假日美食店 (Closed)

好多種子呀又有質感,唔甜又唔硬

本來reserve 兩個apple strudel，打算一人一個，怎料那女staff 竟說沒有reservation! 剛好看到玻璃櫃裡有german berries strudel pie，很吸引，所以就改變plan ──一個apple strudel 一個german berries strudel pie。堂食幾十元，但takeaway 只需$24，我和jeni 早就決定外帶。本來準備付$48，但原來$24/ PAIR!! 所以說，一個才$12，在holiday inn 下的Delicatessen Corner 的cake 賣這麼便宜，很難以置信呀!批評!!! 那女staff，除了態度差之外，明明take away 也可以reheat，又可以served with icecream，她卻三番四次在電話裡說不可以不可以，但每次換作是另一男staff，卻甚麼都可以。======================================german berries strudel pie $24/ pair 又說reheat 了，卻一點也不warm‧‧‧>"<

於尖沙咀上班, 又要在尖沙咀開餐, 真是極為討厭, 但奈何每天都是如此……從來都未去過holiday inn進餐, 蒙牛話要吃德國腸, 於是一去這兒. 這兒裝潢新舊, 但人客頗多, 差不多有七成滿, 真想不到. 點了一客薄牛肉飽及德國腸拼盤, 薄牛肉飽是一客好像漢堡飽的物體, 味道偏咸, 牛肉的根太多, 令人很難咬開, 而且醬汁奇多, 多得讓飽底都濕透, 將飽拿在手上時, 醬汁跟牛肉一塊兒湧出來, 而且醬汁全流在手指上, 十分狼狽. 令我一路吃, 一路發脾氣德國併盤的腸有3款, 賣相認真麻麻, 清淡的味道都比king ludwig油膩來得更好, 但是吃了一客薄牛肉飽之後, 真令我不想再品嚐其他甜品了, 因為實在太狼狽了.

好香蕃茄味,並沒有被香草味蓋過,而且亦有很多蕃茄乾.

9月30日去到係basement嘅一間餐廳,有啲古舊嘅感覺,唔知佢實在係食咩菜. 餐廳內只有一檯外國食客,咁冷清,我估好食有限啦.午餐有set,亦可以散叫. 一睇餐牌,有咸豬手,又有腸仔,都係德國菜啦. 心目中冇咩要求,又冇咩想食,只係叫咗佢一個叫健康餐嘅set lunch. 其他朋友嘅都係選set lunch. 一個係龍脷柳,一個係火雞柳,我個健康餐係牛仔柳. 全部嘅賣相都好唔得. 有少許嚇人添! 如果再講味道,就真係好一般. 龍脷柳只係配一個調過吓味嘅茄汁,火雞柳個白汁就得個咸字,重有我個健康餐嘅牛仔柳係全熟不單止,最搞笑係啲雜菜用牛油炒,肥到不得了,重叫健康餐真係笑話. 我自問食嘢要求都唔高,可以話冇咩要求,但咁嘅餐,重要係酒店餐廳就真係差咗啲喇. 唔好話係唔係地道德國菜啦,只係當普通西餐都唔多合格.甜品係跟餐自選. 我本身對甜品興趣不大,但都覺得甜品比正餐好. 三件分別係芒果,粟子同藍梅蛋糕,算唔錯.

十一月十九日, 早了到達餐廳, 也不要緊罷, 大家都肚餓, 早點叫晚餐, 燒豬手, 雜腸, 牛仔肝, 肉卷, 青豆湯, 麥啤, 三件cakes, 食物不賴, 只是燒豬手炸過籠... 然而埋單時, waiter 說我們是在茶餐時間落order (六時前), 所以不能享有匯豐信用卡八五折優惠, 可笑, 我們是order main menu 不是tea menu 喎... 為何不能變通一下, 而令我們原本的好印象打了一個大折扣呢??

Walnut Bread $34 ~~ 好好食而且幾多麥,合桃亦唔少.

American Rye Bread $25 per loaf好掂,唔會食到落好多糖及牛油的感覺,包質密度高,所以不會鬆泡泡亦不易爛開.

意大利對捷克當晚,George突然致電南瓜兄,今夜出唔出黎睇波?)我好,see you then.)地點開出三個,PJ Murphy,迪蘭尼同Shooters,George道PJ Murphy的Murphy啤無出面般好飲,迪蘭尼態度愛理不理,老尖間Shooter,s仲摺埋.結果,留守金域假日的Delicatessen Corner.同行者,仲有Glucose同Cicely,令到每一次來到此餐廳,都係與美同行.哈哈哈.除左德國菜外,原來還有球賽直播.當然少不了外面罕見的世界各地啤酒.George的法國啤Kronenbourg1664,finishing味很複雜,有甘涼的蜜糖味.又有少少花草味.我個舌頭,係咪有問題?(此乃我事後飲後感.)我同Glucose先後飲一式一樣,先來德國生啤,再來捷克的Budjovický ,味道幾草根.不自覺地幫捷克打氣.非也,兩隊波非吾所愛,睇落投入感,遠遠不及英格蘭.恩沙基射入二比零.暗地裏為此小馬尾之後,另一有heart的球員鼓掌.捷克老將尼維特,普波斯基雖然黯然出局,但已還了心願.PS:上述1664同捷克啤,Taste有售.$12一支左右,

o係今次visit 中，佢好成功建立同實行呢個形象。首先，問個Captain 個Butler's Platter 大唔大份，答：「咪有2 條腸，有塊豬肉，同有隻豬手囉。」（我夠知啦...menu 都有寫...）食物上得casual（個樣），但都唔錯：兩條腸分別係烤芝士腸同牛仔腸，欣賞佢割開o左既芝士腸D 芝士無流出o黎，但牛仔腸就得個色，味就欠奉；豬手唔錯- 軟身既鹹豬手balance 番「烤野」既口感，憾豬毛未清；懷疑酸椰菜同鹹豬手一齊烚- 夾有鹹豬手絲，但味道都可以（King Ludwig 比較o岩我）；最左邊o個個白色波波係個bread dough - 一個用麵包皮粒「重新建構」既食物，濕濕地，但又唔係一pat 野，味清清地，?o黎送D 勁味野都唔錯。唯獨是豬肉最強差人意- 真係白烚。其他casual 位有：一入門口，三、四個侍應企o係門口...唔係迎賓，係執檯- 執完又執o個D 無人坐既檯- 連坐o係度既客都無人serve（連上包都無人）。好一個酒店既Delicatessen Corner。

(22/6)朋友晚餐後致電出來觀看球賽，還可以。叫了支捷克lager，原來是Bxxweiser同一酒廠。Bud鋟ovickbudvar，試試後，有別不同，入口多了一陣青草味，不與hoegarden同類，但頗為特別。另叫了一大pt德國啤（如圖），經常出現於各pub，繼續收看。最後那場足球，不堪入目，與那支捷克啤一樣，人去留空。

德國菜係香港當然唔算係流行嘅菜系，但好似我呢類咁嘅食肉獸，當然係佢哋嘅忠實fans la...琴晚約咗個好耐冇見嘅朋友食飯，見呢排世界盃，就決定應吓節食德國嘢。一坐低即刻叫咗燒豬手及雜腸拼盤。原本諗住叫燒牛仔肝，但驚食唔晒，所以最後都冇叫...豬手皮燒得脆啪啪，送酒一流，配合酸椰菜，再呷一口啤酒或凍咖啡，一樂也。可惜D肉就燒過咗火，韌得有D似煲湯豬肉，唔夠juicy，認真麻麻...雜腸盤有四款腸如脆皮腸、芝士腸、豬肉腸等，味道一般，不太特別。臨尾叫咗呢度著名嘅蘋果酥卷配vanilla ice-cream，用料足，酸酸地嘅蘋果粒配埋甜甜地雪糕產生咗一個奇妙嘅化學作用。雖然都幾heavy，不過通常好味嘅嘢都係咁gar la..^_^埋單要每人三舊幾，都幾貴，唔太值，不過係香港食德國菜係咁上下價錢la...

是的，已經是2005年8月的事了。那時你曾多麼認真的拍下圖片，今天才發覺，不想辜負就寫了這篇食評~　沒有事先預約，那夜是隨意的來這裡晚餐。大家都想不到酒店的晚餐可以如此經濟，才$128+10%...雖然頭盤的吞拿魚蘆葦卷很普通，但海鮮忌廉湯味道鮮甜；主菜的Deep Fried Ling Fish較乾，羊架卻肉嫩味美；甜品的Tiramisu令我們有點失望，但蜜桃撻卻水準出眾。拉上補下，食物平均質素不算低，服務又稱心，大家都吃得滿意。　其實回憶不一定要開心。有甜有苦，才是人生。希望大家都懂得把握快樂時光，懂得珍惜眼前人吧~

歐州眾多菜系之中,除左英國菜一向比人覺得差之外,其次到日耳曼帝國,有人話德國菜同其國家一樣般機動性地乏味.德國來來去去得香腸,豬手.啤酒,別無其他.(註)巴伐利亞的黑森林呢?)相比歐州其他主流菜系,的確單調得很.連帶德意志上下國家如波蘭,奧地利等邪惡軸心或同盟國家,菜式基本上都係咁悶蛋,波蘭好少少,起碼有餃子.話雖如此,多年前的女朋友,正是德國文化之愛好者,足球捧德國,著波鞋著Puma,音樂就Engima同Kraftwerk.連帶飲食,中國菜以外,便輪到德國菜.年前金域假日地庫的Delicatessen Corner,便是其中一間她最愛的西餐廳之一.連帶小弟其後日子,也光顧數遍.在老尖吃西餐,此店消費算低廉,以酒店級數來講.比同區同類Weinstube,Ludwig更平.始終德國菜,好難賣得貴.一隻豬手百幾銀,已是高消費.每一次來,一定唔叫Set dinner,Set dinner通常只係普通西餐,散叫菜式才能吃出德國菜出來.月前再重臨,面目依舊,人面全非,身邊同行已換上另一個靚女朋友.靚女之前未吃過德國菜,點菜之粗重功夫,又係落在我手上.頭盤,主菜各一,甜品可免則免.青豆茸湯也對味,

買左杯tiramisu($14),好難食呀! 其實如果佢唔係濕成咁都okay ga,佢o個隻濕唔係酒/咖啡咁, 而係水咁!!!!搞到食到想嘔...仲有好搞笑, 酒店竟然用茶餐廳外賣膠羹, 估佢唔到