津津食家

Open Now

Now Closed

自從搬離左沙田後, 已經唔得幾耐無去過呢間大排檔, 今晚就過去食個宵夜星期六晚呢個時段去到都見出面坐滿客, 向侍應報數幾多位後就被帶領入去有冷氣既地方開餐, 唔怕食到身水身汗黎到呢度最想食燒乳鴿 ($70隻), 熱辣辣上枱, 皮香肉多, 食落去肉有味道, 浸得幾入味先拎去炸, 果然唔錯鷄粥好大鍋吓, 足夠3-4個人食, 鷄件份量都多, 個粥相當夠味, 似咸鷄粥多D, 鷄肉亦食到少少鷄味, 食完要飲多幾杯茶有鷄粥又點可以無豉油王炒麵? 望落色水認真夠晒, 面頭再晒上芝麻梗加之香, 食落唔油膩, 隨碟送上辣椒醬, 有粥有炒麵, 掂晒

其實我都係廣告出身，又點會唔明廣告的化妝威力！但化妝同喬裝係兩回事喎！早前係某大電視台的消夜美食節目中介紹過的津津食家，由於介紹得太好，我即時約埋朋友去品嚐，可惜有期望就有失望！比喻為極有特色的潮州蠔仔肉碎粥，以金（炸過的米）、銀米做粥底，配以嫩滑蠔仔，及大量配料：芫荽、蔥、冬菜等等，質感非常豐富極級享受！聽到都覺得正！點知，送到眼前的是一窩白皚皚，蔥花都冇粒的粥！😱😱😱我哋估，可能咁啱用錯左粥底，放錯左雞粥的粥底呢，所以我地又叫一窩雞粥比較下，點知中伏，個粥底係燶嘅，有苦味添😭😭😭最出名的主打菜：乳鴿，的確係全餐飯算最好食架啦，但咸到飛起！避風塘茄子同椒鹽豆腐無論做法同味道都係樣！好，唔憤氣，再叫多個椒鹽魷魚睇下，點知成個日式天婦羅咁，粉漿厚過塊魷魚！總結全餐飯味道單一，得個咸字！超失望！😫😫😫

第一次來到，門口枱面開到巴士站。點的菜式都是多人點或是推介食品，味道不錯，只是我們感覺咸少少。黃金蠔仔粥味道一流，脆皮扣肉是必食之物。乳鴿我自己無吃，不做評論。

睇左大電視台播既飲食節目, 決定第二晚同家人去試下. 7點鐘去到見到有好多好似我一樣既為食兵團係到等位, 心知不妙.幸好, 只等了半個鐘便安排了座位. 打開餐牌, 入面菜式是屬於小炒風味. 我當然滿心歡喜, 因為香港人最喜愛小菜呢!依度出名乳鴿, 所以點可以唔叫呢?! 叫了兩隻開邊, 乳鴿炸的時間控制剛好, 皮脆肉嫩, 鹵水味道適中, 好味!由於可能太多人捧場關係, 有好多菜式都已經沽清, 最想試他們的蠔仔粥也沒有. 叫了一個香橙骨, 是一個家傳戶曉的菜式. 這個菜就普通的不作介紹了.還叫了一些小菜, 椒鹽九肚魚, 蜆芥鯪魚球, 這些菜式都沒有太多驚喜, 不竟有好多想試的菜式都沽清了.最後點了一個骨香木桶雞, 這個菜式名字好像好特別, 但其實也只是蒜香蒸雞的一類.總括而言, 吃不到招牌菜, 所以有些失望, 而其他菜式也是普遍其他餐廳有得吃的. 可能又因為傳媒訪問後, 引來一大班為食貓, 手忙腳亂之下所以導致食物水準下降, 希望店主多多加油!

第一次嬲到寫食評！星期日，八點左右。自助等位，先等30分鐘。餐具全自助，坐低10分鐘冇人落單。叫隻乳鴿，豉油皇炒面，椒鹽鮮魷。再等30分鐘，豉油皇炒面唔熟又油，硬身既。椒鹽鮮魷賣相極差，粉漿上唔均衡又厚，食到成口油。再等30分鐘，唔好意思乳鴿賣晒。埋單$160,一個字不X知所謂！

其實係沙田多年，食咗咁多年津津。每次都更失望。今日因為一d事係火炭。就再去睇下有無改善。叫咗雞粥小窩，炒面，大腸，炸豆腐，西蘭花牛肉。雞粥依然無雞味。聽佢講叫細窩話一人有兩碗，點知一人碗半唔夠食。炒面，d燶咗的面碎都上碟，仲要放係面。大腸，炸到乾晒的又有，有d成塊肥糕又有。炸豆腐不過不失，但我覺得大圍油站強記的香d。西蘭花牛肉，d牛肉好難搵到間比佢做得更差的，又鞋又咸。三個人食，三百五。仲衰過茶餐廳。

抄硯有三分一唔開😪😪！個汁好似糊咁，買相非常差。好唔掂。。其他食品可以，燒乳鴿香口，味道適中，皮脆肉嫩，多汁。鷄粥香滑。菜可以。抄硯實在大差，一句講哂，失望！

津津算是火炭工業區內比較受歡迎的一間大排檔，除了馳名孖寶-雞粥和燒乳鴿外，還有數十款鑊氣小炒選擇。膠檯布加摺檯配膠櫈，盡顯地道大排檔風味。營業到凌晨，絕對是宵夜好去處。 <金牌乳鴿>差不多是每檯客必點之選。乳鴿燒得皮脆肉香，雖已斬成四份，依然鮮嫩多汁，鹹香入味，值得推介！另沾少許淮鹽食用更是提升滋味的指定動作。 <招牌雞粥>細窩份量已足夠四人享用。粥煲得非常綿滑，盡是吸收了雞的精華，香濃入味。但雞件比較少肉多骨，要小心進食。

dropped by fo tan today after taking the dogs to penfold park. but the time we arrived it was already 3pm so we took one of the empty tables outside to ourselves. if they cleaned up the area a bit it could really be a very nice environment in the winter but instead there is trash and cigarette butts and used dishes everywhere.despite the environment we were able to enjoy the food.the curry beef brisket pot was very nice. HK style curry with beef brisket, beef tendons, and potatoes. the potatoes

After visiting my old client in Wah Lok Industrial Building, we walked to this traditional food which is one of the restaurant I want to try during these years.It was 2:45pm when we arrived.  The waiter said that the lunch set is still available even thought that supposed to be the time for afternoon tea food.  I ordered a sweet & sour pork rice set (around HK$35) with hot milk tea.  If I'm asked to rank this sweet & sour pork set, I'm sure I will give a relatively high score (9/10) to this rest

來沙田吃雞粥, 吃乳鴿是很多香港人的回憶, 不過應該好多人都知道, 最好吃的乳鴿和雞粥都不是在沙田XX酒店, 亦不是位於河畔花園的酒家, 而是位於火炭工業區的兩家大排檔, 其中一家就是津津. 小時候, 一家人常常來這裡吃飯, 記憶中的味道是非常好的, 不知道十多年後的味道如何呢…招牌雞粥 (小窩/ $70)來這裡不吃雞粥, 倒不如不來呢!小窩的雞粥份量也挺多的, 三至四人也絕對夠食.雞粥內的雞件體型比較小, 帶有骨頭, 吃粥時定必要當心, 以免被雞骨嗆到.粥底綿綿的, 米粒煲至爆開, 口感很好, 稍嫌粥底過鹹, 要邊吃邊喝茶解喝呢!豆豉鯪魚油麥菜 ($72)一道簡單的家常菜, 家中也會常常烹煮的, 竟然花上72大元點了此道菜, 如被媽媽媽知道, 定必會被罵呢! (笑~)豆豉鯪魚當然是罐頭呢! 味道就如家中烹煮的味道一樣, 而油麥菜份量也挺多, 鮮嫩爽脆, 但是呢~ 吃到一半, 赫然發現整個碟底都是油, 足足有一吋厚, 倒了半支油下鑊嗎? 使人越吃越膩.椒鹽鮮魷 ($95)唔~~ 為何份量比其他客人的少? 只有十數件呢!外層炸粉一夾即散, 完全可以把炸粉及魷魚分離呢! 尤幸魷魚彈牙鮮味,

近排食了不少Cafe和西式美食，想轉轉款式。就駕車到火炭，食返一些港式的美食。位處工廠區，內有幾間大排檔，我們選擇了”津津食家” 這間大排檔晚膳。大排檔賣的是鑊氣、味道，所以環境上絕對不能同西餐廳比較，但也不算太熱和太嘈。睇完餐牌後，我們點了4樣食物。1. 招牌雞粥 (細窩 $70)這是我們一早已想好要點的食物，雞粥煲得很綿，毋須加調味料，已很夠味。2. 豉油皇炒麵 ($45)粥配炒麵，這是必然既配搭，價錢合理，點埋佢啦。鑊氣很夠，大排檔先食到的味道。3. 椒鹽鮮魷 ($95)很香口的食物，魷魚爽口的。4. 豆豉鯪魚油麥菜 ($72)唯一尾中不足就是這味菜了。太多油了。整體來講，食物唔錯，價錢合理，間中來食，係一個好選擇。

估唔到LUNCH $44既餐,都可以ORDER油鹽水浸沙猛魚,實在霸氣~叫左之後等左接近15分鐘先有得食,看份量和心思就知道值得等待~魚肉係經過炸既處理,但係又唔會好硬,油鹽水經魚肉和勝瓜浸過後既有胡椒味,亦有魚肉清甜.也有粉絲把湯吸盡~美味無極限.缺點係沙猛魚既骨都唔算好少,如果可以有九肚魚就正了!

由於入了馬場,於是就近的美食就是津津了,很久也沒有去過這樣有風味的大牌檔了,大的膠茶壺,摺凳,坐在一個路面不平的位置,旁邊是花槽.看見餐牌就點了最有名的乳鴿和雞粥還有雞油豆苗.乳鴿入味而肉鮮甜肥美,雞粥夠哂熱,入口綿綿又不太咸.叫豆苗是因為價錢與其他油菜價錢相若,所以點了,想不到份量也有很多,很好可以再去.

之前和的士司機傾計時，知悉正宗沙田雞粥除了大圍外，還有火炭的這些大排檔。今天因為要拿陶瓷，又腸胃炎，所以決定到此吃粥。一式三間也不知司機說是那一間，就去最近那間吧。去了津津，出單卻是錦記。主打雞粥，$35，雞胸比較多，所以不算太滑，我個人喜歡帶骨雞件。之前在街沒有吃過像樣的雞粥，包括大圍那間，可能現在沒有新鮮雞而且用料又慳。這間雖也不算好吃得要推介，但起碼雞件多，粥底有少少雞味。另外叫了乳鴿，$65。乳鴒肉酥骨軟，一直吃，咀邊一直流汁。唯一要彈的是皮不夠脆身。再點了一個例湯，免費的。上桌卻非常大碗。青紅蘿白豬骨湯，例湯就不說火喉了，最緊要夠味精。這裡例湯足味，喝了一碗又一碗，比雞粥還要好！加一支大樽可樂，都只是$7，大排檔很抵吃啊，而且環境也算乾淨。也說是到火炭的一個好選擇。