蒂蒂香 (Closed)

是日宵夜驚喜發現😋你見到咁厚切就知係正野👍好好好彈牙 你食過就知我無誇張😂一粒粒橙色個啲就係卵 墨魚餅食得多 呢個真係第一次食🙈好有驚喜～墨魚味濃郁 但如果可以少油就更好💃個手打墨丸好好好好味 有別於一般食開個種😍好有驚喜好彈牙 墨魚味係好真實個種！連我朋友唔食墨魚丸都讚😀睇黎以後打邊爐都要係度入貨先得😙手打麵雖然無入鏡 但好有𡁻口麵質係好好既 個人就麻麻地個肉醬😐味道有啲淡 可以更濃🙆 牛丸quality都好好 有牛味 而且都係好彈牙😀但是個蘿蔔就有啲失望 唔夠甜 仲有少少渣添 可以不試😗個人覺得手打湯麵比撈麵好食 因為連個湯底都好掂👍好欣賞佢手打既心機 用心真係會食得出😊支持呢間有質素既潮洲粉麵店！

一心來食魚蛋，研究餐牌後見有手打麵，臨時變心點選滋味醬手打麵，另加炸魚腐。滋味醬是甚麼？不知道喔。店員聽過選單，主動建議將散叫的菜單改組，讓我得以同一價錢食到更多魚腐。聽過店員拆解後，驚訝她非常熟悉餐牌，超欣賞她的細心，樂得依從。其他顧客向她落單時，她故技重施作溫馨提示，免卻客人重複點選同款食物，窩心到極。等候一段時間，滋味醬手打麵連一碗湯登場，另一店員稱湯頭不含味精。嚐過幾口，沒有死鹹或口渴感，加點入麵伴吃，味道挺不錯。滋味醬份量頗多兼稠身，與麵伴均後食用，很快糊口，飽肚指數高，將湯入麵後則可令你容易食多幾口，不會淪為大嘥鬼。炸魚腐則有別本地版本，以腐皮包魚肉同炸，味道勝南記春卷，可惜很難咬開，進食時有困難。如在上枱前先將它切件，會是大功德。 今次用餐，記憶最深的不在食物，而是一班用心工作、從客人角度出發的店員，期望保持服務水準。

上一次唔打唔撞, 本來是去旁邊的潮州麵店, 但蒂蒂香的店員跟我用帶有潮州鄉音的廣東話介紹潮州魚蛋, 立即因為鄉音轉改食這間完全其貌不揚的餐廳說真的, 佢地門面到內面裝潢都好似返了去大陸咁....D 顏色真的好唔得, 仲要用白光....一個諗緊自己食咩的路人, 又唔係潮州妹, 是不會想行入去難怪沒有人我們叫了雜錦河, 有魚餃, 魚丸, 墨丸, 魚卷, 肉札 因為是潮州手打, 真的彈牙! 好明顯是打到起膠了 , 而且都大大粒潮汕手打撈麵 : 佢地自家秘製的醬, 好食哦! 是麥麵來的! 彈牙的口感 , $34 可以食到好驚喜 魚腐卷, $6 兩條! 雖然賣相很差, 但真心好食, 中間的魚腐也是手打到起膠所以很有口感 

在云云於本地可以找到的魚蛋粉麵店當中，這一間來自汕頭的百年老字號可算是其中的翹楚....已先後來堂食或外賣許多次，魚蛋、魚扎等各類的東西的水準都是如一貫徹地好，是從沒有水平不穩定之弊。所以亦放心的推介給一向甚愛吃魚蛋粉的太太吃....果然她一吃之下，便從此愛上了....今天試試看帶小朋友過去食，他對魚蛋竟沒太大興趣，但反倒卻對不是作主打的墨丸來得個大愛吃，一囗氣便將整碗東西吃個清光....自己也沒有試過這裡們墨丸。試了一粒，肉味很足質地相當的彈牙。丸內是真正吃到切成小粒的墨魚，足料非常。怪不得小友瞬間就將之清倉了....最基本的魚丸加魚餃的組合，前者魚味濃郁依舊爽彈。不喜歡的人可能會說它有一點腥，但於我而言，這才是鮮味的源頭。若連這種味道也欠奉的話就跟嚼蠟沒有大分別了；後者的燕皮呈米白十分的煙韌且存甜味，餡內的肉結實有咬頭亦很鮮，一流....粉麵方面小弟當然選了真材實料打的魚麵。麵放入嘴後每一口都是魚肉的鮮味，就像將切成長條的魚片放進囗內，過癮非常....店內除了粉麵以外還提供有一系列的小食。自己也是第一趟吃這墨魚卵，光聽名字就估計到一吞下去，體內膽固醇的指標便要馬上升高....咬一口

作為香港美食之星,帶住個遊客喺隔離街吃左失敗嘅豆腐之後立即保飛,請佢食番正宗潮州魚旦粉.其實呢間隱世美食店無咩人識,裝飾又一般,所以大把位坐(其實門口好大個蔡さん喺度)佢地d魚旦粉唔平,不過出面果d連鎖店都差不多,但勝在真材實料(仲要係physically都好實果隻)入正題,為左要俾個鬼妹一口氣可以試晒所有野,所以好豪咁叫左雜錦面+魚腐+牛丸+滷肉另外再加左個撈魚面,真係飽到上心口本身有魚餃,魚旦,墨丸,魚卷,札肉好多野食;魚餃超正,入面好實好足料,重點係鮮魚肉,唔係出面舖頭果d爛鬼肥豬肉魚旦,墨丸好實,好彈牙,真係可以攞黎打乒乓波魚卷一般,無咩特別札肉用越南果d完全唔同,竟然好彈牙魚腐+牛丸+滷肉.....都好入味,真係癈話都要講句牛丸有好濃牛味,魚旦有好濃魚味,墨丸好濃墨魚味同場加影撈魚面,好似食緊一大碗魚片咁,加埋肉碎同麻醬,真係好香口,食到停唔到口由於貪心叫左太多野,d丸又粒粒都鬼死咁彈牙,我食要餐飯個牙齒好攰呢間店真係很有水準,我食左幾廿年魚旦粉,估唔到仲可以有驚喜,蔡さん介紹果然"近"

前晩睇完Concert in the Dark, 餓餓地，老婆帶左我去食佢成日同我講好好味，好正宗既潮州粉麵店，估唔到真係咁好味！間舖同一般粉麵店無乜分别，行過都可能miss左嗰種，但啲野食真係好好味！同老婆叫了一碗四寶丸河粉，一碗牛丸魚麵，啲丸好juicy同好足料，份量十足，但最吸引我的係個湯底同魚麵，個豬骨湯底好清甜，唔覺有味精，嗰姐姐見我咁鐘意，仲私人整多碗我嘆吓tim

獨自來吃過兩次，一次晚上，一次中午。先講夜晚個次，食魚丸魚卷河，河粉就麻麻，幾嚡口，魚卷我覺得仍有丁點腥，不過魚丸就真是一流，足以挽回分數。午市的那次，是吃沙茶醬肥牛河，河粉同樣的質素，肥牛是大路貨色，沙茶醬幾惹味，都可以接受。當然不會浪費Quota在這裡飲咖啡，凍檸茶是我的選擇了。

見餐牌介紹這道菜就叫咗一碟潮式炒魚麵但非常失望。麵竟然可以咸到苦。  魚麵本身就已經有調味過所以我估廚師係過渡落鹽。推進這道菜簡則是笑話因爲真係好難食、而且又唔平。47蚊買個超咸而唔enjoy嘅晚餐不值得。雖然難食但服務態度一流: 好有禮貌同熱情。

雖然價錢偏貴，但真係貴在手打魚麵，麵質好彈牙，暫時香港無第二間食到，好特別好好味，但魚旦就一般，其他普通米線/粉就一般價錢，非常鐘意滋味醬撈手打魚麵，彈牙又野味，另包魚湯真係飲得出無咩味精。

星期日的這一天，剛好有事要出太子，突然想食魚蛋粉，所以不作多想，雙腳就向蒂蒂香行去啦~店子主打潮式手打魚丸及魚湯才剛坐下，店員立刻熱情地推介，不過因為我們都已經食過好幾次，所以都拒絕店員的推介囉~我們分別點了魚餃魚蛋米和魚餃魚扎米，然後把餸分著食~魚湯是對板的奶白色，喝一口，有魚的鮮味魚餃的燕皮韌性十足，肉餡子爽口得黎又帶有肉汁魚扎是用魚肉做成的皮包著豬肉，魚香跟豬肉香混和在一起，和諧又美味魚丸彈牙，鮮味十足外加一碟芥蘭走油，芥蘭翠綠的這樣的一頓只需$68，都頗經濟實惠~不過老實說，它的魚湯雖然美味，但已經比初開業時失色了許多!!當日的魚湯是更為鮮味，魚味更濃呢!!現在的魚湯，多了一份令人口渴的感覺呀....希望它能變回以前的水準啦!

夏天熱到黐線，係旺角快手買完嘢，就諗住搵間餐廳食小小嘢，雖然話旺角好多餐廳不過其實有時想真係搵嘢食嘅時候係唔知去邊度有嘢食加，我同朋友有路就行，咁熱食碗魚蛋湯麵都ok嘅，就走左入去啦，驚喜質素唔錯，我食左個魚皮餃米粉，魚皮餃都唔錯，皮唔厚，出面食過啲又厚又硬嘅魚皮，都唔知似咩。魚皮餃裡面嘅肉都好正呀，米粉湯底帶小小清甜唔會話太濃味又話姐完全無味，需要落辣油加味，加埋啲蔥食，好飽肚嘅。

「汕頭 蒂蒂香」起太子唔知幾時開既呢？！是日，想食過簡單而清淡既午餐，選了這裡。點了一碗「魚卷粉 $28」送熱飲，原來這店是全日送熱飲，凍飲加$2。 價格合理 good一碗有六粒魚卷，魚卷外層白色的內裡包著魚肉，幾彈牙架。魚味雖不算好濃郁，論口感同整體味道已不錯了。我本身很怕太林身而無味既丸子。（P. S.  朋友點左牛腩，時間炆得不夠，所以不入味同唔夠林）另有，有不同小食供應。

剛過去的週末, 路過太子一潮州粉店, 名字雖然有點"涼", 但見不少人幫親, 再加上牆上貼上了多張大大粒魚丸的相片, 便入去試一碗27蚊的魚丸粉, 價錢公道, 品質是超值的, 魚丸很爽, 很有魚的味道, 紫菜, 蔥花的配合, 令味道更深刻, 店內播放店主接受big6 電視台的訪問, 看見魚丸生產過程, 雖然"涼""涼"地, 但又好欣賞如果間食店在尖沙咀有分店, 那可方便我午餐去打打卡了

黎左2次2次都係食滋味醬撈麵，麵好彈牙好似搵麵甘，好味道夠特式，另外包一碗魚湯好清湯，感覺像沒有味精。豆漿就太甜，都係飲第2 d飲品好些，另外d魚麵很貴成5，60蚊一碗。另外有些職員較黑sale

每年習慣提早到花墟買年花, 今年也不例外. 出發前當然先行祭祭五臟廟, 見到這間店的名字很古怪, 叫做"蒂蒂香", 主打潮式手打丸, 便入內一試. 店子是新派裝修, 有點像南記, 燈光光猛得有點剌眼. 安坐後, 當我們正在看餐牌時, 侍應便主動過來問我們光顧過沒有, 第一次來的話便介紹一下店子的幾款招牌美食, 又指示我們三人該如何點食物. 說得詳細, 但更像背書, 一大串的, 令人聽得有點煩. 不過結果我們也是點了她推介的雜錦河和手打麵. 雜錦河 ($50): 說是雜錦, 當然是每樣食材都是有一點, 包括魚餃, 魚丸, 墨丸, 魚卷, 肉扎. 另外加了牛丸($5)和魚腐($5). 河粉的份量不多, 只是普通米線的份量, 不過河粉太腍, 一夾即散! 店家強調, 魚腐是用近期最熱爆的樹記腐皮做成的, 入口豆味重, 反而魚肉味輕, 一般彈牙而已; 肉札內裡的是豬肉, 肉味尚可; 至於手打丸方面, 各款丸(魚丸, 墨丸, 牛丸) 的確很彈牙, 但口感偏硬, 不大喜歡. 起初以為這裡的雜錦河, 就像譚仔的過橋米線一樣, 食材和份量都是king size的. 但原來完全不對, 雜錦河的份量, 極其