牛元帥粉麵

Open Now

Now Closed

第一次嚟 當然係叫佢嘅招牌牛三寶河啦以我食粉麵多年嘅經驗 牛三寶入邊應該係 牛腩 牛筋 同埋牛肚 (錯咗唔好打面)... 三樣嘢都好淋 都算入味... 但個人覺得只屬不過不失 並冇好大驚喜... 可能有少少期望過高... 啲粉反而有啲少 食完成碗之後覺得自己連一半都未飽 (利申：我唔算好大食嗰啲嚟㗎)... 下次我可能要加底...同事另外叫咗 魚蛋米 同 鮮牛肉飯... 由於我冇偷食佢哋嗰啲... 我只可以引述佢哋講：魚蛋好煙韌 鮮牛肉飯至於有幾煙韌 同幾正... 有機會試咗再同大家分享

平日都喺度食開早餐已經覺得味道有保證，仲要只係30蚊，好抵食。今日夜晚唔想煮又諗唔到食乜，就想搵間黃店懲罰下，上網搵到佢，心諗一於就試埋晚飯！晚飯冇特別餐牌，係一般魚蛋粉鋪頭食嘅嘢，不過喺九龍城都算係抵食！我叫咗個牛腩牛雜河，雙拼都只係38蚊。老婆就叫咗個豬手魚蛋河，另外加碟通菜，最後兩個人加埋全晚都只係$86！味道方面唔算超級驚喜，但係每樣野嘅味道都好夾👍🏻食得出係俾心機煮嘅，而唔係一早預備好晒最後滾一滾整熱佢拎出嚟俾你食嗰隻。而且速度都非常快，諗住3分鐘打鋪機都唔得，未玩完啲食物已經到晒！呢個價錢有呢個質素同埋速度，冇嘢好講，係絕對值得支持的小店！

唔係睇到黃店地圖都唔知屋企附近有一間幾好食牛腩河。今日同阿媽搵食，支持黃店！黎到叫左招牌牛三寶河粉，凍奶茶！一碟生菜！牛三寶有牛肚，牛腩，牛筋，好好味！好入味！個湯好濃，牛腩唔un，正！生菜唔係齋淥菜，有調過味，當然係蠔油生菜啦！凍奶茶好有茶味！就算凍既都唔淡！茶餐廳凍奶茶，堅好飲！整體黎講，佢d牛真係出色既！難怪叫元帥啦！重點係，佢是黃店！所以必須支持！下次行過會再入黎食！會再食牛三寶河粉，會帶埋其他人黎支持😉

#支持良心餐廳豬潤米$32牛坑腩米$30蘿蔔$10呢間老闆係黃嘅但係冇咁鍾意嘅係佢仲播緊cctvb🤦🏻‍♂️但食物質素就真係麻麻🙈 豬潤雖然寫住係新推介但係我覺得一啲都唔值得試 切得薄但竟然會有筋 成日咬咬下就咬唔到落去 跟住牛坑腩好多肥位 瘦嗰啲位都偏un 仲有麵嘅份量唔多 湯底食得出重味精 食完之後我口渴左好耐😪 同埋個蘿蔔都係好多渣 不過都欣賞老闆明白事理 經過當係支持下💪🏼

耐唔耐幫襯1次 感覺係每況愈下……事頭婆好勤力 好禮貌好招呼由早餐做到晚市宵夜…… 佩服價錢一般 同區比較係經濟抵食功夫夠嘅 食物種類多 但反而難控製品質期盼 改善……牛什湯麵~ $30 (外賣+$1)牛什麵 唔得囉…竟然冇牛肚都冇講聲3塊牛肺紅色嘅 2塊牛膀腥味 3條腸靭靭地 腸內有粉 麵就淥得好 冇鹼水味……南乳豬手撈粗 ~ $35份量多 粗麵冇鹼水味 炆豬手夠淋冇毛但橙色只重南乳味 唔夠汁跟青蔥上湯 ~ 湯俗 味雜 湯面起泡淨水餃~ $305隻大大隻 淡味 冇肉香味 冇鮮虾用咗虾米 湯面好多浮物

牛元帥 食牛什河 $29辣椒油牛什夠淋份量多 牛膀牛肺有微腥 河粉滑麵 配 芥蘭菜 $7羊腩飯 $59 即到 羊汁嘅色偏黑有啲怪有4~5件 有骨有腩 皮滑肉夠淋 入味唔嚡有配3條支竹 幾片西芹葉香 冇生菜冇蔥蒜忘記畀腐乳醬白飯硬 散粒 唔夠熱之後有客叫 就等得耐啲 嗰碗羊肉就靚啲應該係賣晒新做……汁同肉都冇咁深黑色 配埋腐乳醬送例湯 較差劣唔係老火湯 茄汁湯/羅宋湯 分唔清 只有淡淡茄汁味 再叫外賣羊肉1客 但包裝有待改善用咗太細嘅袋 ＆ 裝唔好白飯放底 ……外賣碗羊肉 與 外賣餐湯碗 互迫互碰碗蓋破裂 漏晒啲汁在袋中在飯中 非常尷尬

九龍城呢間牛元帥，門面細細，唔係好起眼，入面更加感覺草根，但原來五香牛腩類做得好出色！粉麵類徘徊喺$20幾至$30幾之間，定價合理。我要左碗牛三寶河粉（$34）。牛三寶包括牛腩、牛肚同牛筋，潮式湯底，味道夠濃厚。牛三寶係五香style，同濃濃嘅湯底好夾。三種牛寶之中，牛筋夠膠質、牛腩半肥瘦，入口即融，牛味又夠濃，牛肚鹵得入味，價錢又抵，唯一要改進嘅就係河粉，太碎了，亦唔夠滑。老婆食手打牛丸銀針粉（$30）佢真係好鍾意食銀針粉多過河粉、米粉等，貪佢一條條滑嘟嘟，而且湯頭夠熱，份量亦足。牛丸一咬就知唔係敷衍之流，夠juicy亦夠彈牙，佢話坊間已經冇乜幾多間好食嘅牛丸店了！

曾幾何時小人經常於九龍城出沒，牛元帥乃是其中一間令小人一去再去的粉麵店。先說牛腩，腍極入味，完全沒有筋，半肥半瘦超好食！墨丸亦是上佳之作，爽彈而香爽，又大粒又香爽，跟牛腩乃這碗湯河上乘之配！不過要數到最美妙之處不可不提的是河粉的獨有質感：有點兒像是腸粉，未知是不是加了很多油的緣故，勁其滑溜，卻又不厚，仿似吃著一條條的薄腸粉，煙煙靭靭，十分之有口感，加一匙辣油，增添食味，其味無窮，好食到食完會彈起！喜再重臨！

久不久都會過九龍城行下，晚上相約好友係九龍城開餐食泰菜 自己早到諗住黎行下 仲有成兩個幾鐘先夠鐘 自己一個人食碗麵醫下肚先啦！之前都黎過兩三次 食物平靚正嗌左碗腩筋河 牛腩夠淋 入味！牛筋入味得黎有咬口 吾會炆至過晒龍！ 河粉比正常食開既 略嫌厚身左啲 眼見小店都係做街坊生意 啲食客同樓面呀姐有傾有講 有啲嗌豬手要淋啲 要爽口啲 師傅都無托手爭，Good呀！見牆上食左好多餐牌無既食物 姜蔥豬潤撈粗麵 香辣炸爪河 （到底咩係炸爪呢？）下次要黎試新野！

在龍城區，很輕而易舉地您會尋覓到不少價亷物美的好食物及好店。這一所"牛元帥"，便是其中的一例....記得有好幾趟路過這舖，看到一碟牛腩飯竟不用花費四十元....說實在小弟真的看儍了眼，怎麼可能會如此的便宜 ? 心裡便下定了主意，找一次必定要來享受一趟平民美食....特別是到了糧尾時份，這一類的地痞型店子可是我們一眾窮人解決三餐的救星呢....店內大部份的客都是附近的街坊及工作的低下階層人仕。每人叫一碟碟頭飯，再加一碗"例水"，就可飽餐一頓....只叫牛腩好像太單調了，還是包含多款式的牛三寶較適合多心的我....腩汁味非常濃甚重口味用來伴飯就最合適；牛筋很"膠口"帶微嚼勁；牛腩相形之下就有點失色，偏韌了；牛肚切得頗工整，味濃軟淰與彈牙兩種口感兼備，很不錯...."例水"雖落夠料但還是介掉不了一貫街外食肆的陋習，便是"師傅"同樣亦落到足....只花不到四十塊錢，就可以食到飽飽之餘嘴巴又不會有正在受罪的感覺....就知道這地方絕對值得來了....

今日放工去咗我呢間嘢度食，見呢間嘢應該開咗好耐諗住入去試下點知“中伏“， 入到去先知原來轉咗手， 我叫咗個“春捲河粉“， 落單到上台都等咗幾分鐘，原來佢係即刻炸嘅，仲要分開上，其實睇落幾有誠意，春捲入面既餡料都正常嘅（有豬肉同紅蘿蔔），但我真係唔知佢個春捲入面啲餡係搵乜醃製食品， 食物一陣鬆肉粉定係胡椒粉嘅味，好難食， 其實條利仲有少少唔舒服添（有啲似食到生蕉嘅感覺）佢碗河粉雖然滑同大碗， 但個湯底就好失色， 雖然我唔係阿牛嘅食物如：牛腩河等， 但係佢個湯底同食出前一丁嘅湯底係冇乜分別， 只係一碗清嘅味精湯， 如果睇佢價錢25蚊， 要醫肚係冇問題但係，好食就一啲都唔係囉😅😅 其實行遠少少雖然貴啲但係好食好多倍😆😆

九龍城依個飲食界競爭咁大既地方要留得低,就要有特點!34蚊大大個飯,仲送經典味道例湯,多汁又多餸.今時今日依個性價比就可以坐立係香港其他區.牛三寶飯$36,價錢對比感覺抵過牛三寶粉麵.牛根夠淋,牛肚都正常,牛腩算係普通野未見特出,不過價錢上好抵.飯都好大碟.牛腩汁都正常味道,未到好濃個款.咖哩牛脷,咖哩好食喎.不過都算幾辣...但夠多汁,配埋薯仔比你.讚.牛脷好大碟.咬得開唔硬,不過其實好似有D 唔新鮮既味.但咁岩叫左咖哩.都無乜野,我都食得幾開心.可以再食.例湯係經典有點節瓜味個款,間唔中飲下都OK.坐低揹住個B 食,都未到好迫既感覺,仲有D 吉位,都算係咁.坐位未算好多,但人流都可以好快.都真係幾抵食..無乜特別野想食又想平之下可以再食.

九龍城一個每月必訪的地方， 每次選擇食晏都例必是泰國餐 所以開始有點膩、 心血來潮下突然很想吃一碗港式的粉麵 ,看慣我文章的人都知道我很少為港式粉麵挑寫食文， 其實在於舊區內選擇吃平民食品最要好不過 ，只是偏偏卻被泰國餐廳在九龍城落腳的根深蒂固下、 每次腳步都不期然被拉了進去。。。目標方向鎖定，今次將範圍縮窄就向粉麵店專注頭射、 這一間牛元帥其實早已略過多時、 所以在腦袋閃動之下,便是第一位湧上心來~一貫港式風格包裝， 踏實無華眼看店家 除了應有的牛什粉麵外、更設有飯類及茶餐廳之輕量早餐如牛肉麵及火腿通粉等,所謂大小通殺盡迎合街坊要求~伙記一眼關七已是駕輕就熟的本能,向侍應姐姐好好的落單 、忙碌午飯時段坐得密密麻麻的客人,真令人感覺到置身在小社區內懷舊特色粉麵舖的原始風味~要來一個牛腩併魚蛋河粉成為HK$33元, 稍等片刻湯粉便送上大枱上、 觀其牛腩偏瘦肉地吃來也不算太淋 ,入味道僅屬一般 、拼來之魚蛋看其形狀是以(魚餅)撕出而成， 口感上因為沒有煮得過老 ,反而口感很嫩反而略略拉高分數~河粉煮得薄而透徹吸湯一流， 雖然這美中不足的牛腩魚蛋河,不算十分令人舐舐回味 、但這份舊有情懷特色

粉麵店食早餐 & 未到 lunch 都有飯食沙嗲牛肉麵 + 煙肉豬柳 + 牛油方包 + 大排檔奶茶 26元沙嗲夠味 牛肉林 3-4片唔多 湯濃 有啲頸渴奶茶 係 大排檔嗰隻 濃香 沙糖獨立包裝 衛生10點 咁早已經有飯賣 尋回味 冇變質 南乳豬手飯 送 老火例湯 33+1南乳味濃 豬手剛剛好 唔太硬唔太林 冇豬毛嘅 份量又足 又好味道 底食

而家追緊定欣美眉的城寨英雄，看看下覺得有必要去了解下當年城寨的歷史。於是乎就去到九龍城～個日好大太陽，超級晒。我的好辛苦先看到呢間鋪頭。初頭覺得的粉麵舖味道都差唔多啦，點知食完，十分驚喜喔～店主的湯熬的很香濃，落料足，有圖有真相：➕7元就有一碟油菜。我揀「腐乳通菜」。份量足韭菜豬紅很新鮮，如果辣d就更好味某人就話D可樂都比樽裝的好飲喔～總之，係好好味的一次驚喜之旅～