Dazzling Cafe (皇室堡) (Closed)

Dazzling Cafe 位於銅鑼灣皇室堡，周日晚餐時間全場爆滿，輪候時間較長。餐廳早年登陸香港，以售賣台式吐司為主打，逐漸再加入其他西餐，迎合本地市場。佛羅倫斯干貝麵，感覺有點中西合壁，日式帶子配意大利粉，餐廳服務一流，帶子的生熟度亦可按顧客喜好自選，加上黑椒炒意大利粉，味道一流。咸酥拼盤，台式小食拼盤，炸花枝丸，鹽酥雞，九不理，配上意大利沙律醬及甜酸醬，感覺不同。甜品可以說是餐廳最精緻的項目，甜品選擇極多，士多啤梨Waffle，配雪糕糖漿鍊奶士多啤梨醬，口味各有特色。

一直以為Dazzling Cafe係港女餐廳，原來都唔係，入到嚟年齡層好廣，有一家大細，有上咗年紀嘅夫婦，當然唔少得拖友同閨蜜團啦。望下個餐牌，唔算貴喎，怪唔得咁受歡迎長期有人排隊啦！菜式款式多，台式fusion西式，好啱口味！軟殼蟹沙律，隻蟹好大隻好多肉！份量仲多過啲菜。如果可以多返啲菜我會開心啲。叫咗一份蕃薯條share，估唔到份量都幾大。望落去好似炸得耐咗，但食落唔係喎，仲好moist，啖啖蕃薯肉，好味過好多台式料理餐廳喎！呢個真心推介！主菜我哋叫咗佛羅倫斯花枝干貝麵，賣相非常唔錯，口味竟然係似台式嘅炒麵，好驚喜～用咗九層塔去找，加埋適量黑椒，辣辣地好開胃。服務員有問啲帶子上全熟定半熟，服務好好超乎我意料！食物賣相靚，飲品賣相仲靚！叫做兩款熱茶，一個earl grey同大吉嶺，估唔到嚟到咁多架生（笑）果然飲茶都要有儀式感！！服務員有教我哋呢套架生點用法，仲同我哋講可以加熱水～粒綿花糖係用來浸一下加啲啲甜味（或者用後面啲方糖都得）Earl Grey另外有杯奶，好英式呀～大吉嶺有兩片乾柚子，甜甜酸酸咁，好解膩。嚟到dazzling cafe唔可以唔食甜品打個卡，窩夫必食，有4款口味，

做完yoga 突然想吃甜品，想起Dazzling Cafe 就在附近…Dazzling Cafe 是台灣女僕cafe,環境闊落，椅子有些是兔仔型狀，幾別緻還有些打卡位，不過我們坐入面😫地中海炒雜菌，雜菌全部是厚粒切有咬感，炒得夠香夠入味！極品可可沙冰，賣相一流，必打卡🤣雖然是沙冰但打得好滑，完全唔覺是沙冰👍🏻朱古力味香濃！綿綿珍珠奶茶鬆餅，升級左麻薯…鬆餅有蛋香口感軟綿，奶茶cream 夠茶味，珍珠煙韌..味道不錯…

呢間café裝修真係好夢幻，岩哂充滿少女心既黎影相打卡啲櫈都加咗對兔耳仔，好可愛，好有童話feel 明太子義大利麵意粉軟硬適中，明太子味好濃厚，本身中意食明太子既千奇唔好放過佢 青醬奶油雞腿義大利麵雞腿煎得好好食，雖然個汁睇落青bb，但食落又好creamy好好食 小食拼盤(鹽酥雞&炸薯角&甜不辣)新鮮炸，熱辣辣 甜品方面佢地既顏值同味道完全相符，可以打完卡再好開心咁消滅佢 經典巧克力鬆餅入面仲有埋麻糬，口感好煙韌 草莓蜜糖吐司吐司入面係細細粒既多士仔，每一件都好香口，食落唔會好甜，食完係大大既滿足 飲品叫左個睇見就心心眼既，好似杯小甜品咁，睇得飲得又食得

每次經過Dazzling Cafe都很多人在門口排隊，今次與瓊姐提早食個 early dinner， 避繁忙時間，就可即時入座不用等，而用餐時間為九十分鐘。仲夏Mango Time，必食期間限定的仲夏芒果蜜糖吐司， 賣相靚，而且愛文芒又超甜，生果吐司真是很香甜美味，甜品胃又啟動。番茄明蝦意大利麵是銅鑼灣限定的， 番茄醬酸甜帶微辣， 意大利粉煙韌， 蝦新鮮又爽口， 有驚喜。皇家抹茶拿鐵咖啡冰， 單看以吸引， 綠茶味不太苦澀，還清爽感。香桃薑綠茶是養生之茶， 再加多一粒棉花糖超邪惡。

🍞Dazzling都算係香港第一代打卡Cafe📸但到咗今日都係大排長龍，我諗主要係兩個優點～第一係除咗影相靚，食物質素都係高😋第二點係就算兩間分店都係大商場入面，佢嘅價位都親民過好多新晉打卡Cafe👍🏻👍🏻🍞Cheddar Cheese丹麥吐司 $98 - 用丹麥吐司做底，上面係一層好厚嘅邪惡車打芝士，打卡靚到震😍當然上面係加咗蜜糖，令你每一啖都食到芝士、蜜糖、同吐司嘅完美搭配😛但真正重點係佢個吐司，整到十分鬆脆，基本上就係酥皮外層，但咬入去又好柔軟❤️配上Häagen-Dazs雪糕同夾心曲奇，好味，特別，仲要飽過食主菜～滿分推薦💯🍞青醬奶油雞腿意大利麵 $98 - 意粉係青醬同埋好重蒜香味，十分開胃🙉三大舊雞肶肉，層雞皮煎得好脆，雞肉保持到嫰滑，同樣係高分之選😍🍞愛文芒果烏龍冰茶 $48 - 呢個係期間限定飲品嚟，用咗當造愛文芒果配搭烏龍茶，消暑又解渴🥭🍞金莎榛子可可 $50 - 呢個好有心思，你會見到佢係分咗幾層咁，記得唔好攪勻佢🙊因為佢想做到金莎咁，最下面果層係朱古力，再上就係榛子同Cream，好正😊

台式少女系dazzling cafe, 周日晚上難得不用等位，就入去坐坐。用餐時間90分鐘食品、甜品飲品餐牌以彩色卡牌形式表達。Pop pop $58一杯有齊小朋友最愛食嘅topping，配 海鹽焦糖milk shake淋上朱古力醬更吸睛！玫瑰蜜香奶茶 $50 （熱）是非常順滑正宗台式阿薩姆奶茶帶點玫瑰花香氣，幾好飲又唔太甜，而且有滿滿一整壺，性價比高，推介！青醬奶油雞腿麵 $98味道沒大問題，醬汁亦拌勻到整碟意粉。唯意粉份量較少，像輕食。雞腿肉用迷迭香香草調味都夠味！提拉米蘇丹麥吐司 $108屬銅鑼灣新品，擺盤算幾精緻，吐司疊高像小塔，淋上提拉米蘇醬，旁邊有兩塊提子曲奇、有蜜糖及一球Haagen Dazs 咖啡味雪糕可沾住食！淋上提拉米蘇嘅丹麥吐司一樣有酥脆鬆軟口感，比原本招牌吐司更推介！

去開cwb突然好想食個waffle同埋黑松露薯條，就黎到呢度。五點幾Walk in，唔洗等，非常好！可惜就冇得食黑松露薯條⋯原來六點有set，好抵食，四五百就搞掂，野食都足夠！第一次試烏魚子意粉，好香！好好食！不過比較乾，要有心理準備。Waffle正常發揮，好食！有加麻糬！不過真係太大份，希望可以好似lunch咁選擇迷你size，咁就唔洗浪費。青醬意粉都係好好食，橄欖油味多左，非常好。唯一就係飲品，薄荷朱古力就太甜，macchiato就冇上次飲咁甜，而雞翼就乾左少少。不過都唔係太大問題，會再encore。值得一提，服務員態度好好，好有禮貌！👍👍

好鍾意呢間呀！裝潢靚食物正值得寫返個食評做紀錄！一入到去，要填紙仔，店員已經好helpful咁講日期同時間比我知（我成日都唔記得要睇電話，哈）雖然只係平日嘅夜晚，而且時間尚早，但係都幾full下～今晚兩個人食，我哋一齊食意粉、飯同甜品，好飽暖心滷肉飯：呢間餐廳唔只一般嗰啲西式意粉，仲有台式便當飯。啲飯好多（我覺得如果我一個人食下次要叫少飯），一粒粒好好食，滷肉都唔係太多油，五花豬肉唔會好肥（不過有啲人可能鍾意食肥啲），溏心蛋好靚。如果需要仲可以走蔥（order時店員會主動問）。仲有蛋花湯同木耳小食，果然暖胃又暖心！佛羅倫斯花枝乾貝麵：一上碟香氣撲鼻，兩粒帶子大大隻，應該唔係煎好耐全熟，所以先咁厚肉冇縮水又唔韌。仲有魷魚圈，一樣好好味。不過建議大家都要趁熱食，我為咗等齊同影相都搞咗一段時間先起動，個麵就冇咁熱。同埋雖然唔乾身，但我鍾意再多啲汁會更加好！京都宇治抹茶紅豆鬆餅：因為愛文芒waffle已經賣晒，揀咗次選呢個。本身猶豫加唔加轉麻薯餡，礙於太飽就留返下次先試啦。好鍾意佢個擺盤，心形好靚！而且佢嘅雪糕係哈根大師，有質素保證除咗粒馬卡龍（COFFEE味）甜得濟，兩個人分享啱啱好！影咗好

今日就是特別想吃鬆餅！邊在銅鑼灣逛街邊想那裡可以吃到，逛著逛著就到了5時左右，最後走到Dazzling Cafe吃個早飯！時間尚早，等了一陣子便有位。正餐還未決定就立即點了一份《京都宇治抹茶紅豆鬆餅 $85》！製作需時，等待期間就可以選擇主食。等了15分鐘，鬆餅便製成送上。外層脆脆的很可口，入裡又有蛋糕的軟熟感，本身鬆餅味淡，配上雪糕和紅豆，甜度就剛好。之後才開始食主食：《養生。麻油雞麵線 $98》雞湯帶點藥膳味，不錯；雞肉入味但不可算嫩。《明太子義大利麵 $98》要襯熱食，明太子醬汁足夠，入口creamy又不過膩，味道香而不咸，都好吃。《Dazzling紅茶 $35》兩杯味道帶甜配有生果，其實是果茶，清甜不錯。

平時來吃午餐或者下午茶比較多，晚餐還是第一次，人流同樣多，一定要預訂座位！一直以為Dazzling Cafe只有西式食品例如多士、意粉之類，怎料看到餐牌竟然有台式食品，頓時感到有點驚訝，但忽然想起他本身就是台灣的一間咖啡室，那其實不出奇啊！今次就試試一台一西的主食：《我家。牛肉麵 $108》湯底香濃有驚喜，牛肉亦十分嫩腍有肉味，麵條麵彈牙有口感，整體沒令人失望（雖然過百元一碗牛肉麵有點小貴）。《皇家伯爵奶茶 $45》奶茶香滑，用上伯爵茶葉入口比一般更清香。《義式牛肝菌香菇義大利麵 $98》用上寬麵很掛汁，醬汁香濃惹味，牛肝菌比一般菇更有菇香，加起上來入口香郁。《樂活蜜桃柚香冰茶 $40》冰凍消暑，不會太甜。雖然已經很撐，但還是很想來一客餐廳出名的鬆餅 ，幾款之中選了《京都宇治抹茶紅豆鬆餅 $85》- 相賣吸引，本身加上了紅豆，還自選配料綠茶雪糕，鬆餅焗得外層香脆同時保持到內裡軟糯，入口一冷一熱特別滋味。

< Dazzling Cafe > 📍銅鑼灣呢間黎自台灣嘅人氣cafe 一直都好多人食 之前喺尖沙咀食過 見佢最近有愛文芒果祭 一於試下😆🥭仲夏光芒蜜糖吐司 $118呢個係夏日期間限定❣️除咗呢款仲有仲夏芒果鬆餅🧇 蜜糖吐司烘得好脆 甜甜地 加埋cream 同芒果雪糕食好消暑👻 另外一邊嘅吐司上面有芒果雪葩 個樣好似太陽蛋好得意🤣🤣 值得一讚嘅係芒果雪糕酸酸甜甜 配埋吐司一齊食好夾😋🍝青醬奶油雞腿麵套餐 $120雞腿有三大舊 肉質好嫩滑😋 青醬意粉好香香草味 意粉唔會煮過淋 另外仲有杏仁片好香脆🥰🥰 跟餐仲包沙律同飲品 沙律係凱薩沙律 飲品有好多選擇 我揀咗蜜桃柚香冰茶 唔太甜 有蜜桃味 幾好飲😆🍹愛民芒果烏龍冰茶 $48呢杯芒果烏龍冰茶都係愛文芒果祭新出嘅產品😋 唔會好甜 飲品入面有好多芒果肉 烏龍茶底清香唔澀 清新得黎又解渴👻

難得同老婆舒舒服服食午飯，當然要精心選擇一間可能受女仔歡迎嘅餐廳，於是想到位於銅鑼灣皇室堡的Dazzling cafe，坐得比較舒服而且午飯後又可以跟她去逛街、看戲。當然要訂座，否則閒日都要等1小時以上。"lunch set $98-$128" 價錢不算貴，包前菜沙律，主食都有西式和台式的選擇，還包飲品，想學整損咖啡都只是加$5。我想老婆最開心的就是加$38有迷你鬆餅。我們各點了一份主食：《蕃茄明蝦義大利麵 +$10》夠熱又夠醬汁，說說蕃茄味道不會太酸，意粉掛執汁，入口很開胃，他又有四五隻都很爽彈。《暖心。滷肉飯》常常覺得這是西餐廳，卻忘了他本身是台灣的cafe，所以有滷肉飯都很合理。滷肉飯調味不錯，對於我來說當然想分量更多。加配《Ice Caramel Macchiato +$5》加了Caramel 更香甜。加配《凍香草Latte +$5》只是加$5覺得很抵飲，味道不會太重奶味，微甜不錯。最後兩個lunch set都加配了《香草雪糕迷你鬆餅+$38 +麻糬+$8》香脆內糯，麻糬增加口感，但夾在鬆餅中間都不會太甜，所以加上雪糕甜度剛好，而且一冷一熱很好吃。

這間Dazzling Cafe 位於銅鑼灣(皇室堡)3樓嘅店舖，店面環境都算好寬鬆，坐著感覺都好舒適😙而去嘅食物質素都唔錯🤔!.蕃茄明蝦義大利麵 $118賣相都唔錯🤔，色香味都有，尤其是去嘅明蝦都夠大隻，蝦肉肉質爽口又彈牙😋👍，而去嘅獻汁沾住整個義大利麵味道適中😋我覺得真係味道十足!.甜在心。地瓜薯條 $48呢款地瓜薯條，賣相金黃一條條😮，食到入口夠哂鬆脆又帶點甜😋又有口感🤔，我覺得好好食!. 京都宇治抹茶紅豆鬆餅 $85睇見都好吸引😍，以心型製作鬆餅，真係睇得又食得😋，而去嘅鬆餅食入口口感鬆軟又帶點脆口，鬆餅面加咗D忌廉更加滑口，再食埋抹茶雪糕抹茶味好重😙味道濃郁😋!.熱玫瑰拿鐵 $48聞到香噴噴濃郁咖啡味😙，又帶點玫瑰花清香味😙，飲到入口香濃之中又帶滑口，味道都算唔錯😋!.凡爾賽荔枝冰茶 $45呢杯茘枝冰茶賣相都好靚😍，飲入口荔枝味都好香又夠清甜😋，甜度適中恰哈好!

屋企人話呢間啲嘢好好食，依次約埋一齊嚟食下😋我地平日下午時間嚟到，門口有好多人等位，好有人氣喎💗不過唔算等咗好耐～好鍾意依度粉色系嘅裝修，感覺優雅又有少女感。有部份椅子仲有一對兔仔耳朵，好cute 💗◽️莓好時光蜜糖吐司 $108見到Menu呢個厚吐司🍞好巨型好吸引，二話不說就點咗佢。嚟到點知比想像中仲巨型仲靚，忍唔到手不停打卡😆真係超開心～食落都真係好好食～熱烘烘又鬆脆嘅吐司上面有香甜軟滑嘅忌廉，最頂頂仲有Macaron同埋士多啤梨雪糕，🤤邪惡又美味。◽️綿綿珍珠奶茶鬆餅 $90呢一個鬆餅我哋都好鍾意，味道好有驚喜💗鬆餅上面有香濃嘅奶茶忌廉，上面有Q彈珍珠同埋棉花糖，中間個冰淇淋都係珍珠奶茶🧋味，成個配搭好好食😋想再邪惡啲，仲可以+＄15加埋麻糬。◽️香草焙茶歐蕾 $55凍香醇味濃，入口陣陣焙茶和奶香👍🏼◽️愛民芒果烏龍沙冰 $55是期間限定啊！芒果迷必點的🥳在香甜的芒果沙冰裡蘊藏了烏龍茶茶香，很搭配的組合。我哋依日主要嚟食甜品😋不過見到佢餐牌意大利麵同埋台式料理都好吸引，下次再嚟食。