大記攦粉糕點專門店

Open Now

Now Closed

因為電視效應，有一日下午去到很多人排隊。本也想等一等，幸好沒有等下去。否則一定後悔。過了兩星期後再去，不用等位。店內沒有太多食客。點了兩個攦粉，一個是魚腐，一個是墨魚卷。一個是沙爹湯，一個是清湯。麵用木桶上，很有特色。餸和麵是分開上，不會被湯弄淋。麵有木耳絲，紅蘿蔔絲配上滑滑的麵，吃起來又夾又滑。但沙爹湯沒有沙爹湯味。魚腐炸得很乾，墨魚卷也很普通。總括來說沒有什麼特別，份量小，一餸麵不夠飽，而且價錢相對貴。

呢間野越o黎越唔抵食，一碗兩餸攦粉都要$47，仲要冇野飲喎，碗攦粉又小喎，我諗勁細食o既人先會覺得飽。其實味道都ok o既，如果可以大碗d會好d囉!家姐叫左個煙鴨胸攦粉，我就叫左個生菜雞翼酸辣攦粉，d雞翼都幾好味o既，而家姐碗鴨胸賣相就勁唔吸引，其實睇落好似好多份糧咁，但實際係得三份二咖咋!

醬爆肉丸炸鯪魚球攦粉(沙爹湯) $43 墨魚卷攦粉(酸辣湯) $35 桂花茶 $7 芝麻糕, 桂花糕 各$5 (好食指數7/10) 攦粉其實係好似米線既粗版，而湯底有清湯、酸辣湯、沙爹湯、麻辣湯選擇。配料亦有多款，我地揀左幾樣炸物。即炸卜卜脆，尤其係墨魚卷。 醬爆肉丸就唔算超多汁。而凍既桂花茶都幾特別，少少甜。 至於糕點，芝麻糕好似食緊芝麻糊咁，不過無咁甜同無咁膩。桂花糕就麻麻地，唔似平時有杞子嗰隻咁。

餅乾賣得越來越貴，南乳餅是我喜愛之一，亦不是到處也能買到，現在一小包也要10元，標準之作。而此店的砵仔糕，有十分有創意的芝麻味，可接受，但個人還是喜歡傳統的兩款，糕的質地有彈性，但未夠幼滑，香味一般。

大記仍未搬去基隆街時, 糕點仍未有獨立包裝時, 當時仍賣緊$10/3件, 味道唔錯, 足料, 夠香! 記得當時好似係人手製!重回舊地, 想回味當時, 但看到門外的糕點係獨立包裝, 已變得有點陌生, 這亦可能基於衛生及方便!依家$5/個, 買5送1. 咁就買個試試, 另外買2個比家人門口還擺放了一些乾貨! 感覺好似風馬牛不相及!材料依舊充足, 但size變細了. 而且糕做得太"膠"了, 感覺很機械化, 相信已經唔係人手做了...這可是社會科技進步的遺憾!

行過突然發現呢間木桶米線店, 門口好多人買糕點, 所以就埋黎睇下, 門口貼左小儀, 金剛報導...環境就普通, 平民街坊生意, 個阿姐要講好多次先落到單, 可能有D殘障FEEL叫左炸墨魚條攦粉, 和一杯檸檬桂花茶. 炸墨魚分開上, 唔錯碗粉都好大碗, 好多配料, 有芹菜絲, 紅蘿白絲, 肉絲, 冬姑絲, D粉好滑, 有咬口杯飲品唔得, 好淡...唔係茶,淡黃色... 應該改名檸檬桂花水, 有桂花香味~而且有甜品送, 今日食紅豆沙, 好濃起沙唔錯失喎總括係不錯小店, 下次可以試炸鯪魚球攦粉~

今天同豬仔有點事要去太子辦理, 突然記起我地仲未試過呢個TV介紹過的店於是係太陽曬到就黎燶既情況下都捐左去試呢個攦粉喇!!由於個陣係中午12點幾..所以都唔多人 (咁熱可能大家唔出街XD)一入去就有位了, 不過呢..冷氣好似唔係幾夠...坐落都仲好熱...menu上的款式都幾多, 應該話佢既攦粉配好多唔同既餸俾你揀!!最後呢, 我要左冬菇攦粉跟沙嗲汁, 豬仔要雞翼攦粉跟清湯喇!!攦粉登場!!外表黎講, 佢就同米線冇咩分別...試左一啖就知道咩事喇~~呢個粉比米線更煙韌!!但係又好滑身!!!食落比米線軟稔, 口感真係好特別呀!!至於湯底呢...味道都幾濃..不過就食唔到沙嗲味喎..到豬仔果個黎埋... 就有d奇怪..點解大家個湯d色一樣架呢??問下哥哥仔, 原來我果個可能加得好小or直頭冇加沙嗲不過哥仔都好醒目, 即刻問我要唔要加返, 梗係話要啦!佢就拿拿聲拎去幫我加返d沙嗲汁, 加完之後, 嘩~~正!!!佢既沙嗲唔辣, 但好香濃, d攦粉索埋d味更加無得頂攦粉入面有D木耳絲同少少雜菜, 加埋D顏色都好靚但點解明明POSTER個粉有粟米做配菜, 但黎到無GE?哈哈哈哈~~~份量方面呢..

話說有日行行下街肚仔餓，周圍睇下有乜好食，見到攦粉兩個字好特别，同埋有個女人係店外好出力叫人入去，唸住試下無妨，入到店內十屋九空，sorry係十坐九空，見到有几個侍應同收銀吹緊水，就求其找個位坐低睇下餐牌有乜好食，睇完想叫野食，揮手無人理叫人無人理，心唸我係咪隐左型，再坐耐少少見到有兩個人入內d侍應又識去招呼，當堂火起彈起身走人，好彩無人招呼連水都無杯唔洗雙計，最後走左去對面食蛇汁雞飯

This little eatery is famous for its rice noodle, it locates in an old district of Kowloon with a lot of old style businesses around. When I arrived yesterday afternoon, a dozen of customers were already there.I sat down by the side of the wall, a waitress in red tee served me, I tried to ask her the things on the menu, and her attitude and response gave me the impression that I should have known all that and so should not ask her anymore! Finally I ordered a rice noodle with a sort cured meat (

上星期六，我為了幫媽咪買護膚品及幫她朋友買減肥產品！走到維園工展會！於是，我放工後先到中環 <老金煎餅 Mr. Bing> 食煎餅，再到 <Choux Creme> 食芭芙！食飽飽才搭地鐵去銅鑼灣！其實！我已經有10 年8 載無去工展會，記得上次地點是添馬艦。我印象中，工展會有多個香港品牌的出品，如：食物、電器....等。 還有吸引眼球的工展小姐！ 當我一走入去，第一時間找詢問處，問一問要去的區域！ 由右手邊行，沿途見到 <大記> 擺檔，$5/ 件糕點，獨立包裝夠衛生！價錢又平！幫襯的人又多！還是"攝"過去看看！這裡有多款糕點 $5/ 件！ 最後，選擇了 3 件心水口味糕點買回家跟媽咪分享！忌廉南瓜糕 $5/ 件香甜軟滑！南瓜味濃郁！食得過！雪耳紅棗糕 $5/ 件好像食大菜糕，只是多了一點雪耳紅棗而已！薑汁蕃薯糕 $5/ 件不夠香！薑味淡！不買也罷！幸好！我沒有貪平聽店員阿姐買5 件送1 件！否則！不知誰會幫我食！我真是低估了工展會，原來有好多小食檔！下次一定不容錯過！

九月二日 (星期日)假日，兩口子來到太子一帶看龜龜不經不覺，時已黃昏，就按原定計劃，走到基隆街覓食見到一家中式食店人頭湧湧，但倆口子又不太餓，還是選擇了大記攦粉相比幾年前來的時候，大記已裝修，店舖更乾淨光猛，食物的款式亦較以前多湯底更有多款式選擇，有清湯,沙爹,酸辣和麻辣先來個餐前小吃，就是大記出名的糕點芝麻糕水準依舊，每一口也是非常濃郁的芝麻香質感又很煙韌，但又不太黏口，既美味又健康!怪不得不少人行過也會買回家品嚐點個架架仔最愛的香茅雞翼一客四隻，雞翼肥大飽滿外皮很香脆，且不油膩，肉質甘香，唯香茅味道不突出主打點了兩款攦粉，分別是墨魚卷攦粉｜炸順德魚腐攦粉以木桶盛的攦粉，份量多，配料也頗豐富攦粉質地幼滑，米香味十足，無減昔日的質素而餸料墨魚卷則是另上的，墨魚卷有三條，切開為六小件吃落味道的確較咸，而且沒甚咬口，質感欠奉另一碗是炸順德魚腐，魚腐也頗多炸得不太油膩的，但卻帶滿腥味攦粉以及糕點依舊的好，不過配料似乎有很大的改善空間

晚上九時許, 便到屋企附近的大記吃晚飯, 其實以前都有去過數次, 覺得還不錯, 事隔數月, 便再來吃, 點知......不知所謂, 人怕出名豬怕肥, 完全可以應用在這間店，唔怪得好多人話，如果間店有小小名氣，就唔好再去食，你一定失望至極，而我又加多一樣，生氣至極，所以我唔會再去，除非習慣極差的服務態度，及只要求有嘢放入口食。我點了麻辣豬腩肉粉, 結果係麻辣 - 只係得辣, 譚仔...好食好多豬腩肉- 肥肉多過瘦, 而且完全無味，烚白肉一樣其後發現，店舖內寫明消費滿40元, 送糕點或糖水, 本人消息共56 元, 叫了2次, 都沒有人理會, 結果當我埋單時, 再問收銀, 唔問還好, 一問之下, 決定唔會再去食，不值。 我問：唔係送糖水咩收銀亞嬸黑面回答：係，不過我哋唔會同客人講，你知啦，有些客人唔喜歡食糖水，所以客人唔問，我哋唔會講，如果你想食，你坐番低囉佢哋完全唔想送比客人食，邊有咁樣服務態度，而且那時已經九點半左右，送唔哂都係倒，除非真係留番第二日再送。。。

早前有團購網推出大記攦粉的團購套餐，$28包括一碗攦粉、2件炸魚腐、2片魚片頭及一杯飲品。攦粉方面可供選擇的多數是牛丸、貢丸及墨魚丸等的丸類，這次我選了墨魚丸配清湯底。首先送上的是炸魚腐及魚片頭，熱辣辣是剛炸起的。魚腐的調味比較鹹了一點，而魚片頭則比較彈牙及好吃一點。不久後攦粉便送上，攦粉用木桶盛載，份量看來不少。在攦粉面上有墨魚丸3粉及一些家鄉小炒來為攦粉提味。這次的攦粉煮得淋了一點，口感上不夠爽口彈牙。而墨魚丸只是一般貨色，粉下得多而不夠墨魚味。家鄉小炒則是一些切絲的荷蘭豆、黑木耳、唐芹、鹹酸菜等，吃起來不只爽口，亦為整碗攦粉提升了香味。最後的飲品要了凍奶茶少甜，茶味差了一點及不夠滑，始終人家的主打是攦粉，飲品方面不可要求太高。

在小妹的印象裡，這裡以不同款式的糕點打出名堂（自己也嘗試過，味道還算不錯的），原來攦粉也是這裡的招牌菜。一向對不同的粉麵甚有興趣的我早前就購買團購券，來淺嘗攦粉是什麼一回事。晚餐前我倆一人一底雞蛋仔，吃得肚皮撐撐的，其實胃口不太好，但晚餐始終要吃，所以簡單就好。團購所包的都是丸類攦粉，對於丸類，我一向只喜歡牛丸和貢丸，而這裡的丸類小妹不知何解以為是自製，結果就有期望上的落差。貢丸和牛丸均太粉，不夠彈牙，並非如小妹所幻想般美味。攦粉有點像米線，不過比米線更有口感，QQ的不錯，算是爭回一口氣！兩塊炸魚片及兩件魚腐，炸得有點乾，幸好味道還可以。另一特別的是桂花茶，桂花糕就吃得多，喝桂花茶還是第一次。老實說味道就平平，還是prefer吃桂花糕呢。是次體驗了攦粉是何方神聖，算是在我倆的food portfolio加了個勾。要再吃嗎？似乎意欲不大。

以前食開佢地芝麻糕, 覺得好好味, 充滿芝麻味又不太甜, 今日路過, 又買番2件食, 但每件價錢漲價至HK$5, 真有點貴, 點知食落還比以前甜, 再不是我喜歡吃的那種甜味了, 而且紅豆又少, 但慶幸芝麻味道還沒有改變