Video
Telephone
2577 9797
Opening Hours
Mon - Sun
06:30 - 18:30
Above information is for reference only. Please check details with the restaurant.
其實已經想來吃早餐很久了，因為看到此茶記，竟斗膽說自己是咖啡屋，相信店家對自家出品的咖啡是挺有信心的。此處的早餐選擇頗多，總共有九款，有麥皮、粉麵、三文治及腸仔蛋或扒等，而今天想吃最普通的港式西洋早餐，所以選了扒早餐，從魚柳、雞扒、牛扒及豬扒中選了雞扒，另外從云云的材料之中選了雞蛋及茄汁豆，一於來一個仿西式早餐。不久之後，也有得吃了，二十五元一個早餐，雞扒是完完整整的一大塊，沒有偷工減料，而且煎得熱騰騰，雞皮脆卜卜的，雞皮下的脂肪不算多，雞肉嫩滑而有咬口，交足貨之作也；雞蛋吩咐了要荷包蛋，也真的照做無誤，蛋黃被切開時，蛋黃汁洩漏出來，但憑其流出來的速度及蛋白的樣子，又好像是熟了一點點，若可以煎得生一點，蛋白會更滑，蛋黃汁會更豐富；最後的茄汁焗豆是最為普通的了，沒有預熱的罐頭茄汁焗豆，看來有點老求，但至少也是大方的下了一大堆，豆吃起來粉粉的，配上甜甜的茄汁味，也是不會難吃的。另外的牛油多士是一塊薄身的多士，也是烘得微脆而內部鬆軟的，塗上了點牛油也當然不會難吃的。最後當然要試一試這兒的即磨咖啡，大的要加兩元，細的不用另收費，點了個細的試試，咖啡一嗅起來已知真的是即磨的，面層有一層咖啡脂，是普通港式咖啡不會有的，咖啡不濃，但就是普通咖啡的濃度，喝起來不酸而有香味，也已經算是交足貨了，也不要要求什麼回甘了，跟來的奶沒有預熱，有點不夠細心，也在喝光黑咖啡之前，加入一點奶來喝，喝起來很滑而有奶香，那Cream絕對不錯。咖啡沒有驚喜，反為食物以茶記的標準來說，又是認真的，也應該給它一個笑臉鼓勵一下，希望店家可以再鑽研沖泡咖啡的技術，更上一層樓。
continue reading
22-3-200910 年唔入渣甸坊, 今日趁等朋友開飯之際, 0黎呢度蛇一蛇涼0下冷氣.熱奶茶 ($13) 色水好「茶」, 飲落就先「奶」後帶點澀, 唉...油多 ($9) 薄身, 烘得好靚, 不過食落又覺得烘得唔夠鬆脆, 牛油味有點過鹹 (!?!?!?), 結果自行落了少少砂糖先好食一點. 呢度格局係新式茶記中比較舊式的 (大家明唔明我講乜? ), 加上位置幾隱閉, 幾好蛇的一個地方, 一 hea 無妨的.不過奶茶 + 油多都要 $22, 又幾貴喎...
continue reading
通常都係去食佢地嘅午市特餐。要讚嘅就係食物質素，都幾精緻。選擇亦算多元化，日日唔同菜式得嚟亦頗有特色。要嘆嘅係價格，成三十二蚊先得個一餸飯同一兜湯，想要熱飲就要額外加四蚊，凍飲就要六蚊。可能係老字號嘅關係，貴都有佢嘅道理啦...仲有佢地嘅portion始終都係偏細，有時D餸又乾爭爭，例如煎肉餅同煎蠔餅咁，唔係好送飯。另外奶茶supposedly係佢地嘅signature item，但係聽人講唔係真係咁好飲！所以有overrated之嫌～
continue reading
12月25日, 聖誕節快樂~睇戲前去銅鑼灣食個快tea先! 帶咗呀比黎呢間隱藏於女人街入面既新忠記食厚多士~ 記得以前放學都會鼠入黎食個tea先返屋企架! 佢個成2寸厚既西多真係令人難忘! 不過今次唔想食咁肥, 所以試下另一種既厚多士又如何~::: 咖央厚麥包多士 + 凍奶茶 ::: $25都等咗ok耐... 不過真係幾有水準! 成寸厚既多士烘得好脆! 薄薄既咖央微焦, 味道清甜香口~ 但係就麻麻地夾麥包個味~ 哈哈哈~ 下次都係唔好亂咁拼d野好d!凍奶茶非常有水準!! 茶味濃奶味足質地香滑, 而且好大杯~ 我飲咗三分一杯轉外賣杯帶走, 竟然仲可以裝滿成個外賣杯! 最讚係d冰溶晒奶茶味仲好濃厚! Delicious!:: 豬頸肉五香肉丁公仔麵 + 熱檸蜜 ::: $28豬頸肉公仔麵餐跟一種配料~ 怕個公仔麵湯底會好淡, 要五香肉丁既原因係佢有汁, 起碼有味. 唔知點解, 只係一個好普通既公仔麵啫, 都係等左好耐先黎… 份量都已經算唔錯, 豬頸肉有5塊, 有少少炭燒既味道咁啦. 唔算入味~ 五香肉丁係罐頭貨, 無需特別評論~ 最後講下公仔麵, 用丁面都算係咁, 不過味精加得好少, 非常慳~ 要五香肉丁係精明選擇~ 熱檸蜜加$2, 檸蜜講求既技巧係菜蜜同檸檬既適量配合, 由於唔駛加糖既關係, 伙計調較既技術十分重要. 而呢度既熱檸蜜可算係中上, 有甜甜既菜蜜味又有檸檬香味~今次我地上咗1條隱閉樓梯上咗2樓既閣仔, 發現原來樓上都幾舒服架wor~ 都有幾多人食, 可能因為咁而令食物遲咗上枱~ 閒時黎嘆個tea都真係唔錯~!
continue reading
午飯就與同事出外吃，到了渣甸坊的茶餐廳去，因著人依然是呆呆的，就隨便地找一間好了．選了咕嚕肉飯，她就要了蘿蔔牛腩飯，不過兩者也是不錯，咕嚕肉肉質不錯，而且不是生炒骨有骨的，又不是太酸，有小菜的感覺；蘿蔔牛腩也很淋，又入味．而且例湯也料足又入味．中湯幾入味，西湯是忌廉雜菜，也合好味道！不過30多元又沒有餐飲，就是貴了一點．
continue reading