翡翠拉麵小籠包 (Closed)

寫了第一篇關於灣仔翡翠之後第二次和爸媽來。除了必點的小籠包和蘿蔔絲酥餅外，還點了新歡粉皮砂鍋魚頭煲，和第一次嘗的蔥油餅和素菜包。小籠包和蘿蔔絲酥餅維持水準，每一次吃都有幸福感。素菜包的面揉得滑，餡兒豐富味道好。蔥油餅比期望差，略鹹，皮嫌硬，和蘿蔔絲酥餅的水準差得遠。媽竟然說，蔥油餅和蘿蔔絲酥餅是不能相比較的，已經做得好好了。這樣護短，我想我們已經在這裡吃出感情來！粉皮砂鍋魚頭煲今次做得太鹹，似乎下了雙倍的鹽，但我們還是吃得津津有味，只是湯不能大口大口的喝。跟部長反映，他先道歉，還說如果我們剛開始吃的時候告訴他的話，可以換掉。有這樣的品質管理，以後吃得更舒心。所以，雖然這一頓略有不足，維持原判，給翡翠一個笑臉。

翡翠的小籠一向有質素。跟友人第一次來灣仔店，小籠包仍然是皮薄多湯，好味。我覺得它是全港最好的小籠之一。另叫了嫩雞煨麵，超快已上檯，但麵已經淋到碎哂，吃得甚為辛苦! 下次還是吃其他麵喇!

今日同個fd上左去食野~之前都好想試下~~於是就去左啦~我地叫左小籠包, 銀絲卷, 賽磅蟹, 糖醋雞球, 高力豆沙!!!小籠包--真係皮薄餡靚, 而且入面仲好湯....正~!!銀絲卷--咬左落去~裡面唔似得平時食o個d 炸饅頭咁得一舊熟左gei粉團, 而係一條條粉條咁~好得意~!!唯一唔好gei就係冇野點~食落去比較寡...賽磅蟹--唔識得講~~不過幾好味, \"送\"飯唔錯~糖醋雞球--好好味呀~味道恰到好處~唔會過濃高力豆沙--蛋味好濃.....濃到一咬落去只係得d蛋味~~完全蓋\過哂d豆沙餡味....

灣仔翡翠食物的味道比國金店和銅鑼灣二店好。當晚點了以下菜式：醉雞- 唯一欠水準的項目。小籠包- 皮薄，有豐腴的肉汁，比尖沙咀鼎泰豐的“衛生迷你版”小籠包好得多。紅油抄手- 辣汁味道濃淡得宜，皮薄有質感。生煎包- 稍小，只比小籠包大小許，但味道好。素鵝- 腐皮炸得鬆脆但不乾，餡料豐富。砂鍋粉皮魚頭- 精彩之作，連我這樣怕腥味的都吃得差點兒舌頭都吞下。毫無腥味，滿口鮮，魚的炸漿很薄，粉皮和湯汁的鮮味二合為一。

路經此地，兩口子撐檯腳食餐晏。見到檯檯都叫小籠包，以為好正，於是叫番籠。誰知來到一睇，個個都穿底，Ｄ湯俾塊墊底菜葉索晒！對住四個扁塌塌「小籠貼」，都唔之好嬲定好笑，笑自己咁好彩？差Ｄ想食塊菜葉唔食個包，又驚俾隔離檯笑我寒酸！成２６蚊架大佬！又叫左個酸辣湯拉麵，四十幾五十大洋，個碗就大得很，湯同麵加埋得個碗容量一半，睇起黎鬼鬼鼠鼠！ＭＥＡＮ到極！酸辣湯只得幾條冬菇絲，豆腐絲，唔知雞紅定豬紅絲，同埋一Ｄ似筍又似沙葛物體，加埋豆粉芡，唔夠酸又唔夠辣，半天吊！加多個雞絲粉皮，個四吋碟仔上面舖左Ｄ粉皮，上面再加一撮熟雞胸肉絲，淋Ｄ麻油撈花生醬，盛惠四十幾皮，真係新春大吉（老闆）大利！呢餐晏仔連茶共銀一百四十個大洋，多謝都冇聲！食完得七成飽，夠晒健康！香港地食野愈來愈貴，此等小店都仔浸蛟龍！計起上來重貴過日本！回想到日本自由行，晏晝成街類似格局食店，定食不外乎８００－１０００，就算去百年名店「玉秀」食親子丼，都係八百零而已，何況進店離店，都有員工大合唱「歡迎！」同「多謝！」，差天共地！

昨晚同大學同學聚會,同時係要派利是俾佢地.星期五揾地方俾8個人食飯都几難,銅鑼灣好多地方都要有時段限制,我這班朋友咁忙,相信有時要食住等到收枱都到齊人架!今次我BOOK咗灣仔，近我ｏｆｆｉｃｅ又book到枱，７：３０ｐｍ去到即刻有枱，正！咁多人叫野食最開心，叫咗N咁多樣：１）年年有餘（松子桂花魚）：我的致愛！好味吔！！如果大條ｄ會更滿足！２）橫財就手（醉豬手）：小食黎架，好細碟，如果鐘意花雕酒就會鐘意，好似醉雞的味道．３）脆鱔：好乾，唔知係唔係正常呢？但味道唔錯，所以都有不停咁食４）鎮江小排骨：好味，酸酸地好入味，好淋，如果有碗白飯我會用ｄ汁送飯食晒５）小籠飽：依舊皮薄多汁，次次去都會食．６）鮮肉鍋貼：好味，好juicy．７）蘿蔔絲蘇餅：好熱好新鮮吔！！一隻可以分兩件俾兩個人分享都得，因為唔係太細舊．好多汁！８）炸醬面：本來想叫酸辣湯面，但有朋友話唔食辣，所以就叫這個，點知佢一樣係唔食，早知我叫酸辣湯面，比這個好味！９）雞火炒飯：每次想食飯都叫這個，今次叫咗都無食，因為太飽，但睇個樣都好好，好乾爽好香．１０）粒粒炒年榚：好味喎，年糕切細咗，可以吸收多ｄ汁，無大大件炒年榚咁淡，有雞肉粒同

中午路過此地，兩口子撐抬腳食晏。看餐牌都係Ｄ普通大路上海菜式，無甚特色！看價錢一Ｄ都唔普通，新春後應該仲加左價添！叫左酸辣湯拉麵，連埋加一過五十皮一碗，個碗就認真大，味道唔酸又唔辣，幾條木耳，筍o既替身（即係沙葛），唔知雞紅定豬紅，五香豆腐等等切絲，杰蹋蹋豆粉水加味精，認真你就大吉，佢就大利！小籠包就差唔多每檯都叫，可惜手勢就真係麻麻！個個都穿底，塊墊底菜葉索晒Ｄ湯，總之對住四個扁躂躂小籠包唔知好嬲定好笑！真係想食菜葉唔食個包，不過好似好寒酸咁，而且又唔知塊菜葉有冇洗過，食唔食得？成三十蚊架大哥！四百幾ＹＥＮ重貴過日本食架！仲有個雞絲粉皮更加名貴！一個四吋碟載住Ｄ粉皮，上面舖住一撮雞絲，淋Ｄ麻油撈花生醬，有幾多料大家可以想像！連加一盛惠差不多四十大圓，發啦！佢老闆！埋單連茶錢加一，成百四蚊咁滯，得幾成飽，侍應多謝一句都慳番！午餐一人一千ＹＥＮ，以為去左日本!日本食午餐一般唔使咁貴添，八百零ＹＥＮ都得啦！重有店員大合唱歡迎同多謝添！

本來想要Kafa嘆咖啡，怎料已經關門大吉，也懶得四處走，直接到旁邊的大有商場去。難得此長龍店會有不用排隊的分店，便進內一試。甫入坐就聞到醋味，果然每桌也有小籠包。我倆卻意不在此，只點了其他小菜雞絲粉皮($35)－－花生醬似是混了醬油，有點鹹味。粉皮爽口，算是不錯鹹肉津白($48)－－上湯變了玻璃獻，不過津白倒是難得地有味。上湯雞煨麵($38)－－和相片大相庭徑，一塊塊的雞件變了雞肉碎。煨湯也不是奶白色，有點失望高力豆沙($32)－－豆汁甜度適中，蛋白球也炸得漂亮，好吃極了。似乎除了小籠包外其他食物都是普通而已。埋單$184，應該不過再惠顧吧。(果然是冷門店,居然是第一個食評)

去食過2 次, 因為佢有素菜飽同埋一個上海冷麵. 素菜飽好食, 不過好細個, 真係有d 唔夠喉!個冷麵有d spicy (係越食越spicy), 不過就好正!次次去都係食呢2 樣, 所以其他食物水準唔清楚, 但係呢2 樣就好好味!

本人都幾好翡翠的食物. 所以差不多大部份的都到訪過. 是日剛好找不到心儀的食肆, 友人提議這裡, 當然無異議啦!點了:1. 小籠飽: 仍舊多汁好味.2. 雪菜毛豆炒年糕: 味道很淡, 年糕沒啥味道.3. 酸辣湯: 本人至愛, 可是這裡的不夠辣也不夠酸. oh no!4. 腐皮卷: 呢個ok, 腐皮卷內的配料為素菜, 清新.5. 上海粗炒: ok.6. 鍋貼: 味道可以, 但始終別家的鍋貼皮煎得金黃可口.7. 豆沙鍋餅: 都唔錯.感覺上, 味道跟別家的稍遜. 但都可以的.

6時多就去食，當然唔駛等位，不過食到近八時都唔滿，唔知係咪地點問題，所以少啲人呢？叫咗小籠包。之前係沙田那間食過，沒有好感，所以沒有期望，但結果又做得幾好喎，阿媽話好食過金滿庭添。我最欣賞清炖牛肉湯拉面，湯同面分開上，個湯味道一流，牛肉又焾，仲有桂圓。下次我一定會試清炖雞湯拉面，睇吓係咪一樣咁出色。魚頭湯、京燒蝦球、松子魚都ok，正賞水準。不過湯就嫌少，唔知係未本身只係4人份量，我們一行7人，每人飲得少少。不過有失望位，就係甜品了。酒釀丸子我一向唔鐘意，所以唔comment。但係叫個拔絲香蕉，要成半個鐘！侍應又唔講，早知就早啲order 啦。拔絲香蕉我鐘意自己玩那隻，點知呢度係完全整好，一粒一粒咁上，冇糖自已點，一啲「拔絲」feel 都冇。味道也一般。

今日下晝二點后兩個人去諗住唔駛同人迫, 果然冇乜人得番幾枱客. 叫咗薺菜炒年糕,小籠包, 韮王炒鱔糊,山東手抓餅。先嚟抓餅, 碎哂又唔熱...再嚟炒年糕, 切得太厚, 咬落暖嘅兼硬口好似未夠熟唔夠軟...小籠包okay不過不失..最后碟炒鱔糊, 第一淡食落既然係凍嘅, 忍唔住叫部長埋嚟向佢投訴...佢話幫我換過碟. 等咗成十五分鐘, 望吓個錶, 個侍應即刻埋嚟問我係咪埋單..俾佢吹漲！叫佢幫我催吓, 之后卒之攞嚟, 碟嘢炒到直情鹹到苦...又腥又咸...D service 又差, 待應大部份企埋傾偈多個做嘢...埋單$182..差過食街邊嘢..從此可以blacklist呢間。不過唔知第二間例如時代廣場會唔會都係甘, 還是淨係大有呢間先至甘差??

3人行但未到齊，我倆先入來坐下，侍應隨即放下3杯用普通玻璃杯盛載的熱茶，人未到但茶已上，不怕放涼嗎？原來收$6位茶，怪不得那麼緊張。要收茶錢不是問題，不過也請似模似樣的放低個茶壺，如金滿庭一般的列出幾種表面上特別/高級的茶葉讓客人選擇，更差的是那杯茶不香且味淡，與茶餐廳的膠杯茶又有多大分別？！打開餐牌一看，驚覺價錢貴了不少，結果吃了幾款簡單的：雪菜咸肉炒年糕、排骨拉麵、擔擔麵、窩貼及蘿蔔絲酥餅。食物水準其實尚算不錯，尤以蘿蔔絲酥餅最理想，夠鬆化。擔擔麵湯底相當濃，也夠辣，如果麻醬再多些會更好。年糕不過鹹、不太油膩，而且並不「立」口，亦幾好。相對上排骨鞋口不鬆化，窩貼欠肉汁，麻麻。吃得飽，但價錢不便宜，埋單$199，並不抵食。

今日同朋友六點幾去食晚飯，食物ok la1.小籠包夠皮薄2.五香牛肉拉麵個湯底淡左少少，麵質ok3.原盅雲吞雞湯，雲吞好味，雞就例牌煲到好”鞋”4.鍋貼就少少油，但個底算脆，我覺得再煎多一陣會好味ｄ之於敗筆之處在那？話說是在埋單時，有個男侍應（或者唔係la，因佢的衣著不同一般的侍應...好似係灰色衫的）攞張單埋黎，咁我便拿出信用咭la埋單。等左一陣，那位男士在我身後放下銀盆連信用咭及簽賬單給我簽名，當時我冇比tips（因有加一架ｌａ），只是圈出總數，當我簽名後，佢攞起那一式三份的單，”卒”返那張”cardmember copy ”比我，隨後，佢係個銀盆度攞起並”ｐｅｔ”張信用咭在枱面。我即刻好大聲話：「乜我冇比錢咩？」（佢"pet"完後多謝都冇句咁即刻走人）...而我的朋友睇住佢係全程黑面的（佢去第二張枱都係咁黑面）．．．wa．．．我都唔知我係咪欠左佢錢lor，一或係佢嫌是我地食得少錢好唔高興掛（兩個人都食左$144 la，都唔算太cheap掛．．．因我地想去其他地方食ｃａｋｅ先冇食咁飽之麻）其實，其他的侍應的服務態度好好架，間舖真係比佢影衰晒ｌａ．．我覺得佢好可能係劉華的超級fans

食物無咩特別，服務亦不很好，有少少rude.仲係人客未食晒已經想收人的碗筷。價錢貴。最好的只是坐得舒服。