可可豬海南雞專門店 (寶榮大廈) (Closed)

屋企附近開了間新外賣店，是專門吃海南雞的地方，趁夜晚諗唔到食咩就去試下。原來餐廳係在紅磡開過來的，賣點是沒有加味精，而招牌特色椰香雞飯係用椰漿煮的，唔會好似油飯咁肥膩。🌟招牌海南雞飯：估唔到$43就買到抵食海南雞飯，雞肉好嫩好多肉，而且加左態式整法蔬菜，感覺健康。飯都好特別，係會夾雜了夜香味道，口感清爽。份量剛剛好～🌟豬手：因為屋企人鍾意食豬手，所以特別加左個豬手小食，煮法都好健康，而且皮厚又多荕。原來餐廳仲有做燉湯同其他湯品，下次再去買黎滋補下！

今晚1個人食晚飯, 放工就係附近快快買個飯番屋企食, 見到新開既鋪頭, 價錢唔貴, 五十零蚊, 係門口落左order, 唔洗等好耐就拎得。特色椰香海南雞飯 $53番到屋企打開就聞到好香, 油飯粒粒分明, 而且食落真係有淡淡椰香味道, 海南雞嫩滑, 雞皮位好香, 而且幾乎無骨, 另外配左海南雞既sauce, 我就幾中意佢個酸辣汁, 惹味又開胃! 份量方面, 正常食量人士或者女士應該夠飽, 但大食d既男士可能會差d, 可以叫多個菜或者小食食都得。時令菜心苗 $15叫多個菜配飯食, 菜心苗亦夠嫩口。加少少豉油, 不錯。

工作關係，夜晚去左炮台山，見到有間餐廳門口有d人排隊買外賣，好似都靠得住咪試下囉…原來係專食海南雞嘅，不過我唔太好海南雞…見天氣咁熱就決定試下 $40麻辣手撕雞冷麵麻辣醬手撕雞都幾多， 而且中間鋪咗層生菜同啲麵隔開，唔會令到啲麵一pat pat，感覺幾好。 面底都幾乾身同爽口， 麻辣醬好夠麻， 食完成個嘴唇紅卜卜， 辣味一開始唔多覺但後勁凌厲， 辣味不斷喺條脷度湧返出嚟， 飲好幾啖水先沖得淡！ 手撕雞絲得大小剛好有咬口得嚟又夠碎，冇乜夾雜雞皮，有少少脂肪，各樣材料混埋一齊食，口感豐富！好清爽~仲+$18 要左個手杯湯今日係青紅蘿蔔湯， 非常清甜冇味精！成杯都係湯，冇湯渣， 都市人少煲湯，呢度飲杯湯都係幾唔錯嘅選擇+$15 菜心，正常，份量多一兩條會更好新鮮試一試，不錯~

今日放工經過炮台山看見了一間新開張的海南雞因為自己都想食得健康啲所以就試一試這間餐廳，店主很注重衛生在限聚令底下叫我們在門口等候，我們買了外賣之後回到家裏覺得海南雞飯的油飯很香，海南雞的醬料很野味，雞味也很重，肉也很滑，店主很好人他說我們是今天第一個客人所以給了我們雞髀的部位，可能是這個原因所以特別滑，可惜今日沒有椰子湯否則的話我也想叫一叫椰子湯因為有清熱又可以滋補一下，如果以後路經炮台山我也會再去。

今日行經砲台山麥連街，發現新開的Cocopig, 見到有不少人等外賣，等我睇下有乜好食先。小店坐位不多，但很企理乾淨，雖然現在晚上不能堂吃，但外賣也是一個很好的選擇。menu除了有主食外，還有小食，滋補燉湯和特式飲品，主食價錢由$36至$53元不等，還有套餐自選升級，加少少錢就可以另外揀湯，小食，飲品或蔬菜。今晚我就揀了麻辣手撕雞冷麵，另加食療拿杯湯($18)外賣。麻辣手撕雞冷麵$40~ 麻辣味非常濃郁, 配菜也相當豐富, 除了有大量雞絲外，還有粟米，青瓜絲，車厘茄和生菜。冷麵很彈牙，把所有配料撈混一齊食，集甜，辣，酸於一身，口感豐富，夏天吃感覺很清新和開胃。食療拿杯湯+ $18~南瓜粟米紅蘿白雞湯非常濃郁，飲得出沒有味精，無添加十分健康。

To fight against the COVID-19 together, this time we decided to buy takeaways for eating lunch at home. There was a new restaurant seemingly specialized at Hainanese chicken rice in Fortress Hill/Tin Hau so we decided to try it out.The renovations of the restaurant were pretty new and decent. There were a few tables inside for dining in.特色椰香海南雞飯 at $43Given the name of the restaurant, of course we had to try out their 特色椰香海南雞飯. It was priced at $43 which was not too expensive. The Hainanese chic

呢期冇得出街食飯, 所以就轉搵唔同外賣攞走試， 周圍遊發掘咗好多唔同嘅外賣店，而今次呢間cocopig就係其中一間, 佢位於砲台山， 喺砲台山地鐵站五分鐘路程就到到， 附近都有好多唔同嘅食肆十分方便。今次試咗佢嘅口水雞飯， 跟咪加18蚊要多咗個麻辣雞腎同埋加咗錢要佢嘅時日食療拿杯湯。 佢嘅口水雞飯好好食， 個醬料好惹味，味道剛剛好，又唔會話辣都食到，我好欣賞佢配埋嘅酸蘿蔔絲， 中和咗個辣度。另外佢個麻辣雞腎 ，味道剛剛好， 麻辣味好惹味，配埋雞腎雞腎又唔會太硬。至於佢個時日食療奶杯湯係南瓜粟米紅蘿蔔烏雞湯， 滋陰養肺對於依家疫情嚟講係一個幾好嘅選擇，而且佢嘅湯無味精，好適合懶唔想煲湯嘅人飲。

放工屋企無開飯，6點後又無得堂食，唯有買外賣搵地方自己一個食😀。價錢算幾平，味道又吸引，份量都足夠，不錯🤭。海南雞飯飯好鬆，一粒粒好分明，加上有小小油香，食落口感幾好👍🏻。海南雞好滑，配上個醬汁食好正！而且係超超小骨，好貼心！🥰另外養生秋葵味道都正正常常～食物質素係好唔錯！不過可能收銀姐姐既態度要改善一下。食物同環境方面都覺得做得幾好😍。IG: litcloud_#cocopig #cocosoup #food #takeaway

Lunch時間嚟炮台山見到間餐廳好多人，原來有間海南雞專門店，疫情關係，一於買外賣返屋企慢慢嘆。見到餐牌好吸引「香辣口水雞」一於試一試。拎到返屋企仲係暖笠笠，口水雞啖啖肉，一條骨都無，啱哂我呢d懶人👍🏻平時食嘅口水雞好多油，但今次呢個飯真係好食，而且真係唔油，雞嘅辣味好香濃，唔會太辣。份量都唔少，除咗飯之外，仲有沙律，蠔油菜心，重點係跟埋南瓜粟米紅蘿蔔烏雞湯...平時少湯水飲，呢個湯無味精又唔會太鹹，正。見到有唔同款式滋潤湯水，睇到個名都知足料，下次要再試埋湯水。

2020年8月12日 星期三今日又要周圍去睇吓附近有咩外賣好食，同老婆行行吓就行到去炮台山附近見到呢一間餐廳，位置唔算係大街，所以應該唔算太多人留意到，我哋去到嘅時候都冇乜人排隊餐廳主打係海南雞同燉湯，所以大部份菜式都係同雞肉有關嘅，價錢都好大眾化，仲可以自行決定加唔加大份量同加錢要小食最後我同老婆每人叫咗一個主食，加咗一碗湯同小食返屋企慢慢品嚐，價錢都不過係130幾蚊返到屋企打開嘅時候食物仲係暖嘅，我要嘅椰香海南雞飯仲散發出濃烈嘅雞油味，每一舊雞肉都完全冇骨，食落去好方便，而且配埋餐廳特製嘅酸辣醬，感覺更加滋味，轉眼之間已經食晒全部海南雞至於老婆就叫咗麻辣手撕雞冷麵，雞肉嘅份量都唔少，同冷麵差唔多，麵上面全部都係麻辣粉同醬料，撈完之後同雞肉一齊食老婆話越食越起勁，因為麻辣味真係好刺激，食到停唔到口最後仲有小食養生秋葵，用豉油調味，食落去幾爽脆，又夠清新，老婆話用嚟解辣一流

今天在炮台山做義工沒時間煑飯，便買午餐回家吃。在麥連街見到有間可可豬海南雞專門店，便試試外賣。可可豬是椰粉湯红旗下的店。我叫了一個特色椰香海南雞飯和一個香辣口水雞飯。再叫了一份菜芯苗和一份鹵水雞腎。飲品叫了食療拿杯湯和熱情豐盛。椰香海南雞飯很可口。雞嫩滑有雞味。點埋特色甜酸醬汁更惹味。飯有香香椰子味令人胃口大開。如果你吃得辣，香辣口水雞是個好選擇。香滑的雞肉淋上香辣的醬刺激你的食慾，配飯的生木瓜丝，生菜和番茄很清爽。菜芯苗清甜，鹵水雞腎有咬口。霸王花合掌瓜百合湯潤肺，止咳，美肌，有益腸胃。熱情豐盛由熱情果及西檸汁等製成，酸甜解渴。午餐共152元，三個人分享都足夠。

想食海南雞飯唔一定下下60幾蚊既，無意發現呢間食肆，價錢相宜，2個人可以叫2個飯再加D 小食野飲，每人都係$70幾，食飽好滿足❣️香辣口水雞飯辣得黎好香，有蒜味，又有D 麻，用D 辣汁撈飯好爽，而且唔會油淋淋，雞好滑，亦都無比D 辣汁搶左fo❣️特色椰香海南雞飯雞滑滑流而且無骨㗎，佢仲有分開附上一個甜甜地嘅汁，點雞好夾，同埋好開胃，仲有個油飯，超香❣️滷水雞腎份量好足，食極都有，好淋好易咬，唔會有雪藏味，而係有滷水嘅味道，用黎送飯一流，值得一提係當中有青瓜絲，索曬D 汁好食到癲❣️時令菜芯苗菜芯無渣，鮮甜，亦都無overcook 而變到梅梅黑黑❣️食療拿杯湯-青紅蘿蔔馬蹄抗炎素湯好用心嘅湯，清甜不膩，因為係素湯，所以成碗湯都無油㗎😍，原來素湯都可以咁甜，而且有滋潤嘅感覺（感覺肉湯會燥一D)❣️熱情豐盛好香既熱情果味，入面有杞子同奇亞籽，又明目又有益又有咬口，仲好有summer 既感覺，仲可以去膩消濟

男朋友今日買左個外賣來同我2人世界佢放工去左北角附近做野見到呢間未食過 想試下原來同灣仔間椰粉紅湯係同一間來價錢係平少少特色椰香海南雞飯海南雞肥瘦適中椰香飯配上海南雞減少份油膩感多左份椰子清爽味仲有沙律做side dish麻辣手撕雞冷面有好多雞絲辣辣地又麻麻地 好過穩冷面入面仲有D菜同粟米好清新 好岩夏天唔想食熱野熱情豐盛+15其實係熱情果茶唔太甜仲有唔少熱情果的粒粒 唔錯滷水雞腎+18秋葵+15雞腎都好多片薄薄地好易入口之前未食過秋葵 以為好多滑珊珊的東西呢個完全無 仲幾爽加左杯湯+18個湯幾清甜 因為無肉 完全唔油膩無味精 岩哂我男朋友 佢好怕飲到好口乾好少飲湯整體都唔錯 下次試埋其他野先

今日要去炮台山辦點事，任務完成，順便到附近買外賣，喺麥連街發現這家新開張的「可可豬海南雞專門店」。記得同一位置之前有間小店叫「椰粉湯紅」，上餐廳網頁一看，原來這間 「可可豬」是「椰粉湯紅 CoCoSoup」嘅全新 Grab and Go 概念店，主打椰香海南雞飯和招牌豬手飯。餐廳地方不大，店內擺放了三、四張檯，來到時已過了午市繁忙時間，入面只有一位食客，店員很有禮，會主動介紹店舖的出品。負責收銀的店員推介我試下佢哋嘅香辣口水雞飯同滷水雞腎，反正還沒想到吃甚麼，就一於試下。其實餐牌仲有其他選擇，例如青木瓜大蝦沙律、養生茶、小食同滋補燉湯等供應。問過店員點解餐廳叫可可豬？原來可可 CoCo 即意指椰子，源自 CoCoSoup，加上老闆試菜試到踏上成豬之路，再配合店裡的招牌豬手，加起上來就成為「可可豬椰香海南雞」。香辣口水雞飯 ($43)  分量不大，但絕對真材實料，雞肉滑嫩無骨，辣醬微辛，配上酸辣蘿蔔絲及車厘茄引味，吃完後整個胃口大開。另外墊底的米飯亦很有驚喜，並不是一般的白飯，是加入了椰漿蒸煮過的香米，飯粒分明，入口帶有啖啖椰子香，清爽不膩，令人回味無窮。小食滷水雞腎 (+$18)  味

星期六晚又去咗朋友嘅北角屋企直落睇波，無得堂食，所以我哋買外賣搞掂🥡。朋友話未試過附近新開嘅海南雞飯，機會嚟喇，飛雲🤣！我哋預先喺外賣App落定單自取，去到等多幾分鐘就有得拎，勁方便😀。餐廳其實好細間，只係大約坐到十幾人，所以我諗平日都係做外賣訂單多🤔。外賣包裝得好好，特別係嗰杯湯👍。特色椰香海南雞飯(標準$43)，幾種飯餐都有得揀大小，即標準或增量，不過我覺得標準都唔算太細。🐔海南雞去咗骨，啖啖肉；而椰香飯更係重中之中，🥥椰香味滲透喺每粒飯度，加上米飯好軟熟，一啲都唔乾身。香辣口水雞飯(標準$43)，佢造型同海南雞飯相若，旁邊都有青木瓜沙律，不過啲雞上面就加咗堆調味醬料。唔好睇個樣好似唔係好紅、好多辣椒咁🌶️，辣度超厲害，我真係喊咗出嚟😂，不過又幾惹味。如果唔食得辣，建議淺嚐就好了。麻辣牛展(跟餐$18)，牛展好整齊咁一片片鋪好，🐮大小適中，口感唔勒。可能由於口水雞太辣嘅關係，我又覺得牛展無辣得咁誇張，反而多咗一份麻味。蒜泥白肉(跟餐$22)，呢個正喎😋，蒜泥海量咁多，但無令人太膩或有反感嘅感覺。白肉係豬腩片，薄薄哋捲埋啲蒜泥食無得輸！佢個辣汁分開上，所以唔洗驚太辣。食療拿杯湯(跟餐$