大丼屋 (Closed)

好開心同朋友去荃灣食飯，因為朋友都係喺荃灣區做嘢，而且荃灣佢真係有好多唔同嘅選擇。最近一間比較出名嘅日本菜其實都係走高檔路線，食好多唔同嘅刺身飯同埋天婦羅飯等等，亦都有好多小食選擇。裏面有好多人，要少少等位先至入到去呢！揀咗好耐諗諗吓好耐冇食個放題，不如食刺身飯，原來個套餐係晚市係包埋味增湯，作為湯品填下個肚先。巨型富士山丼＄188話到明係富士山梗係夠晒大份，裏面有好多不同的刺身材料，包括牡丹蝦、海膽、蟹肉、三文魚子、吞拿魚腩蓉。牡丹蝦大大隻非常鮮甜；海膽也比起出面放題的好得多；蟹肉非常清新又新鮮；三文魚子爽口鮮腥；吞拿魚腩用帶點清新口味以及芝麻的鹹香，用來送飯一流。北海道海鮮丼$168朋友點的刺身飯基本上大部份都不同，除了有吞拿魚腩蓉之外，還有帶子、蟹子、以及三文魚。可以交換享用刺身。三文魚質感肥美、孩子爽口，帶子比較鮮甜。HAPPY SHARING:::::::::::　DIY 可以同朋友交換刺身<3原味波子汽水＄18 x 2食日本飯當然要飲埋波子汽水先至夠圓滿。

是日係太太大壽，本來夜晚Book左樓上另一餐廳食日式料理，但突然有事令我地去唔到，唯有中午食其他野頂住先，之後補返。舖頭專門食丼飯，我地最後揀左一小食 兩丼飯 由於太太好鐘意食玉子燒，所以叫左一份芝士玉子燒先醫醫肚，但一上枱就知唔得喇。首先，芝士喺面係玩法，求其放塊芝士上去，其實真係睇得出無heart。另外，外層好UN，唯一好既地方係食到係用靚蛋。太太叫左京蔥碎吞拿魚腩丼 份量好足  都食得出吞拿魚算新鮮 不錯的我就叫左個燒牛肉丼 其實依個組合係無得輸，牛肉都有一定厚度有同肉味，OK的！丼飯本身有跟味噌湯同沙律，普普通通啦！下次有機會就試下佢個SIGNATURE富士山丼，其他野就算了~

丼控的我知道荃灣有一間日本餐廳專門製丼，而且大大份非常吸引，必定抽空品嚐品嚐大丼屋位於百悅坊2樓，百悅坊大門上電梯到2樓便會看到上圖大丼屋正門。當晚大約6時到達，餐廳有充足位置供我與友人選擇。餐牌簡單直接，丼大概可以分為5類及小食：共有5款魚生丼供選擇，價錢由$188-78不等爆丼為肉類丼，牛肉、豬肉、雞肉和叉燒都包括在內，款款肉類都幾乎滿瀉，非常吸引！價錢由$88-58不等天婦羅丼一共有3款，而燒魚亦有鰻魚與鯖魚2款供應，價錢由$98-58不等最後一頁則有12款小食提供，除了一人一碗丼外還可以order小食一起品嚐。可看出餐牌簡而精，想品嚐的丼款都應有盡有，總有一款岩你！最後與友人order了一人一碗丼：我選擇了北海道海鮮丼，珍珠米上鋪著3片肥美的三文魚刺身、4片晶凝通透的帶子刺身、不吝嗇的蟹子和入口溶化的吞拿魚他他，款款刺身都非常新鮮美味，而且適合伴飯，記得吃前將豉油撈芥末並例進丼內增添味道。但略嫌丼的實物跟圖片有不符，圖片中的北海道海鮮丼的刺身堆至山高，感覺高至差不多滿瀉，但實物沒有快滿瀉的感覺，只有刺身鋪在珍珠米上的感覺。丼奉送一碗面豉湯，面豉湯亦足料，有日本豆卜、海帶、豆腐粒

又孖同事試新嘢，之前見個個都post富士山丼，但午巿嚟講一定食唔落咁大碗丼，同埋魚生丼價格比較同區高，所以先嚟試試熟食質素如何，結果非常理想，下次想嚟試其他丼 日式叉燒丼 $68 猶豫咗好耐叫牛丼定叉燒丼，見到叉燒丼幅圖比較吸引，決定叫個叉燒丼試試，果然無揀錯，一上枱就嗅到燒香味，叉燒大大件，肥肉瘦肉比例各佔一半，而肥肉有點入口即溶感，另外鷄蛋都係重點所在，連同醬油撈飯好味到不得了，不過一碗有6件叉燒會覺得有點油膩，所以同人share啱啱好豪華天婦羅丼 $88總共有7件天婦羅（蝦x2, 海鰻x1, 冬菇x1, 南瓜x1, 蕃薯x1, 蓮藕x1）即叫即炸，全部都熱辣辣香脆可口，炸醬唔厚好鬆脆，天婦羅汁帶點甜但幾好味；而材料方面，蝦算大隻彈牙、海鰻甜甜地味道突出、冬菇厚大香濃、南瓜同蕃薯好甜好綿、蓮蓬薄薄但脆身，整體嚟講好得，所以下次想試蔬菜天婦羅二人共消費：$156 (不設加一)

這間是不過不失的食堂！日式叉燒丼味道不過不失。叉燒肉質不平均，內裏有啲硬，外表就軟淋淋。白飯用上日本米，煙韌有咬口。季節蔬菜天婦羅丼，除了南瓜全部蔬菜的味道。但脆漿就炸得幾好。蔥呑拿魚腩蓉丼，冇乜吞拿魚味。三文魚親子蟹子丼，分量十足，不過三文魚就唔係好新鮮，蟹子就非常有味。

難得聽日又放假，今晚一於出去搵野食約左個朋友起荃灣行陣街先去食野行到citywalk附近，朋友話不如去試下大丼屋二話不說就行過去試下，上到去發現都幾多人食我要左人氣日式鰻魚丼，鰻魚都真係好大條，比起之前起日本食既仲要大條，食落發覺鰻魚燒得幾香，仲有d d juicy朋友仔要左最貴既巨型富士山丼，份量都幾大，有好多三文魚籽同蟹肉，佢話最鐘意食蟹肉，夠新鮮加多左3個小食炸魷魚鬚，炸得好香脆，魷魚唔會好韌，幾好食大蝦天婦羅都幾抵食，$88有5隻，隻隻都幾大隻，而且係新鮮炸好，夠哂脆芝士年糕，咬落少少燙口，入面滿滿既芝士，芝士唔會太漏，好食！

《大丼屋》又到假期前夕，今次同屋企人去新開既大丼屋試試，竟然有喜出望外既感覺。咖喱吉列豬扒丼 $58吉列豬扒入口鬆脆，就咁睇以為會好硬好乾，點埋咖哩汁配啖飯，非常惹味。三文魚親子蟹子丼 $78好足料既親子丼，起碼有五大片三文魚，肉質不錯，而家每啖飯都包含魚子同蟹子！令成個口感好豐富。蟹籽沙律 $16芝士蟹籽厚燒玉子 $28炸魷魚鬚 $28

今晚收工返荃灣同朋友食飯知道楊屋道街市附近開左間大丼屋Facebook同instagram都有好多人介紹過專登行過去試下去到剛剛好有位唔洗等餐牌都有幾多選擇一人要左一個丼加兩份小食我要左燒牛肉爆丼$88好多牛肉！！份量比出面食既多2-3倍而且牛肉幾靚食落好香好有牛味朋友要左北海道海鮮丼$168好多魚籽同吞拿魚帶子同三文魚都好新鮮三文魚色澤鮮豔 食落都好有口感小食要左芝士蟹籽厚燒玉子$28口感幾rich有芝士既香濃 玉子既微甜 蟹籽既彈牙要多左個什錦天婦羅$78成碟剛剛新鮮炸好 大蝦外面香脆 內裡彈牙茄子雖然炸過 但裡面都仲有水份 幾juicyPS.呢到仲要唔洗加一 都真係幾抵食！

之前見到好多人去到旺角食大大個丼飯，我又比較唔鐘意去太多人既地方，旺角對我黎講真係太太太嘈，所以一直無機會試。而家終於荃灣有得食啦！朋友睇到介紹我去食，今次唔同佢去，帶我個寶貝女一齊去試。由於時間尚早6：30去到無咩人，侍應姐姐好熱情咁招呼我地，坐低睇餐牌，種類對我黎講唔多，大致分四類，刺生、咖喱、燒肉、炸物。。。。。。阿女係刺生愛好者，佢要成坐山咁高既刺生丼。黎到真係丼如其名富士山丼無改錯，真係好大唷！刺生蝦普通可能我最遲先食有d味（但食完無肚痛），大舊海膽，大量吞拿魚蓉撈飯真係不得了。三文魚子阿女最愛撈左兩碗飯。個飯兩個人食好夠，超飽！

又到星期三搵食夜 今晚同媽媽近近地荃灣搵好西食 見到網上介紹呢間丼飯即刻去試下 餐廳都都幾多人幫襯喎 先叫左個蟹籽沙律作為前菜 大量蟹籽配上青瓜蟹柳 醒醒胃㨂左佢地嘅推介 燒牛肉爆丼 見到哇左一聲一層又一層嘅薄牛肉 加上燒汁 香䓤同芝麻再配上一粒蛋黃 齋睇樣已經好吸引牛肉燒得岩岩好 套餐重有一碗麵豉湯另外叫左鰻魚丼 勁大塊鰻魚 配埋燒汁。勁好食叫左客什錦天婦羅 即叫即炸 熱辣辣炸粉好薄 食落唔會好膩 有南瓜 矮瓜 冬菇重有三隻蝦 其實都幾抵食

知道百悅坊開了新店，還在做開業優惠，買一送一，即刻來試試！可惜太多人排隊，失敗而回！唯有等優惠期過了，晚飯時段再來，人客只剩幾位。大丼屋選擇也不少，有魚生刺身飯亦有雞肉、豬肉、牛用丼。我們點了雞肉丼及牛肉丼。賣相很不錯，飯上鋪滿了肉，雖然飯碗細小，但飯同肉比例一比一，十分夠飽！但是雞肉沒有肉味，充滿雪藏味，口感硬及乾，並不滑嫩。雞肉丼上的蛋黃醬未能幫忙加分，反而令人越吃越膩。而牛肉丼的牛肉亦沒有牛味，雖然份量多，可是每塊都是又乾又偏硬。沒有買一送一優惠，以這個價錢吃這種質素，一點都不值呢！希望日後會有改進！

大丼屋，在楊屋道附近的商場，簡約的日式風格，木椅子、木桌子、門面就像是木製屏風，座位不少。巨型富士山丼，這個雜錦丼，很多配料：海膽一條，味道香濃，不會苦澀；蝦，大隻口肉，爽口彈牙；吞拿魚茸好像粉紅色的一球雪糕，又綿又嫩滑，拌飯一流。蟹肉多，有咬口而不黏蟹殼，味鮮。丼飯的米飯應該是日本米，大大粒，又圓又扁，有咬口得來不會太硬。而溫度，亦都不會說到完全冷凍、死實實，或是太乾，暖暖的，我覺得不錯，因為不會好像上次在魚尚外賣店那些飯一般，雪到很乾的口感。三文魚親子蟹子丼，三文魚夠肥美，三文魚薄片，夠肥美，但是不會太過肥膩，用來伴飯的話油脂就夠。蟹子多，在口內爆發，鮮味一流這個丼就不錯，三種口感，共放一碗大蝦天婦羅，大蝦足足有五隻，炸成天婦羅，外面的炸粉不算太厚，溫度夠熱，好吃。厚燒玉子，燒烤味濃，焦香在蛋上，厚蛋亦香

荃灣既百悦坊都新開左一陣子，不斷有新食店進駐，而我久唔久都會搵新餐廳黎試，呢晚決定去呢間大丼屋食晚飯！ 巨型富士山丼 ($188) 見佢地既poster寫住超人氣，賣相亦好豐富，毫不猶豫點左呢個丼。富士山丼，故名思義，將魚生堆得滿滿好似一座山，魚生色彩繽紛，非常吸精。呢碗丼用了五款海鮮刺身: 呑拿魚蓉、牡丹蝦刺身、海膽、魚子同蟹肉。海膽用上了加拿大海膽，有一大片，口感軟滑，都算乾身唔算非常腥。蟹肉份量都幾多，拆成一絲絲，撈埋魚子一齊食，頗有咸鮮味。唯呑拿魚蓉同牡丹蝦味道較淡，如果可以多花功夫係呢兩款刺身調味就好喇。 日式鰻魚丼 ($98) 鰻魚厚身，燒得有少少微燶，魚皮好香脆。而且好多燒汁，可以送飯！不過個邊位都有少許骨，食既時候要小心啲。由於呢間餐廳標榜大丼，故此飯既份量都幾多，所以叫多幾款小食送下飯。有好幾款小食都係$30左右，叫多幾款食都唔貴。章魚小丸子 ($28)$28有6粒小丸子，價錢好似比出面掃街更為便宜。估唔到都幾好食喎，外面超脆，裏面有椰菜絲同章魚粒。芝士蟹籽厚燒玉子 ($28)玉子係甜甜地焦糖面的。上面鋪左塊即食芝士，咸咸地，咸咸甜甜咁，有屋企整既感覺。芝士年糕 ($

每逢星期一，總係悶悶地啱啱放完兩日假，個個都想返屋企食住家飯，等個荷包回下氣。今日我都係收工返屋企，但係就要食自己，想簡簡單單，大丼屋就最啱大丼屋就係百悅坊二樓，行去荃灣西站唔駛十分鐘，夠曬就腳。店內佈局簡潔，座位整齊乾淨，就似日本的街坊小店，好casual 咁坐低食個晚餐先來一客芝士蟹子口燒玉子，厚厚的玉子，面層封上火炙芝士，芝士蛋香粒粒蟹子一鋪清，呢個時候好想有啖飯呀食丼好處係快靚正，鰻魚丼即到，店家秘製醬油好香呀，厚燒鰻魚啖啖肉，醬油、鰻魚汁撈飯，唔使9秒9就KO曬阿妹無我咁大駛，糧尾仲可以食過招牌魚生丼，北海道海鮮丼，真係大碗到無朋友，大大片三文魚、兩隻大帶子、三文魚籽一大堆阿妺眼闊肚窄同我share , 分開其實足有兩大碗今日casual 二人餐，一人百零蚊，轉下口味，唔駛成日茶記食晚餐咁頹，呢度勝在就腳又抵食，食飽飽行一小段路就到西鐵站，早D返到屋企仲可以睇到愛回家，認真 perfect 池其實佢仲有好多其他選擇，豐儉由人

今日表妹甩難了，因為佢終於考完DSE，佢之前閉關左幾個月，我都好耐冇見佢了，今日終於考晒，可以鬆一口氣了佢話之前怕考試會肚痛，一直唔敢食生冷野，今日點名話要食魚生喎，我醒起之前係雜誌見到荃灣有間大丼屋，一於黎試下。呢度係近荃新天地果邊，係百悅坊一上電梯就到了，我地六點半左右黎到，未係好多人，店員客氣有禮，服務算不錯Menu上選擇唔算好多，但有齊魚生丼、熟食丼同埋咖哩飯，小食樣樣都好吸引，搞到我同表妹都諗左好耐先落order呢度好有效率啊，落左order唔夠10分鐘就有得食，我表妹揀左個巨形富士山丼，係全場最豪啊，雖然冇menu張想疊得咁高，但都唔少野，有齊海膽、魚子、蟹肉、吞拿魚茸同埋兩隻大蝦，淨係食餸都飽了，分量真係唔野少，一個字，扺！而我揀咗個同樣係招牌嘅燒牛肉丼，牛肉夠厚身，啖啖肉，撈勻埋粒蛋黃，好好味，不過兩個丼啲白飯都真係好多，我諗我同表妹share一個丼都已經夠了我哋仲帶咗兩個小食，雜錦天婦羅同埋炸魷魚酥，炸魷魚鬚香口惹味，天婦羅用料新鮮，估唔到呢度啲炸物不錯啊我表妹對呢餐飯十分滿意，見到佢食得開心，我都好滿足，兩個人食咁多野再加枝波子汽水都係＄400 ,真係唔錯架