈2-3樓

食物味道一般，食物不夠新鲜，環境普通，叫極待應都设有上來寫菜，要等很久才有人回應，最终自己要清走枱上碟，待應见到你在更换枱上碗碟，待應见到也扮看不見，待應服务态度有待改善。

四個朋友一起來吃晚飯，其中點了招牌的避風塘炒蟹，來到的時候看到是一大碟，因為炒蟹的料頭很多，基本上幾乎把整隻鞋埋住，但食起上來隻蟹非常少肉，就算連蟹鉗拆開都是得很少肉，我感到非常奇怪，味道方面OK啦，就係食料頭嘅味，埋單的時候，朋友話隻蟹要接近$1000 ，我認為性價比真係超低，肯定冇下次！難怪當晚咁細間餐廳都坐唔滿，連遊客都唔多，咁嘅價錢，俾咁嘅嘢客人，實在唔應該！香港食肆繼續咁樣落去，實在搞唔掂！

最近同朋友去咗銅鑼灣一間樓上私房菜，喺樓下已經見到好醒目嘅霓虹招牌～職員好友善！一入到去就見到有新鮮生猛嘅龍蝦等海鮮❤️❤️我同朋友都叫咗職員嘅推薦菜 辣酒煮花螺，仲有酥炸美國生蠔！食得出食材好新鮮！份量好足！🌟辣酒煮花螺一上菜就聞到好惹味嘅香辣味！花螺呢隻品種係偏大隻，又多肉！試咗一啖辣酒汁，微微酒味好香醇，唔會嗆口！花螺好爽口嫩滑，辣酒汁已經入味，食得出來貨好新鮮！！👍🌟酥炸美國生蠔啲生蠔好大隻多肉～我估應該係美國筒蠔！炸得外表金黃色，炸粉配合得非常完美～薄薄的一層炸粉，一食落去就有卜卜脆嘅聲，肉質非常肥美嫩滑！值得一試！👍👍大家經過銅鑼灣可以嚟試吓，支持香港私房菜！❤️

同阿媽去食飯，突然想食蟹，銅鑼灣求奇入去間，隻蟹超細收1200，仲貴嗰隻龍蝦😂唔知咩料，西澳龍蝦好大都係1000，可能有季節問題？真係好細隻，兩啖食晒😮‍💨

宵夜銅鑼灣選擇不多，這間財記辣蟹私房菜是不錯的選擇！餐廳空間大，有獨立包廂。有很多小菜選擇：豆豉炒蜆、豉油王炒麵，非常有鑊氣，鹹蛋蒸肉餅：有住家菜的感覺，避風塘辣蟹：非常惹味！

海鮮小炒最重鑊氣，財記辣蟹私房菜即叫即炒，鑊氣將味道昇華，菜式熱辣辣又色香味俱全。豉椒炒蜆豉椒炒蜆火喉十足，醬汁濃郁，蜆肉沒有離殼，入口亦無沙，啖啖鮮味。蒜蓉蝦乾蒸勝瓜炸蒜份量多得驚人，完全蓋滿勝瓜，鮮嫩勝瓜及底下粉絲盡吸炸蒜精華味道。脆皮炸豆腐炸豆腐做得外脆內軟，一口一顆，外層薄脆，豆腐豆味清香，十分嫩滑。粟米魚肚羹粟米魚肚羹份量大概有四飯碗，粟米清甜，魚肚爽口，用上湯熬製，最後加入蛋花，簡單美味。

餐廳位於銅鑼灣駱克道，銅鑼灣站C出口，只需行3分鐘就到，很是方便😌！今次第二次來食，因為之前跟另一位朋友食過，性價比高，所以就二訪！餐廳地方尚算寬敞，而且店員態度友善，亦不忘介紹每道餸菜的特色👍🏻我們二人點了時菜炒魚塊、日本扇貝-蒜蓉粉絲、秘製沙拉骨、 魚香茄子煲、瑤柱蛋白炒飯😲🌟 時菜炒魚塊 $108魚塊彩用新鮮大班，魚肉雪白且結實，大廚用上芡汁，令魚更香滑。🌟 日本扇貝-蒜蓉粉絲 $176雖然$88/隻，但建議一試！因為超大隻！啖啖肉，再配上蒜蓉粉絲，簡直是完美配搭😋。🌟 秘製沙拉骨 $108沙拉骨，餐廳選用多肉部位，食落肥瘦適中，再配上大廚秘製醬汁，如果配飯就一流🤤🌟 魚香茄子煲 $108茄子，再加上碎豬肉，茄子醬並不是市面上一般可買的，而是大廚自己調製👍🏻所以味道並不會太鹹👍🏻，餸飯又一流！🌟 瑤柱蛋白炒飯 $108炒飯粒粒分明，瑤柱跟蛋白都好足料👍🏻 是炒飯健康之選

燒汁雜菌牛柳條，🐮牛柳味道嫩滑，而且菇菌的份量頗足。🫑加上三色椒，顏色豐富，更添多重口感。魚香茄子煲，🍆茄子多肉軟淋。加上肉碎，味道濃厚，🍚拌飯又香又好吃。財記小炒皇，炒得香口，🥬韭菜花夠嫩，食落好香，而且有腰果脆身的口感，魷魚鮮味，味道唔錯，🥰如果加多幾款配料會仲正。炒飯，加入帶子粒同午餐肉一齊炒，🔥粒粒分明，乾身不油膩。同朋友聚餐，呢間唔錯，可以食下中式小炒，有鑊氣而且多選擇😉

5月3日星期五2人第一次來晚飯，非常驚喜，食物味道很好。我們點了半隻沙薑雞，沙薑汁像蒸魚豉油一樣多，雞上桌時還是暖的，肉質很滑有雞味。另外是椒鹽炸鮮魷，粉漿很薄，味道適中。最後是蒜蓉粉絲蒸開邊蝦（例牌，$388）。以為例牌份量會很小，怎知蝦只比大頭蝦小一點點，長度有手掌那麼長，啖啖肉，肉質爽彈，很新鮮，蒜蓉好像不要錢的把全碟蝦都完全遮蓋住，味道很好。因它是最後上桌、蝦又大隻（如無記錯應該有6隻），我們很勉強才能把它們幹掉。整頓飯好吃又滿足。特別要鳴謝一位侍應叔叔。我們結帳後他過來執枱時很有禮貌地問我們意見，態度非常友善，又會介紹其他食品和樓上一層包房（有卡拉OK）的資料，但當我們拿袋準備起身離去時他突然走開了，以為他去招呼其他客人，怎知他走去替我們按電梯，好讓我們不用等。此等服務，我在酒店食肆也未試過。雖然當晚不是所有侍應都像這位叔叔般熱情殷切，但整體而言也不差的；所以服務的5星是給這位叔叔的。

早前去咗銅鑼灣駱克道嘅財記辣蟹私房菜食晚餐。我地約7點30分到，餐廳接近滿座，幸好唔洗等太耐就可以入座。整個環境尚寬敞舒適。餐廳故名思意，最出名就係佢地嘅辣蟹。但除咗辣蟹，餐廳都有好多唔同種類嘅小菜、煲仔菜等。今次我地就決定試試佢地嘅小菜。🔻餐前腰果花生🔻椒鹽排骨價錢：$98味道：8/10份量十足嘅椒鹽排骨，外層炸得酥脆香口，內裏肉質嫩滑，而且蒜香味十足，非常惹味！🔻中式煎牛柳價錢：$128味道：8/10經過香煎嘅牛柳肉味濃郁，肉質嫩滑唔會太韌。而醬汁味道餐廳亦處理得幾出色，甜中帶酸，用黎送飯食就真係一流！🔻野菌魚湯浸白菜仔價錢：$105味道：8.5/10奶白色嘅魚湯味道鮮甜，直頭可以當湯咁飲用。野菌經過香煎後非常香口！而白菜仔爽甜脆口，幾好味。🔻白飯價錢：$15/碗

今日經過銅鑼灣，行過想食中菜，見到呢間個價位幾好， 每個小菜都係百頭鬆啲2個人叫左 3樣菜 加一配白飯蟹肉海皇羹，有帶子有魚肉，有蝦仁，蛋白，冬菇，清淡而鮮味，仲有啲紅蘿蔔，同埋菜心，偏向清淡，仲有啲一絲絲嘅蟹肉。 馬拉盞炒通菜，份量好多，通菜好爽，唔老唔韌。仲見到有大大粒嘅蝦米，非常之香，好有鑊氣鹹蛋黃焗鮮魷，鮮魷炸過，面頭有鹹蛋黃沙嘅醬，鮮魷炸得好香口個醬好啱啱！最後埋單 455. 總體黎講，足料，食唔出味精，真材實料！

復活節假期最後一日，同屋企人食餐好之後準備迎接返工😂去咗位於銅鑼灣的財記辣蟹私房菜，主打每日新鮮的肉蟹來製造避風塘炒蟹，以新鮮多肉為主，提供了各款海鮮小炒給顧客們選擇😝====—====—====—====—✦ 海鮮 ✦🐚豉椒炒聖子豉椒炒蟶子，鮮香誘人，令人垂涎。蟶子肉質鮮嫩彈牙，青椒和紅椒絲爽脆清甜，豆豉的鹹香完美提味。醬汁濃郁入味，每一口都讓人回味無窮😛👍🏻⋄✦ 蔬菜 ✦🥬蒜蓉炒菜心蒜蓉炒菜心，清淡爽口，菜心翠綠鮮嫩，蒜蓉香氣撲鼻，兩者結合，相得益彰。醬汁清澈透亮，鹹淡適中，恰到好處地襯托出菜心的清甜❤️😋====—====—====—====—.📌店名：財記辣蟹私房菜’📍地址：銅鑼灣駱克道447-449號中威商業大廈2-3樓

財記辣蟹私房菜是一家知名的餐廳，以其招牌菜「辣蟹」而聞名。這道辣蟹結合了辣味與鮮美的蟹肉，讓人難以抗拒。除了辣蟹，財記辣蟹私房菜還提供多種美味的菜餚，其中包括粟米魚肚羹、豉椒炒蜆和菠蘿咕哩肉。首先，粟米魚肚羹是財記辣蟹私房菜的招牌湯品之一。這道湯以鮮嫩的魚肚和甜蜜的粟米為主要材料，配以細膩的高湯熬煮而成。它的口感滑嫩，味道鮮美。粟米的甜味和魚肚的鮮味融合在一起，給人一種濃郁的滿足感。其次，豉椒炒蜆是財記辣蟹私房菜的另一道經典菜餚。蜆是一種鮮美的貝類海鮮，而豉椒則是中國菜中常用的調味料。這道菜以新鮮的蜆和豐富的豉椒炒製而成，保持了蜆肉的嫩滑和豉椒的香辣。每一口都充滿了海鮮的鮮味和豉椒的辣味，令人胃口大開。最後，菠蘿咕哩肉是財記辣蟹私房菜的招牌肉類菜餚之一。這道菜將鮮嫩的豬肉片與新鮮的菠蘿結合在一起，配以特製的咕哩醬汁烹飪而成。菠蘿的甜味和豬肉的鮮嫩相互融合，咕哩醬汁的酸甜味道更是令人驚艷。這道菜色香味俱佳，絕對是財記辣蟹私房菜不可錯過的招牌菜之一。總結來說，財記辣蟹私房菜以其招牌菜「辣蟹」聞名於世，並提供多種美味的菜餚供客人選擇。其中，粟米魚肚羹的滑嫩口感和鮮美味道，豉椒炒蜆的香辣海鮮風