大記攦粉糕點專門店 (Moved) New Location

今日同女友黎左「大記」試下「攦粉」既虛實一點左右去到入面唔系好多人地方都唔系好大先叫住碗「炸墨魚卷攦粉」($25)同埋一件煎羅白糕($4)碗粉好快就黎到試左一啖「攦粉」個感覺幾新鮮米線既外表烏冬既硬度其實有d似「瀨粉」不過入味d同好食d個湯底都幾清甜仲有好多配料如雲耳 酸菜 紅羅白絲...etc墨魚卷超級新鮮如果有d沙津醬點好應該會仲好食之後加單加多碗「豬頸肉攦粉」($21)羅白糕應該系即叫即煎同後尾加單既一齊黎幾大舊 不過冇乜特別最尾仲加多罐汽水($5)埋單都系$55超級抵食^^

去花墟買花，知道附近有好多好野食，既然未食過攦粉，不如一試，點知有驚喜。仲以為係普通粉麵，食落先知口感咁獨得，比起平時食的米線爽一點，亦都較為粉少少，就好似食幼條銀針粉一樣，哩種味道我從來都未試過，所以好surprised！除了個粉好特別之外，亦有好多特別配餸，個炸魚腐好香，軟硬適中，非常可口，要一讚！炸墨魚卷果然名不虛傳，皮很香脆，餡內咬到好實在的墨魚，一碗麵附有6條真係好滿足。個芝麻糕係我食過咁多個芝麻最濃味的一個，跟住買多幾包散裝返去食添。

一家人去旺角行街, shopping之前當然要食得好好啦! 中山呀, 是我的家鄉! 就看看他的食物得唔得啦! 好鐘意佢的攦粉, 好滑, 比米線更好吃, 人手做的特別唔同呀! 另外鯪魚"ball"(唔識打, sorry)好正, 唔會話好多油, 我們特別好喜歡食蜆介, 真是一粒粒, 好正呀!我自己好喜歡吃糕點, 唔太甜, 喜歡!

在食評家的食評中，認識了攦粉，好有興趣試嚐一下在老公的陪伴帶引下，才找到這食肆，平時真的很少在這附近開餐。我撰了清湯的鮮炸墨魚卷攦粉：湯粉的身形比米線粗圓，味道也很相似，煙韌滑溜，而湯內加了咸菜絲、紅蘿蔔絲、木耳絲、豆角絲、中芹絲和肉絲，所以味道幾鮮甜唔會成碗味精湯咁，個鮮炸墨魚卷另外用碟上，幾細心咁樣就唔會比啲湯浸到淋哂，墨魚卷的腐皮夠脆、墨魚肉彈牙爽口好味，都好值得試下老公撰了小辣的鮮炸蝦卷攦粉：其實同炸墨魚卷攦粉差不多味道，只是碗上多了一羹匙辣油，炸腐皮包著的是蝦膠，味道同樣香脆彈牙好味要是兩者比較，我覺得墨魚卷稍好一點。撰了以上食物，飲品半價，原價十元一杯凍檸檬茶，只需五元，咁抵飲，叫了兩杯凍檸檬茶：上枱時，一眼上去，咁深色既，一飲之下，很苦澀，重好似有陣隔左夜既茶味，好難飲，唔好話半價，送都唔要雖然都幾飽，很想試糕點，心想好吃的話外賣回家，叫了一塊紅豆糕。紅豆糕：店員很細心，一塊切成四小件，但賣相麻麻地，一食之下，糕身太軟，豆又不夠香腍，覺得唔好食成碗攦粉同食材都好好味謝謝前眾食評者介紹，但杯檸檬茶同件紅豆糕真係麻麻地

平靚正一向是我的開飯目標，所以我也留意了小店一段不短的日子，最終也能會一會它。小店在太子地鐵出口附近，不過附近人煙稀少，經常到太子的我，也是第一次踏足附近。攦粉有點像米線，不過因為淋一點，是比較碎和斷。而湯底有三款，咖哩、酸辣和清湯，最後兩碗也選了清湯，清湯湯底只有鹹味，金菇卷的一碗加了芡汁，湯底會美味一點。湯粉內有很多不同的配料，有酸菜、青豆條切薄條，木耳等等，看上去是豐富，不過味道還是單調。豬肉金菇卷，平日吃到的也是肥牛版本的我，感覺到用豬肉會韌一點，沒那麼好，不過個汁幾夾味道，也加了湯底的分數，有得有失，不過下次不點。鮮炸蝦卷是好吃的，蝦膠中感覺到加了墨魚的鮮味，墨魚粒粒加了實在的口感，外層的皮也幾香，入來也應該要試試。本來點了煎的蘿蔔糕，不過來了蒸，綿綿的，感覺也是不錯，而送的比例不高。忌廉南瓜糕和西米芋頭糕也是凍糕，南瓜/芋頭味道均不突出，勝在細細件又夠凍，不知下次可不可以試到大家也讚的芝麻糕呢(今次賣清)。眉豆茶果皮中間的眉豆餡料其實也足夠的，不過最後吃剩的，就只有那個漿著口煙煙韌韌的皮。鮮炸蝦卷的確是值得吃，蘿蔔糕也不錯，因為低於期望，所以只俾OK，如果有下次有更多合心水

響旺角行行下街發現「家樂」隔離有個小型美食展答條電梯就落到去其實個場好細 冇乜特別不過就比「大記」吸引住佢標榜「美食節每日賣3000件」行到埋去見到有好多糕點$4/1件....$10/3件.....$20/7件...etc老闆娘話「隨便試下 唔買都唔緊要」小弟就好唔客氣咁差唔多試晒咁多款-_-食食下 味覺都開始亂-.- 最後買左7件唔同款不過番到屋企發現包裝件件一樣所以開完出黎 其實唔知佢叫咩名堂-0-清清淡淡 唔系太甜 都幾好食太甜既都唔健康幾抵食丫 又有獨立包裝 好衛生下次去佢太子既鋪頭再食過^^

因為要攪結婚事宜，旺角金都是必去的，但唔知食乜好，老公提議去呢度，因為好似幾出名。位置上唔算難搵，坐底左，又係花多眼亂，最後叫左一碗炸墨魚卷攦粉。攦粉同炸墨魚卷分開上，最好不過。碗攦粉好多配料，如果唔係咁食的朋友要留意一下了。攦粉我覺得即係粗ｄ既米線，聞說攦粉係瀨粉既正字，不過我覺得似米線多過瀨粉。炸墨魚卷有五條一開二，咬落去似某ｄ地方既魚肉春卷咁，墨魚彈牙，唔錯。之後再同屋企人黎過一次，兩次都唔差，有機會再來的。

今天去旺角上堂，放學後約老公去逛花園街，行完街想吃點有特色的食品，記得在 open rice 網頁內以太子區作搜尋，除「金華冰廳」外，最多好評要算是這間「大記攦粉」了，就決定帶老公來這裡試試。到達時約黃昏六時半左右，我倆選了一張牆角圓檯，雖然是小店格局，但由於店內客人稀疏，坐得頗為舒適，也很清靜。由於我和老公都未吃過攦粉，所以就點了這裡最多人稱讚的鮮炸墨魚卷攦粉 ($25) ，紅油抄手 ($20) ，糕點套餐 ($13) 及最尾加點的蘿蔔糕 ($4) 。據聞大記本身在中山三鄉專營攦粉和糕點，是一間老字號，而本港所做的攦粉就依足家鄉傳統做法，不下澄麵製作，首先把米漿倒入圓筒內，筒底有些小洞，流出的米漿呈長條狀，再注入一鍋煮沸的湯中，一下子熟了便做成為攦粉。做出來的攦粉，外型和粗幼度有點像烏冬，挾起來既不易溜走，質感亦較粗，入口更會嘗到隱隱的米香。至於這碗墨魚卷攦粉，湯底是用上傳統的豬骨湯，味道清淡鮮美，亦帶點蒜味，內裡加入了些家鄉小炒，包括荷蘭豆、黑木耳、唐芹、鹹酸菜、肉絲等，頗有三鄉特色，而攦粉則呈奶白色，米味濃郁，咬落較米線腍身滑口，但質感更豐厚，質素絕非工業化的產物可比。而另上

久別重逢 又平又不錯吃的太子食店點了大家推薦的墨魚卷攦粉$25墨魚卷是炸的 很香口和鮮~有彈口 不是一堆粉團~正而且分量都算多的~麵清清的~適合炎夏吃~PS~餐牌更新了~清楚了~而且服務也不賴呀？很有禮地上菜

公司搞活動~叫我去糕點好出名的大記度試下D糕點下午去到人不太多~十蚊有3件糕點~咁我就買左至出名的桂花糕,芝麻糕,椰汁糕等3件~桂花糕清香而不太甜~適合老人家口味~芝麻糕芝麻味好濃~似乎落足料的~椰汁糕我朋友試完都話好味~咁就諗住入去訂D糕點番公司食...入到去一個似系老闆娘的女人同我地傾但系個女人似系5想我地訂咁~態度好差咁話5得~話裝糕點果D5可以比我地~我5知果D系咩咁貴重喇~然後我地提出自備D盒去裝喇~佢又話5得~根本就5系有心做生意的~雖然我地5系訂你好多糕~洗5洗咁樣呀..好似要人求佢咁..間店咁出名~但系D員工個服務態度咁差的~以後都5會再去幫襯~

攦粉粉點是我的最愛，十分彈牙可口，又不油，特別是雞酒攦粉，好味又補身，正! 除了雞酒攦粉，桂花糕都是一絕，清甜可口。 仲有蘿蔔糕、 紅豆糕都好好食。價格唔係好貴,蔡瀾都讚不絕口,所以值得一試!!

行過見到中式糕點, 心郁郁, 買左眉豆糕, 紅豆糕同芝麻糕.芝麻糕都幾好, 幾有芝麻味, 紅豆同眉豆糕D豆硬左少少, 2者都糕還糕 豆還豆, 我都係比較鍾意撈埋一齊, 即係好似件裝紅豆沙果d, 而且D糕好似庶汁糕, 都冇紅豆味同眉豆味!

成日行過都冇買, 今次終於有機會試吓佢既糕點, 十蚊三件, 我揀左綠豆糕同芝麻糕, 本來我想食埋紅豆糕, 奈何賣哂, 於是我揀左眉豆茶棵, 兩款糕都好好味, 就好似食緊一碗綠豆沙同芝麻糊, 最緊要佢地唔太甜, 係清甜, 而且唔會「實的的」, 獨立包裝, 靚就好靚, 不過我覺得冇咁既需要囉~~至於個茶棵就麻麻喇, 個餡都ok, 但太油, 扣哂分

同事好好, 佢每次出開旺角, 都會買大記返黎請我食今次佢買左2件馬蹄糕, 芝麻糕, 桂花糕, 桂花杞子糕, 西米糕我自己食左桂花糕, 馬蹄糕同桂花杞子糕:桂花糕: 好清香, 又唔甜, 最岩我馬蹄糕: 唔會太甜, 唔太膩, 唔同酒樓個d桂花杞子糕: 勁中意食呢個, 俾桂花糕更好味, 令桂花糕o既味道再昇華不嬲都唔中意食太甜o既野, 大記糕點真係好好味, 好岩中意小甜o既我

開始留意大記原因好簡單,就是人人都讚的蘿蔔糕.因為我都鐘意食.'暗戀'大記都有一段時間,又是有緣無份唯有等!等呀等,今天正好在太子幫姐姐手,攪掂工作後仲帶埋姐姐一齊來食~~~由維景酒店行過來都不用兩分鐘,不過小店毫不起眼~好在有帶列印地圖出來,如果唔係又會行過龍.我們都好肚餓,所以決定點兩碗粉分享.攦粉款式多達二十款,由最平的18蚊至25蚊都有,我當然食大記名物-炸墨魚卷攦粉.姐姐不知道要什麼好,就問落單這位肥仔哥哥,他說醬醋骨都好吃丫.所以就要這個湯底都有得選,清湯,酸辣湯,和麻辣湯.我們點了頭兩樣試下.醬醋骨攦粉先來,未睇先興奮,因為有很多很多的配菜哦長豆,紅蘿蔔,青瓜,木耳,芽菜,紫菜等,全部都條狀和絲狀,但口感仍爽!醬醋骨有很香的花椒八角,味道甜甜的,甜味入肉入埋骨.好好啜~不過肉質較鞋.至於個湯可能加入左不少醬醋骨的汁,變得好鮮甜,好鬼好飲...我簡直大飲得飲添攦粉無論顏色和樣子都和米線沒分別,姐姐還多次問我"這是米線吧?" XD我就覺得比米線粗一點.但比米線更滑身.而炸墨魚卷果然美味!!!新鮮炸起,勁熱呀~薄薄外層卜卜脆,墨魚膠混合蝦膠,裡頭真係有好多墨魚粒粒,彈呀彈呀的口