牛蓋 (Moved) New Location

華都愈黎愈多小店，而我仲係食黎食去某幾間，知道牛蓋一段時間，不過的唔起心肝入去試下，冇睇過傳媒介紹，但見過少部份評語話一般，而有時經過又滿座。是日餓到9點先食晚飯，居然都係得番門口位，店內位置約十數個，用餐期間有隻肥烏蠅頗滋擾，可能只有兩位店員，未有空閒清理枱面，衛生有待改善。小店採取自助形式，自行點單、取餐，食完之後亦要合作將餐具送番原位。餐牌選擇唔多，主打牛慢煮牛肉，包括牛小排、牛肩胛、牛肉，另有漢堡扒、雞扒飯/烏冬，定價$48-88，唯獨牛小排收費最貴，收$118/$168，視乎份量。牛扒蓋飯 $88/220g/牛肩胛分大、小份，如果細食嘅揀68蚊/150g正常都夠，加廿蚊除左牛多啲，碗飯都大啲，如果換成木製餐具更加美觀。牛肉賣相算唔錯，砌得整齊。牛肉慢煮，再輕輕煎過邊位，灑上芝麻、紫菜絲、香草。由於唔係全熟狀，即使牛肉瘦身，冇乜脂肪，口感都仲幾腍牛味輕微食到，大概係調味比較重手。米飯係普通野，飯底加左大量醬汁，飯粒偏濕，除左醬油，仲有股甜醬味，唔抗拒嘅。喺屯門區可能已經有人會覺得比較貴，好在份量比我想像中多，而且表現較漢堡排好芝士漢堡排飯 $78由於漢堡排厚身，製作需時，都約等

其實好少寫食評，但係呢篇唔寫得唔得，因為唔想再有人中伏。今日去叫咗個150g 慢煮牛肩胛蓋飯。唔好睇張相好似影得幾靚，肉有啲粉紅色以為好淋，大錯特錯！正常慢煮，出嚟應該會有皮脆肉超嫩滑的感覺。但係入到去已經見到個廚師，將啲一包包嘅肉令去鐵板度大火煎， 已經覺得唔對路。上菜，味道係OK，份量亦都好多，有成十幾塊肉。但係肉質真係不得了，仲老過我條命，又鞋又un!!!!!!從來冇食過啲咁難食嘅牛！基本上有七成嘅肉都係咬唔爛。但係下面啲飯又勁淋，又濕，一嚿嚿咁，成碗野真係極品。$68，完全唔值，食物質素極差，侍應態度麻麻，環境好迫好Hea。 永久blacklist!

芝士雞扒飯雞扒炸得幾香脆，仲好大一塊tim😂 未食過咁大既雞扒。肉汁幾鮮嫩，有鎖汁。加埋燒汁幾好食，但d 燒汁d 多，如果少返d 就好la.溫泉蛋真半生熟蛋，同埋雞扒飯一齊食另有一番味道。

極上牛蓋飯 150g $118牛肉係慢煮，保留肉汁肉質柔嫩🐮配上甜度適中既燒汁😋仲有酸酸甜甜既沙律汁好夾好開胃仲有蛋汁撈飯😍岩哂中意撈飯既👧🏻👦🏻👩🏻👨🏻芝士漢堡排烏冬 $88 👊🏻拳頭咁大既漢堡中間芝士流心好邪惡😈肉質好結實，唔會一夾就散但烏冬唔夠彈牙可能配飯會夾d小店自助式，搵位落單取餐自己來支持小店，每人做多步記得趁熱食，凍左唔好食

呢度是自助式, 自己點餐, 等, 再自己拎,位子都幾窄下, 坐得麻麻地舒服。叫左個牛扒蓋飯(牛肩胛), 加大的。估唔到又真是幾大, 好多牛肉!!! 飯都唔少。牛肉是微溫的, 算有肉味, 唔算好林, 但唔會UN, 燒得再生D應該更好, 肉味都有, 燒得唔算香口, 但味道是好食的。 我中意佢個汁, 最初以為是燒汁, 原來是酸酸味味的, 幾醒胃, 仲有D芝麻 同紫菜夾埋一齊食, 夠香口。不過飯唔包野飲, 要另叫的

食物質素愈高，價錢相對較高也是合理不過的事，但如果食物質素高而價錢卻平民，那必定要查明究竟，特以到那隱世小店品嚐品嚐餐廳位於華都商場地下，鋪頭裝潢與設計簡單，但能感受到有日式的風格，面積細小可是亮著的餐廳招牌清晰可見，經過都盡不會錯過。餐廳大概有12個座位，客人可以先選擇座位後到點餐處點餐，點餐處旁貼有指示提醒客人3個步驟：1.點餐處取餐牌及點餐>2.店員叫號碼後可到取餐處取餐>3.到返却口放回餐具。點餐處亦放置熱水機供客人使用餐牌簡潔清晰，一共有6款飯及3款烏冬，牛小排與牛肩胛均有不同克度的肉量選擇，可加錢加白飯、味噌湯、綠茶包或汽水。為了以平民價作準則品嚐牛蓋著名牛蓋飯，決定選擇份量較少的牛肩胛飯。牛肉大概有10片而且整齊地覆蓋在白飯上，牛肉與白飯上都淋上燒汁及灑上芝麻和紫菜等配料。燒汁酸酸甜甜減少了吃牛肉所帶來的飽肚感，而且令整碗飯增添了味道與濕度。牛肩胛肉生熟程度剛好，帶點生之中而不會有血水，加上牛肉經過慢煮後仍然保留著肉汁，肉汁與燒汁融合變得野食，而且肉質腍身，不用太費力也能將牛肉咬開，吃光整排牛肉也不會牙較軟！—————整體評語：味道-使用慢煮方法炮製牛肉既

其實這間餐廳我經過很多次了，都幾有興趣試的，不過每次都是吃了其他餐廳今天，我和男友終於有機會試一試這間專吃牛扒的餐廳了我們本來想叫2份招牌菜，極上牛蓋飯(牛小排)和牛扒蓋飯(牛肩胛)，可惜呢，今天極上牛蓋飯賣完了惟有轉雞扒蛋蓋飯，本身都有少少失望的不過，最後我反而慶幸轉了雞扒飯，因為牛扒蓋飯真的十分難吃！牛扒蓋飯(牛肩胛)方面，賣相幾漂亮的，牛扒份量十分多，而且肉質又厚身，白飯又多，看下去好像幾抵吃不過，當我一吃牛扒時，便知道中伏了雖然牛扒只是9成熟左右，但牛扒都十分堅韌，我用盡牙力和九牛二虎之力都咬不開還有肉質十分(鞋)和老，而且完全沒有任何肉汁和水份，口感十分乾身！另外完全沒有牛肉味，本身牛扒的肉質是淡而無味的，我只吃到調味料的味道！白飯方面，白飯太濕了，過多水分，這些都算了，白飯的汁完全不行！第一啖吃的時候，甜甜的，味道好像不錯。可惜，愈吃愈甜，簡直甜到漏！最後我好像吃糖漿拌飯，十分難吃！總結來說，這個牛扒蓋飯真的十分難吃！！我完全不明白為什麼可以做招牌菜！？我沒有吃過這麼難吃的牛扒！幸好，我們還有一份雞扒蛋蓋飯，原本期望不高，反而這個有驚喜，剛剛吃完一份【極品】牛扒飯，現在能吃

終於同💁🏻‍♂️食到依間，每次去親，唔係休息就全店爆滿，因為店入面唔大得嗰幾個位咁難得有位，就梗係要試晒兩個最受歡迎嘅飯我就叫左牛肩胛飯，其實有少少失望嘅， 因為唔係幾咬得開，但佢嗰個牛嘅熟度都係剛剛好，不過不失，不要期望太多反而，貴嗰個就 幾好食， 同樣地慢煮牛肉煮得剛剛好，加埋好似白汁，個白汁又唔係平時西餐或者茶餐廳食開嘅白汁，但又有古怪咁夾嘅，如果下一次要叫的話，我應該淨係會揀依一個另一方面，個商場同餐廳完全不夠冷氣，我地同另外食客個個都食到流晒汗，好熱，唔會建議夏天嚟食，除非外賣啦總括嚟講，小店做到呢個質素係好嘢嘅，不過都係冬天先再嚟食啦

今日同老公都放假，悠悠閒閒咁過！一家三口訓醒晏覺就過巿中心食個early dinner!之前經過一直想試，不過怕要等好耐，而且舖內唔大，20個位都冇，所以要早黎食，今日可以不用等位，正！款式其實唔多， 我地點左一個極上牛蓋飯同一個爆醬芝士漢堡排飯！等候的時間比預期快！ 賣相唔錯，幾吸引！本身入面有佢的秘製燒汁同一些沙律醬，混入芝麻同紫菜碎同雞蛋，令到白飯好香滑而且有些甜味. 牛肉薄得黎都好軟滑！芝士漢堡, 一聽就知入面有流心芝士啦, 呢個肉同我拳頭一樣咁大!醬汁同上, 不過漢堡就係用牛肉剁碎, 釀入芝士後再搓成漢堡球, 肉質好結質, 唔會一咬就散! BB都食到, 仲要食好多添! 入面既芝士半溶狀態, 更覺香滑可口!

平時經過好多次，終於嚟試下。叫咗極上牛蓋飯同牛扒蓋飯。兩個蓋飯外表上都差不多，「極上」就多隻生蛋同類似沙津醬嘅汁。牛扒蓋飯啲牛扒上面全部都係飯素；飯上醬汁就好甜；啲飯係普通香米；牛扒就係⋯冇味嘅。因爲啲汁同飯素嘅關係，仲愈食愈鹹。至於極上牛蓋飯，基本上係冇分別，只係牛肉有味啲。日式料理唔係用珍珠米，有點奇怪。另外牛扒已經冇乜味，仲要加上偏多飯素同偏甜醬汁，令我唔知自己食緊啲乜。加少少飯素作裝飾係可以嘅，但加咁多飯素感覺係對自己嘅料理冇乜信心。以呢個質素，兩個蓋飯真心太貴。希望食店可作改進。

聞名已久，終有幸一會，牛精興奮無比。呢間小店係自助形式，就係舊式港式快餐店一樣，先到收銀處點餐付款，店員會講個號碼，直到餐點完成，就會叫號碼，客人自己到櫃面取餐。其實講講下，發現同而家麥當勞一樣，分別在於人同機器。牛蓋店舖細細，客人俾錢後坐返埋位都會聽到店員叫號碼，同埋飯餐類係預左佢要啲時間，大家都自然坐低慢慢等；反之麥當勞想由快餐轉型，利用各式各樣嘅冰冷機械斷絕人嘅溝通，辯稱新世代體驗、更方便自在，但90%客人食得麥當勞只係貪佢快，推出各式各樣嘅服務其實就係要客人自己做多啲、等耐啲，想洗脫快餐店形象，結果劣評如潮，自助點餐機步驟繁複，客人點餐後要企定定等餐，全程與人類冇需交流，新世代就係孤獨體驗？等左大概十分鐘，飯餐已準備好，同行友人點左牛肉蓋飯，眼看就好似吉野家牛肉飯，但明顯色澤較淺，牛肉比軟細塊但份量都多，友人話想要牛肉汁，其實我好討厭呢種做法，當你從未接觸過呢碗飯，見到佢淺色啲，冇咩汁就話要加呢樣加果樣，點解唔試一啖先，去品嚐食物原味，了解一下廚師想帶出嘅味道呢？如果只按你口味去煮，貢呢個世界就只會有一位廚師，果位就係伯母。友人問店員有冇牛肉汁（當然冇啦）或者豉油，店員就俾左一

👫之前見fb介紹已經mark低咗要去食！有兩位靚女朋友嚟搵👱🏻‍♀️食晚飯就同咗佢地嚟食啦💜 好彩我地去個陣無咩人，得十幾個位繁忙時間應該會好多人🤔 食物款式選擇唔多，主打係雞、牛同芝士漢堡排🤯 一一一一一一一一一一一一一一#極上牛蓋飯 <$168/220g>嗌咗Menu上最貴嘅嘢食，牛肉仲標明係慢煮，所以我地都期待好大🤤 賣相唔錯，而且大大碗份量亦十足，大食嘅朋友都一定夠👍🏻 牛肉切到一塊塊幾薄身，內裡仲呈現半熟嘅狀態，好吸引💕 加埋滑蛋，令成個飯更昇華😆 點知期待愈大失望愈大🤦🏻‍♀️ 牛肉超級韌，係咬到牙骹都軟嗰隻😂 仲要食落去得黑椒、燒汁同忌廉汁嘅味，完全無牛味😠 啲飯仲偏濕、稔身，除咗汁好味之外，真係無咩值得讚嘅地方，傳媒吹捧得太過份，完全唔值呢個價，唔會再嚟食🙎🏻‍♀️#芝士漢堡排烏冬 <$88>漢堡排都幾大塊，切開雖然無流漿芝士效果，但都見到好濃郁嘅芝士拉絲😍 烏冬好大碗，熱辣辣😆 我地3個女仔食啱啱好👍🏻 點知漢堡排有陣霉味，而且好硬身😂 不過入邊啲芝士都幾好食🤔 叫做挽回小小分數🤣 烏冬食落幾彈牙，味道就一般🤷🏻‍♀️ 都係個句啦，試完就算，唔

機緣巧合下，岩岩行過屯門華都商場，見到呢間小店好似幾好食咁，咁入去試下喇店鋪面積真係比較細，我諗最多坐十幾二十人已經會好迫先去櫃面度落單，我就叫左個牛扒烏冬，落完單俾張飛仔你，叫到你number就可以去攞先講啲牛肉先，7成熟左右啦，雖然未有話入口即溶個種感覺，但係肉質尚算嫩滑，而且加埋醬汁芝麻更加惹味之後就係個烏冬啦，烏冬咬落幾有彈牙口感彈性，個豬骨湯底恰到好處，味道唔會太咸太濃，令到唔會蓋過牛肉味整體黎講都算好，會再有下次，但鋪面細，要揀冇咁多人時段黎順便一提係食完自己歸還起托盤俾人地

在附近睇完物理治療行過，見到都幾吸引於是試一試。本來想第一次就食極上$118，但都係試下便宜點的牛肩胛飯，好食會再來！真的好味！佢話係慢煮，牛肉粉紅色有點血水。超正！下次再來試貴野！

牛蓋飯總係有種魔力，淨係見到一片片牛肉已經流哂口水，立刻影完相就要食！坊間嘅牛蓋飯唔算平，難得屯門哩間小店價錢合理，絕對要嚟試吓。店舖好細，大概十幾個位，座位較逼，晚飯時間嚟都要等一陣。哩到係自助形式，落單，拎餐具同食物都係自己嚟。牛係目標，所以叫左牛扒蓋飯同極上牛蓋飯，仲要埋220g添！牛扒蓋飯係入門版，價格完全可以接受。大碗份量足，大食嘅一定會飽。牛肉一片片好薄，配上燒汁味道係不錯嘅！不過，略嫌有d韌。飯就較為失望，唔係用珍珠米，但價格平，唔可以要求太多。而米飯整得過濕，欠缺口感。極上蓋飯嘅牛脂肪較多，一入口，雖然未及和牛咁入口即溶，但肉質好嫩滑，而且滿囗充分牛肉油脂，質素比牛扒蓋飯更高一級。加上一隻滑蛋，令蓋飯昇華。蛋汁滑滑地，配牛肉同飯都好夾。相反，牛扒蓋飯就較為單調。如果特登嚟食，會推介細碗嘅極上牛蓋飯，價錢合理，牛肉高質。