德國餐廳 (Moved) New Location

老公之前話想試呢間的西班牙海鮮飯，就嚟試下。除了西班牙海鮮飯，還點了羊架。羊架很快送上，肉質嫩滑，不過唔係好夠羊味。點菜後半個鐘，侍應話因爲的飯用晒（半個鐘先發現？）要煮過，要多等10-15分鐘（的飯用晒？是預先煮定的嗎？）問我地等唔等。我地話等，因為本來就是想食這飯，而且轉其他菜也要等十多分鐘吧！結果，再等咗30分鐘（我都知煮這飯用的時間不少，但待應剛才明明話10-15分鐘）飯終於送上。味道好一般，完全冇海鮮的鮮味，完全不值等1個鐘☹️結論：冇下次👎🏻👎🏻👎🏻

買了團購劵，地方是方便的，奧運站行去10分鐘到，吃了燒豬手，薯角和燒春雞!春雞賣相不錯但燒乾到似雞乾。。。很難吃，要說3次。。薯角還可以，炸到好脆，但油膩到，吃後滿口油脂。。豬手也是炸似的，皮似炸豬皮，豬手肉有點咸味都可以接受!伴菜都可以接受，但薯蓉是凍的很難入口，上年來過吃好好味，今年可能廚房換左廚師，真的很難吃，不會再來啦！😁😁還好有1個侍應會落單，埋單，去的時候是下午茶時段沒有另外一枱客人，夜晚應該適合飲酒嘰酒吧！

經常都食德國鹹豬手，今次轉試白豬手，其實都係第1次食，唔知咩料🤣見到佢白雪雪有啲呆咗，切落去去軟腍喎，味道唔係好濃郁，但薯仔沙律幾好食！唔係炸冇咁滯，但都好飽肚。飲得酒都可以試吓佢嘅黑啤呀，幾多選擇。

全程冷氣唔凍，一間食肆點可以唔夠冷氣。啤酒又唔凍，啤酒唔夠凍，真唔知點飲埋食桶。😓Whisky cocktail 又冇酒味覺得被騙最後來個扒都係唔熱既😑你叫點食落去😤雖然可退貨真係冇下次。。係一定

約了三五知己，想找一間酒吧廳餐閒聊，於是想起了這間餐廳。以食德國菜來計，價錢尚算便宜的，生啤也有優惠(Hoegaarden、1664、本地啤等)3杯$150是抵飲的，但座位就相對來得比較迫！本地啤─香港友，要支持本地友，單一杯好像要大概$80多，真心覺得以這個價錢的話就不抵飲，以優惠價$150/3是可以的，味道有點兒似1664，而酒精濃度會比其他啤酒高少少，我覺得啤酒好飲與否好視乎個人，但基本上大部分人會好介意夠不夠凍，雖然我見餐廳有事先將杯雪凍，但總覺得爭少少，還是不夠凍！德國豬手─這個菜非常出色，外皮燒到剛好，不會太油，咬口鬆脆，而肉質更為抵讚，保持了肉質幼嫩，點上蜜糖芥末漿，絕對是一道美食。當晚我們一共有4個人，我們一共叫了兩隻豬手，所以我覺得是值得推介！接著就是災難的開始……Parma Ham─甚麼味道也吃不到，只有一個字咸，或許759最平的也比這個好。烤斧頭一字牛肋骨─如果講我聽是素齋扮牛肋骨，我或許會較容易接受，無牛味、肉質柴，完全是一舊燒過的湯渣。德國腸─沒有香煎的德國腸，但咸味十分，非常災變！肉丸燴松露意大利飯─本應是咬口，有種硬身感覺，但這個則是糊仔，偏咸，非常失望！

朋友想試就左黎食，七點去到一個人都無，好似伏伏地。兩個人叫左德國咸豬手同埋香腸併盤，豬手皮太厚燒過龍，好硬唔脆，唔算大隻，有個甜酸醬幾好味。香腸味道幾好。兩碟都有伴酸菜，略嫌乾身左d。食過其他德國餐廳，呢間性價比叫係低，裝修唔夠人地靚，食物唔大份又唔特別好食。兩個人食都叫食得飽嘅。啤酒就抵飲啦，九點前都係$58，有港女最愛的粉紅啤酒wholegarden rosee，超甜好易入口，不過實物完全唔係粉紅色。

雖然白色情人節剛過了一星期，但是朋友仍堅持送我白色情人節朱古力，所以昨晚她約我吃飯，同時她未曾與我吃過德國菜，很想與我去德國餐廳吃一遍，當然我事前不知道她要送我朱古力，是她拿出來給我才知道。去德國餐廳吃東西一定要吃它特色名物，香腸與鹹豬手。餐牌有兩款香腸，分別是德國香腸拼盤及德國超級香腸拼盤，我們好奇問店員，原來前者是餐廳自家製的香腸，後者則是德國進口的香腸，我們對本地薑的德國香腸較有興趣，就點了德國香腸拼盤。德國香腸拼盤各種口味的香腸都令我們口水直流，超喜歡德國香腸的嚼感，咬下時有瞬間爆裂的感覺，外層脆脆的，裡頭香腸肉汁立刻蔓延整個口腔，芝士香腸滿滿熱溶芝士，吃完很滿足。酸菜沒有過火的嗆酸，反而是清新的酸，和別的德國餐廳所吃的口感很不同，香腸，豬手互相搭配酸菜，再沾點芥末醬吃，瞬間變成銷魂美食。豬手外皮烤得香脆，非常吸引，一口咬下的脆度超乎我們預期，豬手沒有可怕的肥油，酥脆不油膩，讓我們驚艷。德國鹹豬手肉部份口感紮實，顏色透亮的屬筋位置，帶有骨膠原的甘甜，嚐起來亳不乾柴。

我老公好鍾意食德國豬手，有時為氹佢開心都試下整，但次次整不好，尤其個豬手皮不脆，入面肉質不夠多汁，錢比人賺，唯有出去食😫我成日幫襯這間，出面有豬手爐。我見佢有個set 好抵，豬手+nachos +德國腸+2個啤酒。仲可以散叫呀。我們今日飽飽地，食豬手算la。等左15分鍾就到，仲幫你切到細細件，好放便食呀，個皮仲要好脆，入面肉好多汁。正呀。叫左杯小見Paulaner,口感fresh,有啖啖果香美味。環境優美，可以三五知己share 及傾計。平平地食完一餐，回家la。

講到大角咀 飲野既地方 一定系講緊博文街朋友話依間德國餐廳Das bier近排有個2L Erdinger啤酒..再加埋個腸 都只系$238 既優惠平時起碼 飲4杯啦 都五止依個價太抵喇 所以同幾個朋友 過左黎試聞名不如見面 好有外國小餐館的感覺最適合 三五知己 暢飲暢談德國腸份量足 夠juicy有誠意 薯角脆口 最適合佐酒 我同朋友仲試埋依度最出名既豬手 排骨 春雞 好有水準2L唔夠喉 再黎多2L 聽說優惠期有限 要試既就要快喇😎

平時都常去das bier 食豬手, 今次個promotion 太抵所以放出來，讚下先！ 因為雜誌介紹再去了大角咀 das bier 店飲黑啤erdinger 黑啤又香又易入口除了啤酒又有一set 德國腸送酒, 腸夠哂 juicy!我地仲叫左2set tim! 食完豬手，啤酒set之後原來仲可以用$198 order 1桶erdinger ， 所以再order 多一桶黑啤飲飽食醉都係每人2百几蚊，堅抵食！ 一定會係期限前食多次！

<豬手好味 🐷啤酒多款既das bier >😍呢間das bier其實食過幾次 只係今次第一次食佢既大角咀分店 間間都差唔多陳設 細細間 豬手 德國腸各種德國食物應有盡有 啤酒仲好多款😍 正🍴德國鹹豬手配酸及 薯仔沙律🥔 208 蚊 🐷大大隻德國鹹豬手 呢間整得好食 外面個豬皮整得好香脆 厚度同咸度都適中 豬肉醃得好入味 口感帶點筋位 夠哂煙靱😁點下芥辣同甜酸汁又得 配以帶點咖哩味既薯仔粒🥔 同酸菜 更正 😍🍺Erdinger Fischer's Helles Drught Erdinger新出既larger啤酒 泡身偏濃 口感清新 帶有少少果香 唔錯 😁Score 平均分 <8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~Address地址Das Bier大角咀博文街 6 號#dasbier~~~~~~~~~~~~~

係旺角諗唔到食咩，咁啱最近朋友介紹一間喺大角咀嘅小店專食德國野，所以就行去尋覓佢啦😋第一碟菜當然要試食佢哋嘅德國腸啦～份量都幾大，味道都唔錯架，連我平時呢啲唔係好好腸仔嘅人都覺得幾好食佢仲有茄汁同埋芥茉醬俾你揀添 不過略嫌凍左少少，如果整返熱啲就好食好多啦！第二碟菜係嚟到食德國菜一定要食嘅豬手！肉質嫩滑而且多汁，個皮都幾脆，佢冇平時啲豬手咁鹹，食嘢唔係好重口味嘅人就啱晒啦，不過真係有啲熱氣😖 最後帶咗碟燒春雞～睇相好似幾好食，但係食落有啲乾，失望🙍🏽‍♂️不過值得讚嘅係佢底下配左啲薯角，熱辣辣炸起好香口！配佢個蜜糖醬仲好夾添

放假與好友逛過奧海城，晚飯時間來到附近食街逛了一圈，見這間menu相片吸引，價錢合理，即入去Dinner🍽~店內以黃色為主調，佈滿德國🇩🇪特色擺設，燈光略暗，感覺舒適~餐牌圖文並茂，選擇滿多~ 香草醬煙三文魚意粉，煙三文魚煙燻香味濃郁，翠玉瓜清甜脆口，幼麵條質感柔韌，啖啖充滿豬肉碎🐖的鹹香、車厘茄🍅的酸香、香草🌿及菇菌🍄的芳香，味道層次豐富!😍法式燒春雞🐓，雞皮烤得焦脆，雞肉扎實有咬口，帶點肉汁，再蘸上自家製的春雞醬(以沙律醬/芥末醬/檸檬汁/黑椒/蜜糖等調製)，酸度温和，鹹香惹味，令人垂涎!🤤配菜德國酸菜十分醒胃，底托多塊薯角🍟香脆，增加飽肚感，點番茄醬食更滋味 ~每人$150有找，便嚐到滋味獨特的意粉及燒春雞，確是物有所值!😊

今日即興同朋友去咗奧海城行街，好想食西餐，但係又唔想係商場入邊食啲貴價野，就行咗去大角咀嗰邊，搵咗間德國餐廳食。裝潢比較簡單，都幾骨至，一眼就睇晒，牆上嘅裝飾都幾靚架。我哋叫咗個德國豬手食，外皮炸到脆卜卜，豬手咬落去非常有口感，入口就會爆啲肉汁出黎tim！咸度十分適中，個人好怕德國野食太咸，呢個豬手很有水準！仲叫咗德國腸拼盤食，入面有三款唔同既德國腸，仲有三款唔同既醬汁，一次過滿足晒我哋幾個嘅願望。最後叫左個燒雞食，外皮雖然冇豬手炸得咁香脆，但係都算唔錯，肉唔夠香滑，火候控制得好啲就更好喇！店員服務態度幾好，加分！

女朋友一直都好鍾意食德國咸豬手，問朋友有邊間豬手好食，朋友就推薦左依間德國餐廳，所以就同女朋友黎試，入到去，已經有幾枱人，環境都幾舒適，有空間感，入面有掛畫啤酒做裝飾，嗌杯酒傾下計最適合，食物質素很好，豬手皮脆，口感豐富，廚師仲幫我地切埋，份外細心，超級香腸，份量都幾多，咬落去有肉汁，唔錯。本身我地對啤酒唔太熟悉，所以問了女店員啤酒的分別，女店員亦都細心講解比我地知道，服務很好。最後，仲做左依度既會員，而且又有唔同既優惠，下次一定會再黎。