Dabyida Restaurant and Bar (Closed)

今日行過尖沙咀，過咗最繁忙嘅lunch hour, 見到間餐廳幾靚，又開始冇咁多人，於是就走入去試吓。Set lunch 有幾款選擇，價錢合理，而且入到去先知原來佢係自作午餐，叫完個set之後，可以自己去揀沙律菜，仲有一啲小食同埋甜品，以$100左右嘅價錢，簡直超值。雖然是過咗lunch hour,沙律吧的食物已不算多，但食物的質素仍不錯。餐湯有南瓜🎃忌廉湯，湯很濃很滑唔錯。Main Course 方面我地揀咗巴馬火腿蘑菇意大利飯，同埋酥炸米蘭式西班牙黑毛豬，各有特式，我鍾意呢個意大利飯唔係太硬身，味道唔錯，巴馬火腿炸完之後好脆，好好味黑毛豬又係炸得好脆，肉質嫩滑而且肉味好濃，比起一般雪藏豬扒，味道好好多，而且果汁做得唔錯。叫餐飲時才發現餐廳用movenpick 既咖啡，movenpick 既雪糕就食過，咖啡還是第一次飲，非常有驚喜。最後食埋個沙律吧嘅甜品，芒果慕絲，這一餐便圓滿結束。用這個價錢，有這麼舒服嘅環境，亦有唔錯既美食係非常超值，下次一定會再來光顧。

今日朝早喺尖沙咀上堂，下晝half day off！落堂後約左朋友一齊食個lunch, 傾下計～～今次間餐廳係朋友揀嘅，係K11附近嘅棉登徑。呢度提供semi buffet lunch, 揀個main course, 就有齊餐湯，麵包，飲品， 仲可以去mini buffet bar攞嘢食...Buffet bar雖小，但都有cold cut, 各式沙律菜，鹹點同甜點！沙律菜好新鮮爽脆，個黃色沙律醬好好味迷你撻都唔錯，有3款餡料，撻底酥脆...餐湯係蕃茄忌廉湯，蕃茄味好濃，濃稠度適中！主菜揀咗呢個酥炸米蘭式西班牙黑毛豬，豬扒炸得好香脆，而且肉味濃又唔"鞋" ～同個三色椒醬汁好夾...呢度環境舒適，有情調，跟朋友慢慢歎個lunch, 吹下水， 好relax啊

朋友生日想同佢食餐好既，見呢間環境優美，又係半自助午餐，就一於去試下。因朋友帶埋 BB 出黎，枱櫈都闊落舒適半自助午餐，包左主菜、餐湯、自助沙律吧、自助小食、自助甜品食物種類唔算多，for 有個舒服寧靜既環境傾下計都幾好

餐廳位於尖東的一條小巷裏，周遭環境遠離了尖沙咀的繁忙熱鬧，十分適合在這𥚃度過一個舒服的星期日上午。餐廳在星期六日會推出semi buffet，價錢是根據你所選擇的主菜而定，這天的菜單就是在$198-$298之間。入到餐廳可以聽到很舒服的輕音樂，接著便會有server來介紹是日餐單，餐牌從pizza到意大利飯到牛扒，選擇十分多樣性，我們想了很久決定了要雪花沙朗牛排和焗海鮮。點完菜當然就馬上去看buffet bar有什麼。buffet bar的選擇都幾多，有一大盤沙律菜，而供選擇的sauce一點也不馬虎，除了有olive oil和黑醋，還有黑醋番茄，蜜糖芥末醬，千島醬，配料更有麵包粒，脆煙肉碎，葡萄乾，粟米等，十分豐富。在眾多前菜中，我最愛吞拿魚沙律縲絲粉，縲絲粉依然十分彈牙，醬料不會過多。另外還有薯仔沙律，雜果沙律等等。Cold cut方面的選擇亦有四款，火腿和prama ham至salami都有。芝士也有四款全部已經切成一小塊。甜品有不同口味的馬卡龍，其中更有玫瑰味，表皮香脆內軟煙韌，是好吃的。蛋糕方面雖然只有三款，但全部都值得再吃，例如伯爵茶蛋糕和綠茶培茶忌廉蛋糕就是我至愛。主菜方面

棉登徑少少遠，就是想遠離鬧市一點，靜靜地吃午餐。沒想到，餐廳全場爆滿，都幾誇張。幸而被安排在最近門口的餐枱，而半自助午餐的桌子在最入面，完全沒有人會行過，算是得到想要的寧靜。半自助餐有沙律、cold cuts有三款、三款酥皮撻和一款慕絲蛋糕做甜品。不過第一次出去時，沙律被取清光，只拿了剩下的幾款。細細個撻不錯，煙三文魚很香，不過煙肉撻和蝦都太多沙律醬。香煎紅鯛魚柳配檸檬刁草汁落單後不到3分鐘便上枱，快得誇張。猜是一大批做好，一次過上枱。魚肉不乾不嚡，魚皮煎至微脆但調味偏鹹。伴碟只有零星的洋蔥粒、紅椒汁、翠玉瓜汁，完全沒有澱粉質，不夠飽肚。甘荀忌廉湯用扁碟子上的湯份量很少。夠熱，忌廉汁不太重，味道都可以。這次有沙律了，而且有幾款，羅馬生菜和超大塊的牛油生菜，有各種不同的醬汁供選擇。沙律都算新鮮。後來又多了車厘茄和水牛芝士，這個對我這水牛芝士超級粉絲來說幾驚喜。加了羅勒作調味，蕃茄亦沾有黑椒，不過蕃茄似是放久了，皮厚而不脆，反而少少硬少少韌。羅勒的香亦不夠清新。鮮帶子煙肉闊條麵配蕃茄忌廉汁帶子不俗，剛熟，嫩滑。汁的濃稠度剛好，完美地掛在意粉上，但略嫌偏甜。意料之外的是，闊條麵的口感，竟然是

難得有一日off，緊係要同朋友去chill下😎我同朋友係尖沙咀誤打誤撞咁入左呢間餐廳🙈 因爲我地貪佢有落地大玻璃同入面裝修幾正，成件事夠chill😎😎海蝦燴意大利飯: 啲飯軟硬適中，啲汁夠濃唔會稀👍🏼 啲蝦食落你知係新鮮👍🏼 唔係死實實半自助buffet:真心好正🤤 最欣賞嘅係右手邊嘅一口撻🤤 有幾款味:煙三文魚，煙肉同蝦。三隻味都好正😋啲皮係好鬆脆，完全out of expectation ❣️椰菜花忌廉湯:賣相可能麻麻，但個湯係好足料👍🏼 唔會太咸香煎三文魚扒配香草汁: 三文魚扒冇腥味，火喉啱啱好👍🏼 啲香草汁配三文魚令到成碟野一啲都唔膩👍🏼啲薯角勁脆😋

內子生日，搵間有氣氛啲嘅，就揀Dabyida試下啦！book咗2030，入到去已經見到好pro嘅侍應哥哥推介是日精選菜式同靚酒！所以決定試試推薦嘅海膽蟹肉risotto，再加意大利雲吞、白酒青口同埋帶子芝士大啡菇，加支白酒豪一豪佢！作為前菜，青口同帶子啡菇先上，青口煮得剛剛好，爽口又鮮甜，係晚餐嘅好開始！而芝士大啡菇芝士唔算好濃味，所以同啡菇味道幾平衡，一次過食到3重口感，啡菇爽口、芝士煙韌，帶子就多汁清爽！去到主菜，先上嘅係自家製意大利雲吞，形狀同平時見開嘅有啲唔同，圓圓哋好可愛！餡料好足，每一口都有蘑菇好好咬口，加上食得出醬汁都係手打嘅，用唔同菇打成，幾有誠意。至於海膽蟹肉risotto就非常creamy，入面放咗啲青瓜粒令口感更多層次，仲有好好味嘅原塊芝士點綴！慶生當然要加個蛋糕啦，又係最愛的Tiramisù，creamcheese打得好幼滑，比平時食嘅甜啲，啱我！食到飽飽，就嘆住支白酒傾下計，氣氛又幾浪漫，好值得拍住拖嚟！

下午要到尖沙咀工作，行經這邊發現了這間BAR原來兼是餐廳之前也有同朋友在此HAPPY HOUR好吧，就試一下食物啦啦啦～Semi-buffet lunch其實時間都比較晚，想不到成2:00PM都仲會有咁多選擇。而且餐廳仲會FILL沙律BAR既食物，尚算不錯。沙律菜有4款。SAUCE方面選擇挺多，連欖油黑醋都有，實在太好了！仲有３款特別TART任君選擇餐湯是蕃茄濃湯湯是用蕃茄打蓉的，不是開粉的那種。略嫌味道有點單一，香草包普通，但口感柔軟。煙三文魚撻撻皮好脆，好像春卷皮一樣。還蠻特別的。海蝦意大利飯配香檳忌廉汁意大利飯比較硬身，有口感，有青瓜黃椒等配搭，食落好FRESH。香煎三文魚配香草汁香草汁味濃，三文魚份量挺多的。環境真的不錯，靜靜地嘆翻杯咖啡。在節奏急促的繁華裡，偶爾想停一停放懶，這裡是不錯選擇。

拍拖行街, 我們都愛選 尖沙咀區, 因為 shopping malls 及食肆都很集中,  今日放工先在 K11 買禮物, 因有朋友要移民了.之後 行到綿登徑,  我們看見一間酒吧餐廳,  Dabyida Restaurant and Bar,  look nice !!在門外看看餐牌,  食品有特式, 而價錢適合.  我們鎖定目標在此吃晚餐,  但要先看看有沒有座位 !推開大門, 先看見酒櫃及排列不同美酒, 已帶動了我們飲酒興緻.設有大型酒吧, 愛酒客人一定心動  !餐廳內音樂輕鬆, 好有氣氛.  幸好店員剛安排了兩個座位給我們.梳化座位, 檯上有燭光, 天花燈光極悠和, 大家感覺浪漫寫意 ！先看 Wine List.  有來自國家:  France, Germany, Italy, Australia, Malbec, New Zealand, Chile, Argentina, USA.......的紅/白酒.價錢由 $280 ~ 1,080/ bottle, 再看餐牌點菜.  有前菜, 沙律, 湯, Risotto, Pizza, Sea food, Steak.dessert

難得的假期，決定早d起身，揾間坐得舒舒服服既餐廳，同fd子食個lunch，再去瘋狂shopping!我地先由尖沙咀出發，再一直路殺到落太子，實行買哂今個月份糧至收手第一站係k11，於是就係附近揾食，見到呢間環境幾舒服，有梳化位，set lunch價錢唔貴，又有沙律甜品buffet bar, 就揀定呢間！沙律菜，多款醬汁，配料，火腿，迷你撻，蛋糕，都可以自己出去拎。迷你撻有三款，撻皮似春卷皮的口感，脆脆的。沙律菜也有四款選擇。還有火腿。每款拎少少同朋友分享，味道都唔錯。餐湯係椰菜花忌廉湯，椰菜花味道非常濃郁，帶著陣陣奶香，質感濃稠。香煎三文魚扒配香草汁 $108三文魚扒大概7成熟，口感軟嫩，魚味香。配香草汁食，味道清新。份量都唔少，一個女仔食幾飽。燒紐西蘭牛柳配紅酒汁 $118朋友既牛柳，同樣係7成熟既牛柳，牛味濃，質素高，呢個價錢可以話係物超所值。坐下傾下慢慢飲埋杯凍檸茶，準備去血拼啦

今日約左個朋友拎野，因為就返佢返工地點，所以我就出左去尖沙咀搵佢，順便同佢一齊食個lunch!我地實在好耐冇見，佢就話帶去一間環境唔錯嘅餐廳，可以傾計都傾得舒服d☺️一去到餐廳，環境真係又大又靚，由其係d梳化真係坐得幾舒服，員工服務都好好，好nice👍🏻睇返個餐廳！原來係semi-buffet lunch😋除左有餐湯、主菜同餐飲外，仲可以出去拎野食，有沙律、甜品、小食等等！餐廳仲會不停refills食物沙律菜都幾新鮮，仲有好多配料同醬料選擇我要推介大家食呢個海鮮撻，我第一次食落口真係覺得好好味，好特別好有創意，個撻皮好脆好香，我不停地encore餐湯就係蕃茄湯，好香好濃餐包都好好味，有少少果醬粒，好香好甜主菜燒紐西蘭牛柳配紅酒燒汁牛柳肉質鮮嫩，口感唔錯，配埋個紅酒燒汁，令牛柳更加入味，最重要嘅係，賣相好看，反映到廚師嘅用心度卡邦尼意大利粉意粉醬汁好香好濃，夠曬入味，份量亦都不少我地仲出去拎埋甜品蛋糕，估唔到都整得幾精緻連餐飲凍檸檬茶都整得咁靚😂呢間餐廳嘅職員真係好有heart 整體來講，間餐廳食物質素高，員工服務好，個個都好有heart，最緊要嘅係環境舒服，有時約下班朋友喺度傾吓計食下野

Dabyida是位於尖沙咀棉登勁的一間優雅的西餐酒吧，也是一個談天說地的好地方!下午十二点半我約了我老友Simon 聚舊，這間餐廳樓底很高，而且座位很舒服!我們各叫了一個Set lunch, 再加68元，可以享受外面的Semi buffet, 有沙律，巴拿馬火律及甜品小吃!餐湯忌廉西蘭花湯又香又濃，伴上脆脆的Garlic bread, 感覺不錯!海蝦意大利飯，蝦很香而且意大利飯做得十分正宗，很入味，也很有水準!Simon 的牛柳5成熟，又香又入味，而且入口濃濃的肉香化不開，真的不俗，我們都吃得很開心，因為氣氛真的很好!

我喜歡同老公周圍食野 今次因爲出開尖沙咀 搵到呢間半自助午餐 又唔使訂位 去到都兩點幾 可以食到四點 前菜沙律吧任食 食多幾塊Parma ham 都算回本 出面靚少少都成百蚊幾塊 跟著到主菜啦 我地叫左牛扒同pizza 牛扒六成岩岩好 果種炭燒味好正呀 配薯角同醃菜 薯角啲薯仔味好濃 醃菜甜甜酸酸 所以唔怕滯 至於pizza 食得出菠蘿用新鮮菠蘿 pizza底用餅乾 所以唔會食到好飽 食完正餐又再出去拎甜品 芒果慕絲整得好靚 忍唔住拎多杯 食多兩杯甜品 今餐好滿足

呢一間真係有緣見到我覺得性價比極高！行街經過見到出面餐牌，$100有個set lunch,加$68可以食埋沙律buffet, 本來諗住是是但但食個set算。但入到去見到buffet bar幾吸引！原來仲有小食咁，咁我就加$68食埋啦有沙律、有辣肉腸、撻同埋一款甜品！後來我見佢添左parma ham!!我食左7-8塊，回晒本（原來假日甜品款色會多d, 我平日去所以得一款）迷你撻有3款，有蝦仁、煙肉、煙三文魚，最鐘意三文魚！3款都好好味，佢嘅皮好特別，有幾層的，所以食落好脆口，入面有d餡同埋沙律醬。食左幾轉buffet bar, 感覺好抵！最正係甜品！！我食左3舊，芒果慕絲，上層係果肉 下層係海綿蛋糕，好重芒果味Set lunch有餐湯同埋tea/coffee濃郁嘅蕃茄湯我叫左燒紐西蘭西冷扒，都幾大塊，但薯菜好少。5成熟剛好，肉質算嫩朋友叫左香煎大蝦配銀魚柳黑水欖番茄汁。個人覺得有點貴同埋唔飽肚... 但朋友話味道都幾好，蕃茄味幾濃，蝦都大隻爽口。綜合黎講 我會再黎食！！

經朋友的推薦，我同朋友相約在這裡一齊食lunch。一入到黎個環境非常唔錯，餐廳裡面播住輕鬆舒服的音樂，燈光好有格調，令人從疲憊中有一點放鬆。我同朋友叫了兩個lunch set。要特別講下，呢個係semi-buffet lunch，所以佢個appetizers 係自己岀去任夾，可以自己選擇，自由配搭，非常特別。當天的餐湯係甘荀忌廉湯。呢個甘荀忌廉湯有好濃郁的忌廉味，個甘荀味亦好香，仲有d甘旬粒，口感十足，味道非常好。餐包好特別，同一般餐包唔同，佢夾左小小辣椒乾，食落特別香，亦好特別。主菜嗌左一個是巴馬火腿磨菇意大利飯和酥炸米蘭式西班牙黑毛豬。不得不讚呢個酥炸米蘭式西班牙黑毛豬，佢個汁好香，個汁有d紅椒青椒洋蔥，好惹味，個汁加上酥炸個種脆，啱啱平衡翻個口感，好正。 個豬扒外脆內軟，好juicy，好高質。仲有沙律配左黑醋汁 好新鮮同爽脆。而個意大利飯軟硬適中，一入口味道濃郁，啖啖都係巴馬火腿的味道，有種食唔停口的感覺，個濃郁度啱啱好，唔會好膩。飲品就嗌左凍檸水同凍檸茶。整體而言，今日享受左一個高質愉快的午餐，下次會再黎。