大丼屋 (Closed)

個人推介指數分7(10分為滿分) - 食物質素比預期佳, 環境也萛舒適, 格局平實, 有些像連鎖店的感覺. 不過食物無論性價比也很高, 和用料也絶不媽虎. 特別是小食, 味道比有些日式料理點為佳. 最適合三五知己或一家大細來品嚐, 能點多款小食分享. 今晚早收工, 偷偷叫太太獨自出來拍拍拖, 閒逛完荃灣海旁後, 太太想吃些實惠的日本食物, 幸好我早有安排. 荃灣就是比較缺乏日本料理, 基本上選擇不多, 和元朗有天壤之別. 今晚我找了一間主力吃丼的日本料理店, 希望老婆大人喜歡. 店子格局較近似連鎖店, 不過, 裝修平實和坐位也萛舒適. 我們來到的時段比較, 人流暫不多, 店員安排我倆選了一個四位座來坐, 先給一個讚.加上細心介紹其食物給我們, 再給一個.既然店員熱情款待, 我們也得熱情地點菜, 我們很快便把四人枱放滿食物如下先來的四款小食, 價錢便宜, 味道卻非常好.蟹子沙律 - 用青瓜絲做底, 上面放上滿滿的蟹子,加上酸甜味適中的沙律醬, 口感清新, 吃罷感到胃子開了最少兩度. 墨魚小丸子- 外脆內軟, 內層的粉漿又不多, 每一口也是脆卜卜的, 墨魚也萛不少.酥炸魷魚鬚- 全場最好食

來到荃灣區的新食力，有不同的店鋪林立。特別日式美食更加是港人的至愛，突然有新餐廳駐場，有丼飯、小食、飲品等。餐牌上除了魚生丼、爆丼、天婦羅丼、咖喱丼之外，更有多款小食適合一家大細齊來。入內無論環境及格局，也是滿帶日本風情，猶如置身在小日本一樣。巨型富士山丼 $188此丼價格上為最貴之物，不過其貌相有少許失色。巨型也是有少少名不副實，內裡有甜蝦、蟹肉、魚籽、海膽等，連同飯粒同吃美味。燒牛肉爆丼$88牛肉滿瀉的感覺，相當澎湃又吸晴。牛肉的煙韌口感帶動到相當足料。爆丼確實名不虛傳，整體也是不錯大滿足。芝士蟹籽厚燒玉子 $28另外單點了一客小食，厚燒玉子的味道置中配上流心的芝士餡及蟹籽，的確份外美味。麒麟啤酒$28最後來多一枝麒麟啤酒，超級舒暢大滿足。

見最近咁多食評介紹，於是就過黎試下.......叫左個燒牛肉丼（$88）同鰻魚丼（$98），兩個都係話人氣之選，野食好快就黎，先講鰻魚質素唔錯，夠厚身，夠香，但就嫌細碗左啲唔值依個價錢。到個燒牛肉丼就完全唔掂，無牛味，啲肉又乾又鞋，睇相都睇到有幾咁乾，牛肉得5-6塊，賣相同menu差好遠，講真吉X家好食過佢好多，好失望，同我係日本食過既真係差天共地呀唔怪得之我去個時唔洗排隊無咩人啦...簡直仲晒伏呀！！！！

日本菜真的是久不久就會想吃，雖然剛在日本回來不久，吃晚餐的選擇還是不會抗拒日本菜。是晚在荃灣，想簡單吃個飯，來到附近發現有便宜的丼飯，商場門口一上扶手電梯便看見，就決定在這裡解決了。顧名思義，大丼屋賣的基本上都是丼飯，還有少許小食和飲料選擇。最便宜的丼飯只售$38，晚餐吃更為花算。環境也算不錯，乾淨企理，木枱和像是箱子的木椅都很新淨，坐得舒適。我們實在太肚餓的關係，所以點了三個丼飯和兩個小食。走進來時看見別桌的丼飯碗子不算大，還以為不會很飽，誰知真的不簡單，原來每碗都非常足料，米飯更是塞實了整個碗，一人一碗已經夠飽。點丼飯還會附湯，是麵豉湯配海帶和豆腐。麵豉香而不過鹹，漿粉製豆腐滑溜，海帶也很有咬口，暖過胃後我們便開動了！牛肉偏瘦但不會嚡口，牛肉汁味道濃郁得來剛剛好，加生雞蛋黃令牛肉更滑。最讚的是飯粒也有牛肉汁，所以不會單寡。 說起爆丼不得不比較旺角大排長龍的爆丼屋，牛肉明顯爆丼屋的較為生，帶粉嫩紅色；這裡雖是全熟但也不會韌口，最重要的是同樣差不多湧出來的份量，這裡的價錢便宜很多！性價比是更勝一籌。豬肉丼是整晚最出色的，半肥瘦叉燒燒過後的油甘香十分突出，咬下去齒頰留香。叉燒在醃的過程中

平時巨型丼要2百蚊樓上，但知道荃灣有平民價，即刻同肥仔去食！！都唔算細,，幾多位。都幾多選擇，又唔貴。巨型富士山丼 $188有三文魚子、吞拿魚蓉、海膽、鮮蟹肉、大牡丹蝦，成個丼勁滿，每樣食材都好新鮮，性價比高。北海道海鮮丼 $168有三文魚、帶子、吞拿魚蓉，帶子鮮甜，三文魚肥美，吞拿魚蓉撈飯一流！芝士蟹籽厚燒玉子 $28玉子都幾滑身，面頭鋪滿蟹籽同香濃的芝士，好邪惡！兩個人唔洗４００＄，　又唔加一! 幾平

見到海鮮丼情不自禁走左入去，仲全日免收加一，好難得！坐位寬闊，以木色為主，感覺很舒服。菜單封面就註定了我們的命運。燒牛肉爆丼($88)精選食材，重量級牛肉，滿滿的，燒牛肉很入味。加了生雞蛋，再沾蛋漿食，肉質更滑嫩，味道超級豐富。米飯也很有質素，飽滿而濕潤，牛肉汁滲透每一粒米。炸魷魚鬚($28)炸得很酥，魷魚很彈牙，點沙律醬食好滋味。附麵豉湯，幾足料，但味道偏咸。巨型富士山丼($188)放到成個富士山咁，concept唔錯，賣相吸引。海鮮有五款，海膽、三文魚子、蟹肉、吞拿魚蓉和牡丹蝦，蝦大隻得來又肥美，海膽很大份又鮮甜，蟹肉絲份量也不少，醋和飯比例剛好，飯都幾大碗。醬油樽幾有趣，要push一下先出，大家試下！野菜天婦羅($48)有冬菇、茄子、蕃薯和南瓜。天婦羅麵衣很薄，加蘿蔔蓉和酸汁食很清爽。

今晚喺荃灣收工....約埋朋友去食飯....朋友介紹喺荃灣百悅坊有間日本大丼屋幾好食....今晚一於就去試下。裏面地方寬敞...而且令人坐得舒服亦有好多唔同種類嘅丼飯任君選擇我就揀咗巨型富士山丼...朋友就揀咗北海道海鮮丼...淨係見到個賣相都極盡奢華呢個富士山丼裏邊嘅蟹肉...鮮嫩有質感...而且極具分量....仲要有兩隻鮮甜大蝦刺身添朋友呢個海鮮丼..佢話啖啖蟹子卜卜脆...好有質感...而且仲有肥美三文魚添唔使七點已經好多人最後食飽埋單走人

一向喜歡食日本丼，所以特登走黎荃灣試試，座位格局都幾闊落舒適，食物都算新鮮，但不特別吸引，飯不算好吃，一定不是日本米，份量一般，唔算驚喜，應該試一次就夠，不會再黎。

聽人講呢間大丼屋好抵食，我呢個三文魚fans當然唔會錯過啦！即刻約個friend黎試下先。6:30pm去到得一枱客，我地坐左喺靠牆卡位，急不及待打開個menu。Menu選擇唔係好多，但我有三文魚食就滿足了北海道海鮮丼($168)海鮮丼有三文魚、蟹籽、吞拿魚蓉、帶子，啲刺身好新鮮，仲要堆到成座山咁高，碗野食極都好似冇小過咁。不過要講嘅係呢間野啲wasabi好堅，一開始唔知落左好多，食到bill眼水燒牛肉爆丼($88)朋友話啲牛太多，俾左塊我。啲牛勁大塊，燒得好香，又係勁大碗!炸鱿魚鬚($28)鱿魚鬚炸得好脆，唔只皮脆，連啲鱿魚肉都係脆架，好香口。可能我地得兩個人，所以食唔唒。蟹籽沙律($16)蟹籽沙律係我地唯一食得唒嘅野，好好食呀。味道調得啱啱好，入口又唔會太凍，青瓜絲一食就知新鮮。整體來說，大丼屋嘅性價比真係好高，特別係小食嘅價錢真係十分大眾化。食材亦都唔馬虎，不錯不錯。

今日同好朋友慶祝生日, 兩個大忙人終於都約到食飯。因為上次係樓上打過邊爐見到有間好似幾正既日本野係樓下, 所以今日就黎試下佢啦! 我地兩個人坐四人位, 好闊落, 傾計都唔怕阻到人。 我叫左北海道海鮮丼 $168 好豐富啊! 有帶子, 三文魚, 蟹子同吞拿魚蓉! 樣樣都好新鮮好好味。飯就比一般既飯有黏性好多, 但都唔會話淋到爛咁。 朋友叫左鰻魚丼 $98 呢個價錢有呢個份量我覺得好抵食啊! 平時食個鰻魚飯真係閒閒地都過百。鰻魚燒得好香, 送飯一流! 小食我地叫左南瓜蕃薯天婦羅 同埋芝士蟹子玉子。天婦羅上枱既時候仲熱辣辣, 正啊! 南瓜同蕃薯都入口外脆內軟, 我最怕個啲入面仲未熟既天婦羅。 芝士蟹子玉子有兩岩岩好, 芝士味好香配埋蟹子又幾岩味喎! 玉子本身如果可以再濕潤啲就一百分啦! 呢餐生日飯都無令我地失望!

聽聞荃灣有一新開張且性價比高的丼飯店，立即前往試試。香港人最怕"蝕底"，食物越是堆得高、配料越鋪得滿便越受歡迎，所以近年日式魚生丼飯大行其道，愈來愈多餐廳加入丼飯戰場。是晚點了人氣推介 - 燒牛肉爆丼 $88驟眼看燒牛肉的生熟度未如相中般鮮嫩，牛肉份量的確頗多，可惜肉質偏韌欠肉汁，咬得牙也有點累底下白飯亦平平無奇，沒有醬汁拌飯吃總不夠痛快。通常都是期望越大失望越大吧～另外點了一份芝士厚燒玉子，微鹹的芝士中和玉子的甜味，建議兩人分享，玉子始終偏甜稍膩。考驗過牙力試一次便好，希望質素有所改善吧。

做完個小手術 今日出院即刻搵好野食....因為要禁食餓左我好耐...,哈哈哈去到楊屋道街市原來而家開左好多食店! 係百悅坊上一層就見到大丼屋, 睇佢既menu都好吸引!係好多選擇下我就揀左燒牛肉爆丼同埋巨型富士山爆丼! 另外再叫左蔬菜天婦羅同埋炸魷魚鬚!哩個燒牛肉爆丼真係唔簡單呀！雞蛋加入爆爆牛肉上！撈埋牛肉食好好味呀！牛肉又入味加上佢真係勁爆多牛肉...食極都未見到啲飯!好抵食呀！另外係巨型富士山爆丼!佢既材料非常新鮮呀!魚生鮮甜美味! 賣相又非常吸引!  好鐘意! 全部材料既份量都唔少架! 小食方面乜不錯!佢會唔滿滿既粉張住咁!薄薄既炸粉配上新鮮蔬菜! 好味!炸魷魚鬚哩度又唔洗加一收費!仲有麵豉湯送好正好抵食好滿足呀！

有時想食日本菜但係又唔想咁多嘅時候一定會諗起丼飯，荃灣呢間新開嘅餐廳，玩特色嘅丼飯，而且好多款式例如天婦羅，鰻魚，刺身等等。餐廳嘅環境好大而且好舒服，裝修係日本風格。見佢可以嘅開門時間都好長，下次都可以嚟呢度食消夜，唔使成日食大排檔咁悶。我哋點左飯同埋小食，其中野菜天婦羅，份量好多，而且外皮薄脆。令我最鍾意嘅就係茄子同埋紫蘇葉，茄子雖然炸過但係唔會給得太多油入邊太軟。另外配上醬汁同埋天婦羅，非常開胃。加上有我最愛嘅紫蘇葉而且唔只得一塊，所以都真係幾抵食。另外叫咗個芝士厚燒玉子，因為芝士愛好者一定會見到呢一個。玉子燒甜甜地，配上芝士嘅拉絲鹹鹹甜甜，非常滿足。另外仲有芝士年糕，外皮炸得非常之脆即整即炸，一邊包住芝士有少少口，所以食嘅時候要小心啲啊因為佢真係勁多芝士好流心！正！另外仲叫咗個炸豆腐，豆腐外皮薄脆，配著下邊酸酸甜甜嘅汁，非常開胃上面仲有蘿蔔蓉，蔥同埋木魚絲，唔錯嘅配搭。另外叫咗兩個咖喱飯因為平時經常都食刺身所以想試吓其他嘢食係咪都係咁好，一個就叫咗北海道忌廉溫泉蛋咖喱🍛，你一個就叫咗北海道忌廉牛肉咖喱。日本嘅咖喱通常都會好甜，但係呢度調味都適合香港人啱啱好，而且牛肉嘅份量好多非常

今晚阿仔話要食日本野，聽聞荃灣開咗間叫爆X丼嘅餐廳，所以一家三口搭車去荃灣啦，去到見到人山人海，等位起碼超過一個鐘以上😨所以再上OpenRice search吓睇下附近有冇其他選擇，點知就見到呢間叫＂大丼屋＂嘅餐廳，食評唔差，加上距離又近，所以一個箭步行過去攞籌啦，去到竟然即時有位喎，只有大概五六成食客，心諗：唔通有伏？🤔不過最後抱住一試無妨嘅心態，結果瀨晒嘢😩😩盛惠＄188 巨型富士山丼，其實一啲都唔巨型，相反比起其他丼飯仲要細碗啲添，好失望，完全唔值呢個價！經理解釋話，本身menu用嘅碗比洗碗d人打爛晒，撞崩晒，所以而家轉用哩隻碗，係比其他飯嘅碗細少少，同埋隻碗細d，d海鮮先容易營造到富士山巨型嘅效果喎⋯⋯結果係，隻碗細咗，你d海鮮又唔係特別多，咪一樣營造唔到爆丼嘅後果😡😡同menu比較，我老婆直頭話要去海關投訴佢違反咗商品及說明條例！隻碗細到可完全放入燒牛肉丼隻碗內燒牛肉爆丼，算係最OK嘅一個👍🏼鹽燒鯖魚丼，老婆話好淡，冇鹽燒味，似係求其燒完淋d豉油上去咁👎🏼大蝦天婦羅，因為當時向完經理投訴個富士山，嬲得滯冇影相，不過味道是OK的。埋單四百幾⋯⋯冇下次

食過2次第一次食吞拿魚腩蓉丼刺身味道唔係咁top但亦新鮮👍🏻88蚊仲唔使加一，而且吞拿魚腩蓉既份量比飯底多😋😋😋最後係食一舊舊既魚蓉食呢個飯最緊要落washabi, 唔落個味係唔夠出既第二次食叉燒同豚丼，中午食既唔知係咪食lunch所以有湯同沙律叉燒有點肥但個汁冇得頂，只係汁撈飯都得豚肉燒得好香又夠厚切，汁多少少就perfect 👍🏻佢碗叉燒同豚肉就冇圖咁爆丼，但份量都唔差...幾乎食唔晒呢間餐廳中午同夜晚都唔使加一，好抵下次要試埋佢d小食