津津食家

Open Now

Now Closed

一行 4 個人, 叫o左 3 個菜:雞粥: 又係白切雞 + 白粥, 何來雞粥呢? $88一窩! 我叫半隻菜膽雞 + 白粥仲平過佢~脆皮豆腐 ($38): 脆皮還脆皮, 豆腐還豆腐, 西檸汁還西檸汁, 三樣野跟本 compomise 唔到! 勁難食~西蘭花帶子: ok 好食, 不過承為 $98, 貴過大酒樓~$88 + $38 + $98 = $232!點解? 佢話要收茶芥!!!! 仲要唔 check 單都唔講...menu 又唔寫明!雖然唔係咩大數, 但我真係未試過大排檔要收茶芥!!

文迪搬到了這邊工作, 是晚還是我第一次過來, 就在這邊晚飯吧. 揀的, 還是之前吃過的店子. 上一次來吃, 好像已經是好久之前了.金牌乳鴿 $48: 7分, 先來的就是乳鴿, 剛炸起, 當然是熱辣辣, 皮夠脆, 不過肉質就不夠嫩滑, 實了點. 感覺上好像從前好吃點.蒜蓉炒西蘭花 $48: 5分, 西蘭花炒得老了, 也偏油, 或者這就是大排檔的風味?招牌雞粥 $28: 5分, 雖然是招牌, 但其實水準一般, 粥還粥, 雞還雞, 粥沒有甚麼味道, 雞肉也是骨為主.脆皮炸豆腐 $38: 8分, 全晚最好吃的是這個脆皮炸豆腐, 炸得香脆, 豆腐夠滑, 不用點醬汁已經好惹味.竹蔗茅根水 $15: 6分, 一渣$15, 其實都相當抵飲, 但實在太甜, 受不了那份甜味.六點幾來到, 人客不太多, 不知入夜後這裡還是否那麼熱鬧呢?

四天的復活節假期的最後一天，女朋友入沙田約我逛街，去完文化博物館後便入火炭吃大排檔，記得上次我和一個弟兄食過津津，感覺不錯，便再次踏足該大排檔。招牌的乳鴿和雞粥當然不可少，另外點了炸豆腐、腐乳炒通菜和斑腩煲。除了乳鴿和雞粥仍然保持水準外，其餘菜式都係不過不失，除了炸豆腐較好吃（點了酸汁，較少這樣做法）外，其餘都係味道麻麻。服務方面，明顯比我上次去的時候差了，尤其斑腩煲要多次催單才上菜，這讓我倆對這間大排檔的印象真的大排折扣。總而言之，即使招牌菜做得好，其餘菜式若果未能有好的水準，都難以吸引顧客再次光顧。

呢間大牌檔可以算係我最鍾意食既大牌檔尤其是佢D雞粥...仲有，我最鍾意既就係佢招牌乳鴿...零舍不同^^^^小炒都唔錯...好有鑊氣!!!就算係炒粉麵飯，都一樣咁掂...抵讚~~~

因為脆皮扣肉令我再黎津津..今次除左扣肉仲多左個xx茄子再黎南乳雞翼拼炸大腸炸番薯拼炸尤魚鬚點少得乳鴨bb呢,死好似好熱氣= =試下個泥鯭粥先真係咪講笑,我個仔根本就唔喜歡食魚,叫左都冇諗過佢會食得多..但係佢食左淡之後同我講媽媽依個粥冇魚味好好食.仲冇骨.. 比個勁佢..yo 今次比10個叻津津下次再黎

之前好多朋友介紹，話津津乳鴿好味，見今日入開沙田，就去試下，果然唔錯！

尋日同幾個朋友去左依間野食野,開頭都以為係普通既大牌檔,d送都係咁上下,點知見到個樣真係有d唔信,除左令之外味道都好好,最少係唔會好似出面咁勁味精,,,佢仲有個好特別既送叫脆皮扣肉好有創意 (包你喜歡) 價錢ok唔會托價

今日老媽子生日，佢話想去津津食乳鴿，咁就一家大細去食啦！乳鴿，唔洗多講，一定係好味架啦，食到老媽子幾開心啊，一邊食，一邊話"好味、好味"脆皮扣肉，係新菜式，呢個有驚喜啊，係用d越南春卷皮包住梅菜扣肉黎炸，雖然係炸，但係好少油，一咬落去，好脆，好香口，扣肉入口即溶，滿口油香，i like it！椒鹽鮮魷併白飯魚，鮮魷好新鮮，椒鹽味無搶到鮮魷同白飯魚既鮮味，味道剛剛好，抵讚吉列炸豬扒，之前睇食評話好味，我地都訂左黎食，炸得好香脆，碟上一d油都無，一咬落去，好多汁，正蒜蓉炒油麥菜，好爽脆！蒜蓉粉絲蒸聖子皇，聖子好大隻，好新鮮，好鮮甜！如果再多d粉絲就好啦斑塊炒西芹，魚肉好滑，西芹好爽！仲有是日糖水，好多料，我鐘意佢唔會太甜！

星期六放假，同男朋友 四眼B仔入火炭食乳鴿！之前聽朋友講"火岸津津"乳鴿好出名，一直好想試，終於的起心肝過海去沙田行下，再去食乳鴿！去到好多人，好彩仲有位，唔洗等位！ 乳鴿真係好香口！我同B仔用手食，真係好滋味，係香港島，真係好難有呢d風味！乳鴿皮脆肉滑，唔知係用咩香料，齒夾留香，正！ 我地無訂瀨尿蝦，點之真係只有細隻食，但都好香椒鹽味，d肉又好鮮甜，有驚喜，雖然話係細隻，但對比出面食既，都算大隻！ 聽伙計講，佢地d海鮮係老闆每日親自攞貨，唔靚唔攞，寧願唔賣，而且唔會攞太多，唔會過夜，保證新鮮！夜d黎，連細隻都無得食！ 炸大腸好鬆脆，炸得好靚，雖然好大碟，但我地兩個都食晒 帶子蒸豆腐，帶子都算大粒，而且好新鮮，好甜！豆腐好滑，好香豆味！:

今日好難得約埋幾個舊同學落津津食飯、傾計！大眼妹好醒喎，早兩日已經打電話訂左碟大椒鹽瀨尿蝦，因為如果無訂，就只可以食普通size啦！好可惜我唔記得影相，但食完真係覺得好好味，都想同大家分享下！我地揀左出面無冷氣個d位，一坐底，先黎一支藍妹先啦，咁至夠風味嘛，首先真係要講下碟瀨尿蝦，成隻手板咁大，炸完之後，d肉仲係好鮮甜，同去流浮山差唔多，個個都食到好開心！除此之外，一定要每人一隻乳鴿啦，最緊要記得唔好斬件，成隻撕黎食，唔多油，又夠晒香口！椒鹽鮮魷併脆皮豆腐，鮮魷肉質鮮嫩，而且都算香脆，呢個下次要再食！豆腐都好滑，但下次試下併白餅魚，因為聽到隔離枱話好味！雞粥,粥底夠綿，雞肉亦很多，而且都算滑！炸大腸,又脆又軟，個個食完都話好食,正蒜蓉粉絲蒸聖子皇,真係好大隻，味道都算唔錯，但要趁熱食！沙拉骨,好新鮮,d肉好嫩，小肥話d汁超正，我就覺得ok啦！吉列豬扒配特製wasabi沙律醬，之前睇食評話老闆娘私家炮製，我地驚要訂，所以都有訂埋，豬扒算好厚，仲竟然有汁，值得一試，誠意之作！椒絲腐乳通菜,普普通通啦！我最鐘意津津個種大排檔氣氛，"伙計，先黎一支藍妹" , 大叔即時大叫回應"得，一支藍妹，即

星期日下午六時半到達火炭津津大排檔,唔使等位即刻叫餸,例牌菜雞粥和燒乳鴿已經唔使多講都知好好食椒鹽鮮魷...............炸得啱啱好會"un"西蘭花斑球...........夠鑊氣,而家已經好難食到咁有鑊氣,炸大腸...................夠脆冇尿味埋單走人時己經坐冇虛席,可想已知只要食品好,大排檔一樣可以人山人海

未食前見到坐無虛席,而且價錢唔平,所以都好大期望張相係食完先影既,因為平身都無諗住上黎打食評只不過食落先發現太差,真係認唔住要上黎宣洩一下一行7 人,叫左6個小菜諗住食到一半唔夠先再叫1,脆皮豆腐---如圖中所見,無人問津,實在太難食,個皮又油又厚,厚到好似食緊麵包咁,入面舊豆腐唔滑,又無豆味,真係好難食,個豆腐無應要點個西檸汁食,但我地個個都覺得黠完仲難食,2,蠔餅---個名叫蠔「餅」,但根本就唔係一塊餅,而係一舊舊既炸粉+蠔,口感都唔似一般既蠔飯,仲連應有既蛋香都無,(心水清既朋友可以見到有一舊食淨既蠔餅擺左係碟豆腐到)3,啫啫雞煲---個汁無乜味,零鑊氣,其中一個朋友食食下話個煲入面有魚,但原來唔係魚,係其中一件雞,咁大家可以想像下佢d雞有幾唔入味同d肉質係有幾差,最重要既係個汁都開得好差好差,我未試過食啫啫雞煲食到有一舊一舊生粉團係入面,唉4,蝦干粉絲娃娃菜煲---上湯烚娃娃菜,無可能會難食,即係全晚最好食5,魷魚蒸粉絲---好多好多蒜,所以未必個個受到果陣蒜味,我比較唔好彩,食粉絲果陣食到一大口未溶既鹽6,炸大腸---即係相入面果大碟花生,呢個幾好味,唔會炸得太乾,一行7人一

十年前還是中大人時, 聚會都選在這裡, 貪近加平靚正, 十年後舊地重遊, 今非昔比, 雞粥, 實在名過其實, 似雞加白粥, 仲要係唔綿的白粥乳鴿, 唔脆, 肉質好"鞋", 求期邊間都好食過佢.....炸糖心蕃薯, 粉漿厚過塊蕃薯, 勁多油...是油淋淋版的天富羅, 難食.炒蜆, 全無鑊氣, 似一早炒好, 等客叫雜菜煲及西寧雞, 係全場最正常的.而由於係我發起話要食津津的, 我覺得唔好意思, 簡直係無好介紹我們4位, 都覺得點解津津咁多食客, 實在係一個謎, 而網上, 係好多人彈的時候, 又離奇地好多人激讚...其實佢價錢貴過酒樓, 食品質素卻大退步, 除了懷舊外, 我找不到任何理由, 要再番轉頭幫襯

因為我的兄弟好友生日，適逢往來調景嶺至沙田火炭的巴士線798通車不久，我們決定一齊由調景嶺搭巴士直入火炭食晚飯，和他慶祝。或許是有新線直入火炭，也見到有些是因而專程入火炭吃大排檔的！言歸正傳，我們當晚叫了：沙田雞粥乳鴿:chopstick;琵琶豆腐避風塘式豆腐青檸冰（每人一杯）去大排檔吃是吃它的風味，這間當然做得到！尤其欣賞：雞粥：新鮮即製，雞件又沒有平時吃的雪味；雖然我不太喜歡太多蔥，但始終是曾經陪過我在沙田的日子的風味琵琶豆腐：這道菜與許多大排檔吃的不同，是落了蛋白草菇打成的獻的，多了一種清爽的味道！沙田以大排檔美食聞名，津津可謂發揚這個美食文化的中堅份子！有機會想再去和一大群朋友擦餐勁！

行完沙田一田百貨,朋友們一致提出去大排檔食晚飯.其中一個朋友話火炭大排檔幾好食~二話不說即時飛的士第一次去,見三間鋪面都有霓虹光管招牌,都唔知邊間好,問朋友想食乜,齊說乳鴿就自然選擇去津津招牌雞粥~粥夠綿,雞夠滑,粥面有少少雞油金牌乳鴿~乳鴿有有少少炸過火津津煎蠔烙~我朋友食左後大讚好味,不過我就覺得唔夠蠔仔肉椒鹽豆腐拼雞軟骨~好味呀,當然椒鹽系列配冰凍啤酒一流呀脆皮豆腐~是老闆娘介紹,佢話食E個豆腐一定要點西檸汁,照跟之下真係好食好多~正呀老闆娘私家炮製吉列豬扒配特製wasabi沙律醬~老闆娘同我地講話想我地試下佢地自已研製炸豬扒,當時我其實好飽,所以婉拒,但係佢轉頭就拎左出黎,話真係想我地比D意見,仲話係送唔收錢添超讚呀,可能之前我同佢講話炸乳鴿過火得滯,佢好似連鑊油都換埋,炸得恰到,外脆內嫩,沙律醬混合wasabi,點後入口有辛辣但係有沙律醬中和味覺,真係好食我對E間大排檔有好感,相信不久我會再來,希望下次老闆娘認得我並繼續研發D好味既菜式