津津食家

Open Now

Now Closed

已經有10年沒有來過津津以前一直有名的是他的乳鴿及炒蜆不知道是好吃的東西吃得多還是真的津冿退步了雞粥 - 沒有什麼味道乳鴿 - 應該是全晚最出色的椒鹽鮮魷 - 一般炒蜆 - 非常差 南乳雞翼 - 一般豆豉靚魚油麥菜 - 非常油 太大碟 唯一應該讚的就是門口可以泊車 好方便而且價錢非常公道雖然沒有什麼服務可言 但幫我們落單的叔叔還是幾好笑容的

今晚一家大細去好耐無去嘅津津食晚飯，全程都非常愉快，因為點了三個餸味道都唔錯，到埋單問一問收銀（係一個男人婆）幾錢一個白飯，嘩佢d態度極差答你，到計完我見多咗10蚊，我只係話唔係應該$xxx咩？個男人婆就好衰嘅態度講嘢，你係唔係5位啊？堂食2蚊位，寫明嘅！其實唔緊要，可能我自己睇唔到，我都係問一問啫，但呢個收銀員d態度真係好差劣！我媽媽知道後再行去同佢講我地係4位大，個收銀就好寸同好差態度話：「4話啊？我俾返2蚊你」我都費事當面話佢態度差，所以上呢度寫出黎等大家知道！給津津老闆：你啲食物有幾好都冇用，你d員工同你倒緊米！真係俾你呢個收銀（男人婆）掃了成餐飯嘅興！唔知點解俾錢係要受氣！就係因為咁所以唔想再幫襯！

一放工又要解決溫飽問題啦，因為太耐冇食大排檔，所以決定今晚食！位於火炭嘅津津食家，其實我地都係walk in 入。環境冇咩特別，都係大排檔。由放下就食左下午茶，所以都唔算太餓。兩丁友就叫左人頭飯。菜苗，炸鮮魷同蠔仔煲。本身諗住再叫其他嘢食，點知佢嘅栗子蠔仔煲嘅份量令我打消左個念頭....好大份。而且啲蠔真係粒粒都好大粒。就係我地講緊煲蠔仔嘅時候，姐姐上左碟椒鹽豆腐，咁我地同佢講上錯，我地冇叫。但原來成碟嘢！係成碟椒鹽豆腐係送嘅！無錯係送嘅！老闆係咪有太多豆腐？雖然係送嘅，但味道係唔馬虎的。依啲咁特別嘅作風真係只有依種街坊大排檔先有。好可愛嘅情懷！❤️❤️❤️❤️❤️❤️❤️❤️❤️❤️❤️❤️❤️❤️❤️❤️仲大碟過份鮮魷！同碟菜苗有得揮！。 ❤️❤️❤️❤️❤️❤️❤️❤️❤️❤️❤️❤️❤️❤️❤️希望香港多啲依啲鋪頭！哈哈！

前個星期六,我們一家和我的媽媽的朋友去了津津吃晚飯,我們叫了燒乳鴿,雞粥和一碟菜,燒乳鴨很多油乳鴿的外皮脆,雞粥無雞骨,菜很美味和新鮮,我們乘坐在路邊吃飯,服務員的態度非常好.

原隻BB鴿， 識食一定係免切件， 可以留住佢既肉汁.... 內裡好juice 雞粥一定唔少得， 沒有味精， 雞肉剛好， 沒有過火， 沒有煮老脆皮扣肉， 春卷皮包著梅菜扣肉落鑊炸但中間炸洋蔥油味很重， 怕熱氣的人少食為妙

平日聽說經常滿座，個個每枱都必食鴿既關係，朋友已經預先打左電話預約定位同bb鴿，到晚上就到達全仔路都係枱都幾跨張，留意到每枱多數有一碟鴿，當然我地都唔例外碟bb鴿一黎到陣陣既香味傳入鼻內....人人一隻，連寶寶都食食得晒成隻bb鴿當食晒鴿先好叫小菜，雜菜煲都ok既炒飯幾好味邪惡外脆內軟既炸大腸，好野味超歡食大腸既朋友食唔停口油麥菜炒得都幾香口炒蜆同平時食開差不多既不過食度蜆都大隻炸豆腐同雞軟骨做到好脆又係外脆內軟，加埋白飯食都好味食某店雞粥就食得多，依度做得幾好，起碼唔太多油係面頭，雞都係咸左既雞煲出黎清得黎有雞味Bb鴿真係必食，因實在太新鮮熱上

去到火炭津津食晚飯，真係有太多青春回憶，細個成班朋友拍拖食消夜成日揸車入火炭，柴娃娃不知幾開心！今日再去食返碗雞粥，豉油王炒麵，勾起不少青春回憶辣酒煮東風螺，，好嘢味喎豉油王炒麵炒得又乾身又香口

大排檔係香港人嘅集體回憶之一，而且細細個成日都話入沙田食雞粥，已經成為香港人嘅口頭禪！今次一大班人約咗去呢間大排檔聚會，當然第一件事係叫呢度嘅馳名雞🐔粥，入口有米香又軟綿綿，而且用新鮮雞，好快成窩已經清左！第二樣叫嘅就係炸乳鴿，乳鴿皮脆鮮嫩，一人一隻都唔嫌多，雖然我唔識食乳鴿頭，但係我朋友話啲乳鴿頭整得好香脆又有鹹香！之後我哋叫咗一啲鑊氣嘅食物，辣汁炒蜆和咕嚕肉係我嘅至愛，蜆肉肥，沒有沙，唔係好辣但係好野未，咕嚕肉炸得好香脆，肉質嫩，但係如果用新鮮菠蘿就更加好啦！雞蛋焗魚腸是另一個懷舊餸菜，不過我就唔係好識欣賞啦，因為我成日都覺得啲魚腸好污糟，不過我啲朋友話呢個餸焗到好香，而且又冇腥味，魚腸洗得好乾淨！另外腐乳炒通菜啲炒工炒得唔錯，啲菜都好嫩口，好香腐乳味，總括嚟講呢間大排檔整嘅食物都好有鑊氣，雖然現場環境就唔係太衛生，不過始終係大排檔一定係咁㗎啦，間中做下麻甩佬都唔錯啊！一面隊啤酒豪氣下！

BB乳鴿好鹹,無肉汁，有啲乾。雞粥好淡無味，好似雞同粥分開煮最後加埋一齊。一啲都唔好食椒絲腐乳生菜一啲都無腐乳味好重味精。大排檔風味但味道極差,不值一去! 浪費時間排隊！

一行七人特登走到火炭食乳鴿，好日唔去新界吃野，但去到原來火車站行站去都好近！七個人叫左八道餸菜：金牌乳鴿 🐦（$70/隻）即叫即煮，熱辣辣，表皮脆口，肉身唔會老，又多肉汁👍🏻招牌雞粥（大窩$90）粥夠厚身🍚🍚，唔似一般大牌檔得粥水！ 雖然雞肉比例唔算多，但香噴噴雞油味沾滿粥面，香到吃左兩大碗。豉椒炒蜆（$78）同一般大排檔質素差不多，吃到底都係未熟透的蜆，但值得一試⭕️椒鹽鮮魷（$98）鮮魷夠大嚿，表層漿粉少，咬落好彈牙！椒鹽豆腐（忘記價錢）漿粉比鮮魷多，但比例係剛剛好蓋住豆腐，好香口，送酒一流上湯浸時蔬（$72）有喊同菜選舉，我地揀菜心，驚奇係原條菜心煮，大排檔多都係將菜切成幾份，節省成份，所以吃落特別開心！魚香茄子煲（$68）8款菜，呢道較為失色，感覺師父錯手落太多水去煮，成個茄子煲變成茄子湯。 ☹️菠蘿咕嚕肉（大約$90）肉係用金沙骨炒，所以吃落舊舊肉都係骨咁濟，味道係好味，但換番厚身肉會更惹味🤤值得大家特登過黎試下乳鴿！

大排檔在香港買少見少，津津食家是現存的少數之一，其食物香味俱全，碟頭大，價錢合理。乾炒牛河：顏色雖然比較淡，但味道夠，牛肉嫩。蒜蓉炒豆苗：蒜香味濃，豆苗嫩滑紅燒乳鴿: 乳鴿炸得香脆入味。魚香茄子煲：賣相好，茄子保持鮮紫色。

相隔一月,，整理照片時，記起幫襯過這間大排檔，心血來潮補寫文章。因為此食店是我特登行由火炭火車站行進去的。由進坐到點菜，食品質素都到很好，最初6:00左右到該店食飯，男伙記人少時好聲好氣。叫老闆前老闆後，食品亦很好吃，粥、乳鴿、豆腐。以為香港還有少數好餐廳，想再次推薦給友人。由於店鋪開始多人，不想懶死不走。 臨走時，外於不想浪費食品。正想通知男伙記幫忙拿膠袋和外賣膠盒打包。最後走時就一肚氣。最後被女的帶位攪到該店down grade , 她很積極幫我們叫走男伙記，說自己幫忙她會處理。最後自己什麼都記不起。多次催促後，才叫剛才那位男伙記拿兩個外賣盒，但又沒吩咐拿膠袋。最後她賬單寫多了3塊並反著單。順道迫我埋單， 由於我沒有膠袋，固然要詢問一下櫃位，她只給了兩個盒，但寫了三塊。最後她拿了膠袋給我，這就是那一元了，像很聰明的，並像取了甜頭似的。簡簡單單攪到那麼複雜化，對客人心情又有影響。最後不是錢的問題，我都沒沒有找回所有零錢。我不會推薦給朋友亦不會再幫襯。婉惜是有如此好的廚師，如此好的男伙記，被一粒屎壞了一鍋津津雞粥!那種工作態度去到那裡都只能做二打六!

還記得讀書的時候，家人帶我去火炭吃津津大排檔，當時覺得環境很特別，食物富特色。事隔多年，再去這老地方品嚐在腦海中的味道，感覺依然，多年來的環境沒有什麼大變遷，門口總是有一個服務員在招客。今次點了幾隻乳鴿和豉椒炒蜆，乳鴿可選擇原隻上或斬件，乳鴿炸得香脆肉嫩，肉質入味，無需蘸椒鹽和喼汁；豉椒炒蜆鑊氣十足，蜆肉嫩滑，配上啤酒一流。而且，價錢相比酒樓便宜一點，分量亦算大，搵位容易，大夥兒聚會，不妨去試試。

今日咁啱嚟開附近嘅工業大廈買嘢，又咁難得過開嚟火炭，當然要嚟幫襯下Lee間大排檔＂津津＂啦，上一次嚟食已經係好多年前lu，舊式大排檔經已買小見小，講懷舊就真係無得講有幾乾淨唔乾淨架啦，最重要係講風味。金牌孔鴿：啱啱炸起，香氣迫人，一開始就掛住食，一人一對筷子襯熱搶住食，忘記咗影返張相，講到食，除咗皮夠脆之外，佢比BB鴿更多肉，真係好正架！椒鹽白飯魚：香口嘢，炸粉唔算多，白飯魚大大條，真係好耐無係大排檔食過啦，停唔到口嘅餸。雞蛋焗魚腸：LEE個利害啦！LEE個餸真係咁多年都無變，一定係要嚟LEE度食，唔係度度都煮到咁嘅味道，魚腸又唔腥，加雞蛋一齊焗係飽肚咗D，膽固醇係多咗D，但絶對唔影響我每次嚟幫襯都叫LEE味餸。手打魚片娃娃菜：普普通通嘅餸，確實成餐油膩嘢配返個清清地嘅菜，LEE個係常識吧！不過諗住手打魚片會同平時嘅有唔同，以為真係大排檔自己搵人打，食落佢味道又同平時無咩分別啫。豉油皇炒麵：比想像中差咗小小，豉油味唔太出，但佢炒得好夠乾身，都係唔錯啦！

已很久沒來, 一來坐車不大方便, 二來食品質素又真的一般般, 所以沒提興趣, 只是友人提起很久沒來, 又唸五到去邊, 就即管再去BB鴿肉嫩, 味道不錯, 皮好香乳鴿與BB鴿比較, 即時比下去, 肉相對鞋左D, 但勝在啖啖肉, 就看自己喜愛那一種. 我就偏愛BB鴿. 反正兩款味道是一樣魚腸蒸蛋可以講是差, 魚腸無完全通好, 魚腸份量又少, 在蛋與魚腸之間, 大量黑胡椒來蓋住魚鯹味. 但又五夠蛋味又鞋. 就只有面層的油炸鬼夠香脆姐, 真係可以不叫椒鹽鮮尤鮮尤不夠脆口, 只夠外面炸粉脆. 味道一味咸, 又五夠椒鹽香豉油皇炒麵夠穫氣, 豉油夠香, 如多一些配菜更佳, 油略為多, 不夠乾身