Cs' Bakery

Open Now

Now Closed

行經西灣河見呢間Cs’ Bakery門口排隊，八卦嘅心態之下去望下，見到啲蛋糕好靚，原來仲有意粉食同有咖啡飲，好想入去試吓，可惜已經買咗午餐，於是買兩件蛋糕返屋企試☺️中午時間蛋糕櫃只剩返三款，咁我就買咗Tiramisu同埋Starberry mousse cake啦！Tiramisu 嘅咖啡味同埋酒味都好香，未食之前都聞到，畢起試嘅時候就更加香濃，牙仔好鍾意食Tiramisu即刻俾佢秒殺左，咁我同老公就食另外一件啦，蛋糕mousse吾太甜，有入口即溶嘅感覺，我買佢其實係俾佢嘅外表吸引心心加粉紅，又靚又好味😆下次要去試吓意粉同咖啡☕️

再次光顧C’s Bakery除咗因為佢地方雅潔簡約，亦好欣賞佢對做飲食嘅認真😘，係連鎖店或利字當頭嘅店舖所不能比美。牛油果醬伴香滑炒蛋及手工麵包本身唔太鍾意食牛油果，因為軟腍腍無咬口，但打成果醬塗上麵包食，感覺好清新，健康過食果Jam或牛油。手工麵包有法麵及榖物紅莓麵，外皮煙靭，內裹軟熟，味道不錯。炒蛋好似一朵花，賞心悅目，震動味雷，果然香滑Juicy。每份早餐都額外配有沙律菜，新鮮甜美又爽口，店主為我們健康加油。Cafe Latte ☕️咖啡香醇濃郁，唔係拉花，係手畫圖案，非常有心思又Cute。

呢間cafe開830，冇諗過已經有人喺度食早餐🤣而且佢仲有外賣自取！值得一試朝早就約咗朋友嘆個早餐先再返工，所以呢就嚟咗呢間店。之前都已經有食過佢哋嘅下午茶，最正係佢嘅牛油果醬🤪手工麵包都好好食😍😍 如果日日食都冇問題，我同朋友嗰餐都係清埋成隻碟🤣 好似洗碗咁咖啡就更正🥰 見到都已經醒神咗嘢食好食，咖啡又好味，冇分可以扣到🤣真係食完嗰早餐就醒神咗，充足電🤼‍♂️大大大力推呀！尤其係小店，其實店內嘅位置真係不太多。 平時下午茶可能都要排隊，但就因為疫情改咗留名制度。仲有嗰方法係叫外賣🏋🏻‍♀️

11月中久違了的2人聚會，疫症之下真係太難見到面了！難得聚舊，搵間靚點的cafe坐下食下野吹下水，今次揀了一間想去好耐的黃店，因知冇得book位同都幾受歡迎，趁假期早起身去下，星期六的1:30去到，要等位但知好快有位(因暫時得我地排，但其後就多點人排了)，趁等位時影下門面前，個職員好正呀(找亮點wwwww)。是小小的店子，位子不多，人少少有寧靜之感，裝潢簡約，白色主調感覺柔和，牆上掛有貓的照片及公仔造型曲奇，好靚呀。餐牌，店子主打拉花咖啡及蛋糕，必試拉花咖啡，膽粗粗問下拉花有冇得揀，有得揀呢即要左連豬～蛋糕太受歡迎好多款都售罄。焦糖鮮奶咖啡，跟餐+$20，好靚的連豬拉花，唔單止可愛，仲有少少個人風格，咖啡口感綿滑，唔算好甜，不俗，友人咖啡的公仔是自由發揮呢。Cs'全日精選早餐，$95，有煙三文魚、牛油果醬、雜菌、火腿、香腸、炒蛋及手工麵包等，份量豐富﹐菇香口炒蛋滑，牛油果醬配上手工麵包呢個組合不俗，清新美味。環境舒適，價格合理，食物亦不俗，藝術之咖啡，必試，下次有機要食埋甜品。

初到貴境，朋友帶我嚟呢間只有10個位嘅Min Cafe。店舖裝修以藍白色為主，簡潔清新，地方乾淨，店員年輕有禮。Lunch set：黑松露雜菌意粉$88，雜菌有蘑菇、秀珍菇、冬菇，份量足夠，忌廉汁香濃惹味，意粉軟硬度適中。Lunch set：安格斯牛肉漢堡$85，濃香牛肉香味撲鼻而來，配埋秘製嘅醬汁和兩塊軟滑芝士，更能帶出豐腴的牛肉味！個餐伴隨有沙律菜，比起出邊配薯條更加有營養及健康。戲肉來了！佢嘅手工咖啡特色在於每杯都畫有可愛嘅圖案，令客人喜出望外。

難得放假就去咗西灣河嘅Cs’ Bakery chill下～ （原來呢條街有好多間黃店架！）黑松露雜菌意粉 $88有淡淡嘅黑松露香氣，雜菌好新鮮，意粉唔會過淋有咬口，仲要勁多忌廉汁，好味～卡邦尼意粉 $75最近戒緊食生雞蛋，呢款白汁煮嘅卡邦尼就啱晒我～煙肉令個汁有濃郁嘅咸香味，加埋大量嘅芝士，真係好邪惡～Cappuccino +$15可以自選拉花，嚟黃店緊係要拉返隻連豬～～超可愛！而且咖啡味道都唔錯啊～紫薯鮮奶 +$20原來呢款都有得自選拉花架～我就揀咗貓～一樣好cute ~紫薯味唔算好甜，有奶香，啱晒女仔飲～Cs’ Bakery 仲有好多靚靚cake，下次要再試～

星期六中午同家姐想搵間餐廳食個brunch享受下放假既時光🎐😂就黎左呢間屋企附近嘅cafe，食下野傾下計☺️——————呢間cafe真係好細間，total大概15個位，枱與枱之間距離唔遠，barista仲要係正隔離沖咖啡，幾的骰幾得意🐥裝修都係baby blue既顏色，好少女好靚😆🍝蕃茄蝦意粉 $88🍝 (7/10)我哋叫左個蕃茄蝦意粉share黎食，分量適中，擺盤都幾靚👶🏻～意粉食落蕃茄味好濃，蕃茄醬煮得唔甜，反而偏少少酸，比較貼近蕃茄本身嘅味道，係我中意既風格👍🏻而蝦既數量都幾多，食落好新鮮好彈牙🙆🏼‍♀️不過整體食落都比較普通冇咩特別，同價錢比既話唔算特別抵食～🍰栗子千層蛋糕 $50🍰(7.5/10)食完意粉我哋叫咗個千層蛋糕嚟食，佢呢到嘅cake都好受歡迎下，排隊果陣都見到有唔少人專程嚟買cake💁🏼‍♀️味道揀咗栗子味🌰蛋糕上面鋪咗層栗子蓉，千層蛋糕分咗一半係忌廉味，一半係栗子味。一食落去栗子嘅味道非常出，有好香既栗子味，千層整得好薄，食落唔會太厚重，而中間既忌廉亦打得幾幼細，食落口感好順滑☺️蛋糕分左一半原味一半栗子味令成件事冇咁膩，值得一試！👍🏻🙆🏼‍♀️☕️Hot Mocha 熱朱

店舖面積很少，只能容納8至10人，裝修雅致，地方乾淨。店內廚房分成兩部份，一個係製餅、煮食物區域，另一個係冲滴漏咖啡區域。由幾個年青人👩‍🍳👨‍🍳主理，食品用心有創意，價錢亦很合理。C’s 精選早餐$78，份量非常足夠，材料有風乾火腿、雜菌、香腸、火腿、牛油果醬、香滑炒蛋及手工麵包，食到飽飽👍👍。食物味道一般，但好欣賞佢將食物融入視覺藝術，好似個炒蛋同風乾火腿就造成一朵花咁🌹！自家製麵包裏面有紅莓、杏仁、合桃，口感不錯。佢連牛油都唔放過，做成朶玫瑰花🌷上碟。跟餐加$15轉杯Cappuccino，師傅拉花技術一流，圖案可愛又吸睛，好多客人都係為佢杯拉花咖啡慕名而來。

聽聞呢度出名係咖啡嘅拉花，咁我就慕名而來過咗嚟食嘢啦，嗰日係星期六嘅下午但係都好多人嚟排隊呀，等咗好耐好耐先至有位😭因為又要有限最令咁樣啦，入到去我哋就叫咗個餐但係都好多嘢開始冇啦咁所以下次嚟嘅時候呢就可以早啲啦🤯我就叫咗一個三文魚卡幫你意粉，同埋要咗個鮮奶咖啡，要求或小叉係上邊，真係畫得好似啊朋友就要左戴口罩嘅連豬真係好正🤣🤣🤣🤣本身諗住要買佢嘅蛋糕先至走嘅，可惜我哋買單嘅時候已經全數賣晒，真係好誇張，好似話要打電話嚟留㗎🤔

用心經營良心小店 西灣河必去咖啡店💛身為上班族經常都需要飲番杯咖啡醒醒神 呢間餐廳最出名就係咖啡☕️拉花1️⃣Cappuccino （set + $15)味道非常香濃 可以隨你嘅歡喜拉任何得意既卡通 因為無特定要求咖啡師就拉左個連豬圖案🐷 非常有驚喜 得意到唔捨得飲😚2️⃣黑松露雜菌意粉 $88除咗咖啡 主菜亦令我非常驚喜個意粉係勁creamy 好好食 仲有好重嘅黑松露味 意粉硬度啱啱好因為間店係小店 要排隊先入可堂食 🧍‍♂️🧍‍♂️

我都唔係第一次黎食間cafe食野但平時都係食甜品 （蛋糕勁勁勁好食，推薦熱情果蛋糕）平時星期六日太多人排隊啦Lunch真係第一次食今日叫左蟹肉牛油果意粉一上枱真係哇一聲個賣相好得啊！食落去仲得！牛油果好多 蟹肉都唔少好鬼好味啊！下次我再試下個all day breakfast先我偷偷地見到隔離枱食得好滋味同埋佢地係會幫客人係咖啡上面畫公仔架好得意呀間店舖唔大建議大家如果想食lunch就早少少去如果唔係就要排好耐隊架啦

🔎Cs' Bakery (西灣河) 💛📍西灣河西灣河街100號安業大廈地下A1號舖-西灣河嘅黄店都差唔多試哂 但點解呢間會咁遲先食呢 因為座位比較少 長期都要排隊 lunch hour時間有限有一直都未有機會試啦🔹卡邦尼意粉 $75 呢個卡邦尼都幾多汁 仲要濃得嚟唔會好膩 意粉仲幾掛湯 係幾好味 煙肉份量都適中 最鍾意都係個意粉 軟硬適中夠彈牙 有權再試埋其他款🔹蒜香橄欖油雜菌意粉 $75 蒜味好夠 菇菌類就比較硬身啲 唔太啱友人口味意粉係爽口嘅 份量都比起一般cafe嘅意粉多食到底仲有少少橄欖油 不過整體唔會好油膩🔹Set+$3 Iced Americano識我嘅人都知我淨係飲齋啡 咖啡係偏濃偏重口味嘅 無飲開咖啡嘅朋友可能飲返其他款會好啲 熱飲拉花仲要好靚 可惜我唔飲奶💬啲cake好靚好似好好味咁 有機會試下下午茶時間過嚟先🍴搵返相關地區👉🏻 #90sfoodieshare_西灣河#食在西灣河

之前唔知原來西灣河有依間cafe，search完發現評價唔錯一於趁週末黎試下。地鐵站行過黎其實幾近，不過因為位置喺後街，平時唔專登行過黎就難啲發現間鋪。餐廳環境真係算幾細，大概淨係容納到10人，好彩今次12點半黎到岩岩好有空位唔洗等。間鋪淨係做日頭，下午6點就關門。中午有lunch set，意粉選擇都幾多有11款可以揀，另外仲有漢堡同沙律(不過佢地主打都係意粉)我試左番茄肉醬意粉($75)配美式咖啡，另外都可以補差價叫其他咖啡，見其他咖啡會有埋拉花。雖然肉醬意粉係一樣好普通嘅野，但係見上到碟賣相好吸引，覺得佢嘅擺盤都幾靚，令我食慾大開。啲番茄醬好fresh，酸酸甜甜好惹味，意粉又煮得岩岩好，軟硬適中。而且不得不提肉醬同埋意粉分量都超多，好似食極都仲有咁。最後食哂意粉，仲有好多肉醬淨低🤣 朋友叫左個黑松露雜菌意粉($88)，好多菇而且意粉索哂啲汁望落勁creamy，搞到我睇到之後都心諗下次再黎一定要試下先得。雖然環境空間有限，未必可以坐得耐同fd吹水，但係食物質素真係唔錯，見不斷都有客人幫襯，絕對值得黎試下👍

『西灣河Cafe出品 ・ 芒果拿破崙』☕︎ 𝐶𝑆' 𝐵𝑎𝑘𝑒𝑟𝑦, 𝑆𝑎𝑖 𝑊𝑎𝑛 𝐻𝑜⠀⠀繼續 𝖤𝖺𝗍 𝖿𝗋𝗈𝗆 𝖧𝗈𝗆𝖾....⠀𝖥𝗈𝗈𝖽𝗂𝖾 的煩惱：⠀就是沒剩下很多貨了,⠀有誰跟我一樣的！(;´༎ຶٹ༎ຶ`)⠀⠀話說上星期介紹了天后的一家頗有歷史的拿破崙，今天介紹這家是西灣河 @cs_bakery 出品的，也蠻有名氣的。⠀⠀꧁芒 果 拿 破 崙꧂⠀酥 皮 很 薄 脆，⠀質 感 不 錯 呢！⠀吉 士 很 幼 滑，⠀可 惜 的 就 是，⠀甜 度 有 些 高。⠀芒 果 不 算 多，⠀不 過 很 香 甜。⠀整 體 還 不 錯，⠀份 量 比 較 少，⠀但 定 價 偏 高，⠀四 十 五 大 元。⠀偶 爾 心 癢 癢，⠀想 吃 拿 破 崙，⠀就 可 以 一 試！⠀⠀⠀——————————————————⠀好食指數 ʸᵘᵐᵐʸ ᴸᵉᵛᵉˡ⠀7.55/10⠀價錢 ᴾʳⁱᶜᵉ ⠀7.15/10 ⠀性價比 ⱽᵃˡᵘᵉ ᶠᵒʳ ᵐᵒⁿᵉʸ⠀7.35/10⠀環境 ᴱⁿᵛⁱʳᵒⁿᵐᵉⁿᵗ ⠀-/10 ⠀服務 ˢᵉʳᵛⁱᶜᵉ⠀-/10 ⠀——————————————————⠀🌟推薦 ʀᴇᴄᴏᴍᴍᴇɴᴅᴀᴛɪᴏɴ⠀

亞女喜歡吃蛋糕，於是去試吓。小店有早餐、午餐和下午茶set，價錢合理，選擇多元化。裝修優雅大方，全店有十個座位，有個放蛋糕的雪櫃，放上當日的精選蛋糕，相當吸引。我試了手工麵包，外脆內軟暖烘烘，非常好吃，還配上玫瑰花型的牛油，很有心思。 海鮮龍蝦汁意粉亦相當好吃，份量不算少。亞女吃的朱古力蛋糕，有層次感，不太甜，有靚靚的外表，她十分喜歡。飲品方面我點了凍檸檬蜜桃茶，茶味夠香我也很喜歡。還有出名的拿破倫蛋糕，下次一定要試試！