一番風味 (Closed)

同朋友午餐，朋友揀左個星洲辣汁軟殼蟹跟菜飯，菜飯乾掙掙好難食，衹有一隻好細既炸軟殼蟹，冇汁既!朋友乾啃左半隻軟殼蟹加菜飯，已經食唔落，然後好奇地問一問待應辣哥哥，個蟹本身冇汁既!佢居然話唔係，係漏左比我地啫!而家補返比我地!一句唔好意思都冇，好似係必然既事咁，食到一肚氣又難食，結果我地都冇再食便埋單走人了!

之前來過食午餐，已經給他們的招牌羔蟹粥吸引著，今晚就再來試一下吧。簡單的中式餐館佈置，地方都頗大，座位闊落。餐牌選擇多，以海鮮居多，仲有多款一番推介。今晚就來一個海鮮餐吧!今晚是為了蟹粥而來，當然先來一窩吧，份量足夠5-6人進食，所以2個人足足可以分到飯每人3-4碗，十分滿足。整煲蟹粥都是橙黃色的，應該是用了好多蟹膏煲成的，食到蟹膏的鮮香，粥內有一隻大膏蟹，蟹鉗亦算大隻，啖啖肉，吃得出蟹膏蟹肉的鮮味。粥底很鮮甜，煲得綿綿的而又濃郁。另外點了黃金蝦，肉質彈牙爽口，外層炸皮顏色金黃，每隻蝦都被鹹香可口的鹹蛋黃包圍著，帶有香濃的蛋黃香，非常邪惡，最好的是蝦身已脫殼，所以食起上來十分方便。還點了2 只蒜蓉粉絲蒸蟶子，新鮮的蟶子用來蒸會很鮮甜嫩滑，蟶子清洗得乾淨無沙，加埋超級惹味慨蒜蓉，粉絲亦吸收所有食材的鮮味，正!

今晚下班後約了好朋友見面，朋友想蟹粥，所以去了灣仔一間中餐廳。一進去，二話不說便要了一鍋蟹粥，上台時熱辣辣，金黃色的粥充滿了蟹香，吃完一碗又一碗，要食蟹肉就不可只動口不動手，除了蟹鉗，蟹腳、蟹蓋都可以食很很滋味。蟶子有蒜香的味道，亦配有粉絲，感覺很爽口，亦不會很鹹。斑球炒豆魚肉大大件，厚切不腥，而且有魚皮很煙靭。食中菜還是多人食好，可以叫套餐，還可以食多點不同的菜式。下次可以與家人來試下灣仔的中菜風，食蟹粥，不用去澳門那麼遠了。

星期二晚上同幾個老友食下海鮮小菜吹吹水招牌黃金蟹粥400+/煲 一開個煲盖D蟹的香味即刻扑鼻而嚟 粥品的顏色橙黃 份外誘人 待應幫我們一人畢左一碗粥試試 粥品入口稀稠适中米粒分明滑溜 系潮洲砂窩粥的口感 味道方面粥品的蟹味浓郁鮮美又有少許牛油咸旦黃的甘香味 厨師調味功力深厚 好味又唔咸 甘香鮮美 回味無窮 可惜不是食膏蟹的季節 只蟹无乜膏 好在個虾蟹白濃湯熬煮得靚 才可令這窩蟹粥如此滋味無窮。黃金虾100+/例 虾肉爽甜 虾頭爆膏 配上咸旦黃醬 甘香鮮美 回味無窮。蒜茸粉絲蒸蟶子王60+/只 味道鮮美 肉质脆爽 只是蟶子個頭細 未洗乾淨 食起身有細蓉砂生蠔就－般

想食蟹粥都不一定要去澳門，朋友在灣仔發現了一間吃膏蟹粥的餐廳，最愛蟹的我立刻訂位去試試！7點半左右到餐廳，已經差不多全部滿座！建議訂位比較好！晚市有多款巧手小菜，也有不同的海鮮菜式！見到有我最愛的黃金蝦，點了一份！一送上來已經香噴噴，每隻蝦都好大隻，全被金黃色的鹹蛋黃包裏著，邪惡滿滿！吃一口感到異常的滿足，甘香的蛋黃，因為有泡油，蝦殻好脆，可以吃，蝦頭都有膏，蝦肉相當彈牙！這晚的主角是招牌蟹粥，用了一整隻大糕蟹，粥煲得好綿，橙黃色的粥好鮮甜，蟹味好濃，仲吃到好多蟹糕！有鉗子可以拆蟹肉，蟹肉結實鮮味！二人吃一鍋粥都真的夠飽了，所以不用點太多小菜！我們還點了蒜蓉粉絲蒸扇貝，大大隻扇貝，簡簡單單用蒜蓉豉油蒸，已經能帶出鮮味！粉絲吸收了扇貝的甜味！下次決定叫爸媽一起來，可以點更多小菜！

9/3/2019 @灣仔一番風味位於灣仔地段的茶餐廳， 光看名字以為是日式餐廳原來只是港式茶餐廳。午市選擇都算豐富，星期六吃了一個午餐 78元沒有飲品…海鮮湯斑粒泡飯， 賣相比想像中漂亮而且份量都算多， 但食落原來飯沒有很多，而且海鮮湯真的只有湯， 泡飯內只有零碎的斑粒， 是新鮮的而且有骨的，不是雪藏的……還有一些菌類，之後就沒有了……我還期待海鮮湯內會有一些魷魚仔…蜆肉或者小蝦… 結果失望了…但整體來說湯底濃郁的，味道也不錯，只是78蚊就略嫌有點貴了…78元是沒有例湯也沒有飲品的哦……

2020年3月9日 星期六約咗女朋友今日去灣仔婚紗展覽，去之前決定食啲嘢先，費事越行越肚餓經過見到呢間餐廳好似唔錯，又好似好耐冇食過中菜，一於入去試吓入到去發現餐廳都幾大，有好多枱但人流唔算太多，可能未到中午時間午市套餐有前後兩頁，選擇都算豐富，價錢又實惠，好快我哋就有左決定，叫兩個餐可以share首先係黃金蝦球配菜飯，蝦球用鹹蛋黃炸得好香，除咗蝦球之外仲有南瓜片都用左鹹蛋黃炸，好香口。呢一個泡飯好特別，原本以為只係清湯，冇諗過原來係龍蝦湯，飲落去有淡淡的龍蝦味，配料除咗有斑粒之外，仲有其他海鮮同埋唔同嘅菇菌，每一啖食落口都有好多料，好豐富。成個泡飯根本兩個人都食唔晒，實在係太大份，應該搵多一個人嚟食。整體感覺唔錯，價錢比快餐店貴少少，不過味道同材料都豐富過快餐店好多。

我係九龍人, 無咩必要都唔會過大島, 今次過銅鑼灣幫人占卜, 攪掂完當然去醫肚啦, 第一時間就諗起一番風味!好擔心一番風味步誠昌后塵咁成名之后就質素下降, 所以… 有時間就食多一轉得一轉! 及時行樂!另外再點咗隻黃金軟殼蟹同紅酒扣牛尾.黃金軟殼蟹 : 首先, 好熱! 辣咀! 外表好似鋪上一層泡, 但一入口咸蛋黃嘅咸香味即刻出哂黎. 軟殼蟹亦炸得香脆唔肥膩, 欣賞!紅酒扣牛尾 : 自己絕少食牛尾, 所以唔清楚牛尾肉質特點, 單單以眼前嘅牛尾評論, 牛尾肉質超鬆軟, 而且濃郁嘅紅酒汁原完入哂味, 話就話係紅酒汁但相信過火之后嘅紅酒味已經揮發哂, 所以酒味唔強, 啱哂唔太中意酒味嘅我, 單單哩碟小菜, 已經可以連送3碗飯. 爆like.主角 招牌膏蟹粥: 嘩! 主角出場啦! 顏色仍然係金黃色, 一打開煲蓋, 蟹味撲鼻, 一入口水蟹同蟹膏味強烈, 20年前食誠昌水蟹粥嘅感覺完全翻哂黎! 攞埋個蟹蓋上下左右不停瀨! 瀨到乾乾淨淨! 無哂儀態，成煲粥，一d都無浪費，食哂！我次次食粥都因為病，只有食一番風味嘅膏蟹粥係例外！

屋企人鍾意食海鮮，今晚食飯特地選了位於灣仔市區的一番風味，大家放工就腳。我哋一行4人點了個4人餐，唔洗慢慢揀同埋應該抵食d。首先有兩款前菜。陳醋雲耳爽口，陳醋好香，開胃又健康。麻辣雞絲，好似口水雞咁，但走去晒骨，雞皮香滑，雞肉嫩滑，加埋少少脆口青瓜絲好正。黃金軟殼蟹金黃的鹹蛋黃蓉好甘香，軟殼蟹嘅炸粉好薄好香脆，再咬落去就係軟殼蟹嘅膏同埋鮮嫩嘅蟹肉。怕肥就用生菜包住嚟食會感覺清爽啲。花雕蒸圍蝦基圍蝦已經剝款，啱晒懶人食，蝦肉鮮甜爽口，下面的花雕蒸蛋火候剛好，非常滑溜，仲有淡淡的花雕酒香。招牌羔蟹粥一打開煲蓋就見到金黃色的粥，一臽起就見到好大隻蟹，蟹膏好似鹹蛋黃咁，好甘香。雖然係煲粥，但係蟹肉亦唔會嚡口，仲係非常鮮嫩。粥底集合晒蟹汁嘅精華，好鮮甜，口感好綿密，果然係招牌菜。XO醬炒斑球斑球大大件又厚肉，魚肉一啲都唔腥，爽口紮實，魚皮煙煙韌韌，充滿骨膠原。配菜仲有我鍾意的爽脆蜜糖豆，加多d XO醬就更好。果皮蒸鮮鮑鮑魚算係大隻，已經起咗肉，肉質爽有咬口，果皮嘅清香同埋豉油帶起鮑鮮味。蒜蓉炒時蔬好友鑊氣，蒜蓉炒得好香，配爽口白菜仔，惹味又健康。

今晚與家人在灣仔吃晚飯，媽媽提議到這餐廳開餐。她上次經朋友介紹來這家餐廳吃過，覺得非常好吃，所以今天帶我們來這裏試試。我們點了晚市4人海鮮套餐。套餐有兩款餐前小吃及六道菜式。陳醋雲耳陳醋配上爽口的雲耳，酸酸的，很醒胃。川味手撕雞微微的麻辣味道，手撕雞雞肉嫩滑，配上爽口的青瓜絲，很爽口。招牌羔蟹粥吃過小吃，羔蟹粥整鍋上枱，熱辣辣，鍋內有一隻大羔蟹，羔蟹的羔非常飽滿，蟹膏甘香，就像吃鹹蛋黃一樣。整鍋粥都是蟹膏味， 十分鮮甜，羔蟹肉質鮮嫩，非常鮮味。蟹粥份量足，我們四人各吃了兩大碗還有剩。黃金軟殼蟹一共有四隻，都算幾大隻，沾上鹹蛋黃炸的，甘香可口，外脆內軟。軟殼蟹肉飽滿， 十分鮮嫩。花雕蒸圍蝦基圍蝦散發着淡淡的花雕酒香味，很吸引，基圍蝦已剝殼，吃起來很方便，啖啖肉，蝦肉爽口鮮甜，蝦下面是花雕蒸蛋，蛋蒸得非常滑，淡淡酒香，很好吃。果皮蒸鮮鮑鮮鮑魚一共有四隻，都算大隻，吃起來很爽口，有先包味。鮑魚沒有過多的調味，只有豉油加上果皮和香蔥吊味，吃到鮑魚的原味，果皮陣陣幽香。XO醬炒斑球班球大大件，龍躉魚皮煙韌彈牙，魚肉十分嫩滑，一點都不腥，班球炒得很有鑊氣，蜜糖豆亦很爽口。清炒時蔬蒜蓉白菜，蒜香味十

之前來過食午餐，已經給他們的招牌羔蟹粥吸引著，今晚就再來試一下吧。簡單的中式餐館佈置，地方都頗大，座位闊落。餐牌選擇多，以海鮮居多，仲有多款一番推介。今晚就來一個海鮮餐吧!今晚是為了招牌羔蟹粥而來，當然先來一窩吧，份量足夠5-6人進食，所以2個人足足可以分到飯每人3-4碗，十分滿足。整煲蟹粥都是橙黃色的，應該是用了好多蟹膏煲成的，食到蟹膏的鮮香，粥內有一隻大膏蟹，蟹拑亦算大隻，啖啖肉，吃得出蟹膏蟹肉的鮮味。粥底很鮮甜，煲得綿綿的而又濃郁。另外點了黃金蝦，肉質彈牙爽口，外層炸皮顏色金黃，每隻蝦都被鹹香可口的鹹蛋黃包圍著，帶有香濃的蛋黃香，非常邪惡，最好的是蝦身已脫殼，所以食起上來十分方便。還點了2 隻蒜蓉粉絲蒸蟶子($68只)，新鮮的蟶子用來蒸會很鮮甜嫩滑，蟶子清洗得乾淨無沙，加埋超級惹味嘅蒜蓉，粉絲亦吸收所有食材的鮮味，正!

放飯時間，正好下午茶時段，又係諗食咩的時候，今次唔去老地方，試下新野，成日行過此店，但從未幫襯過，只知招牌是招牌羔蟹粥，好野有機晚上先食了，停留了一回，見到下午茶餐牌，唔算好貴，一於試下，下午茶時段唔多人，得幾個人呀。 下午茶餐牌，價格$38-42不等，唔包飲品。 蒜香排骨蒸陳村粉，$42，好大碟，份量好多，陳村粉，口感爽，滑溜溜，配上蒜蓉、生抽等醬料，十分惹味，排骨份量也不少，口感脆嫩，味道不俗。 下午茶來計，好大碟尚算抵食，不過服務一般。

食過幾次小菜 味道可以 但今次的服務非常失望由入座至招待均不合格 入座沒有人安排 企左好耐都無招待 員工很忙 想詢問都搵不到員工 見到亦唔會來招待你 即使知你想搵位 舖內是有吉位的 最後問收銀可否自行坐下才獲告知等等 會安排 收銀都好忙 要兼顧樓面入座後多次示意想點餐 多名職員望到但扮見唔到（3-4名）無論是內堂或外堂的 只放下食物就離開 明白午市時段繁忙 但叫左三四次舉手超過五分鐘出聲講埋唔該都唔回應 服務態度不好 因需要工作 不能無了期等待見到我但扮見唔到既職員來幫忙點餐 只好離開不明白發生什麼事 過往服務都沒有出現此情況 希望管理層留意一下

到香港第一天就去了，賓館就在附近，所以選了佢地食晚餐，看了openrice，點了佢地招牌，羔蟹粥，粥真係好好食，很特別。蟹就唔功唔過，可能不到季節，羔有但係唔多，肉很飽滿，也很鮮甜，總的很唔錯。其他像係咕咾肉，好好食啊，超級鍾意！

好朋友今個月生日，所以專登約出嚟食飯慶祝！今日揀咗去食海鮮，因為朋友最鍾意食蟹，聽講灣仔灣仔道的一番風味嘅招牌菜就係蟹，加上大家都附近返工，就決定去試下。今晚我地叫左個招牌糕蟹粥，都幾大煲，未食已經覺得正，入口蟹粥真係好鮮甜；蒜蓉粉絲蒸扇貝都好大隻爽口，粉絲夠晒入味，好想再食多隻😜；黃金蝦入口唔太油，好味道，雖然佢真係用好多油炸的😅😅不過值得一試。可惜今晚我地得二人，如果四人可以食套餐抵好多！不過朋友生日當然要食好D。