大記攦粉糕點專門店 (Moved) New Location

以前有一陣日子常往此店，因為店內總是不太多人，而且價錢又不太貴；不過由於地點不太方便，所以都有半年以上沒有光顧。今天下午有點肚餓想吃東西時，在街上轉了數圈也無法決定吃什麼，最後就決定再來這店。由於年近歲晚，店舖門外放置了不少糕點；由於大記的糕點也有一定質素，所以眼見也有不少街坊幫襯。半年沒來，內裡好像是裝修過，不過間隔依舊，就隨便找張空枱坐下。餐牌好像比起以往的選擇多了，湯底也可以選擇酸辣或麻辣，不過價格也上調了今次放棄了以往常吃，但現今加價至28元的炸墨魚卷攦粉，改為要便宜一點的炸鯪魚球攦粉($23)，另外改要小酸辣的湯底。小欖鯪魚球攦粉攦粉是一如以往的滑溜，配上的雜菜增加清爽的味道。酸辣湯底橙橙地色，不知是否用辣椒粉開出來？炸鯪魚球有3粒，在分開上的同時碟底也墊了一點生菜去吸油。鯪魚球的外層炸得香脆，配上有點鹹的蜆介醬同食更加鮮味。整體味道也能保持水準，不過價錢越來越貴令吸引力下降；另我覺得早前吃過的珍珠粉比攦粉好吃，所以應不會再特登前來。

我之前係太子住既時候就住係對面既唐樓,往往都總是經過門口買了糕點就返工.一直都無食過佢既攦粉,直至今日朋友約食飯,諗住太子同旺角近,但係太子應該無咁多人,應該D餐廳唔駛等位,唔SEARCH由自可,一SEARCH就發現自己以前咁唔識貨,成日食附近既燒味飯,原來有間咁正既都係搬走咗一年之後先黎試。我同朋友食既係,炸墨魚卷攦粉(+雞翼)-我,火辣牛丸攦粉(+炸墨魚卷)蘿蔔糕,芋頭糕,芝麻砵仔糕,白糖砵仔糕炸墨魚卷勁香墨魚味呀,芝麻砵仔糕,感覺有點怪怪的(不像在食砵仔糕)可是真的很香芝麻味.白糖砵仔糕(一如以往的有水準)可惜的是食唔到黃糖砵仔糕以後不只還會來,而且是密密來!!!

睇過openrice的食評後，專程去太子砵蘭街大記攦粉糕點專門店，我以前以為叫晒粉，點知叫食物晒粉時，店員話有邊讀邊，讀(麗粉)，原來我一直唔知點讀個名，真羞家。攦粉相當有咬口，質感相當好。另叫了煎蘿蔔糕，芋頭糕。本人覺得芋頭糕可以向各朋友推介一吓。到離開店舖時，門口放了很多款糕，於是我買了十五件不同的款式，回到家中足足吃了四天才吹得完。，整體唔錯，下次路經可再去。

今日(15-1-2011 Sat)同男友去完factory outlet後,同佢出去食o野至返工啦,我諗住去油麻地,佢話去尖沙咀,但尖沙咀選擇太少,佢諗起呢間.吓!?又呢間?啊.o黎到,只係員工食o緊飯,我o係門口已經見到有忌廉南瓜糕,覺得好特別,所以要記住佢.我o地諗好喇,男友要$23.00o既香茅豬扒攦粉要小酸辣,加$6.00要凍羅漢果茶.我要$23.00o既芝心雲吞攦粉,但未有.咁就要$20.00o既清湯扎肉攦粉啦,飲咩呢?唔…..凍朱古力啦,都係加$6.00.再要多件$4.00o既忌廉南瓜糕.等o左一陣,男友o既凍羅漢果茶到o黎,係一支細膠樽庄o黎.佢一飲就即話好下火,我飲一啖,味道清清地,易入口.睇吓個樽,原來有夏枯草,唔怪得易啲入口啦,不過我都係唔鍾意飲o既.之後我o既凍朱古力o黎喇,飲吓先,唔….唔甜o既?味道又淡淡,唔係幾得啊.味道: 2.5分我o既扎肉攦粉都到啦,有5片扎肉,扎肉口感同攦粉一樣彈牙,唔錯.味道: 4分之後男友o既酸辣攦粉先到,亞姐交帶一聲豬扒後上,食o左一陣,佢o既香茅豬扒到o黎,一件唔太大件,剪好o左成食幾件,我又試一片先,嘩!好熱好熱,不過我食唔到

漁農處在旺角“花墟公園”搞了個嘉年華。星期天沒什麼事便來逛逛。 進場一瞧，人山人海的，沒辦法這是最後一天擺檔，那既來之則安之吧！ 其實與工展會挺相似的，也有些食品、小型電器等的攤位，不過這裡多了一樣東西，就是漁農處推廣的本地優質農產品，也正是因為這個才吸引了我。 繞場一周，買了些漁民自家曬的花膠、蝦米、大地粉等，走著走著看見一條長長的隊伍，原來是賣“大記”的砵仔糕，聽說過這砵仔糕是出名好吃，可沒耐性排隊，於是我又繼續逛其他檔口。下午一點多當我再次經過“大記”時，人龍不見了，我以為糕點賣完了呢，上前一打聽，還有貨，也許是午餐時間大家都去了開飯了所以沒人排隊了，這下可好了，我馬上買了三個砵仔糕，兩個白糖一個黃糖的，打開盒子，還是熱的，選了個白糖的吃，一口咬下去不太硬，當然沒有糯米磁那般的軟綿綿啦，帶少少的甜味，紅豆還真不少，老公吃的是黃糖的，一樣紅豆粒特多，黃糖應該是蔗糖做的，甜味較天然些，但比白糖

經常路過這間以攦粉（瀨粉）打出名堂的食店，但因為自己不喜歡攦粉（瀨粉）那既滑溜，又細碎，難夾得很的感覺，所以一直沒有入內幫襯。原來這間食店除了主打攦粉外，糕點也是這店另一樣主打的食品。這天晚上正好又路過此地，見店外的員工在賣力地向街外的路人推銷砵仔糕，好奇之下，駐足看看，竟瞥見店門外另一邊的玻璃櫃內有不少不同款式的糕點售賣，由較普通的「招牌蘿蔔糕」、「臘味芋頭糕」、「香滑椰汁糕」、「椰汁馬豆糕」、「爽甜馬蹄糕」，到較為特別的「鬆化眉豆糕」、「杞子桂圓糕」、「薑汁蕃薯糕」、「忌廉南瓜糕」、「原粒杏仁糕」等等都有，林林總總，款式眾多，而且 $10 便可任揀三件，價錢頗為相宜，所以便揀了三種自己較喜愛的款式回家做宵夜了。這裡的糕點每件都是獨立包裝的，看來頗為衛生，值得一讚。1）「忌廉南瓜糕」：口感最柔軟，可能真的有下忌廉也說不定，但不太吃得出南瓜的味道。2）「椰汁馬豆糕」：馬豆非常多，不過椰汁味不夠，吃不出椰汁的獨特香甜味道。3）「原粒杏仁糕」：口感較粗糙，但杏仁味十分濃郁，清甜而不膩，在三款中最為好味。只可惜在為它拍照時，不知何故，竟未能拍下來，當時又不為意，所以這三件糕點中最好味的杏仁糕

機緣巧合之下買左4件蘿白糕 2件芋頭糕番去同屋企人當宵夜$10蚊有3件 同酒樓差唔多番到屋企自己用慢火煎煎到金黃色之後就系開餐既時候食完先發覺冇影到相不過蘿白糕好多料 好好食芋頭糕就麻麻地 入面好死實實咁下次有機會再入去試下佢既攦粉先^^

搵食之時,人在太子,叮一聲醒起五月份來吃過的美味攦粉,就決定帶老友一齊去品嚐.三點幾鐘,人不太多,不過只剩下廁所隔離兩張枱,感覺不太良好.大記的餐牌轉樣了,內容配搭寫得詳細非常,不過價錢好似貴左?無論點樣都好,有攦粉吃便成!不想吃煎炸野,快快手點了個冬菇攦粉$18,老友點墨魚丸攦粉$18,我推介埋要飲桂花茶,每人都加了一杯$5.我再推介老友有興趣的話要吃炸卷物,所以選了碟炸蝦卷為小食$20我碗攦粉最快有,感覺上攦粉份量比上次食的少了一些(得3分2碗),攦粉質感滑溜,配上一堆香口營養炒雜菜,加埋鮮甜豬骨湯,依舊好吃好吃!冬菇是細size,菇味不重亦不香,其醬汁又未醃得深入.老友那碗墨魚丸攦粉一樣好細碗.我食完成碗攦粉都不飽,明明上次都係食一碗,但已飽到上心口,是否証明到今次細碗左是事實不是我幻覺來呢?桂花茶一樣美味,清香少甜,本來喉嚨極乾涸,飲完真的舒服不少呢!最令我不快的是炸蝦卷小食,第一碟來是三條(切開六件),我想想下發現,小食份量不是四條嗎?(參考餐牌上圖片).首先問阿姐是怎樣回事?她第一次答我們炸蝦卷是得"三條",深信不疑的我們即場發揮"深厚觀察力",眼見身邊食客的炸蝦卷/炸墨魚

響openrice留意左好耐終於的起心肝走去食!1個星期去左2次 1次就8pm 1次就4pm 兩次去都有位坐入到去花多眼亂結果第1次係揀左墨魚卷攦粉朋友就揀左蝦卷 第2次食就揀左鯪魚球攦粉先講個湯啦 有4個味(清湯/麻辣/酸辣/沙嗲) 不過我2次都係要清湯 個湯底超正好夠味 (唔係味精黎ga) 我食完之後無左大半碗湯 d面就好彈牙開頭以為似米線咁勁林 但都幾好咬口因為佢比較粗 唔似米線咁o雪1聲可以吞落肚而個墨魚卷真係好好食啊!!即叫即整 擺上枱果陣熱辣辣超正 同埋都幾大夠 3條共6舊 相反朋友個蝦卷細一個double同埋無咁好食!!第2次食既鯪魚球又係推價之作!!即整就不在話下啦 加埋個蜆蚧汁簡直係1絕 不過嫌佢細左dd 同埋個汁少左dd之外 都10分perfect !!第1次食+6蚊要左支桂花茶~無特別可以唔試哈哈正!!!值得成日走過去食!價錢又抵!around $20-25/碗正正正(墨魚卷攦粉) $25鯪魚球攦粉 $23

抱歉，我想不到自己第一篇食評 是(差，一次就夠)小弟在太子上班 平日食飯盒多今日不知何來興致出街走走見自己咁耐冇食過攦粉就去試下12XX 左右入到店仲有位唔知食咩 問亞姐有咩介紹結果叫左個 炸墨魚卷攦粉沙嗲底 再加馬豆 桂花 蘿蔔糕炸墨魚卷攦粉 先到先食粉想像唔到沙嗲底可以咁咸 攦粉OKAY 爽過普通酒樓先成碗野最中意D配菜 夠清爽...到炸墨魚卷 第一口感 外皮炸得夠脆 墨魚膠彈牙度算不錯但咀嚼到最後 果股油膱味..抱歉..我頂唔順最後是這裡的所謂糕點馬豆糕很普通 飛蘿蔔糕一樣很普通 最後令我打食評的桂花糕出場第一眼 已有中伏的覺悟食落去仲大鑊 桂花糕可以食到有苦澀味 我咁大個仔第一次落少少桂花糖不會死吧再者食到最後有陣霉味?!諗住自己食錯JA...食多野 OH..............立即要啷口

今日女朋友忽然約我行街（她知道我今晚要出街食，便走去旺角陪我，之後要趕回家看義海豪情大結局），她說想帶我去食攦粉，那時不知係什麼食品（我一向對食粉麵有點抗拒），但一入到店，才驚覺攦粉的吸引力！我們點了兩個攦粉（配三道小食墨魚丸、鯪魚球、小炒）、蘿蔔糕、芋頭糕、桂花糕、馬豆糕，另加兩支桂花茶，不用一百便有找，而且材料足夠，又富鮮味（尤其是糕點）！本來我想買糕點外賣回家的，但因我太累，都是留待下次才買！又平又富特色的本地美食，值得一試！

我之前已經食過攦粉.... 無甚驚喜..... 反而.... 經常來買這裡的糕點......但轉了新包裝後.... 大縮水.... 完全唔抵食.....不過.... 男友未試過攦粉.... 就帶他來試試吧....點了香口的炸魚腐同炸墨魚卷配攦粉......攦粉未見爽口.... 魚腐味道一般.....炸墨魚卷幾香口.... 但男友嫌無乜鮮味......再加支桂花茶..... 但係味道淡而無味......男友寧願再加錢飲其他野.......

開心Sunday來了!我兩口子點了：1) 香炸墨魚卷攦粉加冬菇- 墨魚卷是新鮮香口 墨魚卷有墨魚膠又有墨魚粒, 好鮮味! 2) 炸魚腐攦粉-熱辣辣, 味道平平無奇3) 蒜香雞翼 -熱辣辣, 味道都OK4) 芝麻糕- 芝麻味都好重- 糕點平均都好出色., 不是太甜!

開心星期五又來了。因為我和男朋友不想吃太多，我想想...給我想起之前在OPENRICE內給予很多良好評價的大記攦粉糕點! 一於嘗試一下。不看也不知道攦粉是中山的....來一碗香炸墨魚卷攦粉 (受OP推介!)，果然香炸墨魚卷確是香口﹑新鮮，攦粉就像是米粉似的，用清湯配上果然清淡，平常也許吃太多味重的，久不久吃一些清清淡淡的轉換一下.. 不錯不錯! 那湯喝下有點像媽媽煮的味道，但當時她是用飯而不是攦粉。 蒜香雞翼 這個不值一提，過了火又沒有蒜香味，如果不是男朋友想食，我一定不會在這類型的店叫，他就是老愛叫人家店舖不出名的食物。最後買了六件糕點回家 (3件$10)，因為大家都說好味，所以基本上差不多所有糕都糕點過了，除了芝麻糕比較重芝麻味，其他糕點都差不多，不可以用好好味也不可用不好味來形容，我只會說吃完己不記得味道是如何。另外，我覺得和元朗那間糕點差不多。後話: 當買外賣糕點的時候，初時是像老闆娘的女人拿出我要的糕點，到了第三件她叫了一位年輕女仔(18/19)來接手，我告訴她我要怎麼糕.. 怎麼糕... 我說得也不是很快，但見她好像有點....拿錯...因為感覺不對，所以 我問她 "現在

今晚(6-11-2010 Sat)同男友出街食晚飯,我叫佢o係Openrice睇有扣佢想食o既o野,我諗起我save o左位於太子的馬家莊清真館,便告知男友,順便都叫佢再搵搵有咩o野想食.佢就搵到呢間,有特別o既攦粉,又有佢鍾意食o既芝麻糕,又多糕點,而且見呢o度有好多好評,於是決定o黎呢o度食.我o地搵到喇,坐低慢慢諗,由於呢o度有好多o野食,所以都諗o左幾耐吓.我o地先叫:1.$4.00一件o既芝麻糕黑漆漆o既芝麻糕,食落,真係好重芝麻味,但就比較黐口.味道: 4.5分2.$4.00一件o既杞子圓肉桂花糕呢個顏色比杞子桂花糕深,應該因為有圓肉吧,食落,杞子幾靚,唔錯,味道比普通杞子桂花糕濃,但我食唔出有圓肉味.味道: 4分3. $4.00一件o既蘿蔔糕一面煎到燶燶脆口,熱辣辣,有蘿蔔絲同蝦米,但食唔到太多o既蘿蔔味.味道: 3分5.$25.00o既炸墨魚卷攦粉,加$5.00要冬菇,要酸辣湯開頭得冬菇攦粉先到,但唔見炸墨魚卷,我諗應該係另上,但點解個女仔擺低時唔講?之後真係同我o既炸魚腐一齊到.男友覺得湯o既酸辣度平均;好出色.冬菇又腍又香;熱辣辣o既炸墨魚卷有三種口感,外脆,內裡o