德國餐廳 (Moved) New Location

心血來潮想食德國豬手，於是就黎左Das bier滿足一下🤤餐廳掛左好多畫，幾有外國feel🇧🇪先點個意大利巴馬風乾火腿做前菜，值得一提啲火腿都會有一片酸瓜，中和番Parma ham既鹹味。👍🏻黎到德國餐廳當然要試豬手，今次就點左呢個德國鹹豬手配酸菜及薯仔沙律，豬手外皮焗得岩岩好，都幾香脆另外仲叫左塊Angus rib eye steak, 夠晒大塊同厚切😆好夠味呢到Happy hour 150有3pints😎都幾抵個人都幾推介黑啤 幾易入口 唔會苦整體黎講都唔錯，想食德國菜或者想搵地方同三五知己傾計黎呢到都幾好😎

早幾日係大角嘴附近放工，想搵個地方同同事飲下酒傾下計，與其留係奧海城，我地決定去後街兜個圈搵下稍為經濟啲嘅餐廳，經過呢間徳國餐廳見環境清靜，又有徳國啤飲，就入去一試。剛過去的節日經常外出食飯，呢日我同同事決定食得清淡一點。先要了個Parma ham沙律，沙律份量相當大，沙律菜夠新鮮味道清新，Parma ham則咸鮮而不油膩。再叫了個時令菜色-白汁煮青口，白汁不會蓋過青口的鮮味，青口肉亦大大粒不會有沙，份量夠3-4人食，這款限定菜式確實不錯。來到德國餐廳當然少不了腸仔拼盤，我地叫了大的拼盤，足足有四五款不同的腸仔，我同同事最喜歡吃德國鹹酸菜，呢度嘅鹹酸菜鹹味酸味平均，味道不錯。最後我和同事雖然已經很飽，但是還是想吃點送酒小菜，我地叫了盤墨西哥粟米片，自製的蕃茄醬汁混和了啖啖蕃茄果蓉，係送酒必選。

今日經過奧運大角咀嗰頭諗住搵吓有咩食 行行吓見到呢間德國餐廳咁啱同朋友又有啲想食豬手飲下啤酒 於是就走左入去為咗個鹹豬手入黎冇理由又唔叫㗎 一坐低我哋就叫咗個鹹豬手同埋一個黑啤 飲住啤酒食住豬手睇吓足球簡直係人生一大享受呢度嘅豬手$208 份量都幾大 豬手嘅皮亦都焗到脆卜卜 豬手來講覺得質素都算唔錯跟住我哋都叫咗一個意粉中和下諗住有啲澱粉質落肚 另外我哋叫咗一個美式燒排骨 $138有九到十舊 份量其實都幾足夠比幾個人share 個人覺得佢個燒排骨除咗唔夠脆外整體都幾好食另外推薦大家叫呢一個香蔥芝士薄餅 食落去唔會太濃但係又有芝士嘅味道 用嚟送啤酒其實都幾好總來講如果大家經過大角咀呢頭諗唔到食咩入呢間鋪頭食下德國菜飲下啤酒都幾chill

特色德國餐廳 鹹豬手抵食🤤🤤🤤平時食得多西餐都會食下鹹豬手牛扒等等但講到食鹹豬手最正宗嘅都係去德國餐廳食！今日難得嚟到呢間德國餐廳 梗係要試吓去呢度嘅鹹豬手啦 德國菜本身都係以鹹豬手香腸啤酒等等最出名 但今次嚟到就冇食到佢嘅德國腸 今次嚟到我哋首先叫咗一個徳國鹹豬手$208 呢個價錢來講呢間鋪頭嘅豬手都算大份同好食 豬手上枱嘅時候皮仲係脆既！ 我諗食豬最緊要都係佢陣皮 所以我覺得呢間鋪頭呢方面做得幾好 同其他西餐廳比豬手嘅份量都算大 唔會淨係得幾舊肉同食骨跟住我哋叫咗個香蔥芝士薄餅$88 個人覺得呢個嘅薄餅都幾好食有啲似墨西哥嘅薄餅 但係覺得呢個薄餅唔點配送既醬反而更加好味 因為佢個醬嘅檸檬味有啲搶咗芝士嘅味道 大家嚟到都可以叫呢個同埋豬手送啤酒 🍻簡直世界級享受黎到西餐廳當然唔少得個人最愛美式燒排骨$198 呢個燒排骨食落都幾好味分量亦都幾大大概有十到十一舊 食落去都啖啖肉 唯一不足可能係今次嚟食佢嘅皮焗得唔夠焦 因為本身比較鍾意食脆的既ribs!今次黎真係成枱肉 我哋仲叫咗一個法式燒春雞$148 雞嘅份量應該冇一隻咁多我諗有大半隻 跟餐仲有少少薯角 燒雞反而冇咩特別 正正常常水準

趁着平安夜就同爸媽去食一餐西餐，佢哋話聖誕節要食西餐喎😂講開佢哋上年去東歐旅行食過好好食嘅德國鹹豬手，所以就搵到呢一間德國餐廳，喺Facebook問過餐廳係無聖誕Menu(無加價😂)，咁就梗係試吓啦👍🏿餐廳就喺奧海城對面，都唔算難搵，不過鋪頭都幾細，今日就坐滿人啦😁我哋叫咗一份鹹豬手，一份香腸拼盤，同埋叫咗兩杯啤酒🍻以聖誕節來講都冇特別加價非常好👍🏿豬手配左酸菜同埋薯角，呢個價錢來講都算幾抵食。同埋隻鹹豬手好大隻，已經切開咗，豬皮好香脆好好食，豬手肉唔會太鹹，岩岩好。香腸拼盤總括來講每一隻腸都好食，唔會好鹹，同埋個皮好脆啤酒有好多選擇，問咗店員叫咗一款冇咁苦嘅黑啤，又真係幾好飲，幾易入口😃

甘岩經過大角咀，見到有芝士奶蓋Apple Cider好似幾得意就入去一試🍺Apple Cider with cheese foam (芝士奶蓋蘋果酒特飲) $62🍎隻味都幾夾，芝士奶蓋幾厚身大家都知Apple Cider一樽大概幾錢，個人覺得就甘加左奶蓋，apple cider來講就有點略貴😅但鍾情芝士奶蓋，又想試下特別口味的啤酒的朋友就一試～呢到happy hour (4-8pm) $150 有3 pints🐷德國鹹豬手配酸菜、薯條沙津 $208份量都幾大，兩個拳頭size ，送來時餐廳已經起晒d肉，明顯皮肉分離得好緊要，一入口就完全say no，個外層皮硬到一個點，而唔係脆身，好難咬開，又唔熱，似係用微波爐翻熱的感覺，又唔入味😓配搭的2款醬又好唔夾，暫時係香港食過最唔好食的德國鹹豬手😅👋🏻香草醬煙三文魚意粉 $128不了，好dry的意粉😅味道融合不了純粹想同班friends搵地方吹下水、飲下野都係唔錯既選擇，食物就不了😓

前幾日同死黨聚會，想揀d正宗d既 所以去左Das Bier🍻先係餐廳新岀又好有創意既芝士奶蓋蘋果特飲😍好好味，上面既芝士好濃味，咸咸地蘋果酒好易入口😍 爽止渴又唔醉 配奶士好新穎👍🏻德國感豬手好surprise🌟好細心，一上枱就切好左一塊塊肉炸得好脆，配附上既醬，好香口又滋味仲要好大份，果然係招牌😏我地仲叫左肉丸燴松露意大利飯都幾好味，飯唔會有黏，汁好濃肉丸好彈牙，食完唔會覺得滯環境不錯，我同朋友傾左2個鐘，好嘆✌🏻

奶蓋熱潮真的停不了，繼昨日在火鍋店看到咖喱奶蓋鍋，今天途經大角咀的酒吧，竟然見到有芝士奶蓋啤酒，Coffreestains和朋友反正都在尋找Happy Hour的地方，就進內試試。Das Bier是德國酒吧，裝修風格以木色為主。主打德國及西班牙菜，其招牌菜式包括德國腸、鹹豬手及燒排骨。芝士奶蓋蘋果酒以Somersby Cider有氣蘋果酒作基底，上面是厚厚一層芝士奶蓋。奶蓋入口濃滑厚實，帶芝士咸香。蘋果酒入口酸酸甜甜，並無一般啤酒的苦澀，酒味也不突出，很易入口。蘋果酒的微酸剛好中和了芝士的飽滯感，加上氣酒的微量氣泡，喝下更覺清爽。德國香腸拼盤內有四個款式，包括芝士腸、辣肉腸、芝士卷腸和紐倫堡香腸，旁邊還附有酸菜和薯角。其中以芝士腸最為惹味，切開清楚看到芝士湧出，非常吸引，作為佐酒小食相當稱職。

放工食完dinner想同班friend再傾多彈計，再去左呢間餐廳chills下～平時奶蓋水果茶、抹茶就飮得多，今次竟然有奶蓋apple cider，係平時飲開既Apple cider上面加左層奶蓋，係幾特別，上面層奶蓋都有apple cider味，估唔到個味道都會夾，但係略厭個個奶蓋都打得唔夠thick，比起出面d芝士奶蓋唔算好好。出面自己買支apple cider，大家都知幾錢，加層奶蓋變左要$62，好似有d過份。另外嗌左個配酒菜，德國鹹豬手配薯仔沙津，都幾大舊豬手，餐廳已經起曬d肉，外層個皮炸左，唔會好油，但其實好硬，好難咬，豬手舊肉都算嫩身，但係唔算好入味。

如果想和朋友小酌幾杯奧運匯豐樓下的酒吧街是一個好選擇隨處都見到外國人氣氛有點像西營盤的高街這間叫德國餐廳的是一間小店主打德國及西班牙菜於是點了新出的芝士奶蓋蘋果酒和招牌德國香腸拼盤芝士奶蓋蘋果酒上面的芝士又濃又滑和蘋果酒甜甜的味道配搭很驚喜香腸拼盤有配薯角和酸菜其中一款一咬便有芝士”咇“出來 非常邪惡於是我的評價一如既往#送酒一流 #比多杯酒我

用咗團購卷，打算試下啲正宗嘅德國菜。去到餐廳位置時，侍應同我地講已滿座，但帶我地去另一間西班牙餐廳就坐 lol🤔 果時覺得怪怪地，但見到餐廳menu有哂德國菜同西班牙菜揀，就無為意，每樣叫啲試下。 首先講下德國菜部份，總體嚟講幾滿意。2L Erdinger黑啤，飲到超級滿足。唔知係咪用木桶裝啤酒，我係岀面買返呢隻牌子嘅樽裝啤酒飲唔返呢隻味🤔 木桶裝住嘅小麥味香好多🤤 香腸拼盤，配啤酒一齊食一流。比起其他餐廳唔算油膩，可以一試。 另外叫咗啲唔係德國菜嘅菜式，同上面比差好遠😫 燒春雞，好乾。 西班牙繪飯，完全冇海鮮味⋯⋯ 其實可能係完全冇味 食到r哂頭，點解食物質素差咁遠🤔 我諗如果下次嚟，我嘅目標只有木桶erdinger同香腸拼盤🙁

Came here with my 朋友 to meet up cause we havent seen each other for quite awhile. We were walking down the street and this restaurant seem interesting so we gave it a shot!! The atmosphere in here is chill and cozy and they have quite alot of taps of beer choices to choose from. NIce place to chill with friends!下次就带男朋友黎 ：） 

琴日Halloween， 我同我女朋友諗住搵間餐廳食下野飲下酒，二人世界嘅過Halloween 🙈🙈我啲同事介紹咗一間餐廳俾我，話佢哋嘅德國豬手幾好味，叫我去同我女朋友試吓。一去到，間餐廳有好Cozy嘅feel ，我女朋友話好特別。我地叫左德國豬手同個Pizza！我女朋友話好好味，尤其是個豬手！入面啲肉特別多汁❤❤❤ 正！ 跟住叫左幾杯酒同我女朋友飲下，都幾浪漫。值得帶女朋友黎🙏🏻👍👍👍

Went to this restaurant with my boyfriend this Tuseday as my boyfriend heard from his friend that they sell really good food here!We went there for dinner and the staff greeted us politely! We ordered a German Pork Knuckle and a Super sausage platter and  2 pint of beer for ourselfs. They have many taps of beer to choose from!!! Plus Point Really enjoyed ourself with the wonderful and drink and the price is acceptable!! My boyfriend said he will definitely coming back here again   

之前俾男朋友帶左去大角咀酒吧街睇下有啲咩食，見到呢間門面幾唔錯，就入左去！雖然店鋪比較細，應該容納到三班人左右，但都幾企理，我哋就叫咗一啲廚師推介!! 叫左兩杯野飲，諗住填下肚，一陣睇戲🤣比較好食嘅係墨西哥粟米片✌🏻之前成日喺戲院叫黎食，叫左芝士醬，不過今次就唔係芝士醬，但係都幾好食，味道有啲似supermarket買到D字頭既粟米片🤣味道來講，就一般，但係服務好好，好有禮貌！又快👍🏻 食得開心👍🏻