潮薈館

Open Now

Now Closed

九龍城～新開特色打卡潮州菜潮薈館必食豬紅 ，食過就知好味道😆必食蟹粥，食過先算嚟過飲紅酒🍷都講情調好鐘意懷舊裝飾餐具🍴配搭一流打卡位置，要提前留位樓上雅座，容納更多人😉

📍潮薈館 (九龍城)試試九龍城新開嘅潮州菜館。款式幾多，價錢又唔貴😍😍😍。✨汕頭手打牛肉丸$168牛肉丸大大粒，口感彈牙，濃郁多汁。湯底好重大地魚香味，仲有大量紫菜。✨金沙蝦球$128蝦肉鮮甜彈牙。鹹蛋黃起晒沙味道好香，又唔會太鹹。✨滷水掌翼$118滷得入味又易咬。滷料香得嚟唔會太鹹。✨清心丸綠豆爽$28冰糖煮綠豆味道清甜溫和。清心丸口感煙煙韌韌幾特別。📍潮薈館 (九龍城)九龍城福佬村道62-64號福聯大樓地下B號舖

九龍城新開潮州菜小館潮匯館連平日都坐無虛席，walk in 都無位就可想而知新小店已經開始深得民心。餐廳唔算好大，但有廂房，有散座，無論多人定少人黎預早book定位就可以。最重要係菜色豐富各種潮州菜，滷水，海鮮，炸蠔酪蘿蔔酪潮州粥等都有得選擇，即使廣東菜也有供應，款式大路，一定能滿足各位的潮州胃。-滷水掌翼118一碟份量都好大碟🤩🤩滷水掌翼大大隻之餘皮爽肉嫩，這裡的滷水自成一格，吃起來比較清香淡雅，不油膩之餘也不霸道，-滷水掌翼焦糖色的外皮富又帶有光澤，肉嫩入味。-蠔仔砂鍋粥138蠔仔砂鍋粥甜到不得了。蠔仔粒粒都好飽滿，粥底又用左方魚同大地魚去煲，仲有加入香芹、肉、碎方魚等等， 香茜又勁新鮮 ，鮮甜好味。-豉汁蒸白鱔168一上檯就知無欺場，肯定有大半條鱔。自家制的蒜蓉豆豉，加埋咬落鮮甜彈牙的白鱔，是我今晚最愛菜式之一。-潮匯小炒王118配料超足魷魚大蝦乾腰果同埋炸魚乾，超多海鮮仲有嫰而無渣的 韭菜，炒得好食。

今日同閨蜜嚟到九龍城搵嘢食諗諗吓好耐冇食過潮州嘢 見到呢間潮州餐廳門面都幾靚 菜牌睇落都幾正宗又唔貴 於是決定試吓 餐廳幾乎坐到滿晒 好彩啱啱有一台客走唔使等 呢排天氣開始有啲轉涼想飲個湯暖下胃 於是點左胡椒豬肚湯 估唔到例牌都有咁大兜 好足料有好多豬肚同埋鹹菜 飲落去有好香微微辣嘅胡椒味 湯好香濃 唔會太咸 飲落冇味精！感覺真材實料嚟到潮州餐廳一定要點滷水鵝！我哋叫咗個滷水三寶～有鵝肝鵝腸同埋鵝肉 鵝肝香軟～入口即溶 鵝腸好大條又爽口 鵝肉食得出好新鮮～ 我同朋友都好鍾意最後想叫多個香口嘅炸物 決定試吓椒鹽白鱔片～ 上碟嘅時候熱辣辣係新鮮炸嘅！ 白鱔彈牙肉質白淨新鮮 最後叫埋個潮州甜品～綠豆爽~ 開心的一個潮州菜之夜

九龍城泰國菜食得多，不妨考慮吓呢間新開無耐既潮州菜館。不論裝潢定餐具，都帶點古色古香，好有格調。［滷水鵝拼盤］有滷鵝片、豬腩片、紅腸、豆腐同蛋。滷水汁好夠味但唔會鹹。點埋白醋更好味。鵝片啖啖肉，最喜歡佢滑嘟嘟既滷豆腐🫶🏻［芋蓉香酥鴨］好考手工既潮州名菜之一。咬落熱辣辣，酥炸鬆化既外層包住幼滑軟綿綿既芋泥混合鴨肉，好甘香。點埋有少少梅子味既秘製甜醬，非常好食。🥰［潮州糖醋麵］糖醋麵，即係兩面黃。一面脆卜卜，一要少許煙韌，口感好正。可以按自己喜好加糖同鎮江醋。［凍大眼雞］凍魚唔腥，魚肉好滑，亦唔會點夾到骨。點埋普寧黃豆醬更帶出鮮味🥰部分海鮮都要預訂先有先食架。

九龍城是潮洲菜館的集中地，質素也有一定的保証，今晚就和朋友來一間似乎是新開的潮洲菜餐廳，品嚐地道的潮洲菜味道。滷水鵝拼盤$158有滷水鵝、腩肉、豆腐、蛋、紅腸，指定的組合，不可轉換，主要想吃鵝，鵝肉嫩而有鵝香，滷水味道做得不錯，蘸點醋更開胃，豆腐最索汁，紅腸爽口，腩肉脂香迷人。鹹檸檬燉鴨湯$128比較少見的一個湯，感覺喝鹹檸檬的湯令喉嚨比較舒服，湯頭清徹，檸味清香，不油膩的燉湯，而大大隻的鴨肉質仍嫩而且保留鴨肉香味，可以當作一個菜式吃。蠔仔砂鍋粥$138所說的蠔仔有些看起來比我認知的蠔仔大隻，煮到不會太熟，仍有嫩滑Q彈的口感，蠔香滿滿，湯底很有鮮味，米飯的份量也剛好，不會吃完料喝完湯還有很多飯吃不下。椒絲腐乳唐生菜$88最近愛上了椒絲腐乳炒菜，鹹香惹味，又有鑊氣，令吃菜變得享受。潮州芋泥$35 清心丸綠豆爽$28甜品選了潮州芋泥和清心丸綠豆爽，芋泥質感濃稠芋香很重，頗有飽肚感，而綠豆爽就較輕盈無負擔，清甜清新。

九龍城美食多不勝數，今日就嚟咗食潮州菜，久違冇食打冷，食到我舔舔脷🤩滷水三寶好高質，有鵝片、鵝肝、鵝腸，鵝片真心好食，肉質嫩滑，而且吸收晒啲滷水汁，好juicy；鵝腸夠晒爽脆，口感一流🥰潮州戲棚粥好有驚喜，佢唔係好綿密嗰一種，反而係有少少似湯飯類，味道調校得非常之好，入口清爽得來帶少少鹹香；戲棚粥材菜好豐富，有齊魷魚、冬菜、蝦、鵝肉、冬瓜絲、冬菇等等，味道、口感都夠晒多元☺️川椒炒牛肉都唔錯，牛肉份量多，肉夠嫩，食落都好彈牙，炒得香同惹味😚餐廳裝潢都好有心思，有古代風，有燈籠、古代嘅牆紙，氣氛滿滿👍🏻

Dinner with the Chiu Chow fans. Apparently they have been fans of the chef since his time in Sham Shui Po.Restaurant had 2 levels. We were seated on the ground floor. Maybe cos of the low ceilings- had to speak extra loud for ppl on our table to hear me.Here’s what we had. 金沙魚皮生醃螄蚶- needed to preorder. Didn’t try cos of the chili bits but the others loved it, saying it tasted very fresh and sweet.Wanted to order the raw shrimps as well but server said shrimps weren’t very nice that day.潮州紅燒魚翅- v

九龍城除咗食泰國菜，潮州菜都好出名！今晚就試咗新開既潮薈館，裝潢、枱櫈充滿古色古香，連餐具亦印上山水畫，好特別～滷水鵝肉拼拼盤有齊滷水鵝件、腩肉、紅腸、滷豆腐，可以試哂咁多款，好抵食！滷水鵝件鵝味濃、肉質細嫩好鮮香，腩肉肥瘦相間夠嫩滑，口感肥而不膩～樣樣都滷香入味，值得一試！芋蓉香酥鴨外皮酥脆香口，包裹著綿滑芋蓉同鴨絲，咸香得黎層次感十足，正～金銀蛋浸時蔬面頭鋪滿鹹蛋、皮蛋、肉碎，新鮮菜心好翠綠，入口特別鮮甜。凍食烏頭大大條烏頭無泥味，魚肉清甜滑嫩，啖啖肉勁正，沾以黃豆醬同食特別滋味。

九龍城除咗泰國菜館多，我相信第二多嘅就係潮州菜館，除咗一啲老舖，其實都有啲新晉嘅潮州菜館值得一試，今日我就去咗位於福佬村道嘅潮薈館。一坐低首先就有一碟前菜，呢碟酸菜集鹹、甜、酸於一身，令人相當開胃。食潮州菜又點少得滷水鵝片，呢碟鵝片份量相當多，足兩層厚，而且每片餓肉都相對地厚身，絕對係抵食。而喺底層仲有滷水豆腐，入味得嚟口感仍然嫩滑。除咗滷水鵝片，蠔餅都係必點菜式。汕頭蠔仔洛充滿淡淡的蛋香。蠔仔份量相當多，而且每隻都咁肥美飽滿。蝦棗同蟹棗可以雙拼，酥炸蝦蟹棗都唔需要額外加錢。蝦棗口感彈牙。而蟹棗更多一份鮮味。椒鹽鮮魷嘅炸漿唔算太厚，魷魚彈牙。潮州芋泥口感綿滑，甜度適中，更加能夠襯托出芋頭嘅香味，鋪面嘅白果口感變得煙韌，食完感覺甜絲絲。

今晚約左人去九龍城食飯友人搵左間潮菜館😂都好，中島都好耐無食過滷味—————————————————————先嚟個滷鵝拼盤先一碟有滷鵝片 滷豬腩片 滷蛋 滷豆腐滷得入味之餘唔咸唔一定要送飯就咁食都好爽皮身為芋頭控見到有個芋泥香酥鴨😍面頭酥酥脆脆嘅炸衣包住幼滑芋泥芋泥底墊住啖啖鴨絲 芋頭嘅甜 炸衣嘅酥脆 鴨絲嘅咸香三重享受同為海鮮控所以都揀左個海鮮菜式油鹽水花甲大隻又厚肉粉絲吸盡花甲同湯底精華極盡鮮味湯底亦帶有胡椒香可以驅寒🤣主食嚟個欖菜肉碎炒飯一上枱已經有陣好香既欖菜味撲鼻炒飯顆粒分別夠鑊氣 香濃惹味最後試下個福果綠豆爽第一次食又幾好味喎滿滿開邊綠豆加上變得煙韌嘅福果就算食到好飽都好想食多碗😂😂—————————————————————➜ 滷水鵝肉拼 $168➜ 欖菜肉碎炒飯 $98➜ 芋蓉香酥鴨 $118➜ 油鹽水花甲 $108➜ 清心丸綠豆爽 $28➜ 福果綠豆爽 $28

九龍城係其中一個滿載回憶既地方呢個地方除左泰國菜, 仲有好多不同款式既菜系今日去呢間餐廳裝潢非常古典中式牆上面到杯碟都有山水畫潮州菜最出名滷水鵝, 仲有D豆腐墊底鵝片同豆腐都沾上左滷水汁既五香味好食既滷水汁要唔鹹但又要夠味,真係唔易做凍食烏頭魚都幾大條魚肉無泥味配埋黃豆醬, 簡單又好食椒鹽白鱔片脆漿厚度適中, 白鱔片好新鮮咬落去帶皮既部分超肥美欖菜肉鬆四季豆份量超多, 好抵食欖菜切得好細絲, 而且比例亦都控制得好好 清心丸綠豆爽略嫌清心丸太細粒無咬口, 綠豆爽再甜少少比較好

最近在潮州菜關注組常常看到別人推介這間新開 位於九龍城的潮州菜館一於約朋友去試試是否如此出色滷水雙拼自選了滷水鵝片和鵝肝滷水味香醇不會過咸鵝肉肉質細緻不粗糙 滷得夠入味 鵝肝入口軟滑甘香 令人回味香煎九肚魚烙蛋漿包覆住九肚魚 煎得兩面金黃香脆九肚魚去了骨 魚肉嫩滑鮮甜潮陽梅膏骨帶點酸甜的醬汁很開胃咸豬骨芥菜煲加入黑椒增添香味 咸豬骨夠味又淋滑十月正值芥菜當造 菜味清甜無渣來個飯後甜品 兩款都不太甜潮州芋泥質感幼滑芋香重綠豆爽清心丸夠清香 清心丸有咬口

之前去過長沙灣個間食過都唔錯，知道佢九龍城開左分店，附近有馬鐵站，去依度食飯又更方便。 滷水三寶：滷水味香濃 , 鵝片嫩滑、墨魚鮮味、鵝干豐味多汁入口軟化。胡椒咸菜豬肚湯：湯底濃，加上咸菜同胡椒味好出，酸酸辣辣好醒胃，豬肚都好夠淋。豉椒蒸大鱔： 豉椒汁稠濃，鱔肉好肥味，份量都好多，幾抵食。酥炸蝦蟹棗：蝦肉好鮮甜彈牙，亦炸都好酥脆。蟹棗應該係蟹肉加豆付搓成, 有蟹肉味之餘仲有豆香味， 有個甜酸汁配合，味道幾好。裝修同擺設都好有特色，服務有禮周到。

今晚搵食搵到去九龍城，朋友介紹呢間實力潮州菜食店，看來是家庭形式經營，好好生意，全滿，好彩行快一步，最後嗰張兩個枱我哋攞咗。裝修傳統，有潮州菜館氣氛，所以特別揀傳統菜企。點了四道菜，凍馬友魚最好，很肥，很滑，$178/原條，抵食。酥炸蝦蟹棗共有8粒 $118，外脆內軟。川椒炒雞球該脆的脆，雞肉片大塊，肉質好滑，調味香濃，汁好好味，唔過鹹。最後食砂鍋戲棚粥，裏面好多材料、魷魚、蝦、燒鵝肉、方魚及菜等等，食完飽晒。買單兩個人$640，很合理。