皇冠冰室 (Closed)

特餐A好食，尤其是個蕃茄通粉，可能因為我本身鍾意飲蕃茄汁嘅原因。炸醬撈麵都正，特別係個湯，可能因為天氣凍搞到啲湯唔夠撈，所以問咗侍應可唔可，以原來可以添多小小湯，點知係可以㗎。不過最美中不足嘅係，我睇完餐牌就決定咗叫乜咪舉手叫侍應幫手寫嘢就係一般食客會做嘅指定動作㗎啦。應我機嘅嗰位女侍應就以5米距離一句大大聲話：“叫我要啲咩啊？“，就完全感覺到好似入咗惡人谷咁。所以唔會再幫襯個人評分10分為滿分食物味道：8環境舒適度：7服務態度：3

嗰日開完會，諗住喺附近嗰間顏色茶店簡單食個下午茶，點知間店門外竟然大排長龍。由於我地趕時間，就行遠少少去咗呢間「皇冠」，冇人排隊不特止，入到去仲有很多座位。對於唔想排隊等位嘅人士就啱曬喇！我地快速揀咗自己嗰份下午茶，我嗰份係吉列魚柳配薯條。魚柳唔算大塊，但勝在魚肉夠雪白嫰滑，似乎都幾新鮮。薯條幾脆，而且仲附帶兩包獨立包裝嘅地捫茄汁，以防止公用支裝茄汁時會感染細菌病毒。此舉頗讚！每份茶餐都比起顏色茶店貴平均五至十蚊，因此冇人排隊都係正常嘅！

去買完餸，11點見佢轉咗午餐menu就買外賣叫咗一個午餐set 咖哩牛仔柳，再加豬頸肉炒公仔面，當時門口得我地等緊外賣。等咗20分鐘多啲，因為拎住好多餸企係道都有啲辛苦，就問收銀姐姐得未，佢話整緊炒公仔面耐啲喎。等到半個鐘真係忍唔住，眼見遲過我哋叫外賣時間入去堂食嘅人都食緊，再問，又話包緊。果個主任態度差到，一句「唔好意思 好快」都無，塊面黑到完全無諗住安撫下個客（睇咗呢道食評，原來個主任一向係咁），仲要勁大聲話「我眼見包緊」，然後大聲同啲收銀講「以後唔該同啲客講明外賣最少4-5個字」返到屋企果個炒公仔面仲要成餅咁，啲面未熟透硬嘅，真係唔該哂。而家成日話分黃店，我自己好少出街食，所以無咩點分。啲人黑口黑面，我都係想買個lunch 啫仲要受氣，食咗都唔出肉。

今日（12/7/2020）點了三個早餐，早餐大部份食品美味。早餐D 鮮茄濃湯牛肉通粉配火腿炒滑蛋、牛油豬仔包蕃茄湯又濃又夠味，牛肉都幾滑，豬仔包唔脆早餐E 白菌汁雞柳螺絲粉配火腿炒滑蛋、牛油豬仔包好少餐廳早餐有白菌汁雞柳螺絲粉，多數是午餐及晚餐至有，今日食早餐時已十一點幾，故又試下，汁得夠，雞肉亦很滑，喱個豬仔包好脆口，但唔知點解，炒滑蛋略咸。早餐 三文治（雙併~餐肉蛋），都可以餐茶點了一杯凍奶茶，已點明要少甜，但來到勁甜，等食完早餐，冰已溶化部份，但仍很甜，成杯茶，只飲咗兩啖。

突然想食茶餐廳，於是就打電話叫咗呢間外賣你間餐廳可以選擇外賣自取或者直接送上門直接送上門只需要消費滿$60就可以，都幾方便五香肉丁米粉配吉列豬扒$55一打開外賣盒嘅時候有點驚訝完全估唔到吉列豬扒嘅份量係咁大塊豬扒嘅質感唔會話好鞋 正常茶餐廳嘅質素五香肉丁米粉份量都多餐廳好貼心咁樣將湯同米粉分開就算外賣自取返到屋企都唔怕米粉會索晒啲湯不過湯嘅味精有啲重 食完要飲返好多水先解到渴不過以呢個價錢來講其實都好抵食 份量足夠仲要送埋飲品👍🏼

今次去試佢個全日特餐 - 蕃茄牛肉通粉加炒蛋配丹麥多士，另叫一個菠蘿油。蕃茄牛肉通粉，湯底好濃味。我個人一般麻麻地茶餐廳配送嘅多士，不過呢間個多士真係好讚，好鬆化，唔似一般茶餐廳嘅多士！牛油同菠蘿包嘅比例剛剛好，性價比高

這次嚟呢間食，貪佢比較近馬路，好容易搵到。叫左個香草牛扒拼煙肉飯，配個中湯，仲有杯凍檸茶少甜，都係收55蚊。價錢唔算特別平，但都算好合理。一上檯份量非常多，牛扒兩塊，煙肉兩塊， 黑椒汁亦非常多。 如果你係大胃王，一定滿足到你。本來對裝修好靚嘅冰室冇咩好感，但你一間都算做得好好， 值得畀一個正評。

突然肚餓因為lunch 冇乜食嘢！成下午五點係旺角街頭睇吓食乜！仲有下午茶咪入咗呢間，本來想食海南雞飯，但好似好少雞！於是食返我最愛嘅焗豬扒飯！係即叫即焗！但「新森林」好食過佢喇！又平D ! 雖然間間都有味精但起碼「新森林」嘅豬扒厚D 又多D 價錢仲平D ! 呢間唯一可取係有芝士粉仲係用日本制造的！其他冇驚喜！我見前面枱嘅芝士肉醬意粉都不如圖片的！熱檸水一般冇驚喜！侍應叔叔同嬸嬸都係一般！唔好笑容嘅！收銀嬸嬸幾好正常些！

員工唔熟落錯單，主任大大聲鬧個員工，少少野鬧到成間鋪都聽到，鬧到一啲尊嚴都唔俾員工。我哋話要改返餐包，個主任冇聽清楚就同廚房講要朱仔包不要煉奶，我哋聽到佢錯誤的同廚房講，我哋就趁包未出再同佢講多次係餐包，佢就態度好差咁講，（出左啦喎，吖姐🙄）。自己聽錯野仲好意思咁差態度，員工錯就鬧鬧鬧，有咁嘅上司想要員工服都難吖🙂野食也冇咩特別好食。不會再去皇冠冰室，也不推薦大家去。可以入得黑名單。

Meeting my friends to have afternoon tea in mong kok, therefore come to try this fast food cha chaan teng at this convenient location.I had a tea set with tomato beef macaroni, plus two more egg tarts. The macaroni was not bad, the tomato soup base is quite rich, with tomato bits that made it feel real. Beef was not premium but tender.The egg tarts were made in the puff pastry way, the pastry layers were crispy and full of butter scent. The egg filling was tasty too!

今晚和朋友去旺角一間樓上菲林相機店看看菲林相機，之後到處逛逛就隨便走入這間茶餐廳吃晚餐。入到裡面，發現環境不錯，室內裝修新淨整潔。朋友要了鐵板扒餐，很大份，看似不錯。我就點了魚香茄子炆米。魚香茄子炆米 （$58）份量超多，很大碟，堆得高高的。魚香茄子好好味，很香口，不辣。炆米濕濕潤潤，質地ok，也是很香口，面頭灑上一些芝麻，內裡夾雜一些爽口的香蔥，好吃。整碟大大碟，又惹味，正！滿足！員工也滿友善的。

一入到去無人招呼都算啦，問坐去邊到又無人理我，企左半分鐘先有人理我，之後落單果個人又黑口黑面，落完單之後張單又大大力掉落張枱到，湯既質素麻麻，不過d飯同凍奶茶都幾好，

因朋友遲到，見佢地未黎時叫咗隻蛋撻，都有蛋味，但一D都唔熱，後來在餐廳逗留了足足一個鐘。當時在頭痛食咩時，望到對面枱食客個份餐非常吸引，最後忍唔住麵叫咗個setB，嘩，真係快到，好似一早整好晒，黎到塊扒望落唔錯，但可惜已凍咗，扒凍咗都仲好好味，意粉就一般啦，不過係旺角，咁既價錢都可接受，絕對唔難食。朋友到咗，叫咗海南雞飯同一個特餐，佢地就話一般。我見特餐個茄湯粉都比較濃，個雞既飯又係唔熱。其實見到咁大間，就幾位待應生，就係未停過，所以都同情佢地，飯涼咗可能唔夠人，而家咁多間餐廳結業，請多幾個人，野食好D，自然人多生意好。不過，如果唸住坐下傾下個D飯局就唔好唸，因為多數人都超大聲，如果要快同平平地，呢間還可以。

多士 - 要加$2先可以餐包轉多士，如圖燶左d兼且過薄，冇左厚多士外脆內軟既口感。炒蛋 - 普普通通冇咩花巧，如果可炒到半熟更好。茄牛通 - 名副其實蕃茄湯底很濃郁，牛肉和茄粒不算多，通粉就有成碗半，成個餐最高分係佢。奶茶 - 顏色較淡，一飲落去亦覺太稀，奶多茶少，而且不是濃茶，飲左幾啖就放棄。仲有塊火腿比左朋友，其實咁豐富$40幾抵，係$2多士唔值。而家可能係香港有史以來，冰室/茶記最鼎盛既時期，新店花多眼亂，有得揀（食常餐）未必會回頭皇冠。

炸脾西多 好難會做得難食但我今日見識到炸脾上台 熱既 似係剛剛炸起 理應好好食 但我真係覺得$50比隻咁既野我食 真係好垃圾雞脾肉又鞋又黑 肉質粗到不行 雞脾肉醃得唔夠 好淡。炸完求其 灑2下唯鹽 就算數！薯條 好熱 但唔脆 油林林 ，唔知想點凍朱 奶落得唔夠 只係落粉 好淡口 ，本人曾經做過水吧 唔知係唔係想慳皮 唔落奶 仲衰過我飲維他。蕃茄雖然伴碟 但係連個掟位都唔整走 真係好核突！西多 同薯條一樣。炸得好失敗 油林林 好失望見到呢間野仲有好多遊客 香港美食之都個名真係整衰晒