百匯軒 (Closed)

之前喺個城市花園後面開咗一間百好酒樓，點知原來嗰間已經唔係到，同一個集團就係炮台山站嗰邊嗰間百匯軒。預先問咗百匯軒夜晚會有啲乜嘢餐，拒有一個1888嘅龍蝦餐。見佢張餐單又有龍蝦，又有乳豬全體，又有龍躉魚，又有魚翅，亦都有最正常嘅雞，好似好正甘，就叫左半圍。出嚟第一碟就係上湯龍蝦伊麵，見佢好似都幾大碟下，龍蝦肉都好似好多。但食落肉就唔算多，味道就正常，龍蝦都經過炸先再煮上湯麵。但係開始就覺得差咗好多，佢本身係包豬全體，但係因為叫咗半席嘅關係，所以就剩係得一半。但係佢攞出黎果隻乳豬感覺就淨係得三份一，得10幾件用而且肉唔多，全部都係皮。但味道方面乳豬皮係脆的，奉出來有餘温。之後攞出嚟嗰啲就仲過分，係帶子蚌片炒西芹，佢拎出嚟嘅份量比傳統嘅小菜仲要細碟，味道就正常。其餘嘅嘢都係細碟得制，味道就好正常，唔係好味，又唔係差。唯一要提一下就係隻雞係幾好食，皮都脆，暖暖地，個肉好滑，就算係雞胸位都好食。另外見佢有啲特價嘅小菜就叫左兩份蒜蓉粉絲蒸帶子，呢個蒜蓉粉絲蒸帶子味道就真係麻麻，佢用又唔係蒸魚豉油係家樂牌方型嗰陣豉油味，唔好食，粒帶子仲要好細粒好乾，而且已經唔痴殼，預先整左出，唔似新鮮製造。盛惠1

呢間成日都去飲茶，呢期好鍾意叫呢個薑汁糕，薑味幾濃，而且我好喜歡煙韌彈牙有咬感既糕狀甜品，呢個唔錯。但流心奶黃就強差人意了。已經一上枱就襯熱食，但仍然一點都唔流心。

8月11日, 今日帶B豬同公公婆婆仲有佢個舅父仔去飲茶~ 近近地去咗屋企附近一間轉手過N次既酒樓, 雖然不停易手, 但今次易手總算不論環境同食物都比之前有進步!::: 蝦餃 :::望落層餃皮已屬偏乾無光澤, 雖然唔算好厚皮, 但口感確實有d韌. 內裡d蝦尚算鮮爽彈牙, 叫做唔錯啦~::: 鳳爪排骨飯 :::用迷你瓦煲煮好飯, 再鋪上鳳爪同排骨, 每樣餸有兩件. 飯粒比較乾身, 餸汁亦唔多. 但因為鳳爪同排骨都夠味, 所以都ok.::: 蠔皇叉燒包 :::叉燒包三個有兩個都係爆晒口, d叉燒餡爆晒出黎~ 不過例牌都係肥肉較多, 調味好濃嗰種...::: 潮州蒸粉果 :::潮州蒸粉果係媽媽最愛, 而呢度既粉果亦不過不失~ 皮薄餡多, 不過同蝦餃一樣略為偏乾.::: 馬拉糕 :::馬拉糕要讚! 係傳統做法既馬拉糕, 但味道唔會太甜, 糕身亦比較鬆軟, 好味~::: 牛肉腸粉 :::牛肉腸粉一碟長條奉碟, 係貴價酒樓既賣相. 腸粉唔算好滑, 但口感煙韌, 內裡餡料不多. 質素中規中矩.::: 燒賣 :::燒賣味道唔錯, 雖然都有好多肥豬肉, 但勝在夠juicy唔會好dry~::: 香茜牛肉球:

Came here for dinner and these two were my favourites.金裝貴妃豆腐The tofu was golden and crispy topped with vegetable sauce.蠔皇金錢扣鵝掌The braised duck feet and Chinese mushrooms are always my favourite.The ducks feet were soft and gelatinous and the mushrooms had a rich flavour.The ribs  were deliciously coated in fruity sauce that was not too sweet, but they had to be eaten quickly before they got soft, hence no pictures.◎ⓢⓤⓟⓔⓡⓢⓤⓟⓔⓡⓖⓘⓡⓛ◎The bill: $1xxService: OKService charge: 10%Yummy factor: okToilet

住港島既我好易就搵到呢間野不過果面人流少, 而且平日去, 夜晚都好多吉位百匯軒洗手間乾淨, 地方都好闊落,請人食飯傾下計就好岩~ 因為唔嘈待應哥哥服務好好~ 想要叫乜都好快仲好貼心提示人未齊唔好叫上菜住幫我hold到齊人先上, 因為上菜好快一黎到就叫返D招牌餸菜:1. 石榴一字骨2. 鮮百合油泡蝦球3. 金裝貴妃豆腐4. 花膠鮑魚鵝掌煲果然, 上菜速度真係好快, 5分鐘都唔洗已經上菜仲要樣樣望落去都好OK1. 石榴一字骨味道好特別! 酸酸甜甜咁樣, 夾雜左石榴既味道送飯一流, 令人好開胃2. 鮮百合油泡蝦球蝦球好新鮮, 入口好爽3. 金裝貴妃豆腐有驚喜! 平時唔食豆腐既我都覺得好好味因為佢炸得岩岩好, 好香又唔油膩4. 花膠鮑魚鵝掌煲成粒鮑魚喺度, 都足料, 不過有d咸好多蔥本來想叫燕窩燉雙皮奶..點知佢話冇椰王所以叫左5. 燕窩香芒布甸做甜品不過麻麻地,,唔夠芒果味..可以不試最後, 當然要叫返罐生力啤啤佢~ so happy不過略嫌價格少貴, 因為3個人食...都食左成$565

酒家裝潢算新淨，舒適度及衛生評分滿意。下午二時入座，可享下午茶時段優惠。燒腩仔：皮夠脆，略肥身及鹹了少許。黑松露野菌餃：松露香氣中度，野菌饀料香爽。鳳爪：腍身入味。藥膳蒸雞：泛有獨特藥材香氣，個人覺得吸引，蒸雞幾滑溜，只是切得細件一點。XO醬蘿蔔糕：XO醬口味不算很濃，蘿蔔糕算有口感不過腍散。XO醬腸粉：XO醬味道同樣不算濃郁，辣度比蘿蔔糕稍強，腸粉普通。馬拉糕：甜度鬆度對辦。切雞米：切雞用上雞脾部份，肉質滑嫩，富雞香。菠蘿叉燒炒飯：感覺有點似臘味飯，飯底質感油潤，菠蘿及叉燒出味不突出。

今天上午大約十二時，我們來到百匯軒飲茶，無論哪方面的水準都大大提高。先說環境，非常光猛，而衛生方面亦很乾淨。我們點了下列的點心，每個都很有水準。白灼西生菜：生菜非常新鮮，精瑩剔透，吃下去很爽。百匯軒蝦餃皇：皮的厚度剛剛好，裏面的蝦在皮下若隱若現，吃下發現那蝦是原隻的巨大蝦球，非常好。鮮蝦菜苗餃：裏面的菜苗非常多，有著盆滿缽滿的感覺，加上精美的蝦球，簡直是完美的配搭。子薑牛肉球：很多酒樓的牛肉球都是用腐皮、冬菇或菜來做襯托，但是子薑真的少見，很有創意。子薑的酸甜跟牛肉的鮮渾在一體，感覺良好。黑松露野菌餃：濃郁的黑松露和野菌味，極之滿足，薄薄的皮裏蘊藏著大大小小的野菌，口感非常好。金珠鹹水角：一咬下去，卜卜聲四起，皮脆到不得了，裏面的餡非常豐富。鮮肉片皮蛋粥：粥感很綿，皮蛋多，肉片也挺大塊的，驚喜的是，裏面有些生菜！海皇雜錦窩麵：麵的幼度非常好，料足，湯多，一個字說完，惦！薑汁千層糕：一上檯，濃厚的薑味立刻升上來，滿足各位的嗅覺，彈牙的表面，薑汁滾落喉嚨，驅風，為這頓飯畫上完美的句號。