稻成 (新城市廣場一期)

Open Now

Now Closed

星期五晚新城市廣場超多人！…稻成不設7pm預約，只能7pm前walk in ，到店時，已經有多人等位！地下果層間間食店均有人排隊！感覺上，近期大家多了出街食嘢了！今晚得兩個人，所以第一次試得三款。（1）稻成酸菜鱸魚配油條：就係為左試食衣款，！先講香味係有既，有菊花擺放，再加埋用蠟燭小火熱住酸菜魚食，不足之處係D魚片因熱力變老不夠嫩滑口感，酸菜既酸味次層欠左少許，同另一間12味比較整體味道不算豐富，但也是好味，係適合大部分人的味道。。至於條油炸鬼，也是好味。😋😋（2）石鍋蟹粉香芋燴豆腐：有蟹粉香味，腥味不算重，一粒粒芋頭加豆腐粒一齊食好香口，配埋白飯一流（3）五彩芋圓冰粉：色彩繽紛，樣真係靚呀！視覺嘅享受！芋圓係超細粒，易食易咀嚼，very good ，內有山楂粒好健康配搭整體嚟講，稻成除了貴，性價比唔高，佢嘅酸菜魚算唔錯（暫時以香港食店來講）

首先， 呢個係我第一次打食評， 未講食物前， 想重點提提， 門口登記嘅妹妹好有禮貌招待同介紹食物， 我以為係新開所以係咁， 點知坐定， 其他員工都係態度好好， 今晚又正正係媽咪生日飯局感覺良好，（免切餅費）。食物質素我感覺中上嘅，價錢合理， 我叫左個4人餐， 足夠我5個人食， 仲要攞走個飯， 因為太飽食唔哂， 好味必食嘅有， 片皮鴨 ，雲吞雞，酸菜魚， 甜品就高力豆沙， 酒 小丸子。開心生日飯， 除咗要有好嘅食物嘅質素， 員工嘅服務都好重要。多謝

前菜完全唔想食。 有油益味。 小龍包ok。香炸蝦膠藕片，太大舊粉，食落去成口油， 蓮藕薄片食落去感覺唔倒有 蓮藕！蝦膠小。酸泥白肉一般。酸菜鱸魚一般， 魚片比較大片 厚身，羅出來即食已經唔夠熱。蟲草花 翡翠苗ok。羊肚菌螺頭燉雞湯，好飲。 高力豆沙ok。

本來想點走辣酸菜魚，但等位個陣見到門口寫住唔只係酸菜魚好食，既然係咁未叫第二D野囉，好彩依條松子魚唔算好大，加上糖醋汁令人好開胃，我地差D就食唔哂估佢唔到個鮮蝦炸春卷咁大條，不過春卷皮就有D 厚蟹肉瑤柱蛋白炒飯，蟹味偏小豆苗睇落去翠綠，但食落去就好老既然咁大粒既高力豆沙，好應該配多D糖霜同紅豆餡先覺得好味酒糟醉雞既酒味偏淡，唔夠醉花膠雲吞雞湯真係有成隻放落去煲，好足料,而且仲有大大舊花膠，依個價錢-抵！

樣樣食物都keep到水準👍🏻🥰開店至今食左4次，每次每碟都保持水準其實不易。服務態度亦如是，有些是新面孔但態度一樣殷勤有禮，亦都係唔容易。即管理理做得好，讃👍🏻今次食咗個套餐$1480好似有啲貴，但係其實樣樣真材實料，食完之後都覺得物超所值：1.酸菜鱸魚一鍋（冇之前咁辣，但一樣咁香滑野味）侍應話下次可以辣分開上就配合到唔同嘅人需要👍🏻good idea2.小籠包（好食過x泰x😋😋😋😋)3.紅油炒手，個汁留黎點其他餸食直到最後😋😋😋😋4. 陳醋海蜇頭😋😋😋5.鮑魚炒茶樹菇 😋😋😋😋6.花膠雲吞雞湯（真材實料😋😋😋😋😋湯嘅鹹雞好滑，我連皮都食埋）7.和牛炒飯 （外乾內軟勁濃牛油脂香味，淡淡瑞士汁陪炒，好夾）😋😋😋😋菜苗😋😋😋8.豆沙鍋餅（喜歡豆沙不太甜外面少少趣）😋😋😋（贈送試食）杏仁豆腐（驚喜：真杏汁清甜香，豆腐滑到阿婆豆腐咁😋😋😋😋😋）另外叫咗分油條🥰🥰🥰🥰🥰請繼續努力保持水準！我會多啲黎探你

好吃不止酸菜魚沙田新城市廣場都有酸菜魚，店內有藤及木的傢俬，有綠色植物，雖然坐位較密，不過有唔少卡位同廂座，感覺都幾舒服二人豐盛宴$688羊肚菌螺頭燉雞湯:清清地幾潤稻成小籠包；皮薄多肉汁，正瓦屋山龍抄手：唔太辣，皮略厚，ok巴蜀口水雞: 賣相幾靚，份量都多，入味差少少酸菜鱸魚，薯粉、油條各加$28酸菜味肌好偏酸，開胃，魚好滑，魚尾魚頭煎香好脆，酸辣湯底配薯粉或油條同樣滋味蟲草花翡翠苗： 普通普通豆沙鍋餅： 較薄，一般其實食物質素唔錯，不過可能因為同限90分鐘，上菜急，收碟急，埋單都急，完全不能好好享受美食

同事早幾日圍埋傾計, 講起天氣凍凍地想食辣, 即時就唸起附近有間食酸菜魚!LUNCH食酸菜魚甘有趣?! 拿拿聲BOOK位啦!!!餐廳裝修得幾靚, 枱與枱空間感都夠, 傾計都方便D!冇叫套餐, 散叫左以下食物醉雞 : 酒味夠, 雞肉吾鞋糖醋骨 : 甜同醋既比例剛好, 吾好偏埋一邊, 開胃蒜泥白肉卷 : 食既時侯要盡量沾多D汁, 因為入面冇味春卷/蝦餅 : 香脆熱辣辣. 應該係即炸!主角酸菜魚: 今次我地叫左少辣試下, 個”麻味”都夠, 酸菜都多, 另加薯粉底好好食, 索哂D汁 !魚既份量都足既, 冇泥味好緊要! 我同事仲飲埋D湯添….下次可以挑戰辣D!翻兜指數 ****(5粒滿)

今日Halloween 出去食個lunch🍴今次有驚喜❤️‍🔥小籠包🍽皮薄💪🏻5會差過鼎x豐✅另外酸菜魚中辣入口唔會死辣🌶湯🥣入口帶少麻，尼間經理仲講如果口味想麻d可加或辣少，酸多少都個人調配🤩真係好貼心既服務下次去可以試吓自己中意麻d就加多d😋5好怕羞可以自己去配搭😏辣子雞不過不失，雞肉有d柴🤪下次一定會再翻兜😍😍😍服務員態度和藹親切😇好開心搵到間甘好既餐廳有茶位加1人均約$2-300/位，食左$536————————————————滿分5🔆🏝環境🔆🔆 🔆 🔆🛋服務🔆🔆 🔆 🔆💲價錢🔆🔆 🔆 😋食物質素🔆🔆 🔆 🔆 💥翻兜指數🔆 🔆 🔆 🔆————————————————📍沙田新城市稻成

my staycation at Alva hotel didnt include dinner!! we had a chance to try different food. we chose this restaurant because my friend said this is a quite good restaurant. The good dish is this oneyou can see my three "good" icons. so that u can understand how good it was. The fish was so fresh and the sauce tasted delicious!!my family ordered beers to enjoy this dishveggie vinegar jelly fishthis one compared with other dishes which not up to standard. we ordered noodles which was good too!!oh y

約咗個老友食晏，就佢返沙田，就訂咗呢度。叫咗個2人午餐，先嚟個小籠包。正正常常，ok咁啦之後嚟咗個蟲草花菜苗，又係正正常常主角終於到 - 水煮牛 味道唔錯，牛肉，牛肚，薯粉 ...... 朋友唔太食得辣，佢都話可以突然夾到一條頭髮 唉，冇辦法，小小意外總係會有嘅，唯有放响碟度 ... 咁啱有個伙計見到，就問「係咪碟餸入面有頭髮？」我哋點頭，佢就攞咗入廚房話要查。心諗你咁主動，値得加分點知佢返嚟話「我哋所有廚師都有戴帽，而且條頭髮咁乾淨 ，你肯定 ... 」本來我大事化小，你竟然太。過。份 佢另一個同事就話已經安排咗discount (9折)，而且like佢社交平台又送甜品，但係我哋已經嬲到冇食個甜品 做飲食，衛生有問題已經唔ok，再加埋呢個咁有意思嘅伙計 ⋯⋯ 我一定唔會再返轉頭

晚市座無虛席 就算平日既晚市都好旺場今次小妹嗌左個二人餐 份 量 極 多！三個人都好夠食最後係要打包個甜品🍮 真係飽到上心口🍄二人豐盛宴（$688）以下是小妹自選的組合- 稻成小籠包🥟- 炸銀絲卷🫔- 糖醋排骨🧆- 招牌稻成酸菜魚🐟- 蟲草花炒翡翠苗🥬- 羊肚菌螺頭燉雞湯🐥- 豆沙鍋餅🥞如果一定要小妹揀一樣最好食既 一定係小籠包！唔係講笑 佢好食過鼎X豐好多好多皮薄餡料夠多 而且juicy又大粒 湯汁好夠熱酸菜魚都非常之高汁 酸菜切得好細塊 方便進食而且帶點甜味 係好食嘅酸菜魚肉份量雖然算好多 勝在每塊都好滑溜 啖啖肉魚湯亦都係好好味 唔會太辣入唔到口另外都加咗（$28）配薯粉 最夾嘅組合反而個燉湯就冇乜特別 感覺火候未夠味道較為清淡 只有羊肚菌既香氣總括而言 呢個二人餐係十分豐富建議三位朋友一齊食都得 食物質素同價錢相符值得推介😌🤍

本來約好去Musea灰狗，經過上次不快經歷，諗住比機會佢地洗底，但天公不造美，天意難違！有飯友揀呢間但佢又戒辣，所以無得試酸菜魚，飯友們一致認為烤鴨做得好👍👍；小籠包麻麻，鼎*豐跟蘇*匯真係咁難replicate？；松子魚做得出色👍但芡汁杰左D，做到掛汁唔杰又兼顧道菜嘅賣相難道好高；菜螃蟹不過不失，油可以再滰清D；蟲菜花翡翠苗炒得脆口唔油👍；高力豆沙最出色，蛋白皮Q彈，豆沙綿滑細膩甜度剛好，上面的糖粉不多不少、恰到好處👍👍👍最後一定要提，鐵觀音茶好正🤩🤩🤩🤩

上個月同娘親大人係葵芳新都會廣場食過稻成之後佢就對酸菜魚就念念不忘 成日問我幾時再去食今日同佢出沙田搵食既時候 發現原來新城市地下都有分店因為佢係地下既盡頭 所以平時真係唔覺眼🙈第一次經過間餐廳係五點零鐘 見無人排隊 又未係好肚餓 諗住上city super兜多個圈先入座點知兜完返黎 其實都未夠六點....已經full哂 仲有一大堆人等緊位😰最後等左40分鐘左加先入到.....未肚餓都等到肚餓😂所以叫左個好豐富既套餐湯：🥣羊肚菌螺頭燉雞湯幾足料 每壺都有隻羊肚菌頭盤：🥟瓦屋山龍抽手竟然有6粒咁多😯個汁好香好好味 帶少少辣 好開胃🧄蒜泥白肉卷一碟有八舊卷埋哂一舊舊好得意 啲蒜已經包哂係中間 方便左食再點埋炒手個汁食更好食😂小食：🥪稻成小籠包好多汁 好食菜：🥬蟲草花上湯翡翠苗Er....我剩係見到3條蟲草花....不過個翡翠苗係好味既 如果多返啲蟲草花就更完美主食：🍲招牌稻成酸菜魚套餐可以加$10加薯粉底 再加$轉左做龍躉超級大盤酸菜魚呀但絕對唔係得個盤大 料都超級多好多魚片 好滑無骨 魚既厚薄岩岩好 舊舊都大大舊 好正盤內有吃不完的酸菜個湯係想飲完再飲 配埋個薯粉 差啲比我地飲哂啲湯🙈🙊

平日晚上6點零，Walk in唔洗等。前菜個盤仔加唔小分，左邊既系唔知咩豆，食落好似蠶豆咁，幾香口👍🏻👍🏻叫左個二人豐盛宴，張枱比較細，侍應好格硬擺落黎同埋全程想快d趕你走既態度😅羊肚菌螺頭燉雞湯雞絲伴粉皮稻城小籠包皮超薄，有湯汁，係肉比較鞋，但整夾埋體算OK香炸蝦膠藕片呢碟絕對系中伏，首先睇個名冇諗住系包住哂既一舊炸野。外面又唔脆，蝦膠亦唔新鮮，成舊好難食。蟲草花翡翠苗味道稍為淡鮑魚紅燒肉重點其實系想食呢一味先黎呢到，好彩冇失望，紅燒肉真系半肥瘦，唔會太過肥，好入味。食落整體系比較咸，但因為翡翠苗冇乜味，配住黎食就岩岩好。豆沙鍋餅

If you dont mind waiting for a table and dont mind having a time limit 90mins then you may consider eating here.Went for dinner, super busy had to wait for our table even though had a booking.As we only had 90mins and not sure how quick the food would be we opted for a set for 4 persons. This included dim sum x 2, cold dishes x 2, hot dishes x2, vegetable x 1, soup x 1, fried rice x 1, dessert x 1. Quite alot of food at $1488 + 10%.All the dishes were served pretty quick and the taste was prett