皇冠冰室 (Closed)

今日收八點，同老公出旺角買衫然後揾食，老公話附近有間据扒又平又正，好啦，試試吧！門口幾光猛，有出爐麵包賣，仲有個大大嘅鐵板扒餐牌，幾靚仔下店面非常大，裝潢時尚，有花過心思，坐位闊落，不會背對背，幾好坐，我地坐4人卡位，私人度更高，不錯餐牌厚厚一本，非常多選擇，有鐵板，小菜，炒飯炒麵，㗎喱，焗飯焗意大利粉，海南雞飯，湯飯等......，我地最後揀左兩個鐵板餐餐湯係羅宋湯，味道都ok但唔夠熱，餐包反而熱辣辣好好味鐵扒牛柳餐配意粉，意粉好大碟，但唔夠熱，汁又唔夠，牛柳好林好有牛味，剛好七成熟，正，配菜非常足料，有西蘭花🥦，小甘筍，蕃茄同粟米，整體不錯什扒餐配薯菜，同樣有大量配菜，仲有隻太陽蛋，一件雞全翼，非常入味，薄牛扒同豬扒都好林好好味薯角非常大塊，但比較乾凍飲加3蚊埋單202蚊，非常合理，好抵食，大家有機會來試試吧

受到惡劣天氣影響，在家中被困廿四小時後，終於可以出動了，一大早就去到新開的皇冠冰室。又大又光亮的招牌特別引人注目，加上離地鐵站不遠，因此生意亦其門如市，進進出出的人流從不間斷。甫推門進去，阿姐就著我坐進卡位。打開餐牌，中午茶晚市，選擇蠻多的。考量一番後，就叫了一個雪菜肉絲米粉餐，沒多久就送上，效率不錯。但是.......餐飽又老又皺皮，旁邊那隻湯匙，上一手的飲品殘跡完全未洗乾淨，而且還有糖粒黏著! 至於煎蛋嫌太熟了，火腿正常, OK雪菜肉絲湯米，那些不知是汁還是油，肥腻到不行，米粉也糊了! 完全沒有口感可言。唯一可取的是咖啡，夠香又夠咖啡味。

今日突然好想食扒，就諗住去旺角花園餐廳，去到樓下見到餐牌驚覺貴左好多普通牛扒都要$140+，卻步左。突然發現隔離開左間新野，比佢門口嘅鐵板餐牌吸引住，咁就諗住入去試下。餐廳啲位都幾舒服，環境乾淨，冷氣適中。咁我地就叫左個鐵板西冷牛扒，$92，可惜冇白湯，中湯都不過不失幾甜。等到個扒黎，賣相可以，但係一切落去就完全失望（其實都唔應該期待咁多）。我叫左5成熟，一切落去，恭喜曬係全熟啊！考慮左好耐要唔要換，諗諗下都係算就冇出聲。其實，肉質ok嘅幾淋，可惜真係太熟同埋好薄....如果比我揀多次我應該會去食大x樂都唔會再黎，$92可能唔應該要求咁多，但係全熟又薄切呢下唔係好接受到........

服務差，位置不好坐，新開以來已光顧了多少次，有一次去叫一個湯飯，已經交帶要少飯，之後湯飯到來的時候，一點飯沒有少，那個服務員急急腳走人，好似唔關佢事咁 （其實係佢落單lol) ，第二次去又係吃湯飯，之後我叫少飯，佢就乾脆飯湯分開上 （其實態度已經係唔好）。第三次去，再叫湯飯，佢地又乾脆話無湯飯少飯或分飯上，係standard....什麼服務態度？ (加上飯菜味噌重) 那間冰室價格跟旁邊比的貴五到十元，勝在新裝修，不過這樣的態度，真的....旺角有很多選擇 不打緊！

趁着假期出來走走，順便把回鄉證給辦了。辦完出來已經下午四點下午茶時間到~~逛了很久，看見這間店很多客人下午茶又很便宜，於是就進去了店員蠻熱情的，香港道地待客態度裝修挺好看的，以黄色和紫色為主，現代和古典融合的風格，還有一些壁畫，場地大，座位多，店員也蠻多。菜單不只有限定的下午菜，也有中菜、西菜的鐵板焗飯意粉、港菜的小食、咖喱、沙津、烏冬、泡飯、海南雞、麪包什麽的以一間冰室來説種類已經很多了我點了脆香吉列魚柳伴薯條跟餐奶茶~薯條配上茄醬簡直是絕配但略嫌一包茄醬不夠多，而且明顯是雪藏薯條，没有薯仔獨有的飽腹感和那股味吃久了口也很渴，41塊也就算了評分: 7/10吉魚炸得剛剛好，單吃味很淡，配上千島醬酸酸甜甜就很棒魚柳很嫩，炸皮很薄，不錯評分: 10/10奶茶叫了多奶，比例剛剛好，是我喜歡的不用再加糖味也已經很夠，不過分量略嫌少評分: 9/10整體評分: 8/10

皇冠冰室，有兩間店，分別係長沙灣同旺角，係一間新既冰室。我叫左早餐A，係火腿鮑魚絲通粉，西煎雙蛋，牛油餐包，最後又點少得我最愛既凍檸茶呢。盛惠$38，凍飯加左$3。坐位都算闊落，但仍有進步空間，不過佢係一間冰室，所以冇咩問題。野食方面，先講西煎雙蛋，典型既爆黃煎蛋，煎蛋既圓周冇咩燶位，個人比較喜歡冇燶既煎蛋，所以幾好。至於個主食，通粉保持到一定既硬度，彈牙，已經合格，加上火腿鮑魚絲既份量都唔少，個雞湯都ok。凍檸茶，唔會過甜，叫左少冰但都仲有較多冰，唯一既缺點。最後要講既係牛油餐包，留到最後講，因為佢意外地做左主角，留意番，皇冠冰室有賣面包，個餐包係熱既，再加上佢綿綿既texture，令佢係依餐飯上面跑出，做主角。整體黎講，可以一試再試。

我和先生見到店外裝修華麗所以想試下，點知坐下就感到好凍。原來開大個冷氣，咁都算，過要2個人得一張紙巾洗不洗咁慳，跟住仲有一樣野奇怪的不知道為何店員我們的食物要放另一個面。希望可以改善下。

店外而且裝修華麗，但幫我們入到去坐下的時候，冷氣十分之凍，正常應該一個餐一張紙巾。不知道我們只有一張紙巾。難道我們要一人一半。還有不知道何解店員把我們的食物不是放我們個邊，放在別人那邊。

兩口子又試新冰室，食個懷舊雜扒餐配意粉和鐵板豬扒餐，份量十足，味道中等，價格合理，服務可做得更好的，會再光顧，飽足感恩。菜單款式選擇多，而且有自家麵包，波蘿包，雞批，椰撻及懷舊麵包等，下次必試。

去到旺角餓餓地，咁啱經過門口見到幾靚又新淨，一於入去試試！裝飾唔錯幾光鮮，好快有位，裡面仲好大，還境確係唔錯，地下都算企理！望下餐牌點個下午茶，基本入門$26 起步。鋪裡面好多海報話菠蘿油日日新鮮出爐，咁就一於試下是龍還是鳳！落單食物：熱狗 - 個包淋晒，芝麻唔夠香...菠蘿油 - 唔夠熱，唔夠脆...炸脾薯條 - 雞脾還可以，但薯條都係唔夠熱..凍奶茶 - 尚可熱奶茶 - 尚可整體來說，真係中下水平，食物唔夠熱/新鮮不會再試...

有日行過見到有間新嘢，即上open rice做吓due diligence，發現原來新到未上open rice，老公話不如搏一搏，就入咗去食，跟住..... 就中伏了😫，食物及服務都麻麻，所以，食剩好多(有圖有真相，雖然食物的賣相唔算差）。

相信呢間冰室應該好新，見佢門面都好靚，本來諗住一心去百老滙花x据扒既我地，最後喺樓下比佢吸引到。特別係佢門口有自設包爐既面包賣，仲夜一夜都有蛋撻，仲幾多人排隊買，覺得質素可以一試。首先，鋪內面積很大，細心看是由豉油街一入轉到L型，另一邊入口可看到女人街，十分之大，這樣對坐位既提供有一定幫助。一心想据扒，當然要試一下佢地既扒，叫左一份西冷7成熟黑椒汁配薯菜，另外叫左一個卡邦尼蝦球意粉。我真心講，個牛扒賣相已經60分，好大件，好厚肉，一切落去再加10分，唔硬，放埋落口再加10分，再望望個價錢92蚊再加10分，超值，絕不比花x差。意粉到左，樣亦可比美出名既西餐廳，都幾好味，有小小意見既係卡邦尼係應該好多汁，而佢唔夠汁比較乾，都有70分。最後走我地仲喺門口買左兩個包做早餐，7蚊，仲有過買空氣飽😂😂😂😂總結係值得再去同介紹👍