嚐越 (Closed)

又到左今個月第2日多謝老細的日子原本打算去食對面的小龍包, 但去到門口無WAITER招呼帶位, 而嚐越就有WAITER介紹LUNCH拉客, 就入左去一試同老細1人叫左1個SET1. 越式炒金邊粉: 老細叫的, 試左2啖, 炒得夠干身, 但無咩味, 配料眼見比較少, 雞絲札肉為主2. 越南滴餾咖啡: 老細+19蚊轉的餐飲 望落無咩特別, 只係有個容器裝左幾粒咖啡豆加熱水, 底下搵個玻璃樽裝滴落去的咖啡, 似CHEM的普通FILTRATION3. 香矛豬扒拼雞絲越南粉絲: 豬扒都算"林"身, 香矛味適中, 但當中有1條厚硬的香矛無為意咬左落去, 嚇左一嚇 雞絲一般, 粉絲好"林", 一PAT PAT, 口感似薯粉, 早知轉湯檬啦 份量都算多4. 咸檸蜜: 我餐+4蚊轉的, 唔會過甜或過鹹, 潤喉又化下啖

星期日的下晝, 德福的食店間間都排哂隊, 特別係對面既翡翠, 起碼要等上一小時 反而呢間就冇咩人, 咁唯有試下啦有lunch set提供, 最起碼都要$6x加一, 講真唔算平, 不過散叫好似仲唔抵, 就叫左兩個set生牛肉湯河: 個碗就好大, 不過牛肉同河粉既份量都唔算多, 牛肉係半生熟既, 食落好香肉味, 而且肉質都算嫩滑, 河粉食落冇咩特別, 不過掛湯能力都幾好, 加埋牛骨湯底食唔錯既雞絲粉皮當然唔係中式咁啦, 係一d粉皮上面加上切雞肉(有d似海南雞), 再加上炸蒜, 蔥&油, 食落都係乾同埋淡口, 要加少少魚露醋先得香茅豬扒&扎肉檬粉, 今次既湯底係雞湯, 比較清, 檬粉食落口感比河粉好一點, 最抵讚既係香茅豬扒, 炸得香口但肉質仲keep到夠juicy, 又有濃濃既香茅味炸蝦卷: 蝦都幾大隻既, 炸得鬆脆, 底部既薯仔味道幾fresh餐飲要左珍多冰&芒果青檸soda, 珍多冰椰汁味夠濃而已足料, 反而芒果青檸soda味道就太甜了加多$8可以多一個甜品, 要了椰汁紫米&千層椰汁糕, 椰汁紫米味道冇咩特別, 椰汁糕就帶有少少斑蘭味.野食麻麻地啦, 以咁既價錢, 可以有好d既選擇lo

品嚐越菜，通常少不了生牛河、春卷扎肉撈檬、牛油雞翼、蔗蝦等；當中最得本少爺歡心的地道食品非越式三文治莫屬。尤記得第一次吃越式三文治是高中時在多倫多華人街一越式小店內，即烘牛油法包內加扎肉、甘荀、番茄片、酸瓜絲等配菜，剩惠 CAD $1，滋味難忘。越菜的另一代表作就是「火車頭河粉」，名字的由來據說是當年在越南某個火車站，旅客聞到小販烹煮綜合牛肉河粉的香氣，匯聚了牛肉丸、牛肉片、毛肚、牛肉等配料，牛骨湯頭香氣濃厚，所以正宗的「火車頭河粉」是用牛骨湯底配全牛配料。是日初試「嚐越」，期望一嚐這「火車頭」的滋味，可惜卻是失望而回！「火車頭河粉」份量重量 cup，粉多可惜湯底卻淡而無味，生牛肉已經變了熟牛肉，太熟太鞋，牛筋硬而不入味，牛栢葉又淡又寡，牛丸則屬最正常。整體質素是中下，可怒爺！完全不推薦。「漢堡香茅煎豬扒」反而這個反高潮地不錯吃，半肥瘦豬扒外層煎得夠香，內面嫩滑有肉汁，加上面頭乾蔥碎，送酒尚算不俗。若香茅味再濃些就更理想。看來要嚐好吃的火車頭，還是要擇日到大坑浣紗街行一趟吧！

今日去睇Ella X Kelvin 既演唱會所以就去左德福食野朋友推介左呢間越式餐廳話上次食過都OKAY既然佢有主意，我就一於奉陪去到個陣唔駛排隊，因為都幾早下（七點左右）我同朋友都飽飽地，所以只係打算叫一個粉友人揀左香茅豬扒，我就揀左檬粉因為平時去食越式餐廳都係食湯河今次食下新野雖然話食得飽飽地（只不過係午餐豐富過平時少少）不過都驚唔夠飽，所以加多個小食左揀右揀之下揀左越式粉包無另叫野飲等左四、五分鐘，傾左陣偈，又睇下隔離枱叫左咩食之下個粉包終於都黎啦個皮唔會話太厚，可以見到部分入面既餡夾起個陣都幾易爛食完都唔知係咩味既粉包，可以有咩評價呢都係向主菜埋手啦一上枱，我雙眼只係留意到比較油膩既豬扒跟住先見到俾生菜同花生幾乎遮掩住既檬粉先倒上重點既魚露其實樽野個設計真係好鬼差（唔記得左影相俾大家睇添）有啲似食西多既糖漿既設計但係會勁容易倒瀉所以根本係倒唔到啲沈左係底既辣椒粒出黎而檬粉同以往偷食阿媽係屋企附近個間舖頭既無乜分別叫左好好醜醜食左一餐實際食左幾多錢真係唔記得（四、五十蚊咁上下啦）如果唔係趕時間的話一定搵過另一間

是日男友接放工,諗住去德福食飯, wa 度度都咁多人 最憎等位所以又求其入....原隻菠蘿炒飯 - 見好多人都叫...所以又試下 幾香咖哩味..,都ok wor~ 幾新鮮菠蘿粒亦很多....幾甜~南越扎肉炒粉絲 - 粉絲好入味~ d料又多! 鮮蝦卷 - 呢個好特別ar! 值得一試....果蒸皮咁好似! 入面有d醬同鮮蝦肉+竹荀! 配搭得唔錯蠔餅 - 炸到金黃色!!! 好香脆 不過冇乜蠔總結: 試下都OK既

今晚約六時三十分入座,成間店只三成滿,門口侍應問要唔要座卡位,因我們只是兩位,好正常當然答OK啦!雖不知她要我們座卡位限一個鐘內結帳,我話知佢照座到時至算,間店都唔滿,是晚點了二人套餐另加雞串燒三串,套餐有頭盤春卷,主菜咖哩牛腩煲 牛腩無牛味,成粒四方磚,成煲咖哩只得一粒薯仔及一塊牛筋,其餘係方磚牛粒,蒜容炒通菜OK啦沙爹雞串燒話明係串燒但食落去D串燒係用油炸,咬落D雞皮度就知同時埋好多油出,D雞完全無味甜品-桂花糕 好實只有面有桂花味,成塊一睇就知用魚膠開水再係面加少許桂花吊味,好CHEAP呀!!!我地個餐都未食完就上甜品,仲出菜出得好快添但我不會再有下次,食果時以為自己無咗味覺,D牛腩同 沙爹雞串燒完全無味

放假去德褔下午茶，之前去過呢間餐廳食撈檬都算ok.....今次再去簡直大失所望，食物普通選擇少，下午茶來說也不算超值，是曰三人行，點了三個套餐，份量小，吃完也不是很飽，但是最氣憤既是餐廳服務員，當天有四個侍應，冇笑容都不特止，全程黑口黑面，最過份的是我嘗試要兩杯水，但竟然分別叫了四次，等了十分鐘水還未到，最後我叫了一個女侍應來，忍不住跟她說我已經叫了四次，她才即刻拿給我，但是她的樣真係好唔願意到我覺得攞杯水有冇咁為難吖，我相信應該都可以和呢間餐廳講拜拜！

今天與姊妹淘相約一起出街玩玩，三人已經很久沒聚在一起了，所以我十分期待這天的見面。我們於傍晚時間到達九龍灣，打算一起去Megabox溜冰，但怕玩完之後店鋪都關門了，故決定先在德福吃過晚餐後再去也不遲。德福商場是個食店多到令人頭暈的地方，大家完全沒有頭緒該到哪一間才好，最後選了剛好路過的越南餐廳——嚐越試試，反正要吃那就沒所謂喇店員見人客自動上門當然不會放過，他迅速幫我們安排座位並告之有一個半小時用餐，我們被安排到一個旁邊的卡位，與主要的座位有點距離，環境頗為幽靜，非常適合三五知己聚首聊天。店員為我們送上餐牌，內裡圖文並茂，食物貌似非常吸引的樣子，當中有許多都是店家推介的，我們也跟隨這條路線從中選了三道料理：青木瓜雞絲沙律、咖哩菠蘿海鮮炒飯和香茅豬扒。等了約莫十分鐘，大大盤的青木瓜雞絲沙律就送到桌上來了！其材料非常豐富，如有紫生菜、蝦片、大量青木瓜絲、雞絲、花生碎粒和特別醬汁等等，醬汁有種淡淡的花生醬味道，而青木瓜則新鮮爽脆，味道清甜又充滿水分，使我對他的好感度激增；而雞絲量多而有雞味，花生粒亦為沙律帶來不一樣的口感，令我的食慾大開！隨後跟上的是咖哩菠蘿海鮮炒飯，記得之前小妹也提過對菠蘿

冇服務。三個人叫咗兩碗細嘅乜嘢牛脊肉湯粉，即係生牛河啦；一個迷你焗牛柳粒飯；一個越式春卷；野箘什菜粉絲同一個柚子鳳爪。兩個河粉都唔係越南河粉，係中式河粉嚟嘅，仲好嚡身添喎。一碗得三小片牛肉，啲湯又唔熱。焗飯個味道 ok，但啲飯好似叮完又叮咁，一粒粒硬嘅。春卷又係返炸咁，個心凍嘅，柚子鳳爪冇味道，$16 得一支一開四嘅鳳爪同兩撮柚子肉，唔值囉。基本上全餐都唔值亦唔值得再嚟！

101209 星期四 | 晚上課堂完畢後，想找點東西吃，想起嚐越有名的鮮黃牛脊湯粉，於是走來坐一會，要了個細碗的鮮黃牛脊湯粉 ($29)，原來有河粉、金邊粉和米粉的選擇，金邊粉少吃，於是就點了這個。不多久，熱辣辣的湯粉就出現眼前，面頭的兩片牛肉，大大片、半生熟，呈粉紅色，紋理清澈，很是誘人，快快拍張照片，留下動人的一刻後，便慢慢品嚐。將牛肉片浸入燙熱的清湯裡數秒，隨即送入口裡，唔，不是想像中那麼嫩滑喎，雖不至於韌，也說不上嚡，但就得花點時間咀嚼一吓吧，其實金邊粉下面還有三小片熟透了的牛肉片，味道一般喇。金邊粉幾爽滑，比河粉幼，卻比米粉粗，大概自己少吃，所以覺得金邊粉比河粉和米粉優勝，很不錯呢。而比較欣賞的倒是個清湯，本身清甜，沒有多餘的油份，伴著洋葱、蘿蔔、芫茜和葱，清甜得來有點惹味，都用不著隨湯粉送來的紅辣椒、青檸和薄荷葉來調味了。整體來說，鮮黃牛脊湯粉是不錯的，我試過喇，你試咗未？

很久沒去九龍灣德福逛"宜家"了,從前是去打發時間,今天是想為將入伙的新居添日用品怎料原來它也換了新居,跑了去紅點,去紅點的交通實在太太太太不方便只好在原址新開的UNI行了一陣子,然後意外地發現了嚐越時間剛剛六點半,肚中的一點呼喝聲不禁令我叫了一聲"兩位丫唔該"看了看餐牌,最令我們欣賞的始終是圖文並荗的感覲刺激沒有什麼比它更能結結實實地直接勾引我們強烈的食慾"寫野丫唔該"...."先生想要咩呢?""哩個,哩個,哩個同埋哩個丫,快"有圖真方便香茅豬扒：味道唔錯，夠"林"，香脆又不太油膩火車頭：湯底夠清，河粉夠滑，牛丸爽滑彈牙三越(併盤)：庶蝦有小小唔夠熱,但味道還可以越南春卷 ~皮脆內軟，配以酸甜醬的味道恰到好處下次再黎要試下菠蘿炒飯

是日為閒日下午茶時段.本來想食"宜家".但係唔記得左佢搬左鋪.得返一個鐘就要去睇戲就求其搵間鋪食德福真係無咩餐廳好揀,見呢間有下午茶,就走去試下同層除左快餐店.唔知點解其他餐廳都極少人.包括呢間在內我地兩個人揀左卡位.座位闊落幾舒適.下午茶有湯粉同d小食揀.對方揀左牛肉湯檬,我就揀左個小食併盆(個tea set個名太長,我簡化左)佢話個檬粉都幾好食.(難得佢話好食.)我個餐有蒜蓉包(唔會好硬身),越式粉包(好似水餃d料,有蘿蔔,木耳,肉碎等等),雞扒(肉唔"鞋").計埋野飲都係三十蚊左右.抵食.

逛完附近的大型傢私Ikxa，回到德福廣場，一個人找尋自己的晚餐，巧見這間越南菜餐廳，決定進內嚐一嚐越！點了一碗雞絲湯粉和一客越南春卷!雞絲湯粉沒有什麼特別，不是很好也不是差，只可能平時食開x棧的湯粉！讚的要是那個春卷，材料很足，外皮很香脆，記得一送到便第一時間品嚐凍了就沒有那麼好吃啊！服務態度算是一般，不過不失吧!

今日去九龍灣果邊做野 , 之後做完野諗住搵D野食下~就去左呢間嚐越因為TEA TIME關係 , 就叫左個 湯河 + 1杯飲品 價錢$30左右味道OK唔錯 環境坐得幾舒服~值得下次再來

今日同媽咪食dinner, 見隔離翡翠要等位, 就走左去對面試下... 點知........ 服務態度極其差劣!!!! order 未講完就走左去!! 好趕囉...... 食物ok都冇用, 絕對唔會再去!!!!