蟹仙海鮮蒸氣石碢

Open Now

Now Closed

知道鯉魚門新開左一間新嘅海鮮蒸鍋，就同太太一齊去試下，順便可以行下鯉魚門。呢間「蟹仙」就近三家村嘅碼頭邊，不時會見到有船埋岸。去到嘅時候正值日落嘅時間，餐廳後方有位置可以比客人去觀賞風景，大大個咸蛋黃，一邊可以享受美食，一邊望到好靚嘅風景正值餐廳做緊大特價，原價$898蒸海鮮套餐差唔多做緊半價，所以就揀左呢個套餐試一試。每張枱都有專人去幫忙蒸海鮮，全程都唔需要自己去蒸，服務員話因為每種海鮮蒸嘅時間都唔同，所以全權交由服務員去處理，可以好好享賞美食。特別嘅蒸鍋，蒸氣漂住好香嘅竹藤味道海鮮非常新鮮，套餐有多款好少見嘅海鮮，饅頭蟹，琵琶龍蝦都係第一次食。月亮貝，白刀貝，海水味濃郁當中野生膏仔蟹，又大隻又多膏，真係啖啖肉。第一次食蒸鍋海鮮，非常好嘅體驗，最尾仲有石鍋粥底，可以食返所有海鮮嘅鮮味，仲有椰汁燉雪燕糖水送，食到飽。 不過值得一提，就係要預多少少時間食飯，因為服務員每次都只係蒸一款海鮮，所以要食哂咁多款，都要花時間去蒸。我就食左成兩個幾鐘，適合同朋友吹水邊食邊傾👍🏻 讚

✔️尊貴海鮮套餐 $449一共食咗九款海鮮😚✨琵琶蝦✨奄仔蟹✨✨龍躉片✨✨黃金翡翠螺✨✨蟹黃醬帆立貝✨✨韓國釜山珍珠蠔✨✨台灣九孔鮑魚✨✨日本野生大赤蝦✨✨紐西蘭野生青口✨一開始先食咗赤蝦🦐 啲膏多到呢😳仲要係勁甘甜 之後就到帶子 鮮味無比🤤 再配上帶微微鹹香嘅嘅蟹黃醬好好食！ 珍珠蠔雖然唔係好大粒 但係值得一讚係職員火候控制得好好 完全唔會overcooked咗～ 而龍躉片都算切得幾厚🐟 好滑又冇骨🥳最有驚喜嘅一定係紐西蘭野生青口🤩平時講唔停對青口都冇乜特別興趣 但係呢個真係好唔同‼️係超級超級鮮甜 而且肉質嫩滑 帶微微海水味🌊奄仔蟹聽店員介紹係即係處女孩🦀🙈肉質確實係比其他柔軟 而且好多膏✨琵琶蝦講唔停都係第一次食 感覺上肉質冇龍蝦咁實淨🤔 不過都同樣食得出係幾新鮮❤️最尾餐廳仲請咗我哋食椰汁燉雪燕🥥 好香好濃嘅椰汁 又唔會太甜 正👍🏻

朋友介紹海鮮蒸氣石鍋<<蟹仙>>🦀,原來有好幾間分店~因為主打海鮮，所以我地選左去鯉魚門分店，各款海鮮都係老闆精心挑選由產地直送☺️日落時間來仲影到咸蛋黃☀️同埋可以出小露台影相📸選左個2人餐有龍蝦🦞﹑奄仔蟹🦀﹑牡丹蝦，扇貝。。。。。下次可以4人來食大蟹我地選左有肉類同丸的餐~食完仲好回味龍蝦﹑牡丹蝦同奄仔蟹~最後海鮮的精華會落入粥底，粥仲可以加葱花同菜葡職員服務都好好~會幫我地蒸每款海鮮

因為太好食又抵食，所以又黎！重點係…喺度可以睇到好靚既日落景！呢個價食海鮮蒸鍋，仲有咁靚既環境，實在係無敵。大家去到鯉魚門，都係想自己買海鮮再拎去附近酒樓煮，覺得別有一番風味，但我喺呢度，有一站式服務，舖內一樣睇到好新鮮生猛既海鮮，重點係明碼實價，一定唔會呃你。蒸海鮮，最原始既風味，唔駛多加調味，淨係食海鮮既鮮甜味都夠哂正！今次叫左個長腳蟹4人餐，另外仲要多隻紅琵琶蝦，要黎刺身食，第一之咁樣食紅琵琶蝦，同蒸既味道唔一樣，但鮮味一樣十足，蒸會仲甜啲😋今日啲刀貝超重海水味，大大隻，真係好風好食！天然咸，豉油都唔駛點。長腳蟹繼續甜，凍食真係好食到停唔到🤩仲有個推介，必叫蟹棗🥰我最鐘意食既前茶小碟，炸到非常香口😋

🍽️尊貴海鮮套餐 $449野生膏仔蟹日本深海石斑一夜干野生琵琶龍蝦台灣九孔鮑魚日本野生大赤蝦大西洋野生青口期間限定蟹醬元貝韓國斧山珍珠蠔有機蔬菜籃粥底(日本珍珠米、芋頭、粟米)尼個餐超級抵食，計埋加一先$500，但可以食勻各種極鮮甜嘅海鮮，仲有個好靚嘅維港景，可以一路食一路欣賞😍🤤當中，我哋最鍾意琵琶龍蝦、青口 同蟹醬元貝😋琵琶蝦🦐蒸熟之後顏色鮮艷，味道係當中最鮮甜，我哋食完都心郁郁，有啲想encore🙈野生青口同平時食開嗰啲完全唔同，肉質更加滑嫩、飽滿，味道鮮好多倍😍蟹醬元貝係期間限定。因為紐西蘭打風，令其中兩款海鮮冇晒貨，所以餐廳免費幫我哋升級咗🥰元貝煮得晒啱啱好，肉質爽彈；蟹醬充滿蟹膏嘅甜味，一齊食味道昇華咗唔少🤩食完海鮮，蝦膏、蟹膏以及其他海鮮嘅精華，落晒個粥度，味鮮美，質感好綿☺️再加上椰汁雪燕作為甜品，尼餐食得相當滿足🥰👍🏻味道😋 8/10性價比💰 7/10環境🔎 7.5/10服務🫶🏻 8.5/10打卡指數📸 8/10٩(˃̶͈̀௰˂̶͈́)و 推薦指數🥰 8/10

從來未試過去鯉魚門海鮮街食海鮮 因為擔心唔識買海鮮又唔知價錢🥲 最近發現鯉魚門開左間明碼實價 環境又靚既蒸氣海鮮火鍋 所以的起心肝要黎試下🤭.今日試左有十款海鮮連蔬菜 粥底既 ‘尊貴海鮮套餐’🦐🦞🐟🦀🦪 .而且每款食材都由店員逐款放好開始蒸 拿捏最好既火侯.. 咁就唔駛自己煮過籠/唔知熟未🤣.想重點講下幾款好驚艷到我既海鮮🤭｜野生膏仔蟹來自菲律賓既野生蟹 多膏又厚肉👍🏻 啲蟹肉鮮甜有彈性 可以一梳梳咁拆出黎 啖啖肉咁食❤️ 今餐最鐘意既海鮮～ 記得唔好加醬汁 食返海鮮原本既鮮味就最好味😋.｜阿根延野生大赤蝦重點係蝦頭既蝦膏 好多好鮮！ 蝦肉肉質彈牙.｜澳洲青年龍蝦肉質爽又實淨 好新鮮🤭 蝦頭都有啲膏 好甘香☺️.｜韓國斧山珍珠蠔Creamy又有海水鮮味.｜龍躉片｜台灣九孔鮑魚｜大西洋野生青口｜野生日本深海白刀貝｜扇貝｜有機蔬菜盤

上星期五為朋友興生，我們本身打算到鯉魚門吃海鮮，看到這間新開不久的蟹仙在鯉魚門三家村開分店，而且上網看到是他們的第五間分店了，於是試試！店內環境寛敞，店員安排了窗口位讓我們欣賞海景，很貼心呢。-我們挑了$449尊貴海鮮套餐，有九款時令海鮮以及有機蔬菜盤，吃完還有海鮮粥底呢，CP值也太高了吧！.用餐前我們在户外區先打卡一番，朋友是打卡控，望著180度無敵海景，她開心得打卡打了很久，店員說如果好運，還可見到白海豚呢！-店員替我們用高溫清潔餐具，令我們吃得很安心呢~而且非常細心，幫我們將每一款海鮮放入蒸盤，常常留意蒸煮狀況，每款海鮮都有不同的蒸煮時間，時間一到就會幫忙把海鮮夾到我們碟中，吃貨們可以品嚐到海鮮最佳的熟度，不用擔心自己手殘把海鮮弄得太熟。.由於店家老闆是做海鮮批發，每日有不同時令海鮮到店，店內也有很大個區域，能看不同種類的時令活海鮮。今次非常幸運，店家說因為蟹黃元貝新鮮到店，所以升級換蟹黃元貝給我們，應該是同行壽星帶來的運氣🤣🌟日本蟹黃元貝鮮艷金黃的蟹黃好吸睛，份量多，味道甘香！元貝肉質好鮮甜，帶有淡淡海水味，想不到蟹黃和元貝味道同口感咁match! 不用點醬油也很夠味又有層次感

見蟹仙海鮮蒸氣鍋有幾間分店唯獨是鯉魚門三家村碼頭新店有環徊海景配cocktail就拍板呢間分店去歎個海鮮餐🦞🦐如果由西灣河搭船可以直達碼頭進入餐廳開正海邊黃昏去到可以望住日落🌄醉人景致伴海鮮好有feel~原來蟹仙老闆經營海鮮入口幾十年所以揀選嘅食材新鮮之餘有啲仲係出面少有貪佢嘅蒸氣鍋套餐可以試到多款海鮮食材亦會跟隨時令又唔使自己諗食完真係覺得新鮮優質又值呢個價錢▫️尊貴海鮮套餐 (優惠價每位$449 加一)共9款海鮮+有機蔬菜藍+鍋底粥我哋兩個人食已經前後兩大盤海鮮上桌餐牌上本來有幾款日本入口海產但由於日本核廢水排海問題店員話餐廳安全起見唔會入口日本海產改用其他國家海鮮套餐最正係可以食到平時少食嘅貴價海產例如深海捕捉嘅「澳洲琵琶龍蝦」、「太平洋饅頭蟹」店員仲會為你蒸海鮮控制住烹調時間▫️澳洲琵琶龍蝦肉會比一般龍蝦少但勝在味道香濃好多👍🏻樣子似撻沙好特別▫️ 太平洋饅頭蟹菲律賓深海蟹食佢嘅重海水味🌊肉集中喺手腳蟹身無乜肉▫️罕有藻食綠膏蟹食海藻大所蟹膏係綠色帶有草香蟹肉味道特別香濃呢款好有驚喜🥰🥰其他食材青口、蝦膏帶子、釜山珍珠蠔、翡翠螺等全部又鮮又好味😋海鮮基本上已經好夠味所以唔使點醬食都ok

今日我帶朋友嚟到鯉魚門食海鮮，呢間舖頭可以見到無敵海景。先來左一碟海鮮，有赤蝦、青口、黃金螺、珍珠蠔，鮑魚同扇貝，店員逐一幫我哋放落去蒸再介紹。第一樣係赤蝦，好大隻下，店員强調蝦膏係精華所在，食落d膏真係好鮮甜，d肉好爽口。跟住係黃金螺，好大隻，店員話可能有沙，不過唔覺有，食落好滑，唔嚡。接住珍珠蠔，雖然唔係好大隻，不過食落好有蠔味，店員建議可以用生菜夾住一齊食，清爽唔腥。到鮑魚，係台灣旣九孔鮑魚，肉身好厚，食落爽口有鮮甜味。到扇貝，幾大隻，，蒸熟之後好香，賣相吸引，入口一樣鮮甜，連埋d湯一齊飲，極佳。最後到青口，店員話係野生，老闆自己攞貨，同出面既唔同，的確食落好似店員咁講好唔同，d鮮味番哂黎，野生係唔同d。店員跟住拎碟魚塊俾我地，未蒸望落都好靚好鮮，蒸完d肉唔散，幾有鮮魚味。論到琵琶龍蝦，出面唔易食到，我都係第一次食，店員話係野生，肉質好新鮮美味，size 較一般龍蝦細，不過肉質好鮮甜，好滑。最後係奄仔蟹，店員話奄蟹直接由菲律賓到香港，冇中途站，差唔多等於即捉即食咁，好多膏，而且d味好香甜，又d蛋黃味咁，肉質爽甜，必食。食完海鮮，俾左個蔬菜籃清清先再食混入左以上海鮮精華既粥，粥入面

辛苦工作一週，想好好食番餐獎勵下自己，食蒸氣海鮮、歎靚海景，價格親民唔貴，咁嘅地方竟然比我搵到，就係位於鯉魚門三家村碼頭新開嘅蟹仙。我地揀左做緊特價嘅二人餐，基本龍蝦鮑魚蟹等都有，人均$449，就決定食呢個啦。印象最深刻係個青色蟹，非常多膏，青色嘅膏原來都非常甘香，蟹肉唔算好多但鮮甜飽滿。澳洲青龍夠大隻，肉質彈牙鮮甜，就咁食半隻龍蝦都有Ｄ飽肚。蝦係阿根廷紅蝦，大大隻，蝦味濃，肉質好特別。另外鮑魚、螺、海班、貝類等全部都新鮮美味。職員都有比調味料我地，講真好少需要點，食鮮味夠做。仲有，不得不提結尾海鮮粥，吸收曬所有海鮮精華，食咁耐，煮咁耐，入面南瓜芋頭煮到軟綿，仲有少少排骨，鮮味到不得了。食完海鮮已經好飽，但我都食左兩碗。完美晚餐，完美海景，辛勤工作的一週劃上完美句號。

呢間鯉魚門海鮮餐廳全部食物都明碼實價，仲可以直接喺門口泊車之餘，西灣河果邊搭船仲直接有位上！我哋叫咗個$449/位嘅尊貴海鮮套餐，入面包各款豐富海鮮。呢個海鮮套餐所用嘅材料全部都好高質，餐廳本身係做海鮮批發，基本上所有海鮮質素都好高。因為日本近期有污染議題，餐廳都統一轉曬所有嘅日本海鮮，確保客人食嘅係最新鮮同健康。———————————————🌟海鮮拼盤先介紹一開始嘅海鮮拼盤，上面有深海石斑、台灣九孔鮑魚、阿根廷大赤蝦、刀貝蚌、青口、扇貝同韓國釜山珍珠蠔，全部都非常鮮甜，而且係明顯食得出同平時街市買開嘅有分別，食材選料非常好👍🏻.🌟主角膏仔蟹及龍蝦一上台已經見到入面啲膏多到不得了，而且仲要大大隻。龍蝦咬落好彈牙爽口，唔要醬汁都好好味。蟹更係令人食到回味無窮，淨係慢慢食膏已經用唔少時間，之後再慢慢食蟹肉真係正到不得了。.🌟有機蔬菜籃上面有粟米、生菜同娃娃菜。個粟米真係不得不講非常有驚喜，佢咬落係有少少似糯感但又有啲爽口，同埋有種好特別嘅清甜味。.🌟海鮮粥蒸曬所有海鮮後就可以開始食粥喇！個粥底本身都有少少豬骨同粟米，食落本身都已經有啲甜味，另外你仲可以選擇加蔥同菜脯，咬落仲更有咬口。.🌟椰

去鯉魚門食海鮮係海鮮價已經成為習慣，但並不是必然。向呢度食海鮮都可以明碼實價，而且一樣咁好味。要食原汁原味，就一定要食蒸嘅。呢間餐廳位置有啲偏遠，清幽寧靜，餐廳仲可以望大海景，味覺視覺都係享受。餐廳岩岩新開，地方濶落舒適，唔似一般海鮮酒家咁嘈雜，係鐘意靜靜地食飯ge朋友不二之選。每一道海鮮菜式都由職員負責蒸煮，服務周到，唔洗怕自己唔識搞。海鮮基本上都自帶調味 （即係海水味～)，完全唔需要點豉油～日本野生大赤蝦：蝦肉鮮嫩，重點係蝦頭甘香。黃金翡翠螺：肉質彈牙，帶嚟豐富嘅口感同鮮甜。龍躉片：超嫩滑魚肉，魚片位置Q彈，感覺充滿骨膠原。野生日本深海白刀貝：蒸煮後嘅汁係一啖濃郁嘅海鮮湯，肉質嫩滑，配合濃郁蟹粉是一絕。大西洋野生青口：青口嘅海水味更勝於生蠔，鮮甜味美！韓國斧口珍珠蠔：鮮嫩飽滿，口感細膩滑順。台灣九孔鮑魚：肉質豐潤，鹹香滋味。澳洲青年龍蝦：蝦膏極鮮味，而且啖啖肉，令人回味無窮。肉蟹：蟹膏濃郁，於口腔續漸滲出鮮味最後嘅食兩碗充滿精華嘅海鮮粥同椰汁燕窩。圓滿～

今天朋友帶我去鯉魚門食海鮮，食蒸氣火鍋，呢間餐廳可以望到好靚嘅海景同埋日落。而且啲海鮮係野生，仲要明碼實價，啱晒我哋唔係太識揀海鮮嘅人，唔使驚俾人呃。野生菲律賓大黃奄仔蟹第一次食呢種蟹，真係好多膏，個蟹殼d膏係頂晒角，勁甘香，好邪惡。D肉飽滿新鮮，一索索，勁鮮甜。日本深海石班一夜干啲魚好有鮮味，好滑同juicy , 魚皮有彈性，骨膠原豐富。野生琵琶龍蝦琵琶龍蝦比較罕有，出邊街好難可以食到，肉質較普通龍蝦嫩滑，口感爽滑，味道濃厚鮮甜。台灣九孔鮑魚肉厚，有𡁻頭。野生阿根廷赤蝦超大隻，個蝦頭啲蝦膏超鮮甜，係隻蝦嘅精華所在，啲肉較腍身，但非常有蝦味。大西洋野生青口非一般嘅青口，不是養殖，重海水味，好爽，鮮甜。黃金翡翠螺冇沙，大粒肉，爽口彈牙。韓國釜山珍珠蠔Size 不太大，不會腥。有機蔬菜籃有娃娃菜，生菜同埋粟米。食完海鮮同蔬菜就可以食個粥底， 個粥有晒之前食嘅海鮮嘅精華，好鮮甜，加上本身加咗啲薑，豬骨，同埋粟米，都唔使點加提供嘅菜譜同埋蔥去調味，但如果想增加口感都可以加啲菜譜。最後，餐廳仲送咗甜品，椰汁雪燕，好滋潤嘅感覺，今餐好圓滿。

蟹仙海鮮蒸氣石碢 (油塘).蟹仙啲海鮮特別係蟹好食不在話下，今次見佢咁近我將軍澳，係油塘三家村開左新分店，仲要係超級之好view!!!.▪️$449 per head/ 尊貴海鮮餐▪️.呢到個人覺得同其他分店最唔同嘅地方係除左有靚景，仲要有cocktail飲！呢到嘅飲品選擇多好多，把握日落時間過黎飲杯再食海鮮係一流！🌅.十樣野我就揀幾樣我特别深刻介紹，台灣九孔鮑魚好新鮮彈牙.澳洲青年龍蝦故名思意係年輕嘅龍蝦仔，肉質實夠鮮甜.今年獲得升級有蟹黃元貝，個蟹皇醬係自家調配勁香！.今次仍然係個蟹最出色，但今次令我驚艷嘅竟然唔係罕有嘅饅頭蟹，反而係膏蟹！個膏好甜肉又一梳梳.到最後有呢個海鮮嘅重頭戲，粥底火鍋，排骨粟米，芋頭粒等再有蔥粒同埋菜莆！最後嚟多個椰汁燉官燕，滿載而歸捧住個肚走.📌 蟹仙海鮮蒸氣石碢 (油塘)油塘鯉魚門崇信街三家村渡輪碼頭東翼

蟹仙海鮮蒸氣石碢 (油塘).鯉魚門開左蟹仙非常好，西灣河可以搭船過黎，船程短，較好時間仲可以睇日落，風景怡人.$449 尊貴海鮮餐可以享用十款海鮮，鮑魚龍蝦🦞青口，蠔等，今次最特別係試左免費升級嘅蟹黃元貝！ 蟹黃醬自家調配，濃郁再吊起海鮮鮮味.粥底經過十樣海鮮嘅加持，入面仲有粟米排骨等配料，好綿，嫌淡可以落少少鹽吊一吊味.最後更有甜品部分，椰汁燉官燕🥥基本上我食每間分店都有，每次我都好期待因為好好飲又養顏蟹仙海鮮蒸氣石碢 (油塘)油塘鯉魚門崇信街三家村渡輪碼頭東翼