Dazzling Cafe (皇室堡) (Closed)

銅鑼灣皇室堡中心Dazzling Cafe比尖沙咀店大很多枱張數也多好多地方非常寬敞。但都要等一個多小時，入內前帶位店員說明設有用餐90分鐘時間和最低消費一杯飲品。裝潢走少女心路線優雅設計配上柔和的燈光，最入去最入面，落地玻璃燈光光猛感覺舒服；最令人瘋狂是兔子耳椅子，很可愛呢! 我朋友一邊等一邊說希望被安排坐兔子耳椅子，皇天不負有心人她願望成功了。餐牌大致分別有吐司、窩夫、意粉、沙律，三文治和飲品等等.......太多選擇吧！朋友有選擇障礙不知道點什麼？最後由我來決定。俄羅斯花枝干貝義大利麵材料則有干貝、中卷，西蘭花和蕃茄仔，海鮮算新鮮味道都還不錯藍色苺樂蒂丹麥吐司外觀真的很吸引，真的忍不了先合照留念，切開一條一條吐司條有濃郁的蜜糖配上草莓和吉士醬，又甜又酸味道是不錯的，口感差了一點有改善空間啊~店員的服務態度不夠好，我們食完意粉要求換上新碟食甜品，追了又追足足等了半小時碟仍然未換新，我們只好直接走過去問店員反被女店員冇禮貌責怪最後黑口黑面送到。

每次想食窩夫都會想起Dazzling Cafe，雖然有唔同款式，但我次次都係會叫士多啤梨味😋，味道夠哂sweet sweet。草莓繽紛冰淇淋鬆餅 $95 鬆餅烤得外脆內軟，香噴噴，倒上煉奶、蜜糖、果醬，多種唔同嘅甜味，再伴上士多啤梨雪糕，冷熱交織，一流。蕃茄明蝦義大利麵 $118 成個意粉都沾滿住好rich嘅sauce，身為茄控食得好滿足，而且個意粉有成4隻蝦，都算大隻，而且肉質彈牙，成個意粉都好滿意。現柞柳橙汁 $48 鮮柞果汁，相比起另外兩款飲品就比較普通同遜色。焦糖芒果冰沙 $50 夏天咁熱最啱飲冰沙，新鮮香甜嘅芒果以甜到漏嘅焦糖點綴，嗜甜嘅人應該好喜歡呢款。Dazzling Cafe特調 $55 呢個好似係新品嚟，賣相好靚，飲落酸酸甜甜，夏日味十足。需加一服務費，埋單2人約$400。如果你鍾意睇我嘅食評，不妨關注我，支持吓我，謝謝你☺️💕

其實好耐之前已經黎食過一次~感覺就是: 服務很好~食物很好吃~賣相很好~環境都超舒服今次嗌左杯朱古力另外仲食左窩夫同冰沙不過太肚餓食左先記得未影相所有食物都係水準以上, 朱古力不會太甜, 窩夫夠脆, 冰沙夠清爽

今日同好耐無見既朋友食晚飯，update 一下近況，我地都係港島區既朋友，就揀左銅鑼灣dazzling，傾左一晚，好舒服的餐廳。叫左個青醬奶油雞腿義大利麵 $98，我好喜歡青醬的，這個都不錯，多了一點蒜味，雞腿不乾身，義大利麵硬度適中。巧克力蕉響曲蜜糖吐司 $98，朱古力雪糕係Haagen dazs，有品質保證，香蕉表面有用燒過，帶點焦糖風味，中間的吐司切成條狀，烘得脆脆，好味，而外表的麵包皮也可吃。我點了樂活蜜桃柚香冰茶 $40，不是走冰只可少冰，味道不算太濃，解渴。朋友的黑炫風摩卡冰 $45，也很不錯，叫了少甜少冰，剛好，朱古力和咖啡不會互相蓋過彼此味道。Dazzling cafe 特調 $55，這個新產品，樣子都吸引，但有點藥水味。

來到這裡午餐，上次有試過 pesto chicken spaghetti 羅勒香蒜醬汁雞意粉， 附帶焼雞件三舊的， 質料與味道也不錯的啊。這次又來了一個午餐套餐;Caesar salad 這凱薩沙律,這個頭盤是標準冇其他選擇的， 鮮脆生菜與車厘茄同煙肉脆碎， 這些醬汁與份量剛好不會過多。black tea 冰茶,內裡碎切蘋果粒及些士多啤梨片， 不會太甜， 入喉清新的。spaghetti with spicy chicken 辣味雞肉意粉,這個有點油爆感， 那辣度合檔， 意粉質感彈牙不是蓉蓉的， 煎香雞件們大少不一樣； 而調配入味， 還帶有些西蘭花及切半車厘茄， 紅辣椒粒及香草配搭， 這個食到最後碟上餘下一些油。服務一般； 會給您倒杯水的。入坐限時； 但食個午餐也是足夠的。店內并冇餐牌提供而用QR碼； 自行手機點餐的。。

今日去銅鑼灣買衫，買完搵地方食下午茶，喺皇室堡見到台灣有名嘅Dazzling Cafe，之前一直想試，擇日不如撞日。一入門口發現部份椅子有兔仔耳，都幾得意，少女心即時爆發；裝修以法式古典為主，感覺好寬躺。職員就安排左我地坐最入窗邊位，個view望住維多利亞公園，視野一流；順帶一提，呢到有最底消費為每人一杯飲品。———————-和風BBQ豬排三明治麵包是烘過的所以很脆，但完全唔燶；豬排是厚切，咬開時熱辣辣，而且非常juicy及香脆，再加上薄薄一層和風BBQ醬，甜甜地，令到三明治好有層次，非常推薦。——————-綿綿珍珠奶茶鬆餅呢個賣相都幾特別，形狀好似一朵花咁，鬆餅上有珍珠奶茶味的雪糕，仲有黑糖珍珠、小麥胚芽及棉花糖，食落奶茶味好香，唔太甜，而且鬆餅非常鬆脆，口感一流。呢款甜品值得推薦，啱晒珍珠奶茶控。——————海鹽焦糖歐蕾（熱）一層厚厚嘅奶泡，上面灑上焦糖醬及玉桂粉，好滑亦唔太甜，只可惜差一點點嘅海鹽味，如果能夠加重一點海鹽調節一下比例就大大加分；隨飲品還附送餅乾一塊，味道好味。——————焦糖瑪奇朵咖啡（凍）唔會太甜，有水準，上面仲有幾粒爆谷襯托，賣相好吸睛。—————-至於服務大

今日同女友慶祝升職，佢話想食甜野。黎左呢間裝修好特別，有女僕既餐廳。叫左個芝士薄餅，入面芝士好濃郁，仲有吞拿魚醬，莎莎醬點黎食。好有風味食完到甜品啦，女友見到個窩夫就哂口水啦！仲有士多啤梨味既哈更大雪糕！加埋幾款醬甘食，真係好滿足！女友士多啤梨控叫又叫左杯士多啤梨奶茶！將個杯野勞暈佢就唔會太甜，味道岩岩好。而我就叫左個西柚汁，食完個甜品飲呢d酸野就無甘流，解下d脂肪。整體上都好滿意，服務態度都好好！

相約朋友去銅鑼灣行街，未行先醫肚，嚟到呢間相當少女嘅cafe，櫈上仲有兔仔耳，好可愛呀！青醬奶油雞腿意大利麵$98-翠綠嘅青醬好香滑，意粉煙韌彈牙，雞腿皮煮得香脆，肉質嫩滑，估唔到咁好味流心提拉米蘇蜜糖吐司$108-好可愛！店員遞上嚟時啲提拉米蘇比貼紙包住，店員拉開貼紙嘅瞬間提拉米蘇醬流於吐司周圍，超級夢幻，慢慢品嚐濃稠嘅提拉米蘇加上蜜糖吐司真係超級幸福繽紛莓果布里歐$118-第一次試布里歐，外脆內軟好正，感覺甜絲絲又唔會膩，加上白滑奶油同酸甜莓果令甜品更有層次百香果鲜柚茶$45-菠蘿加上西柚酸酸甜甜咁好開胃清新Dazzling cafe特調$55-好香甜冰涼，好似置身於玫瑰園飲住冰茶嘅感覺

十二點到還沒有人，小孩多坐得舒舒服服。必需要手機scan QR code 下單點餐，系統還算容易用。水果茶好靚，小孩們好喜歡。明太子意粉好好味啊！烏魚子則一般般。帶小孩出外午餐又一推介。

今日在銅鑼灣跟朋友逛完街，朋友突然想吃甜品和吃個小食，在皇室堡附近有間Dazzling Café，印象中在尖沙咀The One 亦有分店，見到門外企滿客人，需要等位，幸店內都算大，大約等了十分鐘侍應就安排我們入座，店內環境寬闊，而且靠近玻璃還可以望到街景，認真不錯。店內以二維碼落單，非常方便，除了意粉、還有很多小食及台灣菜式、飲品及非常有名氣的吐司，最後我們點了朱古力蕉響曲蜜糖吐司$98、蕃茄明蝦意大利麵$118、凍金莎榛果可可$50、野莓荔枝沙冰$50。朱古力蕉響曲蜜糖吐司 – 單是賣相已經滿分，大量朱古力鮮奶油跟卡士達醬，見到非常有用心去製作，烤得金黃香酥的吐司磚，配料非常的多，兩個人吃一個也吃的飽飽的，我們都不知道如何下手之制，侍應突然問我們需要幫忙切開，我們二口同聲答”要”，非常細心的侍應值得讚揚。蕃茄明蝦意大利麵 - 蝦肉爽口鮮甜，每隻蝦都有去腸，醬汁非常開胃，意大利粉硬度適中，整體不錯！凍金莎榛果可可 - 可可味相當濃郁，此外還添加榛果來提升風味與香氣，讓口感更滑順。野莓荔枝沙冰 – 淡淡的果香，夠清甜，單是看賣相，已垂涎三尺。

朋友假期的最後一天所以我們相約銅鑼灣逛街度過最後的美麗時光！但是好景不常天氣下著非常大雨，剛好我和朋友在皇室堡內shopping, 購物完之後我們剛剛好有點肚子餓，就想吃個豐富的下午茶！經朋友介紹皇室堡3樓有間非常elegant以英式田園風格為主的餐廳，只睇外觀餐廳內的裝修已經很適合一大班少女和閨蜜暢所欲言的好地方，餐廳內的餐桌採用仿雲石設計配上一些椅子有兔耳朵的特色高雅又高貴得來又帶點可愛活潑！食物和飲品方面都係非常精巧和別緻，適合喜歡影相和打卡的愛好人放上IG呃like因為甜品種類非常多我們看了很久都不知道吃哪一個比較好吃，店員就推介我們本店新推出的甜品所以和朋友決定點了一個正餐，甜品和兩杯飲一齊share吃！Dazzling 和牛堡漢堡包做得非常鬆軟，和牛漢堡大大嚿超級厚身肉汁又多，配上有一點點辣的辣肉碎醬，令整個漢堡口感提升唔會覺得太單調太妃糖香蕉布里歐最新推介甜品之一：聽個名都知主打一定是焦糖,焦糖控的朋友必定要點這個甜品，因為這個甜品佈滿了焦糖不論是麵包 香蕉 忌廉和數粒焦糖爆谷都是整整給焦糖包圍著，雖是焦糖但是不用擔心不會太甜還非常美味可口！焦糖芒果沙冰又是焦糖控的必點推

已經有好一陣子沒有吃過窩夫，終於今晚決定帶男人重臨小妹至愛窩夫店🧡 點解係至愛？因為不論環境定食物質素都好好，重點係唔趕客走，可以慢慢享受窩夫！！所以點會唔係至愛？🤤黎到台式餐廳，當然要叫珍珠奶茶啦🧡🧡🧡珍珠超級彈牙，唯一唔好就係無得走甜，只能少甜，不過好彩少甜又真係好少好少啵！👍🏻餐牌出左新飲品，岩岩就中正男人最愛西柚，即刻諗都唔諗就叫左🤪 成杯飲品超有夏天感覺😌仲有超多片大大西柚，但飲落又唔係酸喎，百香果岩岩都佢中和返🙆🏻‍♀️ 唔錯！主食～ 一如以往，男人叫佢嘅麻油雞麵線🤪 男人聲稱呢個麻油雞湯係飲落香而不油，小妹試左啖，其實真係幾香，唔怪得男人次次都叫🤪 水準保持得好好👍🏻小妹就繼續揀意粉，今次試新嘢，唔再只係揀黑松露意粉🤣今次試openrice推介嘅花枝干貝意粉！大大粒干貝，勁好味🧡意粉用左黑椒黎炒，個味相對較濃！食落好香口，不過份量有d多，不論係意粉定餸，兩個女仔share應該岩岩好！最後，小妹嘅主菜！珍珠奶茶窩夫🧡🧡🧡真係啖啖窩夫都有奶茶味奶茶香，加上甜度岩岩好！！小妹一個人食左2/3個🤪🤪🤪另外要講嘅係，mochi係一定要加架！！！因為真係好食好多，仲好彈牙添🤤

話說要帶飯團去趴行比賽，所以就係附近搵間有BB凳既餐廳食個午餐先（帶住BB就知道BB凳既重要性），呢到環境唔錯，有街景比飯團望下咁我就有得專心食下嘢雞肉唔鞋，意粉夠爽，個汁唔咸加埋呢杯檸檬薑，啱晒夏天飯團婆婆點左呢個牛肉麵，湯有藥材味，麵都夠爽，不過係啲牛肉有啲韌梳打梳打唔會太甜，有檸檬，酸酸咁呢個邪惡之選地瓜條唔係周圍有得食，新鮮炸，上到台仲熱辣辣架面頭有啲咸左啲，但整體好味以午餐黎講唔算平，但絕對係放假休閒之選

黎到銅鑼灣點可以唔去Dazzling cafe潮聖 餐廳主要分2邊 下午茶時段梗係要坐有陽光的位置 望住維園景 加上好可愛的兔兔椅 店員親切有禮貌👍🏻 我地點左只有銅鑼灣分店有的巧達起司丹麥吐司 還有2個前菜墨西哥風味起司薄餅 松露薯條 飲品方面 選了仲夏熱帶水果茶 現榨奇異果🥝鳳梨 還有Dazzling cafe 特調 一上枱心心眼 加上天然光完全可以呃like巧達起司丹麥吐司 鬆脆可口 配上吉士醬烤過的起司 馬上有幸福滿足感覺 丹麥吐司層次感豐富 必點👍🏻 現榨奇異果🥝鳳梨 佢標榜100%鮮果汁 健康好味另外兩款前菜 墨西哥風味起司薄餅 好香好脆 加埋芝士 味道已經不錯 加埋吞拿魚醬 同墨西哥醬 層次更加豐富😋 仲夏熱帶水果茶 必點 好多水果 個人覺得甜左少少 加小小水就完美 👍🏻松露薯條炸得岩岩好 不過略嫌松露份量少了一點點 不過有松露沙律醬搭救 不過欣賞佢薯條嘅口感 最緊要唔油膩 dazzling cafe特調一定係呃like之選 賣相一流 味道酸酸甜甜 總括而言必定再來😋

食物品質 ok 但服務態度好差。今日下午時間去order lunch set, 落單25 min 個lunch 仲未有，去追單之後話個 salad sold out. Wah....and said 唔記得通知。個意粉仲要多幾方鐘。趕時間cancel the order, very poor service.