大記攦粉糕點專門店 (Moved) New Location

成件事係咁既之前我地成班fd去食過果度D麗粉, 覺得一般般, D粉好似碎左D, 一夾就斷晒可能係麗粉既特色啦, 個人不太喜歡反而幾喜歡果度D糕點, 10蚊3件, 唔太甜, 都幾多味道揀由於學校有活動要訂D refreshment所以第一時間諗到訂大記糕點去到大記, 問佢如果訂得多有無得平, 點知個貌似老闆既女人態度好差咁講: ''無可能架喎''由於佢D糕點係獨立包裝, 就諗住問埋可唔可以一盆盆咁訂可以自己切size又環保D啦佢又話: ''無架, 無得一盆盆賣好耐架啦喎(語氣差)''好啦, 咁其實10蚊3件都喺個budget內既, 就決定左要4款口味各幾十件咁, 落左單最嬲係問佢第二日最早幾點攞到, 佢就話: ''我地9點先開鋪''問佢9點攞唔攞到,, 佢就好唔耐煩咁講: ''都話9點先開鋪囉''見佢咁串, 就問佢幾點先得, 佢又話:'' 9點後咪得囉''我地成班學生就諗住遲少少, 9點2, 3攞啦, 佢又話送糕點既師傅成日遲到, 9點2, 3都唔知有無, 叫我地9點半先去..真係當堂-口- 左..下見我地學生就唔當係客? 你打開門做得生意就要有貨架啦就僅僅因為個師傅會遲到

以前買,係大大件件,買得五六件,會有個發泡膠盒裝住,重揼揼。而家變晒獨立包裝,唔環保之外,仲細件左好多,而且感覺非常商業。呢D中式糕點,咁樣包裝法,失晒風味,講真,影響到,好似無以前咁好食添!薑汁蕃薯糕,薑味好輕微,蕃薯亦切得太幼細,失左蕃薯的重型口感。不過好欣賞佢既創意!南杏北杏糕,上次食同今次食,都好重南北杏味。但唔鐘意佢混入整粒杏,起碼都揼碎佢,食落唔會零零舍舍有粒o趙口野吖!紅豆糕,請左人食,記得上次食都ok。芋頭西米糕,唔夠芋頭粒,而且芋頭唔綿。整體糕點,質感爽而煙韌,蒸一蒸,本身favor味仲出D添!其實都算依然好食,不過都係o個句,咁機器啤出黎既形態,失晒「真」之餘,亦是傳統手藝失傳的開端....。

某次路過此店，看到門口貼了很多雜誌訪問，便決定找天來此試食。終於成行，要了墨魚片攦粉，BF要了炸墨魚卷攦粉。本來很好奇甚麼是攦粉，原來就像米線，但比較彈牙。令我最深刻的是配菜，好爽口，好好吃！墨魚片沒特別，炸墨魚卷是剛炸起，香脆！下次會再幫襯，特別想試糕點。不過地點問題，不常去太子！

之前也不太清楚攦的讀音，一直和女友都叫它做「乜乜粉」，翻過了幾本字典也沒有這字的讀音和意思，網上說這字讀「例」，解作扭轉，我想這就應該能夠形容彎彎曲曲的攦粉。晚上的人不多，我和女友分別點了墨魚卷攦粉和蒜蓉豬排攦粉，還有凍檸樂。凍檸樂是冰底，連冰和檸檬，大熱天時喝一口真是透心涼。腐皮包著墨魚卷炸得實在香脆，混了點蝦膠，所以特別地彈牙，鮮味十足。女友說蒜蓉豬排略咸，但我認為送攦粉吃也剛好，豬排份量也很足夠，而且炸得鬆脆可口。攦粉的咬口像薯粉，滑口而且味道十分特別。炒過的配菜有紅蘿蔔、唐芹、腕豆、芽菜和木耳等。便宜的價錢卻換來這麼多層次的一碗攦粉，真的物超所值。臨走時買了十元三件的糕點，分別是桂花糕，馬豆糕和西米芋頭糕。放糕點的廚窗放在門外，也有不少人光顧。獨立包裝，感覺很衛生。和女友邊走邊吃桂花糕，不太甜而且有淡淡的桂花香味，不錯！回家試了其餘兩款糕點，馬豆糕的確有很多豆和有豆香，芋頭也很稔，下次經過太子也一定要買些回家當飯後甜品。

I used to be a customer of this restaurant.But i noticed the quality of the food is getting worse.Not as worse as what happen today.In the past, there used to be a designated person who cook noodles.However in nowadays, I am suprise to find that the person who took my order is also the person who made my noodles.She clearly don't know how to cook noodles, as my noodles is in pieces and I cannot eat it with my chopstick and I meant small piece. Not only this , I found the noodle taste not as good

太座回家後，即展示手中的糕點，說是從「大記」買的，她知我閒時也會造些中式糕點，見很多人買，她也買幾件給我試試。十元有三件，要了紅豆糕，桂花糕和馬豆糕。件糕頗細件，有膠托載著，再用膠袋袋好，不環保，紅豆糕的粉質像是用馬蹄粉造而不是用粟粉，因此有晶瑩通透的效果，甜度適中，最怕過甜，紅豆夠腍，糕身煙韌，是好吃的。桂花糕有桂花入饌，而無乜桂花香味，味道較普通。馬豆糕，應是用粟粉造，軟硬度不錯，有馬豆的香味。三者中，較喜歡紅豆糕。若是路過，一試無妨，專誠去買，則不必了。

　　大記的糕點的款式多樣化，最適合我這位十分愛吃糕點的人的心意，它整體上的糕點質　　素不錯，價錢算很便宜，＄１０三件，故很抵食．　　　我的至愛是黑芝麻糕，每次都會吃兩件才停口，黑芝麻很香濃，質感很軟熟，又不太　　　甜，愛吃芝麻糊的我就十分喜歡．正！　　　至於眉豆糕都很正，超多的眉豆，很淋，又不太甜，喜歡吃眉豆的我就很瘋狂．　　但是薑汁蕃薯糕就不太好，完全吃不到蕃薯，只吃到很辣的薑汁味　　紅豆糕都有很多紅豆，紅豆不會硬又不太甜，好！　

舊年暑假又係成日食，貪佢又平又好味，又好似幾健康咁。依家明顯份量小左，價錢貴左，而最重要係：味精多左好多好多．．．一向最好味係：墨魚卷攦粉，蘿蔔糕（以往經常買一細底回家食）但最近幾個月，分別試左五，六次，每次都食既時候，心底裡都會嘆聲「唉」，因為依家真係，超級、非常、極之多味精。自問對味精唔太敏感，但都可以一路食一路「渴喉」，尤其係蘿蔔糕！雖然佢仲係軟綿綿幾好食，但實在多得過份，難以入口了...不值一試喇......好可惜。

星期日晚，響 Neway 唱足三個鐘 Tea K，喉嚨都變得沙啞，自然想吃得清淡些，人在旺角與太子的交界，行行下就來到了大記攦粉，當然要入去試試。蔡瀾先生曾在電視節目中介紹過大記出產的攦粉和榚點，店方看來對此相當受落，從餐牌或海報上不難發現「蔡瀾」二字。大記的門面比較簡單，內堂是一般的麵店格局，裝修比較新淨，空間亦夠闊落，比我想像的環境來得舒適。大記是一間很有誠意的小店，食物大多是即叫即製的，我們分別要了豬頸肉清湯攦粉 ($21) 及小欖鯪魚球小麻辣攦粉 ($21)。先來的是拍黃瓜 ($12)，餐牌上寫明是拍的，來到卻是切成條狀的，幸黃瓜新鮮爽脆，配上疑似泰式酸辣醬，入口帶著微微的辣感，相當不錯。攦粉，其實是比較粗身的瀨粉，質地圓潤滑溜，感覺跟米線差不多，口感卻更加QQ，不會太過淋軟，味道上也多一分米香。豬頸肉醃得夠入味，肥脂比例不多，可惜肉質不夠軟腍，實在有點過韌，未算精彩；鯪魚球則是即炸的，熱辣辣的放入口，外皮微脆，內裡則是軟淋的魚肉，應該是自家的出品，沾些蜆介醬吃，味道更鮮，而唯一美中不足的，始終就是有點油膩。另外，店方在湯底放了四季豆、紅蘿蔔、鹹菜、黑木耳及瘦肉絲等材料作伴襯，

25-4-2010本來又想食酸辣粉, 但想去嗰間星期日休息 既然喺旺角無乜心水, 不過去太子試試攦粉吧, 還掂上次嚟都無食到 (http://www.openrice.com/restaurant/commentdetail.htm?commentid=1981701). 叫了炸墨魚卷攦粉 ($25), 加杯一直勁喜歡的桂花茶 (原價 $10;跟粉價 $5).桂花茶: 要了熱飲的, 賣相如常清澈, 不過飲落唔覺桂花香之餘, 味道亦有點太甜, 可以更好的.攦粉: 要了「清湯」(亦可選「麻辣」或「酸辣」), 味道似係豬骨湯? 亦帶點蒜味, 不過我覺得鹹咗 d; 配料有切成絲的唐芹, 紅蘿蔔, 荷蘭豆, 芽菜, 木耳 etc, 應該炒過的, 食落爽脆香口; 主角「攦粉」即新鮮的「瀨粉」, 賣相似米線, 味道似河粉 (我又唔覺米香特別重...), 質地就似薯粉咁 Q, 而且幾滑口, 幾得意亦幾好食, 值得試試的.炸墨魚卷: 墨魚膠混了點蝦, 再用腐皮卷住炸到金黃色, 食落雖然有點油, 但炸得熱辣夠脆又夠鬆, 餡料雖然有點鹹, 但鮮味十足又夠晒彈口, 仲有粒粒墨魚肉, 好食喎

上次買左芝麻同杏仁，幾好味，所以再買多d!今次要左紅豆眉豆芝麻南瓜蕃薯紅豆我無食，眉豆我媽話普通，芝麻香滑，南瓜有驚喜好香滑，蕃薯就好似無咩蕃薯，不過都有蕃薯同薑ge香味仲要左支桂花茶，超正，好香又唔太甜，一向都鍾意桂花香味但唔鍾意食d花，呢支桂花茶口岩哂我!!!

上個月中午同埋朋友嚟食攦粉，見到大記好受歡迎，所以同朋友 12:35PM 已經到啦，好彩仲有二人位喳！ 芝麻糕：初初以為係蒸熱咗，不過原來係凍o既。可能一向麻麻地好芝麻，普通。 雞酒攦粉：介紹咗朋友食呢喥的招牌雞酒攦粉... 但朋友話雞好似唔多入味，普通，同埋啲雞有啲少，唔多夠飽。牛肉卷攦粉：湯底好味，攦粉有咬口，但牛肉卷普通。普普通通，都OK！但唔多啱口味...

去完對面米線王食野, 就過左對面馬路諗住買幾件糕番屋企孝敬下媽咪門口有好多後生仔女勁sell 10蚊3件o既砵仔糕, 好似幾熱鬧咁之前佢地o係鑽石山攪過roadshow, 無意中試過佢地d芝麻糕, 媽咪讚不絕口眼見花多眼亂, 本打算買2件芝麻, 1 件桂花, 點知唔好甜食o既老公, 又想食綠豆糕於是就打算買2件芝麻, 2件桂花, 1件紅豆, 1件綠豆 (10蚊3件, 單買4蚊1件)同左門口個妹妹仔, 邊指邊講左一次, 點知佢聽唔清楚...其實已經講得好慢我又重覆...再重覆...如是者, 講左4次, 佢覆左我一次, 點知都係錯, 我同佢講我地無要馬蹄糕, 我又再重覆多一次佢就"哦"左一聲...以為佢終於都明白我地所需點知....佢同我地講, 不如要多2件, 因為多左果件計我地4蚊我話我地要2件芝麻, 2件桂花, 1件紅豆, 1件綠豆喎, 咪6件囉...(期間我老公亦重覆左一次"2件芝麻, 2件桂花, 1件紅豆, 1件綠豆")佢自己係咁數下數下...話原來自己數埋件馬蹄糕...(妖)大家係唔係以為我終於成功買到6件糕而感高興呢...其實係大錯特錯, 千算萬算...我就係算漏左...我番到

難得路經，卻又已經吃過午飯，唯有花$10買3件糕試試。桂花糕的桂花，見得到，也食得到，但不易嗅到，不夠香。薑汁蕃薯糕的薑味頗明顯，但蕃薯不知所蹤。芝麻糕無疑最令人滿意，味道最出。3款糕味道都不過甜，質地軟硬適中又彈牙，不差的了。

2010年3月14日 ( 6-3 ) 太子 ( 大記攦粉糕點專門店 - 1 ) 下午茶 日程：( 貴族蛋糕 - 味皇餐廳 - 大記攦粉 - 大家樂 - 東海堂 - 爭鮮 )午餐過後，我倆逛遊旺角商場，後來，太座想吃朋友介紹過的大記攦粉，因沒有地址在手又未去過，只知道在太子附近，不怕，路在口裏之下，最後，卒之也找到喇。雞酒攦粉：雞肉略嚡但好味，攦粉煙韌口感不錯，比賴粉軟，嗰滑湯底幾好味。杏仁霜：落料夠多，味道夠濃。椰汁馬荳糕：椰汁味濃馬荳有咬口，但糕底偏腍。豆漿：普通豆漿，屬 o k 的。餐後總結：各樣也屬 OK 了。