椰粉湯紅 (Closed)

今日收工約咗🐢🍯去行SOGO，血拼之前梗係要依飽個肚先啦。搭叮叮經過灣仔見到呢間裝修幾簡約又有蛋包飯食嘅餐廳，就俾佢吸引咗入嚟試吓。蜜糖豬頸肉蛋包飯，佢啲豬頸肉表面搽咗蜜糖，外層燒到脆卜卜，屯門好驚豬頸肉好肥嘅我都覺得好好味，因為咁樣食落口原來一啲都唔肥膩嘅感覺，好有驚喜。個蛋包飯個蛋都做得好滑，而且好厚身，有啲位好似玉子咁厚，幾唔錯，只係入面包嘅原來係白飯唔係炒飯，不過加咗個椰汁嘅話味道都唔錯。雞絲冷麵，呢個味道比較清，食落好Fresh嘅感覺，而且咁低卡路里好啱減肥嘅人食。蒜泥白肉，呢個蒜泥白肉味道比較淡，因為佢唔係每一塊都沾滿晒蒜泥，而係啲蒜泥舖左喺面，但係都唔係好夠汁去令到每一塊都入味。另外我哋仲加咗$15試埋佢個手拿杯湯，今晚嘅湯係雪梨桂圓排骨湯，好滋潤，最重要嘅係佢完全冇味精，啱晒我呢個湯怪。

夜晚去，湯品好快7點零就沽清，店員話通常午餐時間都差唔多賣哂。✨味道70分，環境清靜，夜晚人流唔算多。.🔸椰香海南雞椰香飯套餐($76)飯底好香，有椰香味，就咁食飯都好夠味。雞肉有一半都嫩滑，醬汁好香蒜味，少少辣。.🔸蔬菜(跟餐)今日係菜心苗，但係份量好少，得四條菜，菜偏稔，豉油太多，浸住啲菜有啲鹹。.🔸食療拿杯湯(跟餐) (跟主食+$15)今日係雪梨桂圓排骨湯，飲落清清地，唔濃味，冇湯渣，原來係想客人方便飲，唔洗用羹先飲到。.🔸炭燒鰻魚椰香蛋包飯($76)好豐富，飯有滑蛋包住，入口順滑，會另上椰汁，撈埋落去飯食，好香椰汁味。鰻魚上較細條，有少許木魚絲裝飾調味，都香甜。

之前試過這間的原盅椰皇湯，清甜料足🤤🤤今日終於有機會試下它的午飯餐。叫了外賣自取-大塊豬扒🐷彩虹🌈飯配咖哩汁，另加杯杯湯。回到公司一打開包裝盒，旁邊同事即話好香問我食乜😝說真的，咖喱香滑野味，豬扒大塊鬆軟彩虹飯是粟米+紅白米混合飯，配送雞蛋番茄青瓜，成餐當堂變得營養均衡😂😂是日杯杯湯是合掌瓜馬蹄湯，成杯都是湯水，沒湯渣，份量約有一碗半多，有住家湯的味道，無味精，好飲順喉疫情期間仲有九折，抵食👍🏻👍🏻

今日早收工就嚟到公司附近嘅椰粉湯紅度食晚餐，價錢優惠而且有靚湯飲！🤗.首先點左個竹絲海南雞椰香飯($108)👍🏻 雞好嫩滑，點上帶少少辣嘅醬汁食又係另一種享受！而d飯口感適中，散發出淡淡椰香😺 .是日靚湯係雪梨桂圓排骨湯🥳味道鮮甜又濃郁，非常滋潤👅.另一個main係麻辣手撕雞撈麵😉 非常之多嘅青瓜同雞絲，麻辣味十足！麵底唔會痴埋左，一齊食層次分明呀😍.加左個蒜泥白肉🤪好多蒜好重口味，同下個d青瓜食會refresh d😻😻.叫埋秋葵同菜心食，有菜自然健康d啦！#hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies#hkigers#hkfoodblogshare#好味道#好西#香港好西#香港美食

今日係灣仔收工，實在係太肚餓要食啲好野獎勵下自己，諗左好耐決定試下呢間專係食海南雞飯同燉湯既餐廳大快朵頤。炭燒鰻魚椰香蛋包飯芒果糯米飯就食得多，漩渦蛋包飯配椰香汁都係第一次食，出奇地夾，食落都幾唔錯。配菜都幾豐富。竹絲海南雞椰香飯套餐配菜心同食療拿杯湯。竹絲雞即烏雞，由外到內都係黑色，去左骨都幾方便食。米飯粒粒分明，充滿椰香，先食幾啖飯再點少少醬汁就更加滋味。麻辣雞腎辣度唔算好重，亦無乜後勁，好似我呢啲唔太食得辣既人都岩食。金羅漢果養生茶羅漢果本身既鮮甜幾出，食到辣辣地飲番啖滋潤糖水就岩岩好。雪梨桂圓排骨湯跟餐既湯水，已隔湯渣，用杯裝住方便外賣既時候飲用，天氣轉涼最岩係飲下滋潤湯水。

番左5日工，終於等到星期五晚啦，我同朋友放工決定去椰粉湯紅滋潤下。炭燒鰻魚椰香蛋包飯（$98）： 係日本crossover泰國既飯，蛋包飯再配椰汁，令人諗起椰汁芒果糯米飯，不過雞蛋就唔甜既，所以其實個人覺得怪怪地同唔太夾，鰻魚配蛋包飯就好好食，鰻魚汁好香，咬落啖啖肉。而蛋就係廚師用幾隻蛋炒埋蓋住個飯，炒得好滑！首創竹絲海南雞椰香飯套餐（$108）：哩個套餐非常有益，除左個飯同雞少油少鹽之外，仲配埋菜心同埋一個湯。夠飽得來有滋潤。先講個飯，飯既味道係幾特別，平時既海南雞多數配油飯，但係佢哩個就椰香味重啲，油就少啲，雞方面就因為佢係竹絲雞，所以雞肉好嫩，點埋個酸辣醬好好食。但係就冇咁多肉，細隻啲。食療拿杯湯：係每星期都會轉一次既湯，飲落似係足料既老火湯，好潤好健康。金羅漢果養生茶（$12）：一杯好滋潤既涼茶，咁岩哩幾日喉嚨唔係咁舒服，飲羅漢果茶來潤喉解渴就最好不過啦！👍🏻

感覺很東南亞地區的 「椰粉湯紅」終於有機會一試可惜，希望愈大，失望成了正比☹️海南雞飯好食😋$56 响灣仔黎講性價比算高口水雞就相對比較失色一點🤪🤪唔算太辣椰皇燉湯係好飲既足料有兩碗，仲有好多排骨但係杯裝湯真心麻麻好淡，又無湯料，好似加水開稀嘅湯咁🙊諗住健康啲，加左菜心苗但係好似亂草咁仲要只係得幾條🙈希望只係咁啱唔好彩嘅偶然一單大意吧🤨🤨如果想飲湯，可能未必要專程黎呢間反正而家好多速遞送湯既湯水都好優質要多加努力先可以吸引客人回頭🤪

今日去咗灣仔食飯，沿途經過呢間小店，食物款式都幾多就入咗嚟。餐廳雖然唔大，但係樓底好高，感覺都唔會話好侷促。 首創竹絲海南雞飯，呢度用咗烏雞來做海南雞飯，比較新穎，雞皮薄身得來好爽口，雞肉都好嫩滑，醬汁就甜甜地，配埋油飯，好香口。不過雞肉份量就少咗啲！ 皇牌菜心苗，無渣！食療拿杯湯，每台食客都會飲番杯靚湯，下下火！手撕雞冷麵，睇唔出食落係咁辣！不過就好惹味，如果可以揀辣度就好了。自製涼飲，熱情豐盛- 熱情果+杞子+青檸，啖啖都飲到熱情果同杞子，解辣一流。

今日放工去灣仔買電腦路經這間感覺上很有親切咁的小店，我們點了他們推介的海南雞但特別之處是他用竹絲雞做，我覺得用竹絲雞是新的特色因為竹絲雞比較補蛋肉應該沒有普通雞比較滑但是了之後令我覺得其實他們也很滑，另外也叫了手撕雞冷麵，手撕雞冷麵的麻辣汁很麻，另外也叫了五香牛肉，牛肉是牛展所以很有口感及很重牛肉味。其他令我覺得很好吃的是椰香飯因為他的椰汁味很強很香。另外服務員也很好很親切。如果下一次路徑會繼續嘗試這間餐廳。

今日小妹同朋友經過比大大個椰子門🥥吸引左😍, 於是就去望下個餐牌食咩😆, 原來E間餐廳係用椰子做主題, 所有食物同燉湯都同椰子有關, 我地覺得幾得別於是就入左去試試☺️ 入到餐廳, 環境企理乾淨而且坐得幾舒服! 餐廳提供左唔少晚市選擇, 有套餐, 燉湯🥣, 小食同特色飲品🍹! 可惜今晚嘅燉湯已經一早沽清所以唯有下回請早😭炭燒鰻魚椰香蛋包飯🐟🍳🍛蛋包飯外型幾靚, 縲旋半熟蛋皮帶有微微蛋汁非常吸引😍, 雞蛋口感有d似一摺摺嘅腐皮, 咬落去幾有質感, 有別於其他地方食到嘅, 小妹覺得幾特別幾中意😊👍🏻! 加左少少椰汁上去味道充滿住椰香同甜味, 特別一讚佢地嘅椰汁同平時食嘅唔同, 椰子味較重, 而甜味唔係死甜唔會嗆喉! 鰻魚口感爽彈, 質感唔散, 推介😋!首創竹絲海南雞椰香飯套餐🐔竹絲雞口感嫩滑, 配埋醬汁味道唔錯, 雞飯用左少少椰汁去煲所以食落會有淡淡嘅椰子香, 不過小妹覺得海南雞飯醬汁味道較濃, 加埋飯一齊食會有少少搶左椰子嘅香味!食療拿杯湯（青紅蘿蔔蓮藕湯）📢溫馨提示:食療湯非常熱辣辣🥵, 小心燙親!湯味濃郁清甜無味精, 好有住家湯嘅味道, 而且份量幾多, 味道唔錯!

今日約咗喺灣仔嘅同事一齊食飯, 咁灣仔呢一頭佢都幾熟， 咁佢就帶我食一餐健康有營養嘅晚餐。我地叫左佢地首創的竹絲海南雞椰香飯套餐，咁餐包括以下:竹絲海南雞飯: 咁呢一個海南雞飯最特別之處就係佢用咗竹絲雞，其實呢個係我第一次食嘅竹絲海南雞，所以我覺得好新颖，而且海南雞都幾嫩滑， 另外椰香飯好香而且飯係冇油咁濟， 另外海南雞醬汁酸酸辣辣咁樣幾開胃 。所以我覺得呢個海南雞飯真係幾健康唔油膩。食療拿杯湯: 呢個係今日嘅餐湯- 青紅蘿蔔燉雞湯， 好入味同新鮮， 飲得出真係自己煲嗰啲湯 。 熱辣辣咁送埋嚟， 令我非常之鍾意。 而且佢呢個湯其實係可以外賣， 咁有營養嘅湯好過飲其他嘢飲。時令靚菜: 食得出非常新鮮， 淥菜嘅時間啱啱好。炭燒鰻魚椰香蛋包飯: 其實呢一個鰻魚飯係我同事叫嘅，但係我食咗佢少少鰻魚覺得嗰魚燒得都唔錯，而最令我意外嘅就係個蛋都係鮮嫩同滑。 仲有佢有個椰汁畀你去送飯，個椰汁亦都整得好好味。最後如果大家行開灣仔大家可以試下呢一間幾健康嘅餐廳 而我幾鍾意佢個海南雞同個湯。 因為可以見得出呢一間餐廳所有嘅食物都幾用心去製作，大家不妨支持下啲小店啦。

店內裝修好warm 又有小小少女感，坐得都幾舒服。食物種類有唔少選擇，價錢都唔貴，平常出街食健康野通常都貴啲，但呢度定貨就十分合理。椰皇竹笙松茸燉雞湯呢個燉湯好足料，佢成個椰皇上枱，入邊嘅湯料都有好多，竹笙有兩大條，雞肉都有唔少。飲落好有椰子味，夠晒滋潤，最啱呢排天氣涼涼地又有啲乾飲！ 招牌豬手彩虹飯雖然佢嘅豬手顏色唔多，但係佢食得落好入味，見到佢係落咗唔少香料去煮，彩虹飯就係三色飯，夠晒健康椰湯米粉佢湯米粉嘅湯同平時唔一樣，飲得出係佢哋自家製嘅湯，好有心機油菜中規中矩，煮嘅時間都啱啱好兩個人都係100頭，有原個椰皇燉湯，又有飯麵菜，真係cp值幾高。食得出係冇落味精，佢味道都好有住家飯嘅感覺，而家好多時候都會要買外賣，呢一間幾好，食得多都唔會驚唔健康。

星期五放工後想飲番一碗靚湯，行到去灣仔見到餐廳佈置好有特色又標榜有燉湯，而這個燉湯係椰子燉湯非常吸引，立即去試試。這間食肆真係裝修得好靚好潮。原來晚上也有套餐的。睇咗一陣, 見有椰皇花膠冬菇燉雞, 流哂口水添..點知店員話:今日D燉湯已沽清了!OMG店員溫馨提示話, 燉湯好受歡迎, 下次要早點來幫襯。一定, 一定...既來之, 則食之啦!二人就叫:日式胡麻手撕雞冷麪+蒜泥白肉+金羅漢果茶日式胡麻配冷麫係絕配的, 處理簡單, 所以最快上枱另外蒜泥白肉D醬汁酸酸甜甜, 正好中和白肉嘅肥膩感。 淡淡羅漢果茶, 冰凍又解渴, 更可清清熱氣。另再叫:糖脆灸燒豬頸肉椰香蛋包飯+食療拿杯湯+菜芯苗蛋包飯的造型真係無得輸, 配以另上的椰槳, 確實是錦上添花, 平時不太喜歡食飯的我也多吃了好幾口, 哈哈!豬頸肉面層用了蜜糖包裹着, 所以食到外層甜甜脆脆, 內裏肉質軟滑, 好味道。食療拿杯湯,應該即係人稱的是日例湯 -- 西瓜皮黃豆排骨湯(原價$28), 若跟餐就只加$15當然, 雖說是例湯, 但也煲到好香濃整體上也不錯呢!但一定會再去, 因為我真係好想試試他們的燉湯呀~

今晚約了妹妹吃晚飯，就選擇了大家都方便的灣仔，而且又近巴士站的粉紅湯店。妹妹搬去宿舍住後，都很少機會可以喝湯，今次就滿足她的慾望了。環境及位置：非常方便，在地鐵站附近，而且門口顯眼，因為是拱形的設計。內部則是粉紅色的牆面，有霓虹燈的招牌字樣，在燈管上插有一顆顆假的仙人掌，是可愛風格。首創竹絲海南雞椰香飯套餐$108+食療拿杯湯+菜心這是妹妹點叫的食物，她喜歡吃海南雞，不過今次是竹絲雞，亦是烏雞。竹絲雞外表是黑色，肉也是灰黑色，但味道其實跟普通雞差不多，但具有食療的功效，有養陰退熱、補益肝腎的作用，對女性是更有益。另外，廚師很細心，已剔除所有雞骨，不怕被雞骨刺口。是日湯是椰子煲蓮藕，已隔絕了所有湯渣，呈上時是熱辣辣的，有媽媽的味道。炭燒鰻魚椰香蛋包飯$78+熱情豐盛 $15普通白飯上蓋上一層旋風滑蛋，伴菜有烤的南瓜、粟米、秋葵，炭燒鰻魚和一小碟椰汁。整個菜的畫龍點睛之處就在椰汁，質地較稀，但味道很濃郁，入口有濃厚的椰子香，比我所吃過的椰汁芒果燸米還香，如果用來伴芒果燸米飯一定很棒。不過我也是第一次嘗試用椰汁撈飯吃，是挺新鮮的，而且味道不錯。特飲是熱情豐盛，有熱情果、杞子和青檸，樽裝很漂亮

糖脆炙燒豬頸肉椰香蛋包飯，糖脆炙燒豬頸肉口感外脆內嫩，肉質厚實，食落好爽口，味道甜香帶咸，配以木魚絲食用，味道更加香口；旋風蛋表面鋪滿香葉，蛋香味濃，半生熟程度，帶有蛋汁；飯粒軟硬適中，配以椰汁食用，味道香甜，椰子味道濃厚；配菜包括有車厘茄、烤南瓜、秋葵、粟米。日式胡麻醬手撕雞冷麵，表面鋪滿手撕雞、胡麻醬、芝麻、生菜、粟米、青瓜、車厘茄，胡麻醬味道濃郁帶香，手撕雞口感嫩滑，味道咸香，食落啖啖肉；冷麵採用蕎麥麵製作，口感爽滑、幼細，容易掛汁；配以芝麻、生菜、粟米、青瓜、車厘茄食用，味道更加清爽。食療拿杯湯，西瓜皮黃豆排骨湯，無醬油、無雞粉、無味精，味道獨特、鮮甜。皇牌菜芯苗，口感爽嫩，味道清甜，配以醬汁食用，味道更佳。苦盡甘來，採用菠蘿汁、苦瓜汁製作，兩者比例均匀，味道苦中帶甘，飲落容易入口。