稻成 (新城市廣場一期)

Open Now

Now Closed

酸菜魚有好多唔同餐廳但係講到最有氣氛嘅一定係呢一間，一開始睇佢個裝修覺得佢個價錢應該好貴，但係望咗望佢地既嘅餐牌，有個幾抵食嘅二人餐。入到去見到佢哋嘅裝修令人感覺十分之舒適，口水雞非常之濃郁，上面有滿滿花生碎十分之香，但係太凍令到雞皮上面嘅雞油冇辦法發揮得淋漓盡致 。另外佢哋有款小籠包非常之Juice，肉香味重。最後要講佢嘅酸菜魚係我食過咁多間，其中一間數一數二好食嘅。佢個湯非常之濃郁，啲魚片冇食到有骨，處理得非常之好，口感十分之彈牙魚香味十足，線香味美。除咗佢哋嘅甜品之外其他都十分之出色，非常之推薦。

👩🏻‍🍳😋美味小籠包。主打酸菜魚的滬菜館🌶😯🍴稻成📍沙田沙田正街18-19號新城市廣場第1期第1層112號舖新界之中，就以沙田區人口密度最高👨‍👩‍👦‍👦👩‍👩‍👦‍👦👨‍👨‍👦‍👦👩‍👩‍👧‍👧👨‍👨‍👧‍👧👨‍👩‍👧‍👧。今天中午恰好有事要到沙田新城市廣場，為免午飯時間要排隊食飯餓壞我肚子🤪🤪，我當然一早便在OpenRice找尋沙田可供訂座的餐廳啦❗️稻成在OpenRice的餐廳類別是滬菜/中菜館，由於我都好耐冇食過上海菜啦，咁啱又有得book，一於試試佢😋餐廳位於新城市廣場一樓最側邊的位置，由於從未到訪，順著鋪號尋找也花了點時間😅😅餐廳以盆景及綠色植物調為主，具中國風的古雅之美🎍🎍由於稻成在OpenRice的餐廳類別是「滬菜/中菜館」，️ 本以為主打菜色的會是花雕醉雞、小籠包、上海粗炒之類。。 坐低左先知，原來稻成嘅招牌菜係🌶🌶酸菜魚😫🤭🤭由於我唔太食得辣🌶，所以都即刻好緊張🥵🥵如果無不辣的菜，就真只能怪自己無做足功課啦😫😫😫😫 好彩，都有好多不辣的點心及小菜選擇😛😌😌🔅 稻成小籠包(4件)皮薄餡熱😋👍🏻小籠包一入口肉汁同湯汁四溢，味道鮮美，估唔到主打酸菜魚嘅餐廳整小籠包都咁好食👏🏻

無晚市都可以食得好返奶奶度食飯又唔想佢辛苦煮太多去咗沙田間稻成加送估唔到質素又唔錯喎第一次食稻成，餐廳位置轉咗入去唔怪之得平時唔覺眼我地點咗三個送，其中「酸菜魚」仲要半價好抵食我地食唔到辣，所以走咗辣走咗辣都好好味😋，個湯汁可以送兩碗飯魚肉非常新鮮嫩滑😍「黃金蝦球」大大隻鮮蝦好爽口彈牙外層因為外賣盒焗住無脆口嘅口感但味道相當入味，唔會太咸送飯啱啱好（本身跟一碗飯）「澳洲和牛」跟一碗飯好嫩的和牛一樣唔會太咸，送飯一齊食啱啱好餐廳仲送咗高力豆沙做甜品🥰稻成 (沙田)沙田沙田正街18-19號新城市廣場第1期第1層112號舖

去食好西啦圍今次要為大家介紹既係 - 稻成佢係位於沙田新城市中心一期成個環境都好cozy 好闊落真係做到飲啖茶 傾下計食物個方面 今次分別點左:-稻成酸菜鱸魚-稻成小籠包-翡翠百葉卷-蒜泥白肉卷-稻成片皮鴨重點推介:稻成酸菜鱸魚: 真係超足料 店員都好好同我地有得揀辣度 我地今次揀左中辣食落超入味 而且條鱸魚仲要好滑 一啲骨都無 超讚稻成片皮鴨:不得不提既係 佢片皮鴨烤得岩岩好個皮係好香脆 而且鴨既油份出哂黎四個人晏就食半隻都岩岩好Remark:佢地依家片皮鴨午餐外賣自取有78折(只限沙田同屯門店咋)Location: ShatinPrice (10 is expensive): 6.5/10Environment (10 is chill): 7.5/10Yummy (10 is delicious): 8/10

今次又黎沙田新城市廣場“稻成”餐廳食水煮魚，今次帶兩個朋友過黎一齊食飯傾計，佢地都覺得真係好好味，今次叫左水煮魚，同辣子雞，味道相當不錯，水煮魚和上次的一樣好味，而今次叫了辣子雞，非常好味，辣度適中，非常美味。今日係坐卡位，非常舒服，座位都好闊落非常舒適。有時間的話會經常黎。整體黎講，我都會比滿分。

今日和朋友路過沙田新城市廣場，想在這裡找一些比較不一樣的菜式，本人很少食中菜，剛好路過這家叫“稻成”的餐廳，看了一眼是食酸菜魚的，然後看了一下門口的菜單，站在門口的服務生很有禮貌，讓我感覺這間餐廳有一種親切的感覺，於是乎便和朋友決定在這家餐廳食野，入去之後服務生的態度也很好，服務生也會熱情地和你打招呼幫你斟茶，然後便開始點餐，我們點了水煮魚，小籠包，蘿蔔絲酥餅和蒜泥白肉卷，這是我第一次食水煮魚，一開始看到水煮魚以為會非常辣，但是第一口進去的時候並不會太辣，而且魚肉也很新鮮，沒有腥味，小籠包比其他食店或酒樓的要更加好味，蘿蔔絲酥餅也很好吃，蒜泥白肉卷也是我第一次食。店內的裝修也非常不錯，很有中式的氣氛，感覺非常不錯。這是我第一次食水煮魚，總括來講，從我進入店內開始就感覺到這家店非常舒服，因為近日疫情關係，店內沒有很多人，所以食野比較舒服，這次的體驗也讓我感覺非常滿意，下次還會再來

今日同兩個朋友過左黎沙田新城市廣場一間名叫稻成食飯，入面環境裝修都幾靓，坐得幾舒服😌，又比較安靜，好適合幾個朋友聚會坐底傾計，餐牌都算多野食揀，好困難咁揀佐幾樣比較啱我哋口味同吸引嘅嘢黎食，整體黎講不錯，店員工服務態度也不錯，比較滿意，會再黎食

同朋友下午黎食個 lunch ，叫左個二人盛宴，埋單$557。前菜幾好食口水雞一般，唔太滑。主菜酸菜魚，整體都 ok。成個餐仲有炒菜苗，味道一般。椰汁湯圓就幾好食嘅。環境其實唔錯，咁同朋友坐下吹下水，本身都覺得ok。點知之後，有個師奶員工喺後面張枱訓覺，佢訓覺影響唔到我，我唔會理。但佢竟然話我地講野大聲嘈住佢！我想問發生咩事？如果係其他客人覺得我地講野大聲，我會就。問題係我地講野係正常聲浪，佢自己要訓覺，就話我地喺到傾計。邊個先係客？埋單我忍唔住問靚仔經理（？），乜呢到唔比講野既咩？佢話可能誤會，會唔會係同其他人講緊野？無呀，一定無誤會，因為嗰時佢係自！己！一！個！要！訓！覺！呀！返工訓覺話客人嘈住佢，呢啲係乜野服務態度？比錢受氣咁。

成日經過沙田新城市都好想食呢間酸菜魚，但成日都大排長龍，今日終於的起心肝等位，終於可以一試呢間酸菜魚。入座後先送上一盤小食😛✔️雞絲粉皮🐓頭盤order 了一份雞絲粉皮，麻醬味濃。✔️稻成酸菜鱸魚 🐟泥到稻成當然少不了酸菜魚，用的是鱸魚魚片，厚肉不易散，魚肉滑嫩，食落啖啖肉。酸菜魚湯底尚算濃味，偏酸少辣。另外加配油炸鬼沾酸菜魚湯，本人覺得一般夾😅✔️稻成小籠包一籠四隻，小籠包皮薄餡靚，肉餡新鮮，咬下去立即爆汁，juicy 美味😜✔️鮮肉煎鍋貼🥟鍋貼肉饀飽滿，煎得香脆可口。✔️四川擔擔麵🍜擔擔麵夠哂味，麻醬味重，頗香口。✔️高力豆沙🥯外層輕巧鬆軟，内有紅豆蓉，吃下去不會太甜。一份好的甜品為是日晚餐作完結😋

不吐不快！12月16日晚上同兩個朋友去食dinner，限時90分鐘。叫咗個套餐加北京填鴨，真心食物ok嘅，但食咗1個鐘我哋仲未食完已經上甜品高力豆沙，呢個甜品要熱食先好食，凍咗會硬晒。同佢講梗係唔理你啦，隔咗一陣已經要埋單先，果陣仲有起碼20分鐘，但其實出面冇乜人等。咁我哋埋單先，繼續食因為主菜未食完。跟住最離譜係走埋嚟問洗唔洗幫我哋打包😡我哋唔係食唔晒，係未食完呀！況且未夠90分鐘，係咪咁趕呀，擺明趕客😡😡我哋話以後都唔會再嚟，個類似經理嘅仲問係咪有咩誤會😳😳我哋真係無言🙄🙄我諗冇一間食肆喺客人未食完嘅情況趕客人走囉⋯⋯

今日拆禮物日，成個新城市廣場都逼爆人，所以搵一間都可以嘅試一試。因為係拆禮物日同埋假期關係，今晚冇正常嘅餐牌，淨係有HKD688兩人套餐，同埋特別餐牌散嗌。我哋叫咗三樣嘢：1）酸菜魚（HKD258）：鱸魚都算新鮮，頭同尾都炸過，而酸菜魚的醬汁都有辛辣的味道。但係外加嘅薯粉（HKD28）就比較淋一啲，亦都因為係用瓦碗上的關係，所以唔夠熱。份量亦都恰當。2）鍋貼（HKD58）：呢一個真係好差，冇曬汁，成個鍋貼皮都好厚，索曬水咁樣。其實我都諗緊佢係唔係即時炸嘅...因為佢煎得好差，或者根本基本嘅餃子都做得好差。3）小籠包（HKD58）：呢一個可以，小籠包的皮唔係太厚，但係佢亦都夠去再個涵同埋啲汁，但係跟嘅醋唔夠薑，數埋都得個三四條好幼嘅薑，根本係唔可以將啲醋好容易咁樣擺到落隻小籠包度。跟住問題就嚟啦：1）前菜係得大概二、三十粒嘅花生，同埋二、三十粒嘅豆，但係收HKD28。2）服務根本不知所謂，一開始坐低就冇餐單畀我哋睇，但係都算啦因為可能佢哋忙。但係到最尾埋單嘅時候佢畀張單我話畀我聽：「呢度係你張單。」跟住就行開咗...我同佢講：「多謝曬喎。」...佢竟然話：「唔使多謝。」今時今日咁嘅服務態

假期如果與家人外出食飯，真的最好是先訂位，否則實在太容易作做決定。就像今天，因為要去沙田做些事，便順道在沙田食午飯，本來想試一間朋友推薦的餐廳，但發覺即使過了午飯時間，仍然大排長龍。後來在新城市廣場逛，最後在這餐廳的門口處的電子餐牌見到有300多元的二人餐，但坐下之後發現二人餐要接近700元，大失預算（電子餐牌是掛羊頭嗎？）。但一家大細已坐低，大家又已很肚餓，不好意思亦不方便離開，便硬著頭皮叫。太太也知叫餐太貴，也沒有叫我點套餐，雖然散叫的價錢也不是很容易選。結果，我們兩人加大仔點了容易飽肚的炒飯、小籠包及鍋貼。黑松露鴨肉炒飯是好吃的，小籠包及鍋貼也有品質。另外也叫了兩個甜品，杏仁豆腐及豆沙鍋餅，前者真的很好食，本身我自己也很喜歡杏仁露及豆腐花，這杏仁豆腐是兩者的和諧結合。雖然食物質素好，但上菜時間太長，叫人等得太久。但這幾樣東西的價錢共400多元，而我是未飽的，因此這真的是十分不合預算。惟一我說服自己光顧這餐廳的理由是它讓我有空間擺嬰兒車，讓寶寶在一個較舒適的環境睡午覺，起身時又有熱水提供他爸爸沖奶（圖中的熱水壺），如果光顧商場內其他價錢較實惠的餐廳，寶寶就不能睡在嬰兒車裡了，需要弄

是日放假跟朋友去逛完文化博物館後，就順道係沙田食飯，知道沙田食飯都如打仗船般人山人海，所以一早訂位食早輪。6:30 去到都已經有人在店外等候walk in 枱，幸好一早有訂位，所以立即就可以入座。港女左諗右諗然後決定叫菜時，講咗幾款後，待應姐姐話我地可以叫個2人套餐，一睇，原來真係我地想叫果啲全部都齊🤣🤣，所以唔諗就揀咗個2人餐，但其實個2人餐分量多到3個女生食都完全無問題，真心多，怪不得見大部分枱都係叫餐。🔸有個羊肚菌螺頭燉湯，以盅上，味道ok鮮甜，唔係味精水，而且超熱，我要放好耐才能入口，啱晒喜歡飲熱湯的朋友。🔸點心（四選二）我地揀咗小籠包及香炸蝦膠藕片，小籠包都okay, 皮無太厚，正常；至於個香炸蝦膠藕片都okay, 新鮮熱辣，蝦膠份量多。🔸涼菜（四選一）老成都夫妻肺片，份量好多，食極都仲有，有少香、少麻、少辣，但如果可以再辣啲會更好，雖然已寫咗微辣，但真係微得好緊要。🔸主菜（四選一）我地揀咗招牌酸菜魚，魚算滑，也有其他配菜及寬粉，份量又係好大份，但稍嫌不夠酸，辣會比夫妻肺片好啲，但可以再辣啲會更好。🔸蔬菜（三選一）因為唔想再食辣菜及奶油津白，以去除法揀咗朋友唔太喜歡既蟲草花炒

11月頭嘅星期日，4個大人和細路仔去呢度食個中午飯，個餐有點心三選二，涼菜四選二，主菜四選二，蔬菜三選一，花膠雞湯（夠分6碗），炒飯，同甜品。點心係4件小籠包，4件鍋貼，涼菜要咗糖醋排骨，涼拌海蜇頭，份量同主菜一樣大。主菜，黃金蝦球，好大隻蝦，彈牙新鮮，啱啱炸好，推介呀！鮑魚菜樹菇燜雞，鮑魚有4隻，熱辣辣，好多菇同雞，甜甜哋好啱小朋友食。和牛炒飯又係大大份，太飽冇食，打包拎走，甜品要了高力豆沙，係大大舊。最後我哋都食剩好多要拎走。正以為點解個餐咁大分都叫4人餐，原來個餐要一千六百幾蚊，唔怪之得。😂慶生就係要食好啲。地方坐得舒服，待應又好好禮貌。

喺沙田唔知食咩好，又好耐無食酸菜魚同小籠包，忽然見到呢間有齊晒，咁就入去試下。酸菜同魚肉嘅份量算幾多，尤其對我嚟講酸菜先係主角，但略嫌唔夠辣，寬粉再多啲就更好，所以叫多個油炸鬼索汁。小籠包幾好，熱辣辣，皮薄多汁。黑松露炒飯炒得好香夠鑊氣，而且炒得乾身同夠熱，呢個估唔到幾好食，唔太鍾意食炒飯嘅我都忍唔住食多幾啖。醉雞不過不失，無咩驚喜。點菜時侍應都有介紹話叫套餐會抵食啲，但我哋唔係好餓，所以都係叫散餐，的確係套餐抵食啲嘅！