忠記咖啡屋 (Moved) New Location

其實已經想來吃早餐很久了，因為看到此茶記，竟斗膽說自己是咖啡屋，相信店家對自家出品的咖啡是挺有信心的。此處的早餐選擇頗多，總共有九款，有麥皮、粉麵、三文治及腸仔蛋或扒等，而今天想吃最普通的港式西洋早餐，所以選了扒早餐，從魚柳、雞扒、牛扒及豬扒中選了雞扒，另外從云云的材料之中選了雞蛋及茄汁豆，一於來一個仿西式早餐。不久之後，也有得吃了，二十五元一個早餐，雞扒是完完整整的一大塊，沒有偷工減料，而且煎得熱騰騰，雞皮脆卜卜的，雞皮下的脂肪不算多，雞肉嫩滑而有咬口，交足貨之作也；雞蛋吩咐了要荷包蛋，也真的照做無誤，蛋黃被切開時，蛋黃汁洩漏出來，但憑其流出來的速度及蛋白的樣子，又好像是熟了一點點，若可以煎得生一點，蛋白會更滑，蛋黃汁會更豐富；最後的茄汁焗豆是最為普通的了，沒有預熱的罐頭茄汁焗豆，看來有點老求，但至少也是大方的下了一大堆，豆吃起來粉粉的，配上甜甜的茄汁味，也是不會難吃的。另外的牛油多士是一塊薄身的多士，也是烘得微脆而內部鬆軟的，塗上了點牛油也當然不會難吃的。最後當然要試一試這兒的即磨咖啡，大的要加兩元，細的不用另收費，點了個細的試試，咖啡一嗅起來已知真的是即磨的，面層有一層咖啡脂，是

22-3-200910 年唔入渣甸坊, 今日趁等朋友開飯之際, 0黎呢度蛇一蛇涼0下冷氣.熱奶茶 ($13) 色水好「茶」, 飲落就先「奶」後帶點澀, 唉...油多 ($9) 薄身, 烘得好靚, 不過食落又覺得烘得唔夠鬆脆, 牛油味有點過鹹 (!?!?!?), 結果自行落了少少砂糖先好食一點. 呢度格局係新式茶記中比較舊式的 (大家明唔明我講乜? ), 加上位置幾隱閉, 幾好蛇的一個地方, 一 hea 無妨的.不過奶茶 + 油多都要 $22, 又幾貴喎...

通常都係去食佢地嘅午市特餐。要讚嘅就係食物質素，都幾精緻。選擇亦算多元化，日日唔同菜式得嚟亦頗有特色。要嘆嘅係價格，成三十二蚊先得個一餸飯同一兜湯，想要熱飲就要額外加四蚊，凍飲就要六蚊。可能係老字號嘅關係，貴都有佢嘅道理啦...仲有佢地嘅portion始終都係偏細，有時D餸又乾爭爭，例如煎肉餅同煎蠔餅咁，唔係好送飯。另外奶茶supposedly係佢地嘅signature item，但係聽人講唔係真係咁好飲！所以有overrated之嫌～

12月25日, 聖誕節快樂~睇戲前去銅鑼灣食個快tea先! 帶咗呀比黎呢間隱藏於女人街入面既新忠記食厚多士~ 記得以前放學都會鼠入黎食個tea先返屋企架! 佢個成2寸厚既西多真係令人難忘! 不過今次唔想食咁肥, 所以試下另一種既厚多士又如何~::: 咖央厚麥包多士 + 凍奶茶 ::: $25都等咗ok耐... 不過真係幾有水準! 成寸厚既多士烘得好脆! 薄薄既咖央微焦, 味道清甜香口~ 但係就麻麻地夾麥包個味~ 哈哈哈~ 下次都係唔好亂咁拼d野好d!凍奶茶非常有水準!! 茶味濃奶味足質地香滑, 而且好大杯~ 我飲咗三分一杯轉外賣杯帶走, 竟然仲可以裝滿成個外賣杯! 最讚係d冰溶晒奶茶味仲好濃厚! Delicious!:: 豬頸肉五香肉丁公仔麵 + 熱檸蜜 ::: $28豬頸肉公仔麵餐跟一種配料~ 怕個公仔麵湯底會好淡, 要五香肉丁既原因係佢有汁, 起碼有味. 唔知點解, 只係一個好普通既公仔麵啫, 都係等左好耐先黎… 份量都已經算唔錯, 豬頸肉有5塊, 有少少炭燒既味道咁啦. 唔算入味~ 五香肉丁係罐頭貨, 無需特別評論~ 最後講下公仔麵, 用丁面都算係咁, 不過味精加得好少, 非常慳

午飯就與同事出外吃，到了渣甸坊的茶餐廳去，因著人依然是呆呆的，就隨便地找一間好了．選了咕嚕肉飯，她就要了蘿蔔牛腩飯，不過兩者也是不錯，咕嚕肉肉質不錯，而且不是生炒骨有骨的，又不是太酸，有小菜的感覺；蘿蔔牛腩也很淋，又入味．而且例湯也料足又入味．中湯幾入味，西湯是忌廉雜菜，也合好味道！不過30多元又沒有餐飲，就是貴了一點．

泥忠記當然要飲紅豆冰'紅豆冰已經唔係好多地方有'整得好飲真係少之有少'忠記紅豆冰我由細飲到大'佢D紅豆又多又好味'花奶落得恰到好處'唔會得D花奶味'鍾意紅豆o既朋友一定要去試試'strongly recommend=]

日期：2008年2月20日Dinner三餸大碗飯，熱檸水HK$32：隻碗果然真大，蠔油冬菇，煎魚餅，茄汁豆．特餐，熱檸茶HK$35：多士，鮮茄炒蛋，香煎扎肉烏冬．環境烏煙瘴氣，食物好重’雪’味．

是日口痕, 想在茶記tea一tea,見「忠記」比其他的店子滿座,放心一試~ 下午茶餐選擇非常多,豬頸肉、炒飯面、常餐、西多至普通多士也有,我叫了一個平平實實的咖央厚多和啡走少甜,多士挺脆, 個人喜歡燶一點的較好,咖央有點淡, 啡走少甜的啡味不夠濃,整個餐不過不失, 沒有一樣特別出色。如果某一天我茫然在銅鑼灣不知吃什麼,我會走入忠記, 因為總有一款適合你。

走到渣甸坊街市，在衆多的大排檔和茶餐廳中，點指兵兵，就去了忠記咖啡屋。點了xo醬豬排炒出前一丁和熱奶茶。碟頭可觀，夠香，夠味，清碟收場！墻上貼了幾張黑白照片，埋單時問老闆娘，說是20多年前的忠記。我告訴她，廚房做的食物不錯，她不停跟我道謝。這次“隨機抽樣”，碰上個不錯的選擇。

老公愛它的奶茶, 我愛它的厚多士, 以前煙霧迷漫. 因太多sales在此蛇一蛇, 現在不准食煙好多了...下午茶老公叫了雜菌炒米+凍奶茶($30), 我叫了奶醬厚多士+凍檸茶($25). 水準依然, 兩人都覺得厚多士做得很香脆, 外脆內軟, 好過上次在勝香園食的.

今個星期日昌記短週，轉去cwb搵食，記得朋友讚過這裡的奶茶及米粉是cwb最好的，所以決定一試。想食厚多士，原來只有下午茶時段才供應，沒有散叫，唯有食特餐。特餐有特定的牛油多士外，其餘我揀了叉燒通粉(配原味湯底)及茄汁豆炒蛋，我以為是廣東燒味的叉燒，原來是日式叉燒，但口感似鹹牛、炒蛋又炒得過老、茄汁豆是凍冰冰的。老公要了紅腸米粉(配豬潤湯底)，米粉果然好幼細，豬潤湯底味道較淡，始終不及維記。我同老公都覺得奶茶都是一般，有更多的茶記好過佢。我信時家庭形式經營，老板是爸爸，待應是仔女，不過招呼態度就唔多好。

(13/5/06)想回味豬潤湯底,點知店員話無喎!?賣晒吖?定今日無吖?憶或...??知道就撇啦!坐低左,咪照order特餐:火腿奄列,配牛油多士(烘得薄薄,勁脆),午餐肉通粉。咖央厚多士,揀麥包,比方包好味好多喎。食物係好味o既,但坐位太迫了,仲一定遇著吸煙客添。

(9/7/05)三點幾鐘好肚餓, 之前食過哩度的常餐, 唔錯咪帶男友嚟食o下。(係裝修o左o個間噃)其實茶餐廳一定煙味, 我地去o左二樓, 有5部"抽油煙機"都算係咁啦。特餐$27有米粉/通粉, 奄列, 油多, 餐荼。我地叫左一個米粉, 一個通粉, 當然配豬潤湯底。一般嚟講, 街食嘅o野, 材料始終唔吸自己整, 但豬潤湯底, 話晒哩度"特色"ma! 都OK架! 不過係配米粉好味D。其餘奄列/茄汁豆炒蛋都好企理。餐飲夠大杯。我飲過奶茶, 認為奶多o左D。

這兒早餐很旺場。一般煎蛋早餐都不錯，還有蘑菇蛋白奄列供應。很多人喜歡食煎蛋配沙甸魚，我則未試過。我最愛這兒的鮮奶麥皮，好濃好滑，係用一支鮮奶去做的，大大碗都幾飽肚。另外這兒的奶茶是用Mug 載着，都幾大杯，但略嫌奶太多。雖然早上很多人，但店員服務不錯，很有笑容。

如果你係銅鑼灣返工或者鍾意係個度wet o 既朋友, 相信都會去過果度食野, 雖然個店面唔係好大, 座位又窄, 仲周不時要等位, 但係個度d 野食就好住家, 個d 杯杯碟碟好有屋企feel, 個度最好食就係" 炸菜肉絲烏冬", 好清好入味, 仲可以按照自己喜好, 加腸仔呀、肉呀、牛肉炒蛋呀、冬菇呀、魚餅呀等等, 總知就有大食大, 所費無幾, 除o 左呢樣," 蛋牛治" 又係一絕, 不過, 一定要熱食, 如果唔係, 就失去劭既吸引力, 最最緊要, 加埋一杯熱或凍( 視乎天氣而定)o 既鴛鴦就very good 啦! 我最鍾意係4 、5 點o 既時候去, 人少少舒服d, 不過呢間野收6 點半, 唔做夜市o 架, 所以幫襯就請早。