Coti (沙咀道)

Open Now

Now Closed

今日放工同朋友黎放鬆下食lunch～南豐紗廠又咁多人～唔鐘意同人迫😆呢度好舒服👍🏻我地坐到關店🙈今日星期六 5:00就關店～我地兩個叫了兩個餐～日式照燒雞扒飯同慢煮無激素雞胸雜菜沙律🥗包了兩杯野飲～慢煮無激素雞胸雜菜沙律有芝麻醬同黑醋選擇～我選擇了黑醋🥗酸酸甜甜幾開胃～蔬菜都好新鮮仲有櫻桃蘿蔔👍🏻大家知唔知佢好健康～要食多啲😋簡單講幾句好處😂增強免疫系統～可以調節我地既新陳代謝～幫助膠原蛋白的合成～提供一種能防止動脈硬化既基本蛋白質～講埋塊雞胸先～目測好似有煎過～肉質好淋身一啲都唔柴口～日式照燒雞扒飯好豐富有菜有肉好健康😝💟燒雞扒整得好嫩口又香～甜甜地好想繼食～得3塊少咗啲🤣玫瑰花茶玫瑰好香～仲加了香片～茶味唔錯～仲有得加水❣️焦糖布甸咖啡咖啡味都幾出～加埋焦糖布甸好夾～香甜可口🍮☕️唔錯～值得再飲👍🏻P.S.女士們真係可以食多啲櫻桃蘿蔔👍🏻真係好有益💗整體來講呢間cafe可再黎😋兩種雞既整法都好好食～同埋店員好有禮貌同細心☺️

今日放假，去咗工廠區拎嘢，途經間食肆覺得幾靚，個名叫做COTI，因為假日唔算好多人都幾舒服我地叫咗番茄醬蝦肉意粉同埋全日早餐。個蕃茄醬蝦意粉整得好靚，上碟嗰陣時已經好香，好香蕃茄味，啲意粉整得啱啱好，唔會太硬唔會太軟，配埋個茄汁非常好味，啲蝦好彈牙，食得出唔係急凍貨。另外嗰個全日早餐，份量就剛剛好，應該有嘅嘢佢都會有塊雞扒煎得幾香口，佢仲有茄汁豆，茄汁豆係我由細到大嘅最愛。嘢飲就叫咗兩杯，分別係果皮冰糖檸檬冷泡茶同埋焦糖布甸咖啡杯果皮茶好特別，係檸檬茶嘅加強版。另外嗰杯咖啡上碟好靚，飲落去好大陣焦糖味

落雨天，我哋兩夫妻拍拖浪漫下，行下沿路海濱條長廊，事隔很久沒有行，原來附近開咗好多商廈食市，見有Cafe又可以坐低食飯休息下，有老公至愛嘅蒲燒鰻魚飯，價錢又唔貴喎～坐低品嚐下先，去cafe就梗要嘆啡咖啦，叫咗杯焦糖咖啡，杯面鋪滿焦香甜美的焦糖，脆脆口感，喝下甘香柔滑，入口香醇。而蒲燒鰻魚飯隨之而來，先講賣相，一大條鰻魚鋪滿飯面，掩蓋飯面，而且仲有一＂座＂炒滑蛋於頂，仲有紫菜點綴。蛋剛炒好，不但熱辣辣，蛋味香濃，仲滑啫啫~鰻魚不但大條，而且好厚肉，表面有燒過，沒有有腥味，燒汁味道較濃厚，配飯食是絕配。而我亦唔執輸，叫咗我心心念念的全日早餐，最啱我呢啲樣樣都想食的為食鬼，有柚子沙律丶酵母麵包丶煙三文魚丶炒滑蛋丶蜜味豆丶哈蜜瓜同烤雞扒～麵包軟硬適中，沙律有芝麻醬配柚子汁，醒胃好味，煙三文魚夠厚身帶咸香，燒雞扒壓到脆脆的，好好味，唔講會以為係窩夫~哈蜜瓜大大片，好清甜。想不到工廈也有出色的Cafe，味道不但驚喜連連，價錢實惠，下次要食埋其他款式先得～又有藉口去拍拖Lu～

呢間位於荃灣工廠區嘅西餐廳，近近地南豐紗廠，所以同朋友影完相，去左呢度食野。蒲燒鰻魚飯原條鰻魚上碟，淋上鰻魚汁，亦都估唔到仲有滑蛋相伴，仲有沙律菜點綴添。鰻魚邊有少少脆，口感幾好。而啲滑蛋唔會整到太老，同鰻魚配合得好好。卡邦尼意粉一個出色嘅卡邦尼意粉，芝士係好重要既一環，加上半熟蛋，再加上煙肉，將佢哋撈埋一齊食，簡直係完美。長黑咖啡濃厚嘅咖啡香，厚厚既一層油在表面，味道濃烈，鍾意飲齋啡嘅朋友，可以一試

🍝●「 番茄醬蝦肉意粉」($74)●比較想食意粉，意粉做到al dante嘅效果! 外軟內彈牙！煮得恰好，柔韌有咬口，而且，個蕃茄醬汁底勁濃郁，蝦肉就大隻爽口，蝦嘅份量都算多！食落每幾啖就有一隻蝦～性價比唔錯😋每一條意粉都掛滿醬汁，非常saucy，食完一大碟，非常滿足。.●「蒲燒鰻魚飯」($88)● 這個鰻魚滑蛋飯真的超吸引，性價比超高！鰻魚肉是結實彈牙的；帶著濃烈魚香，肉質彈牙可口。滑蛋亦炒得很好，在熟與不熟之間，質感很滑。估唔到份量咁澎湃，賣相仲好靚，佢話味道唔錯，絕對物有所值。

如果唔係朋友介紹都唔知呢度有間cafe，就係嘉達環球中心地下，可以食個lunch 嘆杯咖啡🥰即叫即整，食物未到就已經聞到好香蒲燒鰻魚飯鰻魚肥美，口感細嫩，骨剌都唔多覺有，有鰻魚汁既甜味，另外玉子燒係凍食玉子味重甜甜地幾好味，不過白飯就比較軟淋淋卡邦尼意粉非常creamy有蛋黃醬既味道，煙肉同蘑菇都入味，仲有啲芝士粉係面調味，意粉硬度適中係我鍾意嘅硬度唔會好淋Mocha朱古力味重而且香濃，仲有咖啡味既餘韻Rose Latte 平時飲開latte，少有見到rose latte所以就試下，淡淡的玫瑰味亦不失咖啡既味道

兩個女仔去到荃灣西想食西餐唔知食咩好，上網搵到呢間Coti即刻心心眼!! 簡約裝修，幾有feel呢間店員係我覺得好有親切感，好正面，有種一見如固的感覺。全日早餐有炒蛋、沙律菜🥗、雞扒、茄汁焗豆、哈密瓜。樣樣都整得好好食呢！厚烘多士沾上適當的牛油，確實滋味～炒蛋非常香滑，好好食，另外雞扒都唔錯，好有肉味同埋超嫩～味道令人滿意，價錢相對也親民。（$74）慢煮無激素雞胸雜菜沙律（$72）慢煮嘅關係，雞肉口感偏軟身，肉滑夠味同埋夠juicy，沙律菜份量不少，味道清新的同時略帶有少少苦澀味，挺清新醒胃，整體很清新，有機會大家一定要去試下 !  飲品方面叫咗一杯凍齋啡同埋茉莉花茶配水果，咖啡豆味道香濃，非常吸引！另外花茶大點小清新，亦有玫瑰花和茉莉花瓣，相當有心思🤤🤤🤤

同男朋友行開南豐紗廠果一邊，食紗廠嘅餐廳食得太多次，決定喺紗廠附近睇吓仲有冇啲乜嘢好食！🥳🥳🥳我搵吓就喺一間商廈搵到一間細細間嘅Cafe仔，就諗住試吓！😅👻👻呢間Cafe仔細細間，但係餐牌都有幾多嘢食！我都睇落都幾好坐幾有feel🥰🥰因為係食晏嘅關係，我同男朋友一人叫咗一個主食再一人叫一杯咖啡！Dirty同flat white dirty有水準，唔係出面普通凍嘅鮮奶同熱嘅咖啡溝埋一齊，我飲嘅時候都仲可以分開到兩個層次！👍🏻👍🏻😋flat white 水準正常發揮！呢個鰻魚煎蛋飯好有驚喜！❤️❤️估唔到一間細細間嘅Cafe都可以做出咁有水準嘅鰻魚蛋飯，首先份量好足夠，其次鰻魚真係成條上！仲有好多醬汁同埋紫菜喺面🥰🥰🥰🥰做午餐真係夠晒飽！呢個all day breakfast唔止外表討好，佢嗰兩塊煎雞扒煎到啱啱好😋😋😋😋唔會好乾，加埋sour dough麵包，好滿足🥳🥳🥳

係荃灣工業區想飲杯咖啡食個午餐呢度就最好不過，lunch 套裝又唔貴喎 抵食之選✌🏻-蒲燒鰻魚飯鰻魚份量夠多而且用左蒲燒法去煮，肉質更鮮嫩！軟身又入味，鰻魚汁仲可以撈埋飯食😋 有齊沙律菜，仲有日式煎蛋配搭一碟好滿足！-卡邦尼意粉卡邦尼意粉選用左蛋黃夠黃的嘅雞蛋做出黎效果好濃厚！而且面層蒲左一層芝士粉😋再配上一片片的煙肉口感好正，配菜仲搭配左好多唔同的蘑菇，意粉又夠彈牙😋-Cappuccino 好飲之餘又夠多泡，令到成個口感好香滑！午餐提神之選👏🏻-Fresh Cream chocolate上面個層奶油好滑好似食緊 Tiramisu 咁 ，朱古力又唔會太甜

今日去左朋友公司搵朋友食lunch, 朋友話唔想行咁遠, 又想食all day breakfast於是就係樓下間cafe食飯!🌟果皮冰糖檸檬冷泡茶🍋🍵檸檬茶味濃帶淡淡果皮味, 味道唔算太甜🌟焦糖布丁咖啡🍮☕焦糖布丁味好香, 入口咖啡味濃郁🌟全日早餐全日早餐有炒滑蛋🍳, 田園沙律🥗, 煙三文魚🐟, 牛油多士🍞, 雞扒🐔🥩, 茄汁豆同哈蜜瓜🍈, 非常豐富!🌟蒲燒鰻魚飯🐟🍚鰻魚飯熱辣辣, 滑蛋幾靚, 鰻魚好大條, 味道正常發揮!

Happy Saturday!放假同朋友去咗南豐紗廠扮下偽文青Lunch時間周圍都好多人決定去附近食喺openrice search到coti就喺南豐紗廠旁邊既商廈冇諗過商廈樓下都有野食去到見到餐廳小巧但精緻有好大部咖啡機好適合上班族Menu lunch set有幾款選擇同朋友決定share食要左一個all day breakfast同一個蒲燒鰻魚飯All day breakfast份量好大份有超多炒蛋 炒得好香滑仲有早餐唔少得既茄汁豆但估唔到有雞排 有少少炭燒嘅味道 食落好嫩滑煙三文魚都好正沙律可以中和返個味道 感覺refresh驚喜既係竟然仲有哈密瓜 好香甜juicy呢份早餐好抵食蒲燒鰻魚飯份量都唔少On top既炒蛋都係超多鰻魚都好大條 配埋鰻魚汁食超香新鮮煎起既鰻魚特別好食旁邊亦都有大量沙律菜食起嚟感覺更加健康飲品要左杯flat white溫度剛好入口飲落都好香 唔錯朋友既iced latte都好大杯佢都話好飲

❣️哥哥話Coti既卡邦尼意粉係佢食過最好食嘅！沒有之一❣️終於都嚟到家長日！老師話哥哥進步咗好多😍好啦咁就獎勵吓！今次比哥哥自己揀食邊一間！二話不說校服都未換即刻帶咗我嚟Coti😆💗即刻揀咗佢最心愛嘅卡邦尼意粉！點解咁鍾意食？首先佢份量真係好多！好抵食！蛋汁香濃撈埋啲意粉好creamy！仲有好多勁多煙肉同埋菇菌！每一啖意粉都可以有煙肉一齊食！勁滿足😚💗另外蒲燒鰻魚飯呢個真係不得了！呢個份量一擺上台嘅時候我真係嚇親😆勁大碟！原條大鰻魚面仲有勁厚嘅炒滑蛋！鰻魚汁甜甜地撈埋啲飯好好味！仲有我係食唔到骨嘅！伴碟仲有新鮮爽口沙律菜！💗哥哥就飲熱朱古力！估唔到呢個都有驚喜位！佢哋嘅飲筒係用環保飲筒㗎😍甜甜地好好味💗我就飲焦糖布甸咖啡☕️甜中帶coffee 香！好似食緊甜品咁！

今日晏就經過附近見有間新既cafe就諗住去試下店鋪雖少 簡單既裝修 但都有d風格有雲石枱 打卡一流Lunch配有lunch set而且all day breakfast 都只係七十幾蚊我叫左個all day breakfast朋友就叫左個饅魚滑蛋飯All day breakfast都幾豐富 性價比高有多士 炒蛋 哈密瓜 沙律 雞扒 茄汁豆 煙三文魚多士用左d類似自家製既麵包 夠哂特別另外鰻魚滑蛋飯有成條鰻魚的而且滑蛋好creamy飲品方面由於我同朋友都好鍾意攻塊所以就選左一個rose latte同埋rose tea兩杯既玫瑰味都幾重而且可以自選茶底同咖啡豆性價比幾高既cafe

Cafe喺荃灣嘅商廈，交通就唔算好方便，但係食物同環境都唔錯。同朋友去食lunch set，我哋叫咗蒲燒鰻魚飯，鰻魚飯賣相非常靚，鰻魚大大條加上滑蛋，上面鋪咗好多紫菜，盤嘅側邊都有幾多沙律，食耐左都有新鮮感。仲有卡邦尼意粉，卡邦尼意粉有好濃郁嘅芝士香味，有好多配料有蘑菇同煙肉，份量都唔細㗎，絕對夠你飽。而飲品就嗌咗抹茶鮮奶，抹茶鮮奶賣相一流，飲落有濃濃嘅抹茶香。朋友飲凍朱古力咖啡，朱古力咖啡唔會太甜，有水準。

朋友喺荃灣沙咀道嘉達環球中心工作，時時同我講每朝也會到樓下的咖啡店買咖啡， 特別提到呢間咖啡性價比非常高。今日星期六放假到荃灣市中心前，特別過來朝聖一下。小小咖啡店大概有十個位，用上簡潔白色裝修。兩位女店員熱情招呼 午餐都算多選擇，而咖啡也非常多款，當然有我近來我最愛的 Dirty.All day breakfast豐富材料， 色彩繽紛配上清新哈密瓜, 又用上了All day 小有的雞扒，雞扒入味，很飽肚，而炒蛋也炒得嫩滑，這個All day breakfast性格比確實高，必試。薄燒鰻魚飯非常健康的薄燒鰻魚飯， 看看鰻魚上的沙律菜就突顯了咖啡店的誠意。濃郁的鰻魚汁加上了滑蛋， 配上暖笠笠的白飯。 Dirty奶夠凍 ,同時間飲得出 Expresso的熱， 有冷熱交流才是真正的Dirty.呢杯好高分，如果用上透明杯看到美美的外觀更開心呢！