新潮樓 (Closed)

今晚和朋友去九龍灣國際展覽中心3樓新潮樓吃潮菜，覺得好滿意。食物，環境，服務都好，價錢合理。新潮樓環境不錯，座位寬敞舒適，適合朋友或家庭聚餐。星期五，六及日有現場歌手唱歌，可以點自己喜歡的歌，盡興。人多可以選套餐， 好多招牌菜都包括在內，不用傷腦筋揀，價錢又實惠。我們兩個人决定散叫，菜式選擇多。吃潮菜必食鹵水。此店的鹵水鵝片有水準，質量皆佳。鵝肉又香又結實，口感肉質味道都好，鹵水入味，鹵水花生和鹵水蛋也很美味。自家製蝦棗蟹棗也真材實料，炸得恰到好處，入口香，美味彈牙有口感。豉油王煎大蝦上桌已聞到香味，一碟八隻蝦大大隻，蝦肉鮮甜結實調味佳，正!薑汁方魚炒芥蘭好夾味，芥蘭甜，方魚咸香。魚湯四寶河抵食，大大碗河粉滑，魚蛋，牛丸，魚皮餃和炸魚皮都好食。甜品反沙芋頭為這餐劃上完美句號，手工了得，糖霜甜脆，芋肉粉嫩，吃完飲杯鐵觀音，享受!電子消費滿$200，可免費泊車3小時，抵。不揸車在九龍灣地鐵站搭免費專線來回也很方便。下次叫多幾個朋友再來聚餐。

平時比較少到九龍灣國際展覽中心，今日來到，又是食飯時間，所以決定食埋飯才回，揀了食三樓的新潮流，餐廳很寬敞，樓底高，坐得舒適，餐廳還播放著輕音樂，喜愛唱K的還可以上枱唱嚇k，食得放鬆自在。餐廳menu 較多選擇，有打冷菜式及中式小菜。XO醬翡翠炒帶子，帶子食落口感帶點新鮮的煙韌口感，XO醬頗香，令帶子更鮮味。西蘭花不會太硬，腍中帶點爽的，食得出用高湯煮。啫啫滑雞煲，裡面有較多干蔥，加上廚師秘製調味，所以整個雞煲的雞肉好惹味，而且雞肉剛好熟，很嫩滑。蠔仔肉碎粥，蠔仔都頗大粒，很軟滑，肉碎、大地魚……等，令粥都頗清甜的，食嚇食嚇，一大碗都清了底。椒鹽九肚魚，外脆裡面非常嫩滑，有少少軟骨，非常喜愛食。竹笙北菇燉菜膽，平時比較少飲湯，所以今晚點了2個湯，每個一人份量，面瘦肉、竹笙、北菇、菜膽……，湯底都好清甜~~食了煎炸菜式，飲返個竹蔗茅根，就可以清熱又解膩。

香港唔多潮式酒樓，可以同時食到點心同打冷等潮洲菜，所以簡唔中都會同屋企人黎飲茶，只要消費滿 $200就享3小時免費泊車，慢慢嘆茶都可以。地方光明寬敞，坐得舒服。香煎蠔仔酪 $108食潮洲菜必叫! 蠔肚呈奶白色，粒粒飽滿，遍佈成個餅。蠔餅比較薄身，所以烙得好酥脆。另會送上魚露汁同辣椒油，推薦必點辣椒油，非常香。鮑魚燒賣 $48鮑魚用蠔油煮過，入口軟腍。豬肉燒賣肥肉比瘦肉多，加入埋新鮮蝦，所以食落油軟，又彈牙。潮式煎韮菜粿 $38中意食潮洲既粿皮，加入木薯粉，特別軟糯。饀料除左有韮菜，仲有蝦粒，一咬漏汁。啫啫蝦乾蝦醬通菜 $108用瓦煲上，上台已經聞到陣陣蝦醬味道。通菜嫩綠，加入大量肉碎、蝦乾、辣椒炒，每啖味道濃郁。自家製蝦蟹棗 $148潮洲傳統小食之一，傳統會配埋甘桔醬，酸酸甜甜，同炸物好夾。棗類似平時打邊爐既丸。將肥豬肉、蝦膠同蟹肉拌圴後炸，食落似實既肉卷，有一款仲會包上腐皮，特別香脆。帶子腸粉 $58腸粉、帶子都軟腍腍，加左少許脆肉瓜，增加口感。竹笙北菇燉菜膽 $48湯入面有粒厚身北菇，用瘦肉去煲，入口清甜唔肥膩。褔果芋泥 $48餐廳唯一兩道甜品，都以芋頭入饌，就知潮洲人幾中意食芋頭

🚩 新潮樓我放假竟然同媽咪出咗嚟咁遠食嘢～事緣係媽咪喺網上面見到有人推薦依家位於九龍灣嘅潮州菜館，一直都同我講話好想食好想食～所以就一早起身同佢過嚟試下〰️〰️〰️〰️〰️〰️〰️〰️〰️〰️〰️〰️〰️〰️〰️🌈椒鹽九肚魚 $108唔好睇佢好似平鋪咁，但其實分量都好多九肚魚炸漿唔會太厚，魚肉好滑捋捋梗係要配埋佢嘅老朋友喼汁不過凍咗之後炸漿有少少甩甩地，大家記得趁熱食🌈蟹籽鮮蝦燒賣 $48估唔到呢度除咗潮州菜食之外，仲有港式點心雖然燒賣外皮有少少粉粉地但佢嘅肉質好紮實，唔會鬆泡泡仲有好多蝦tim🌈自家製蝦蟹棗 $148總共有兩款，蝦同埋蟹不過兩款嘅豬肉比例都偏多，落返多啲蝦同埋蟹會更加好不過好特別嘅係佢會配左蜜糖俾大家點，甜甜地又唔錯🌈香煎蠔仔酪 $108潮州嘢梗係要食蠔餅唔知大家鍾意食酥脆啲，定係黏笠啲嘅蠔餅呢度就係前者，我亦都係比較鍾意個一款蠔仔細細粒，但好飽滿，份量亦都好多點埋魚露食就一流🌈潮式煎韭菜粿 $38韭菜果皮薄餡靚，用嘅唔係麵包嗰種皮質，而係好似蝦餃嗰隻煙煙韌韌裏面就係實實在在嘅韭菜同埋蝦新鮮熱辣咁樣食裏面充滿肉汁，食得辣嘅朋友，可以點埋潮州辣椒油咁就色香味俱全🌈豉汁蒸鳳爪 $38唔好睇佢價錢好似俾

♡‎ ♡‎‎ ♡‎ ♡ 九龍灣 - 新潮樓 ♡‎ ♡‎‎ ♡‎ ♡‎ 餐廳呢個名食字食得幾好 潮洲野 可能比較少後生會食但係可能遲啲成為一個新潮流新潮樓除咗有潮州嘢，仲有點心、小菜等今次嚟到食晚餐🔹滷水三拼 $168+20+20嗌咗鵝片、墨魚、豬腩肉三款嚟到冇估到咁大碟鵝片 好均勻 咬落去陣陣鵝味滲出嚟 豬腩肉少少肥 恰到好處墨魚 片狀切 好有彈性🔹臘味崧扒菠菜 $118呢個係期間限定嘅菜式加入咗我最鍾意食嘅臘味令到菠菜更加香口🔹客家黃酒雞 $138黃酒雞半隻，但係份量多過半隻咁黃酒浸住別有一番風味 完全冇酒苦味滋補養生 食完暖笠笠🔹瑤柱蛋白炒飯 $108款款餸都比較入味 所以揀咗個清清哋嘅炒飯 健康又有益呢間餐廳坐得好舒服 都屬於靚嘅酒樓格局感覺都幾適合一家人嚟聚餐◆*．◆*．◆*．餐廳資訊◆*．◆*．◆*．📍新潮樓 (九龍灣)九龍灣展貿徑1號國際展覽中心3樓319-329號舖

第一次黎九龍灣Emax 新潮樓估唔到Weekend 黎食飯晚飯都有驚喜！！地方大坐得舒服不在話下，Weekend 仲有駐場歌手即席表演-潮州野款式選擇多，滷水鵝蠔餅方魚粥，仲有芋頭 臘味煲，同羊腩煲都有得食，各款潮州美食同中式粵菜都有得揀，最重要係咁嘅排場價錢1D 都唔貴！-滷水鵝片拼墨魚，可以單拼雙拼同三拼，味道不比出面老字號潮州鋪弱，墨魚片彈牙，鵝片都有滷水香，最重要份量好多啊～- 普寧蘿蔔灌漿 潮州蘿蔔糕，是我喜愛的 削削口感 證明唔係剩係得粉而係有好多蘿蔔， 煎得香口，點埋漿仲好食。 -潮汕梅膏骨呢個要大推！豬肉先走過油再用潮汕梅膏醬去番兜炒得有鑊氣豬肉食得出係靚肉彈牙唔會霉最重要係潮汕梅膏醬微微酸自帶香好開胃呢-蠔仔肉碎粥呢煲蠔仔粥都好多料蠔仔多係常識，隻隻飽滿帶鮮味粥底仲有蝦乾增加海鮮咸香，好大煲又抵食。-薑汁方魚芥蘭呢個係清淡之選，方魚的咸香更加能帶起芥蘭的鮮甜。

⭐️ 新潮樓 (九龍灣) ⭐️最近好多人都去九龍灣展貿中心睇演唱會，小妹梗係都有去啦🙆🏻‍♀️去之前梗係要填飽個肚先啦，今日食咗喺E max 入邊嘅新潮樓，食物質素唔錯，廚師整得好好食，環境嘅都好舒服，大家有機會一定要去試吓！⭐️ 菜譜銀魚煎蛋($108)⭐️欣賞佢嘅銀魚煎蛋煎得好香,銀魚仔都好大條👍🏻🙆🏻‍♀️⭐️臘味崧扒菠菜($118)⭐️菠菜食落口有好香臘味味伴隨，波菜唔會鞋口，非常岩依個季節食呀😍😋⭐️XO醬一口牛柳粒($148)⭐️牛柳粒鬆軟，四邊都金黃色，加埋XO醬非常之惹味！仲有d粒粒素菇伴碟，成個餸非常惹味！⭐️蠔仔肉碎粥($108)⭐️蠔仔都幾大粒，加埋肉碎，鮮甜美味，成個餸都感覺幾健康。🕋環境指數：9/10感覺舒服，枱同枱都有吾少距離，可以有空間享受食物多同朋友暢所欲言！😋美味指數：8.5/10食物水準相當唔錯，特別係個牛柳粒，好惹味！👩🏻‍🌾服務指數：8/10職員服務唔錯👍🏻🤑抵食指數：8/10 價錢合理，一般中菜酒樓嘅水平🫶🏻🙋🏻‍♀️推介指數：8/10 大家去開果頭，多一個選擇俾大家參考😆📍地址：九龍灣展貿徑1號國際展覽中心3樓319-329號舖

Emax有間神秘潮州打冷酒樓✨🫶🏻💕最適合附近上班的朋友，放工聚腳好地方，晚間更有懷舊金曲夜，現場有歌手唱歌，很有氣氛呢！♥︎食物方面是正統的潮州菜，多款選擇！《滷水鵝片拼墨魚》$188滷水可單拼、雙拼或三拼，自由選擇，滷水鵝片大塊厚肉，皮薄肉厚，滷水墨魚彈牙爽口，滷汁入味，更有酸菜墊底。《排骨春菜煲》$118很多款煲類選擇，這煲有著香噴噴的春菜香氣，湯水也很清新可口，至於排骨也有很多件，也不錯！《黃金大蝦》$168愛黃金蝦的朋美定必會喜歡，蝦是很大隻的，有膏的，且啖啖肉的，黃金的鹹蛋皇味亦很濃烈，十分惹味！《香煎蠔仔酪》$108超大塊的蠔仔酪，不算是香煎，應稱為炸蠔餅會更貼切，超酥脆的表面，內裏有著軟綿綿的蠔仔，吃得很有滿足感。總結：神秘的潮州菜酒樓。

-🔸滷水三拼 $188🔸潮汕梅膏骨 $118🔸香煎蠔仔酪 $108🔸薑蔥霸王雞 $138/半隻🔸金銀蛋浸時蔬 $88🔸竹笙北菇燉菜膽 $48🔸茶芥 $12@-同屋企人食餐好嘅，去咗九龍灣Emax食潮州菜，地方闊落嘢食水準都高。食潮菜必食滷水，我哋叫咗鵝片、腎片、豬耳，滷水好入味而且份量足，特別鵝片肥瘦適中唔會乾柴。煎蠔餅有大量肥嘟嘟蠔仔，餅底薄脆好似薯片咁幾正。梅膏骨出面比較少見，肥豬肉加上酸梅醬汁好開胃。霸王雞好香薑蔥味，雞件大隻多肉而且嫩滑。叫多個時蔬，菜心非常翠綠鮮甜。最後飲埋清甜嘅燉湯，非常滿足。

今日黎左九展行Outlet，因為平時德福，Megabox都行到好悶，反正又有Shuttle bus，3分鐘唔洗就黎到🚌於是就捉埋一家大細一齊去行下街，順便一齊揾食😝。老人家就至愛中菜👵🏻而原來Emax呢到都有唔少餐廳選擇，地方仲要夠哂闊落，同一般酒樓環境完全唔同🤵🏻‍♀️。🐒 精選套餐(4人)💰$888出去食飯最煩就係諗餸，但嗌set就可以解決呢個煩惱，由頭都尾都幫我地諗掂👍🏼。👉🏻潮州滷水鵝拼盤除左有滷水鵝之後，腩肉都為呢個拼盤生色不少🐖啲豬完全唔肥，皮仲要爽，另外都有豬腸，紅腸，魷魚，花生🥜非常豐富。👉🏻瑤柱海皇羹海皇羹係意想不到既足料，4個人飲每人都有2碗有多，唔單止料多，份量驚好多😂。👉🏻碧綠川椒蝦球👉🏻潮汕梅膏骨👉🏻招牌吊燒雞👉🏻薑汁方魚芥蘭有4款餸可以用黎送飯，潮汕梅膏骨第一次食，原來係類似京都骨酸酸甜甜，不過當然呢個就重味好多，因為始終用梅膏去製造🫒反而吊燒雞值得一試🐥因為個片脆得黎又薄，食落口感好好，呢雞肥瘦適中，食落都好滑。👉🏻是日甜品(芋頭紫米露)原來最後既甜品係糖水🥣今日竟然仲有我最鍾意食嘅芋頭紫米露。今餐無論係大人，小朋友定長輩級都滿足到，因為現場有演唱，仲有職員

新式乾淨高質九展潮州菜館藍毛毛/檸檬仔/小突兔三位去完九龍灣買著名的烘焙面包後,再去低碳天地和九龍灣展貿中心行街街,還去了歡樂天地玩遊戲,晚餐就決定留在九展享用,最後選了一間應該是新開的潮州菜館?!意外地出色和乾淨,店員服務又幾好,三位都很滿意,不如詳細介紹一番!滷水三拼-滷水鵝片/鵝掌翼/腎片鵝片和鵝掌翼滷得入木三分,腎片又好爽口,幾乎每張桌都會叫的前菜或冷盤!小炒皇&椒鹽白飯魚&碧綠川椒蝦球 足料的小炒皇有韮菜、蝦乾、豆腐及魷魚,使用爆香豬油炒成,不得不叫啤酒來送菜!椒鹽白飯魚固然是即場烹調,炸得恰到好處;原來蝦球可以用上川椒醬料來食用,三樣都是非常適合送酒的主菜~枝竹羊腩煲配生菜吃完小菜後,羊腩煲就上台,果然是充滿羊羶味!有齊生菜,北菇,馬蹄,大量羊腩肉,竹筍,每口都是羊肉和配料,枝竹和生菜又吸收日月精華,實在太好味了~湯品:竹笙北菇燉菜膽湯甜品:福果芋泥老火湯一向都是中菜的精華所在,竹笙和北菇吸收了菜膽和排骨的味道~芋泥則是偏向台式的甜品,雖然要等30分鐘,卻值得等待,芋泥味好濃,還有少量白果呢!新潮樓九龍灣展貿徑1號國際展覽中心3樓319-329號舖#潮州打冷 #新潮樓 #九

之前去九龍灣國際展覽中心都係睇下show，估唔到EMAX都有間中菜係幾高質，環境好闊落舒適，食物多選擇，上菜速度快，食物熱辣辣夠新鮮，員工親切有禮，斟茶執碟所有野都好細心。唔好以為EMAX好隔涉，其實係九龍灣站轉shuttle bus都勁快，同屋企人黎食絕對合適。叫左個精選套餐4人份量，首先黎到既係瑤柱海皇羹，夠熱，味道唔太咸，有勁多蝦仁同埋瑤柱，絕對比貨冇取巧。之後係潮州滷水鵝拼盤，有鵝肉、滷水豬腸、紅腸、墨魚同豬腩肉，潮州特色夠入味同好好食。碧綠川淑蝦球食落好香口，蝦球好爽口彈牙，味道有啲似燒烤醬味，幾特別。潮汕梅膏骨類似金沙骨咁，酸酸甜甜，五花腩都幾多肉，小小肥令到d肉好juicy，但又唔會成口油，岩食。招牌吊燒雞果然係招牌菜，雞皮薄香脆，雞肉好滑，仲有淮鹽吊下味，十分出色。最後就係薑汁方魚芥蘭，芥蘭配薑汁可以減低個苦味，仲有方魚幾特別，有啲似柴魚。糖水係紫米露作結。現場仲有live band show ，仲可以點歌，有新歌又有舊歌真係啱晒唔同年齡層，成個用餐氣氛好好，佢個地點好似好遠但其實都幾方便，價錢都唔係好貴。

星期日放假過嚟Emax outlet，上到3樓，經過一條放咗一啲展覽品的走廊，行到尾原來有間新開的潮洲酒家，平日返工都好匆忙，趁今日得閒飲過茶。酒家空間闊落，店員有禮貌，坐落清靜又唔太嘈，睇吓餐牌先點過午市套餐，不用費心，店員提及每星期都會更換菜式，咁就唔會食到厭😄😄《逢星期五六日設有現場音樂，演繹經典廣東金曲》午市二人套餐B$178🔹點心拼盤點心即叫即蒸，乾蒸牛肉燒費，肉質結實。鲜蝦素翅餃，好飽滿仲有成隻鮮蝦仁🍤叉燒包又夠熱辣辣，豆沙芝麻球，炸得外層香脆裏面的軟滑豆沙唔太甜。🔹潮州什錦拼盤紅布腸，豬腩肉，花生🥜滷水鵝翼及墨魚，樣様有啲，滷水非常入味，好味😋🔹方魚肉碎粥大地魚嘅香，肉碎，鮮甜蝦乾煲的潮洲粥，清甜美味。🔹魚湯浸時蔬鮮甜魚湯仲加咗大頭菜絲，生菜夠嫩，好食😋凍烏頭$168每次到潮州酒家都忍唔住點嘅菜式，雪凍後烏頭魚，肉質結實，配上黃豆醬，既保留了烏頭魚魚肉鮮甜，十分開胃。福果芋泥$48芋泥又滑又香, 福果很煙靭, 很好吃!

𝕀𝔾: 𝕙𝕜𝕡𝕝𝕒𝕪𝕝𝕚𝕤𝕥📍新潮樓（九展）🤍鮑魚燒賣(2隻）燒賣唔會好粉，夠咬口彈牙，配埋鮑魚爽口有咬勁，配搭十分有趣🤣.🤍黃金大蝦🍤沾滿佐鹹蛋去煎嘅大蝦，食落口殼都是充滿鹹蛋味，味道濃郁又不遮擋蝦嘅鮮味，配搭得好好～🤭.🤍椒鹽鮮魷🦑鮮魷用嘅粉適量，塊皮唔會厚粉，又脆又香椒鹽味，食唔停口🙈.🤍香煎蠔仔酪蠔仔集中佐係中間，用料十足，幾乎啖啖都有蠔仔🤣鐘意食蠔嘅朋友唔好錯過啦！.🤍鹹菜豬肚湯鹹菜份量好足，豬肚洗得好乾淨完全食唔到有味，而湯味道都帶陣陣鹹菜和胡椒味，個人喜愛這個味道🤤.🤍反沙芋頭芋頭揀得好，食落口唔會有渣，好粉易咬🤣表面仲有一層糖粉，好食十分出色👍🏻.🤍滷水拼盤可以兩拼/三拼，我地叫佐鵝掌、鵝腸、鵝片，鵝片薄身唔會有騷味，塊皮油脂分佈得很平均唔會有油膩的感覺，鵝掌啲肉滷得好腍好入味，鵝腸好爽口又夠味，都好好食🤤係正宗嘅潮州菜味道

日式料理同Cafe食得多 有時都會想食下中菜🤫 今次就黎到九展嘅新潮樓食餐好嘅😛🍀鹹菜豬肚湯胡椒比例岩岩好 聞同飲落口都好香胡椒味😍 辣辣地但吾會過辣 恰到好處👍🏽 豬肚好彈牙 吸埋啲湯底更加入味🤤🍀滷水拼盤簡左個滷水三拼 有鵝片 鵝腸 鵝掌翼🦢 滷水味道夠濃 濃得黎吾會太鹹😝 鵝片好淋身好鬆軟 吸晒啲滷水汁好入味🥰 鵝腸好新鮮 口感嚼勁🤩 鵝掌翼一咬就咬甩到皮 感覺好爽🤣🍀黃金大蝦每隻蝦都好大隻🦐 而且有滿滿嘅鹹蛋黃鋪係表面 食落口好濃味😋 蝦好新鮮好彈牙 加埋鹹蛋黃 令味道更加濃郁更加好食🤤🍀椒鹽鮮魷份量超級多 多到好似食極都仲有咁🤣 椒鹽吾會太鹹 同樣做到好夠味👍🏽 鮮魷好新鮮好有咬口 彈牙得黎又吾會煙韌 好高水準😜🍀香煎蠔仔酪大大塊 入面仲要有好多好大隻嘅蠔😍 煎得岩岩好 金黃色 香脆可口☺️ 🍀鮑魚燒賣諗住黎到 點都要叫樣點心過下口癮嘅 但又驚食得多點心食吾到其他野 就點樣特別啲架啦🤣 🍀反沙芋頭點品做一餐嘅最後完結 好夠沙好好食😛