小胖台灣麵

Open Now

Now Closed

Lunch去左呢間台灣餐廳食野，呢間新開左幾個月，眼見無午餐，全部都系散叫，飲品同部分小食可以優惠價加錢。平日lunch time都接近坐滿人。餐廳幾多位，裝修簡單乾淨，坐得舒適。招牌三寶牛肉麵 $82紅燒牛肉湯底，個人覺得湯底濃偏向甜，牛三寶有紅燒牛肉、牛筋、金錢牛肚，紅燒牛肉2大條，非常之腍，牛筋本身富有膠原蛋白，咬落幾有膠質，膠原滿滿，牛肚都同樣夠腍。牛肉麵既麵系粗身麵，幾吸湯汁。眷村麻辣湯麵 $38加：手切封門柳+$12金錢牛肚 +$12台南蚵仔肉卷 +$10另一碗系自選湯麵餐，可以揀自己喜歡既湯底同餸，今次揀左眷村麻辣湯麵，聞到幾香既麻辣味，食落就吾系好辣，微微麻香，麵質同之前個碗一樣，無記錯好似無得轉其他麵，特別一提手切封門柳幾重牛味。香香炸雞排 $38炸雞扒炸粉少，雞肉幾嫩，而且吾覺油膩。鴨屎香手打檸檬茶最近好hit既鴨屎香手打檸檬茶，呢間餐廳都有！檸檬茶同樣用左青檸，飲落好fresh，解渴一流。珍珠烏龍奶茶奶味好出，茶味較少，珍珠煙煙韌韌。餐牌：

睇到一面倒全部好評，就諗住試吓啦真係極普通囉！！一定唔會係好食環境其實幾舒適，員工服務態度亦唔錯。我叫左碗招牌三寶牛肉麵：麵：好普通，有少少硬，好似未煮腍咁湯底：普通牛肚、牛肉、牛筋三樣都煮得腍同味道唔錯白蘿蔔唔入味有渣另一碗皮蛋醬滷肉乾拌麵豬扒麵：同湯麵一樣問題皮蛋似伴碟亦唔係醬食唔到滷肉味BBQ味豬扒整體好普通凍珍珠奶茶：難飲！珍珠未煮透，咬落中間仲有少少粉，冇奶茶味熱日月潭奶茶：開頭拎嚟嘅時候係凍嘅，侍應反應都好快即刻換咗一杯超熱嘅，味道唔會係一杯好味嘅奶茶。唔會推薦，亦唔會有下次。

之前番工成日買小胖外賣估唔到元朗都開左～仲有堂食添🔅麻辣三寶牛肉麵份量好足！三寶有牛筋牛腩牛肚牛肚好淋又入味牛腩大大塊！！好滿足～～湯底麻辣味岩岩好配埋甜酸菜正！🔅小胖蔥油乾拌麵（豬排）豬排夠淋同好夠味蔥油再撈下個麵～如果再加d 辣更加惹味麵質比較有韌性彈牙🔅夜市鹽酥雞鹽酥雞炸得好香脆炸粉薄薄地，入面又唔會太乾🔅冰爆咕咕力朱古力味都幾濃郁但味道唔會太甜🔅金橘檸檬好足料～估唔到金橘味好重酸酸甜甜最解膩

小胖終於黎到元朗喇！小胖台灣麵係千色地下開咗分店，以各式台灣麵食為主打，裝修乾淨企理坐得舒服，麵控們又多個醫肚好地方🍜店內用QR code落單，除咗傳統牛肉麵、乾拌麵同小食外，最欣賞就係台灣自選湯麵系列，自行選擇各有特色既湯底後再好似車仔麵咁揀配料，DIY最啱自己既台灣麵🥰🔸濃·純·香牛骨湯麵牛骨湯頭濃郁，每一啖湯都有肉香，配上粗身有嚼勁台灣麵🍜手切封門柳厚實味濃，古早味炒酸菜加一份鹹香，台灣滷肉肥瘦適中，加埋隻滷水蛋，份量好巨型！🔸花蓮剝皮辣椒雞湯麵呢一款湯底本身已經有雞柳同辣椒作配料，雞湯清甜，同樣配搭粗身麵底。夜市排骨酥細細粒炸得香脆，軟綿綿竹笙同硬身蜂巢凍豆腐吸湯力超強，更能品嚐湯頭鮮味🔸鹽蒜四季豆揀咗蔬菜配搭大大大碗湯麵，四季豆配上炸蒜同香蔥一齊炒非常惹味，兩個人分享剛剛好😍🔸珍珠奶茶、白桃珍珠烏龍茶兩份飲品唔會太甜，茶味唔會俾蓋過，每杯仲有大量煙韌珍珠！

呢間台灣餐廳比較特別之處，就係佢嘅牛肉湯麵係可以自選配料，而且都有幾多增肌減脂嘅選擇💪🏻💪🏻 濃·純·香牛骨湯麵 配 手切封門柳、雞柳、竹笙 ($68)呢個牛骨湯幾鮮甜，有香料藥材味，但唔會太濃烈，所以都易入口！而且，湯底亦本身有一啲紅蘿蔔、蘿蔔配料。而麵係粗身嘅麵條，都算煙靭。封門柳同雞柳係較為瘦嘅口感，脂肪含量少，所以好啱gym友食！💪🏻 麻辣招牌三寶牛肉米粉 ($87） 麻辣湯底夠晒香，而且米粉亦都夠幼細，食落爽口！而牛三寶包括牛筋、牛腩同牛肚，三寶都煮得好淋身，牛腩入口好化😋 亦都煮得夠入味！💪🏻 香香炸雞排 ($38)炸雞扒炸得夠乾身，幾香脆！加埋鹽、五香粉等調味，好香鹽酥雞嘅風味。💪🏻 涼拌海帶芽 ($20)涼拌係用咗醋去調味，所以食落酸酸地又爽口，好開胃😋跟餐亦會包一杯烏龍茶/冬瓜茶！味道：7/10性價比：7/10食住瘦指數：💪🏻💪🏻💪🏻💪🏻💪🏻/5 (Gym Friendly)

小胖來到元朗啦😍終於可以唔洗出城都有得食-🔸招牌三寶牛肉麵 $82佢個牛三寶真係冇得輸香濃入味軟糯 唔會痴牙🫶🏻個湯底好味到想飲哂D湯麵都好彈牙-🔸皮蛋醬滷肉香蔥乾拌麵-豬排 $58喜歡皮蛋既真係唔好錯過個醬勁濃郁 估唔到用黎拌麵咁有沖擊滷肉係肥瘦平均加埋香蔥 成件事油而不膩-PS佢份量好多 完全食唔哂🤣-🔸珍珠烏龍奶茶 跟餐$14珍珠有咬口 烏龍茶味香 好抵飲🔸古坑冰咖啡 跟餐$14古坑咖啡都唔會太苦 幾岩我~-🔸夜市鹽酥雞 $32鹽酥雞仲有埋九層塔脆香多汁~-小胖台灣麵元朗元朗教育路1號元朗千色匯地下25-26 & 61號舖

最開心就係屋企附近又有新餐廳啦🤓✌🏻就喺元朗千色地下，選擇多，價錢又抵食🤓 所以晚市都full house! 即刻入左去試下🤣 招牌三寶牛肉麵可以揀牛肉湯或者麻辣湯🙌🏻包括牛肉，牛筋、金錢牛肚🐮 牛肉軟腍👍🏻牛肚夠爽口，牛筋入口即融🤤整體份量十足，湯底不油膩帶少少清甜，牛骨味香🐮呢碗真係啱晒牛魔王食😍另外好欣賞佢哋嘅自選湯麵系列🥰揀左眷村麻辣湯麵🌶️ 麵條方面仲可加錢轉新竹米粉或王子寬麵😬我就揀左手切封門柳、金錢牛肚、台南蚵仔肉卷✨份量多而而且同個湯都好夾😌仲有大量台式配料，例如鴨血、滷肉、甜不辣、排骨酥等等😗 小食揀左甘梅地瓜酸甜軟糯幾好味🤤飲品隨餐已經附送冬瓜茶或者無糖烏龍茶🥰仲可以半價升級手搖茶真心抵😍 白桃珍珠烏龍茶帶微微白桃香，清爽解膩🫶🏻仲有鴨屎香檸檬茶飲呀😚Menu招牌三寶牛肉麵 $82眷村麻辣湯麵(自選配料) $72甘梅地瓜 $28白桃珍珠烏龍茶 + $13

小胖台灣麵喺元朗都開咗分店啦😍😍探家姐順便約佢食晏🍴餐廳喺千色匯地下，夠哂方便又易搵🤟🏻堂食位置都幾多，坐得又舒服，nice❤️🔹半筋半肉紅燒牛肉麵紅燒牛肉份量十足，肉質紮實有嚼勁，搭配滷至軟嫩嘅牛筋，再飲返啖濃郁厚實嘅紅燒湯頭，配Q彈麵條，絕佳嘅組合🌟🔹鴨屎香手打檸檬茶鴨屎香風味出眾，味道奇香～以手打手打檸檬茶製法，酸中帶甜，飲落舒爽又清新🍋🔹濃•番茄大骨湯麵可以自選配料，手切封門柳嫩滑鬆軟；台南蚵仔肉卷咬開有Q彈蝦肉、豬肉等，口感豐富；竹笙鮮香綿軟～配香濃蕃茄大骨湯，濃厚好夠味😋😋🔹珍珠烏龍奶茶烏龍奶茶茶感濃厚甘醇、焙火味濃，配滑溜飽滿珍珠，超滿足😌🔹香香炸雞排炸至金黃酥脆，咬落滑嫩多汁，啖啖肉超juicy💁🏻‍♀️小胖台灣麵✨📍元朗元朗教育路1號元朗千色匯地下25-26 & 61號舖

今日又做孤獨的美食家，放飯又係元朗搵下新野食，今日行到黎千色附近見到呢間新開無耐既小胖台灣麵，聽過話d質素唔錯，係門口睇下d價錢又唔算好貴就試試啦。入去坐底見到餐廳面積都幾大，坐位都幾舒服，睇下餐牌主打都係台灣牛肉麵，仲有d自選配料好似食車仔麵咁揀湯底揀餸，飲品方面有台式手搖飲品選擇，跟餐加錢就可以了，落單係用QR code落，唔識用可以剔點心紙。半筋半肉紅燒牛肉麵碗麵都算幾大碗，牛展係切成一條條，煮得都好腍，腍得黎唔會爛，另外仲有幾舊仔牛筋，配菜有紅蘿蔔白蘿蔔煮得都幾入味，湯底黎講都好甜，不過多多少少有味精，麵係粗身既台灣麵，質感有d似手打烏冬，都算爽口彈牙。甘梅脆地瓜為左試多樣野就加多款小食，追加小食都係加十幾蚊，呢份炸蕃薯黎到熱辣辣，新鮮炸起，蕃薯本身都好甜，表層再加左d梅粉增加風味，呢個幾推薦。冬瓜茶飲品揀冬瓜茶唔洗加價，凍熱都得，不過幾甜下，怕甜要叫少甜。整體黎講今日食呢餐好滿意，平時食到既台灣餐廳好多都貴又唔好食，今次呢間可以推薦下，一邊食一邊都聽到旁邊食客係度讚，証明都好多棒場客。

最近經過元朗千色匯見到間台灣麵店雖然唔算好大間，但裝修幾新淨而且好多卡位用QR CODE自助落單，在於我黎講幾方便，但如果老人家有機會要協助一下選左自選麵濃.純.香牛骨湯麵加配左海鮮蝦油條、滷水豬大腸、魷魚焿、芋頭貢丸、金針菇湯底幾濃郁，而且帶少少微辣，蝦油條建議即刻食，吸左湯更加帶外脆內軟；大腸無臭味而且幾軟淋，魷魚焿相對比較彈牙麵條比較粗身，所以比較有咬口麻辣鴨血寛粉鴨血幾鮮甜，而且吾會一夾就散個隻，寛粉口感Q彈。香香炸雞排估吾到係即炸，中間重流有肉汁，下次可以再叫珍珠奶茶🧋金橘檸檬🍋味道中規中矩，無太大驚喜

第一次試左佢既自選麵，好似車仔麵咁可以自己揀湯底同餸，湯底揀左剝皮辣椒雞湯，辣辣地，唔會太鹹都唔錯，餸既話個芋頭肉丸同蛋餃最好食同埋好有特色，香酥骨都炸得脆但就真係骨、無咩肉。麵底揀左闊面，但麵質太腍。第二次食佢既皮蛋肉燥雞扒拌麵，個雞扒都炸得好脆、唔會太老，配料有皮蛋、肉燥、青瓜，味道都豐富，不過呢度個肉燥略嫌唔係好惹味。最正係佢枱面既黃牛油同辣椒醬，唔知黃牛油係咩，但加左之後味道好濃郁！推介！飲品既話，古坑咖啡都幾好飲！食左兩次，整體味道唔差，埋單連飲品都係70幾蚊左右，性價比ok，經過可以一試～