德國餐廳 (Moved) New Location

環境不錯的小店平時無行開大角咀，同幾個朋友上星期黎行街，見到依間小店，環境裝修好似外國餐館甘，見食評都唔錯，就入左黎食。果然無失望，叫了幾款經店員推介既燒豬手，皮脆肉嫩，口感豐富。超級香腸拼盤，腸仔好有肉汁，而且有很多款，不錯不錯。卡邦尼意粉，有巴馬火腿點綴，賣相吸引，汁也剛好既質感，同同事都讚好。燒排骨，醬汁非常濃郁，一放上枱，就嗅到好香，口感一流，值得一試。不得不提的是女店員服務態度很好，有禮貌，很親切，又主動幫我地換碟。其次，依度有好多啤酒選擇，我地都揀左兩款，一款系士多啤梨酒，一款系朱古力酒，平時出面餐廳好少見到，兩款酒都很特別，很香。我同同事都非常滿意依餐，下次會再黎。

我在Yahoo 團購買了一張代用卷，點知去到餐廳才知道規矩多多⋯⋯感覺有如乞食。埋單的時候還要求用現金找數因為我是用團購優惠食物非常一般，餐廳服務真的非常差！我相信以後不會再光顧。

平時食lunch行過呢間餐廳都想試下 於是星期六唔洗番工 咪約埋同事貪新鮮試下啦 order 左燒豬手 Ribs Nachos 試下啦 豬手ok 好食 可惜比較細隻 個Ribs 拎出泥時份量都好足 點知一切開得3成熟 仲有血色 仲要凍既 依度既廚房會唔會太hea?我叫個樓面拎番入廚房整番熟 比左一次機會後 再拎番出泥 再切又係唔熟 喂大老 比左一次機會你架喎 第二次都係唔熟 咩料 堅嬲囉 廚房勁hea 搞到我朋友都唔好意思 咁叫樓面彈番入廚房 我心諗牛就話又幾多成熟姐 豬都可以半生熟食既咩 第一次唔熟唔緊要呀 第二次都係咁 知唔知好易肚痾架？最後全晚最伏係個Nachos囉 好似開左包Nachos 就咁倒落去 個醬仲要凍既 咁就收我$48呀？廚房叮都無叮過就出 無野呀 我不如去7仔買包泥食仲好 完全無加工過 無下次囉 以後唔會建議同事落泥食lunch & dinner 廚房完全無心機出餐 離譜

諗住同屋企人補祝聖誕節 記得之前係博文街食過一間德國餐廳都幾好食 媽咪至愛食牛 嗌左斧頭牛肋骨 安格斯肉眼扒7成熟 點知舊骨嚴重over cook 囉 十二三成熟囉「硬扢扢」又乾又柴 炸豬手炸過硬 不過尚可接受 肉眼扒縮左水 西班牙火腿Caesar Salad 中規中矩 又加左價又縮水 舊牛肋骨媽咪嬲到想彈番比廚房 諗住一家人開開心食餐飯 唔好搞壞氣氛 點知舊骨一上到台就影響晒食慾 唔係樓面姐姐態度有禮 我地先算數 番到屋企媽咪連我都嬲埋 唔應該比條牛肋骨價錢 老實講錢事小 令都屋企人唔開心事大 強烈建議呢間餐廳老闆cut左牛肋骨 真係牙都可以咬崩 咁既食物都出去 個廚師唔好再求其d 當晚又唔係太忙 都只係一兩台姐 都可以over cook成咁 無藉口 完全係乾到肉本身汁都無埋

我真係好少打食評，少到之前個account都唔記得叫咩名&passward。我都明白呢到啲食評有唔少水份，都唔係多到咁呀嗎?!呢間酒吧餐廳，係我趕去上餐樂堂0既時候見到，諗住上完堂都唔早，pub dinner 都唔錯。認真，我都去過唔少地方食pub dinner，當然有好有唔好，唔好0既都未至於我要上嚟打文。我呢唔會口講無憑，我都叫啲唔會死0既野0家啦，點知個Nacho上到來係燶0既! 我個佬見到已經想成張單cancel，係我話要俾個機會佢。芝士焗薯條，我都無諗住會有好正0既薯條0家啦，喂!俾少少心機得唔得?! 我啲香蔥呢?我唔食肉0既，碟spare ribs係我個佬0既，我條佬已經俾係佢工人姐姐訓練到只要有啲味道都食得落口，有多啲味道都叫好食。一個咁無要求0既人都話難食，咁樣就真係好難食。到我想俾錢走人，我要走出去搵人幫我埋單，咩玩法?!呢餐連埋杯啤酒，食咗$400幾。好食0既，我唔介意俾，但係唔好食呢!!也許你地會諗，我唔打食評，無乜食過好西。唔好意思，我由細食好西食到大，你要我講一堆食好西餐廳俾你都得，不過，呢間真係無下次囉!仲要係連鎖，我屋企附近有一間，真係同friend去飲2

勸喻大家去之前要諗清楚，呢間餐廳同佢對面同group 嘅另外兩間餐廳都可以冇洗手間，問個度啲人佢地竟然叫我去一座住宅入邊嘅公厠，去都唔緊要，但係人家住宅要用開門卡開閘，佢地夠膽死係冇卡可以入，再問佢地，佢地叫我等下人地出入個時我去，住宅黎架喎，隨便入得去個保安都有問題啦，佢地仲要標榜飲啤酒嘅地方，但係竟然係冇洗手間嘅😡😡😡😡😡😡😡

網上訂購優惠套餐算係抵食, 另外點了烤乳豬. 德國豬手 - 皮脆肉嫩, 但味道不足. 德國腸拼盤 - 夠大盤, 味道不錯. 墨西哥薄餅 - 沒特別缺點, 但味道不吸引. 乳豬 - 熱度夠, 皮香脆, 但肉無味. 意粉 - 味道不錯, 但太乾身食物味道有改善空間, 主要是太淡, 唔入味. 但勝在夠份量. 啤酒 - 夠凍夠大杯. 款式夠多 有差不多二十款. 環境比較迫, 但也有小店氣氛. 服務員太忙, 但勝在有禮. 

間舖好熱。。係好熱。。好困聲。好焗。好迫。。特式啤酒有一半係無貨的。其實啲嘢食亦唔算好食。。。亦唔算平。。。。如果係團購或訂座套餐。。。噤288係好抵。。因為係油尖旺大角咀太子。要288食飽兩位。。。應該有難度仲要又啤酒又豬手。。。但只係唔好浪費食物嘅飽。。。我好少評餐廳。。。。但佢真係。。真係真係真係唔好食。。。。豬手皮。。。是硬的。。。沙律菜。。。是淋的。。。腸拼盤。。。咸咸咸同咸。。。算啦。。。。我唔會再去！！

今天專程去試一試大角嘴的德國餐廳，可惜主打的豬手唔夠熱，芝士焗薯又少芝士，樣樣都要等好久，壞冷氣無服務！這世都不會再來！朋友之後要即刻去英記吃油渣麵頂肚餓！大家千萬不要去試！😱

同友人去覓食，知道有間德國餐廳係大角咀，即刻去搵佢出黎試一餐。德國豬手：勁勁勁好味，皮好乾脆，但仲保留到豬手的肉汁，唔會太乾👍🏼好味道唔記得影相🤦🏻‍♀️我係超鐘意呢道既酸菜💋豬肋骨：好有自家制既感覺，醬汁唔太濃，但足以令人回味👍🏼肋肉骨分離，好淋身，入曬味❤️配菜薯條唔油，粗身大大條，食唔停口😂德國腸拼盤：滿足曬5個口味，不過四個人分享，好似仲有啲唔夠喉，因為太好味了。呢個係配薯角，又係食唔停的😁

這天和男朋友外出吃東西，試試這個團購德國餐。先來了這碟沙律，選了油醋作醬汁，另外還有一種醬汁可選，但已忘了是甚麼。蔬菜很新鮮，配上醬汁酸酸的很開胃。香膓很大碟，個人覺得深色一點的膓較好吃，但不喜歡黃芥辣的味道，於是只沾了茄醬吃。接下來主角出場了，豬手皮炸得脆脆的很香口，而肉質很嫩很多汁，十個讚！唯一美中不足的是所提供的兩款醬均是有芥末成份的，所以我放棄了，不過其實不沾醬也夠味。這團購餐當然也包了兩杯啤酒，但我忘了拍照。啤酒選擇非常多，除了一般啤酒外也有少數有甜味的酒，連平日滴酒不沾的我也能夠喝完一整杯！

不是難得的小店，而是難得去小店拖住麻煩豆丁，原本想在奧海城吃晚飯，但商場一期裡遊人如鯽，根本沒有位置，在行往二期時，太座說要到博文街吃。我是不太願意，要知道帶著bb車，上落滙豐大廈和在小店坐是多麼不方便，不過為免家變，唯命是從也。店子好小，不過客人更少。坐在近窗位置，沒有bb椅，抱著掙扎的豆丁，快速品嚐西班牙菜，無錯，係西班牙菜。呢間德國菜同對面西班牙餐廳應該是同一個老闆，所以可以照點對面餐牌。結果點左西班牙海鮮飯、炸魷魚、同埋一杯薄荷朱古力沙冰。炒飯係兩人份，海鮮料算充足，蝦、蜆、青口、魚，飯都幾乾身；炸魷魚都幾多件，不過唔算特別，始終炸嘢味道都差唔多；最正係沙冰，在炎夏，喝一口冰凍沙冰，朱古力味濃，薄荷味出，都係一種享受！地方甚細，一班人就難搵位。服務一般，人手相對客量算充足。最後食左350，就快快帶住豆丁回家。有機會再試德國菜！

等女友收工，拍下拖，當然要揀返間有情調既餐廳。雖然呢到細細地，但佈置都幾有格調，適合兩小口子黎談談情 黎到德國餐廳+酒吧，又點可以唔試下德國咸豬手呢樣名菜呢?!德國咸豬手配酸菜薯仔沙律，咸豬手熱辣辣送到，香噴噴得黎又脆卜卜拮入皮果下，真係脆到有聲，皮質好滑嫩，皮下脂肪稠稠地既質感先最正豬手當然幾咸，但配上酸菜薯仔沙律，真係可以中和返咸味，同時又有D酸酸地，幾開胃架 如果可以配返杯啤酒，就更正，酒精飲品都幾多選擇，有隻花味酒好似幾出名添本身都想試試，只可惜女朋友唔比我飲酒拉

團購 以六折價錢優惠，吸引了我去吃這德國餐廳。首先叫餐飲，吃德國菜當然要飲德國啤酒Das Bier Lager（最高那杯)，一杯Hoegaaden Rosee( 紅色那杯），一杯石榴汁。石榴汁不好飲，可惜我唔飲酒，只能飲果汁。雜腸拼盤有最長的芝士豬肉腸、豬肉腸、辣肉腸和最細條的芝士腸。各種腸味道不錯。德國菜主角炸咸豬手，皮好脆，肉好嫩，不多肥肉，味道不太咸，所以就算食好多肉也不太膩。配菜的酸菜不夠酸。香草醬煙三文魚意粉好濃香草味，意粉煙韌，夠口感。雖然食了豬手和肉腸已很飽，但這意粉實在好好味，所以我都不斷繼續食。這餐因為用團購優惠，折實只花了460元吃了三個菜，三杯飲品，所以好抵食。

之前買左團購所以就打算黎試下好冇食其實我同女朋友都好鍾意食德國野，由其係食豬手間店比較細，大概可以坐到六張枱左右，所以如果真係想試都要預早打電話訂枱不過我黎過三次，每次都係唔滿既，同埋都算坐得幾舒服坐定定就叫野食，我地又叫左個豬手同德國腸拼盆～我比較喜歡呢度既豬手，佢會預先一早砌開一件件，望落都幾靚同埋佢有個薯仔沙律我都係好喜歡既之後就黎左個腸既拼盆，呢個就冇咩特別整體上如果兩個人食叫兩個都夠了，如果唔夠食可以加多個沙律，咁就夠晒啦～